ከስነ-ፅሁፍ ዓለም

2023-04-12 10:08:19 ሀጢአት / ጽድቅ
         


ሀጢአት ለሠሪው፣ ምኅረት ለአክባሪው።


ጽድቅ ለመንኳሽ፣ ቀኝ ለከሳሽ።


ሀጢአት ሲደጋገም ጽድቅ ይመስላል።


ጽድቅ እንደ ላሊበላ፣ እድሜ እንደ ማቱሳላ።


ለሀጥአን የወረደ፣ ለጻድቃን ይተርፋል።


ጻድቃን ሳይቀጣጠሩ ይገናኛሉ።


ሀጢአት ሳያበዙ፣ በጊዜ ይጓዙ።


እሴት ለጻድቃን፣ ፍዳ ለሀጥአን።


ሀጢአት በንስሃ፣ እድፍ በውሃ።


ጽድቁ ቀርቶብኝ፣ በቅጡ በኮነነኝ።


የሀጢአት ክፉ ጉቦ፣ የበሽታ ክፉ ተስቦ።


የሰጡት ያጸድቃል፣ የለበሱት ያልቃል።


ሀጢአተኛን ሀጢአቱ ያሳድደዋል።


እጸድቅ ያለ መንኩሶ፣ እ'ካስ ያለ ታግሶ።


ለሀጥአን ቅጣት፣ ለጻድቃን ሽልማት።


ያልተማረ አይጸድቅ፣ ያልተወቀረ አያደቅ።


የሀጥኡ ዳፋ፣ ጻድቁን ያዳፋ።


      
   ነገር በምሳሌ
@ethiobooks ክፈት / አስተያየት ይስጡ

2023-04-10 10:15:09 ተ ገ ር ሜ
══ ❁ ══
አቤል ሙሉጌታ
@ethiobooks


[ዝቅ ብያለሁ ... አመስግኛለሁ
የ'ጆቹን ጥበብ መልኬን እያየሁ
በልዩነቴ ... በአፈጣጠሬ
እንድውል አረ'ከኝ ተገርሜ] 2×
[ተገርሜ - - - ተገርሜ
ተደንቄ - - - ራሴን አውቄ] 2×


አባቴ በጥበብ ካ'ፈር አበጀና
አፈር አ'ርጎ ሠራኝ ከሴት እንደገና
ልጅነት ያላየው ጎልማሳው አባቴ
ዳግም ተፀንሶ ልጅ ሆነ ለ'ናቴ

ይገርማል ይገርማል የሰው ልጅ ተፈጥሮ
ዘመኑ ሲያበቃ ሲኖር ተሰውሮ
አካሉ ቢበርድም ስጋው ቢቀበር
ህያው ነው መንፈሱ ፀንቶ የሚኖር
ኦ ... አሃሃ ... ሃሃ ... ኦ ... አሃሃ ...
አንዳች ነገር የለም በምድር ላይ
የሚያስገርም ከሰው በላይ


[ዝቅ ብያለሁ ... አመስግኛለሁ
የ'ጆቹን ጥበብ መልኬን እያየሁ
በልዩነቴ ... በአፈጣጠሬ
እንድውል አረ'ከኝ ተገርሜ] 2×
[ተገርሜ - - - ተገርሜ
ተደንቄ - - - ራሴን አውቄ] 2×


ወንድሜ ራስህን እስኪ ተመልከት
ከፍጥረት ልዩ ነው ያንተ ሰውነት
አትጉዳት ነፍስህን ደሃ ነኝ እያልክ
በከበረ ድንጋይ ታንጿል ቤትህ

ይገርማል ይገርማል የሰው ልጅ ተፈጥሮ
ዘመኑ ሲያበቃ ሲኖር ተሰውሮ
አካሉ ቢበርድም ስጋው ቢቀበር
ህያው ነው መንፈሱ ፀንቶ የሚኖር
ኦ ... አሃሃ ... ሃሃ ... ኦ ... አሃሃ ...
አንዳች ነገር የለም በምድር ላይ
የሚያስገርም ከሰው በላይ። ||


@ethiobooks ክፈት / አስተያየት ይስጡ

2023-04-10 10:13:01 ክፈት / አስተያየት ይስጡ

2023-04-08 11:30:26 ጃኪ ዴቪስ - 2 የመጨረሻው! ክፈት / አስተያየት ይስጡ

2023-04-08 11:00:12 ጃኪ ዴቪስ - 1 ክፈት / አስተያየት ይስጡ

2023-04-08 10:56:02      ጃ ኪ  ዴ ቪ ስ
          ━━━━━
የመጀመሪያዋ ሴት የጥበቃ አጃቢ
  «ሌላውን ለማዳን እሞታለሁ»
         @ethiobooks ክፈት / አስተያየት ይስጡ

2023-04-08 10:55:49 ክፈት / አስተያየት ይስጡ

2023-04-07 09:04:21 ዕውነት በሰው ቁመት
══✦══
ታገል ሰይፉ
'
አወይ ሰው ምስኪኑ
ሲጎልበት ቀኑ
በደከመው ጎኑ
ፅኑዎች የሆኑ
በርሱ እንዳይጨክኑ
አቤት መማፀኑ
* * *
አቤት ሰው ምስኪኑ
ሲመቸው ዘመኑ
በፀናበት ጎኑ
ደካሞች የሆኑ
እንደርሱ ካልፀኑ
ወይ አጨካከኑ።
═══════


የእኛ ነገር ...
═✦═
ለሥራው . . .
አሞኝ ብርዱን ፈራሁ
ለውዳሴ . . .
እስርስር ምላሴ
ለወቀሳው . . .
የሞትኩት ተነሳሁ
═══════
የሰዶም ፍፃሜ

https://t.me/Ethiobooks ክፈት / አስተያየት ይስጡ

2023-04-05 10:22:14 የደለቡ ክፍያዎች
══ ✦ ══

በስነ-ፅሁፍ ሙያ ለተሰማሩ ደራሲያን ከተሰጡት ክፍያዎች በቃላት ደረጃ ብቻ 15 ሺህ ዶላር በማግኘት ከፍተኛውን ደረጃ የያዘ ደራሲ አለ። ይህም ደራሲ ከ1898 - 1961 የኖረው አሜሪካዊው ኧርነስት ሄሚንግዌይ ነው።

ሄሚንግዌይ "ዘ ሎንገስት ዴይ" በተሰኘው ፊልም ጽሑፍ (ስክሪፕት) ላይ ጆንስ እና ግሎሪያ ከባህር ዳርቻ ተቀምጠው ከሚነጋገሩት ምልልስ መሃል «I can't eat that blood old box of tunny fish» የሚለውን ዓረፍተ ነገር ሁለቱን ቃላት አሻሽሎ፣ አራቱን ቃላት ደግሞ ለውጦ ወደ «I can't stand this damned old tuna fish» በመቀየሩ፤ በአሻሻለውና በለወጠው በእያንዳንዱ ቃል 2 ሺህ 500 ዶላር፤ በጠቅላላው በስድስቱ ቃላት 15 ሺህ ዶላር ተከፍሎታል።

በዚህ ወደር የለሽ ክፍያው "ዘ ጊነስ ቡክ ኦፍ ወርልድ ሪከርድስ" ሄሚንግዌይን የቀደምትነት ደረጃ በመስጠት መዝግቦታል።

ከዚህ ሌላ "ስፖርትስ ኢሉስትሬትድ" ለተሰኘ መጽሔት በ2 ሺህ ቃላት ስለ ጎሽ ትግል ስፖርት በጻፈው መጣጥፍ፣ በእያንዳንዷ ቃል 15 ዶላር፣ በድምሩ 30 ሺህ ዶላር ተከፍሎታል።

ሄሚንግዌይ "የታላቅ ክፍያ አዚመኛ" የሚያሰኘው ሌላም የብዕር ውጤት የገጠመው ሰው ነው። ይኽውም "ዘ ስኖው ኦፍ ኪሊማንጃሮ" የተባለው የአጭር ልቦለድ ድርሰቱ፤ ከአጭር ልቦለዶች የሽያጭ ዋጋ ታሪክ ውስጥ የመጀመሪያውን አስደናቂና ከፍተኛ ክፍያ አስገኝቶለታል።

ሄሚንግዌይ በዚህ ድርሰቱ በ1936 ታትሞ ከወጣበት ጊዜ አንስቶ በተሸጠውና በኋላም ድርሰቱ በፊልም ተሰርቶ የተሰጠውን ክፍያ ጨምሮ በጠቅላላው 250 ሺህ ወይም ሩብ ሚሊዮን ዶላር የሚጠጋ ገንዘብ እጁ ገብቶለታል።
━━━━━━━━
ጣዝማ - አስደናቂው
የደራሲያን ሕይወት
ንጉሤ አየለ እና ደጀኔ ጥላሁን

https://t.me/Ethiobooks ክፈት / አስተያየት ይስጡ

2023-04-04 20:41:00

ክፈት / አስተያየት ይስጡ