ከስነ-ፅሁፍ ዓለም

2023-06-05 10:00:02 ካፒቴን ጆን ብላንቻርድ
═══ ✦ ═══
ግሩም ተበጀ
'
ካፒቴን ጆን ብላንቻርድ ከተቀመጠበት አግዳሚ ወንበር ተነስቶ ዩኒፎርሙን እያስተካከለ ከፊት ለፊቱ ከታላቁ የኒውዮርክ ማዕከላዊ የባቡር ጣቢያ እየተገማሸረ የሚወጣውን የሰው ጎርፍ ይመለከት ጀመር፡፡ አዎን ዛሬ በታላቁ የባቡር ጣቢያ ታላቅ ቀጠሮ ይዟል። በልቡ ውስጥ ታላቅ ቦታ ለያዘች ግን ፈጽሞ ፊቷን አይቷት የማያውቀውን፣ ጽጌረዳ አበባ ይዛ የምትጠብቀውን ልጅ እየጠበቀ ነው።

በልጅቷ ላይ ስሜት ያደረበት ከዛሬ 13 ወራት በፊት ፍሎሪዳ ካለ ቤተ-መጻሕፍት የመጽሐፍ መደርደሪያ ላይ እንደዋዛ አንድ መጽሐፍ አንስቶ ገጾቹን ካገላበጠ በኋላ ነው። ቀልቡን የሳበው በመጽሀፉ ውስጥ የተጻፈው ቁምነገር አልነበረም። ይልቅስ በመጽሐፉ ገጾች ጥግጋት በልስልስ የእጅ ጽሑፍ በእርሳስ የሰፈሩት ማስታወሻዎች አንድ ረቂቅና አማላይ ነፍስን አመላከቱት። "ማን ይሆን እነዚህን ማስታወሻዎች ያሰፈረው?" ሲል ተደመመ።

ከመጽሐፉ የፊት ገጾች መሃል የመጽሐፉ የቀድሞ ባለቤት ስም ሰፍሯል - ሚስ ሆሊስ ሜይነል። ከብዙ ጥረት በኋላ አድራሻዋን ለማግኘት ቻለ። የምትኖረው ኒውዮርክ ውስጥ ነው። ደብዳቤ ጽፎ ተዋወቃት። እናም እንዲጻጻፉ የብዕር ጓደኛው እንድትሆን ጠየቃት። ብዙም ሳይቆይ ግን...የሁለተኛው ዓለም ጦርነት በመቀስቀሱ አሜሪካንን ጥሎ ወደ ባህር ማዶ አቀና፡፡ ከዚያ በኋላ ለቀጠሉት ለአንድ ዓመት ከአንድ ወር ጊዜያት በርካታ ደብዳቤዎች ተጻጻፉ፣ ይበልጥም ነፍስ ለነፍስ ለመተዋወቅ በቁ።

የተጻጻፏቸው እያንዳንዱ ደብዳቤዎችም በለም ልብ ላይ እንደሚያርፉ የፍቅር ዘሮች ነበሩ። ፍቅር አቆጠቆጠ። መውደድ ወፊቱ ክንፏን ዘረጋች። ካፒቴን ብላንቻርድ ፎቶዋን እንድትልክለት ጠየቃት። እሷ ግን አይሆንም አለች። "የኔ ገጽታ በግንኙነታችን ላይ የሚያሳድረው ተጽዕኖ አለ?" ስትል ጠየቀች። "ከሌለ ፎቶዬ ምን ያደርግልሃል?"

ጦርነቱ ተጠናቅቆ ካፒቴን ብላንቻርድ ከአውሮፓ የሚመለስበት ጊዜ ሲደርስ፣ በኒውዮርክ ማዕከላዊ የባቡር ጣቢያ ከምሽቱ አንድ ሰዓት ላይ ለመገናኘት ተቀጣጠሩ። "በቀጠሯችን ሰዓት በቀላሉ እንድትለየኝ በኮቴ ላይ ቀይ ጽጌረዳ አደርጋለሁ።" ብላ ጽፋለታለች። እናም... እነሆ... ካፒቴን ብላንቻርድ ዩኒፎርሙን
እያስተካከለ... በልቡ ውስጥ እንጂ በመልክ የማያውቃትን ባለ ቀይ ጽጌረዳዋን ጉብል ይጠባበቅ ጀመር። ከዚህ በኋላ ያለውን ገጠመኙን ራሱ ካፒቴን ብላንቻርድ እንዲህ ሲል ይተርክልናል፦

«አንዲት ቆንጅዬ ልጅ ወደኔ አቅጣጫ ስትመጣ አየሁ። ሸንቃጣ ነች። ከጠራ ሰማያዊ አይኖቿ ጋ ወርቃማ ጸጉሯ ትከሻዋ ላይ እንደ አንዳች እየተነሰነሰ ወደኔ ስትመጣ ራሷ ጸደይን ትመስላለች። ያለማመንታት በደመነፍስ ወደ ልጅቷ አቅጣጫ መጓዜን ቀጠልኩ።» ...
➠ ➠ ➠
@ethiobooks ክፈት / አስተያየት ይስጡ

2023-06-05 09:04:25 ╔══ ══╗
ከስነ-ፅሁፍ ዓለም

'
የቻናላችን

https://t.me/Ethiobooks ቤተሰብ ይሁኑ፣ ለወዳጅ ጓደኞችዎም 'share' ያድርጉ።


ለማንኛውም አስተያየት፣ ስነ-ፅሁፋዊ ጥቆማና ማስታወቂያ ፦
@firaolbm እና
@tekletsadikK ን ተጠቀሙ።
በአክብሮት እንቀበላለን።

አብረን እንዝለቅ።
@ethiobooks
╚══ ══╝ ክፈት / አስተያየት ይስጡ

2023-06-03 12:59:57 ሪቻርድ ሶርጌ - 4 የመጨረሻው! ክፈት / አስተያየት ይስጡ

2023-06-03 12:15:01 ሪቻርድ ሶርጌ - 3 ክፈት / አስተያየት ይስጡ

2023-06-03 11:30:13 ሪቻርድ ሶርጌ - 2 ክፈት / አስተያየት ይስጡ

2023-06-03 10:45:00 ሪቻርድ ሶርጌ - 1 ክፈት / አስተያየት ይስጡ

2023-06-03 10:40:32 ክፈት / አስተያየት ይስጡ

2023-05-17 10:00:26 ወ ይ . . .



ወይ ጋሻ፣ ቀድሞ ቀረሻ።


ወይ ጉዴ፣ ላግባሽ አለኝ ነጋዴ።


ወይ ካ'ለው ተወለድ፣ ወይ ካ'ለው ተዛመድ።


ወይ አጥፍቶ ይርቋል፣ ወይ አንድዶ ይሞቋል።


ወይ አለማወቅሽ፣ መራቁ አገርሽ።


ወይ ዘንድሮ፣ አለች ቀበሮ።


ወይ ጣጣ፣ ምን ነገር መጣ።


ወይ ውረድ፣ ወይ ፍረድ።


ወይ የምድር ሰው፣ እኔ ዘንድ መጥተህ ባየኸው።


ወይ አታምር፣ ወይ አታፍር።


ወይ ተሸከመኝ፣ ወይ ግፋ፣ ለደገፋ።


ወይ ባይ፣ እንደ ጠሪው ነው።


ወይ አበዳሪ፣ ወይ ተበዳሪ ይሞታል።


ወይ መሮጫ ሜዳ፣ ወይ መውጫ ቀዳዳ።


ወይ ልጅ፣ በማን እጅ።


ወይ ጣጣ፣ በዚህም አያስወጣ።


ወይ አገርሽ መራቁ፣ ልቤ አለማወቁ።


ወይ ባልዘፈንሽ፣ ከዘፈንሽም ባላፈርሽ።

       
   ነገር በምሳሌ
@ethiobooks ክፈት / አስተያየት ይስጡ

2023-05-15 10:00:09 ━  ሲ ድ ኒ   ሼ ል ደ ን  ━

እ.ኤ.አ. February 11,1917 Chicago, Illinois የተወለደው ሲድኒ ሼልደን፤ ዓለማችን ካፈራቻቸውና በስነ-ጽሑፍ ሥራዎቻቸው አንቱ ከተባሉ የስለላ መጻሕፍት ታላላቅ ደራሲዎች መካከል አንዱ ነው፡፡

በ10 ዓመቱ ሲድኒ የመጀመሪያ ግጥሙን በ5 የአሜሪካን ዶላር በመሸጥ የደራሲነት ሕይወቱን አሟሽቷል። በዴንቨር ኮሎራዶ የሁለተኛ ደረጃን ካጠናቀቀ በኋላ በኖርዝዌስተርን ዩኒቨርሲቲ በስኮላርሺፕ ትምህርቱን ተከታትሏል።

በ1937 ሼልደን ሆሊዉድን በመቀላቀል የፊልም ስክሪፕት ጸሐፊ ሆነ። ከረዥም ልቦለድ ሥራዎቹ በፊትም በበርካታ የፊልም ድርሰቶችና የቴሌቪዥን ድራማዎቹ ዝነኝነትን ለማግኘት ችሏል።

ሲድኒ ሼልደን 50ዎቹ የዕድሜ ክልል ውስጥ እስኪገባ ድረስ ረዥም ልቦለዶችን መፃፍ አልጀመረም ነበር። ከዚያ በፊት በነበሩት ጊዜያት «I Dream of Jeannie»እና «The Patty Duke Show» የመሳሰሉ ተወዳጅ የቴሌቪዥን ድራማዎችን ነበር የሚፅፈው።  ቬልደን «The Bachelor and the Bobby Soxer» በሚለው የፊልም ጽሑፉ የኦስካር ሽልማትን አሸንፏል - «ምርጥ ኦሪጅናል የፊልም ጽሑፍ» በሚል ዘርፍ።

ሼልደን በህይወት በቆየባቸው 89 ዓመታት ውስጥ ከተለያዩ ሴቶች ጋር ትዳር የመሰረተ ሲሆን፦
- ከመጀመሪያ ባለቤቱ Jane kaufman Handing ጋር ከ1945 - 1948 ቆይቶ በፍቺ ተለያይተዋል፣
- ሁለተኛ ባለቤቱ ከሆነችውና አንድ ልጅ
ለማፍራት ከበቁት Jorja Cunright ጋር
ከ1951 - 1985 የቆዩ ሲሆን ሕይወቷ በማለፉ ምክንያት ወደ ብቸኝነት ቢመለስም 
- በስተመጨረሻ ካገባት እና በሱ ሞት ምክንያት ከተለያዩት Alexandra Joyce kostoff ጋር ከ1989 - 2007 ድረስ ሦስት ሚስቶችን አግብቶ ኖሯል፡፡

ሼልደን ካበረከታቸው የስነ ፅሁፍ ሥራዎች ውስጥ አብዛኞቹ የሀገራችንን ቋንቋ ጨምሮ በተለያዩ ሀገራት ቋንቋዎች ተተርጉመው ለንባብ በቅተዋል።

ከሲድኒ ሼልደን ድርሰቶች መካከል ፦
➥ The stars shine down (1992)
➥ A stranger in the mirror (1976)
➥ The best laid plans (1997)
➥ The naked face (1970)
➥ Tell me your dreams ("ህልምሽን ንገሪኝ" በሚል ወደ ሀገራችን ቋንቋ ሊተረጎም የበቃ) (1998)
➥ Memories of midnight (1990)
➥ Rage of angels (1980)
➥ Nothing lasts forever (1994)
➥ Bloodline (1977)
➥ Master of the game ("አስኳል" ተብሎ በሀገራችን ቋንቋ የተተረጎመ) (1982)
➥ If tomorrow comes (1985)
➥ The dooms day conspiracy ("የፍርድ ቀን ዘመቻ" በሚል የተተረጎመ) (1991)
➥ Morning, Noon, and Night (ማለዳ፣ ቀትርና ምሽት በሚል የተተረጎመ) (1995)
➥ The Other Side Of Me ("ሌላው ገፅታዬ" በሚል ወደ አማርኛ የተተረጎመ) ግለ-ታሪክ (2005) እና ሌሎች በርካታ ድርሰቶች ለንባብ ያበቃቸው ሥራዎቹ ናቸው።

የሼልደን 18 የልቦለድ ድርሰቶቹ ከ300 ሚልዮን ቅጂዎች በላይ በ51 ቋንቋዎች ተተርጉመው ተሸጠዋል። በዚህም ከ10 የምንጊዜም ከፍተኛ ሽያጭ ያላቸው ልቦለድ ጸሐፊዎች አንዱ ሊሆን በቅቷል።

ሲድኒ ሼልደን January 30, 2007 በተወለደ በ89 ዓመቱ Rancho Mirage , California ውስጥ ሕይወቱ አልፏል።
━━━━━━━

https://t.me/Ethiobooks ክፈት / አስተያየት ይስጡ

2023-05-15 09:45:22 ክፈት / አስተያየት ይስጡ