ከስነ-ፅሁፍ ዓለም

2023-03-18 10:59:55 የኋይት ሃውስ ፕሬስ ሴክሬተሪ
━━━━━━━
@ethiobooks ክፈት / አስተያየት ይስጡ

2023-03-17 09:04:02 ሽማግሌ ሊማር ልጆቹን እያየ
════✦════
ነቢይ መኮንን
'
/ለኤልያስ መልካ እና ለቴዲ አፍሮ/
°°°°°°°°°°°°°
ዘመን ቢራቢሮ
ዘመን ቢራቢሮ
ይኸው በርሮ በርሮ
ዐደይ አበባ ሆይ
  ቀስተ ዳመናው ኅብር
እየው ፈገግታ አምሮ
ናፋቂ መስቀል ወፍ
ጆሮሽን አቅኝና ስሚ ቅኝት ሰምሮ
ልጅ አዋቂ ትውልድ ባንድ ተነባብሮ

ምንድን ይሆን ምልኪው
            ብላቴና ሲገዝፍ
ምን ይሆን ትርጉሙ
            ሕፃን ጀልባ ሲቀዝፍ
ምንድን ይሆን ፍችው
            ዐደይ ሳቅ ሳቅ ሲለው
መስከረም ፍርግርግ
            እስክስታ ሲቃጣው?

የፀሐይ "ቮካሊስት"
የኮከብ "አሬንጀር" ሕዋ ላይ ሲታወጅ
ፍቅር እንደ ጠበል ፈልቆ አገር ሲፈውስ
ምንድን ይሆን ምልኪው ርግብ ስትጣቀስ?

የዘመን ልብ አውቃ
አበቅቴውን ቆጥሮ መጣ በፈረቃ
የኅብር ተምሳሌት የሚስቅ ሙዚቃ
በፈገግታ ፈትል የተረታ ላንቃ
ከእንግዲህ አበሻ አርአያ አገኘ
ጉድ የዘመን ተአምር ዝማሬው በረየ
ከዘላለም አንዴ አዲስ ዓመት ታየ

የለጋ-ልቦች ቅኝ፣
ሙዚቃ እየሰማ ቅላጼ እየለየ
ጊዜም ጊዜ አገኘ
ሽማግሌ ሊማር ልጆቹን እያየ
ሽማግሌ ያስታርቅ
ለምን ትላላችሁ
ልጅ አዋቂው ትውልድ
አፍርቶ እያያችሁ።

════════
የከተማው መናኝ - ኤልያስ መልካ
ይነገር ጌታቸው (ማእረግ)

https://t.me/Ethiobooks ክፈት / አስተያየት ይስጡ

2023-03-15 10:01:53 እ ባ ብ



እባብ ያየ፣ በልጥ በረየ።


እባብ ለእባብ፣ ይተያያል ካብ ለካብ።


እባብ በመርዙ፣ መሬት በወንዙ።


እባብ የልቡን አይቶ እግር ነሳው።


የእባብ ለማዳ፣ የአህያ ፍሪዳ። (የለውም)


እባብ ጉድጓዱን፣ ውሻ ጌታውን።


እባብን ግደል፣ ከነበትሩ ገደል።


እባብ የሚገድለው፣ በምላሱ እኮ ነው።


ለእባብ እግር የለው፣ ለሞኝ መላ የለው።


እባብ ስለሆዱ፣ ይሄዳል በሆዱ።


እባብና ጓጉንቸር፣ ባንድ ይኖራሉ።


እባብ ላይበላው፣ አብላላው።


የእባብ ልጅ በቅንብቻ፣ ስንቅ በስልቻ።


እባብ ጥበስልኝ፣ ይብረድልኝ።


እባብ ቀጭን ነው ተብሎ ራሱ አይረገጥም።


እባብ ከእግርህ፣ በትር ከእጅህ።


ከእባብ እንቁላል፣ ርግብ አይፈለፈልም።


እባብ በራሱ የጠመጠመ፣ ከሰይፍ ላይ በግሩ የቆመ።

       
   ነገር በምሳሌ
@ethiobooks ክፈት / አስተያየት ይስጡ

2023-03-13 10:01:10 የንጉሠ ነገሥቱ የሄሊኮፕተር አደጋ
═════ ✦ ═════

ንጉሠ ነገሥቱ ሰኞ መጋቢት 6 ቀን 1963 ዓ.ም. ለጉብኝት ከአዋሳ ቤተ መንግሥታቸው ወደ ብላቴን እርሻ በአየር ኃይል ሄሊኮፕተር እንደሚሄዱ ከአንድ ሳምንት ቀደም ብሎ ለአየር ኃይሉ ትዕዛዝ ደርሶታል። በዚሁ መሠረት ንጉሠ ነገሥቱና አጃቢዎቻቸው ቁጥሩ 777 በሆነ የሶቪየት ስሪት ሚ-8 ትልቅ የአየር ኃይል ሄሊኮፕተርና በሌላ አነስተኛ የአርሚ አቪዬሽን ሄሊኮፕተር ተሳፍረው በተባለው ቀን በአራት ሰዓት አካባቢ ከአዋሳ ወደ ብላቴን በረሩ።

የብላቴን ጉብኝት ካለቀና ምሳ ከተበላ በኋላ ንጉሠ ነገሥቱና አስራ አምስቱ ተከታዮቻቸው በዚሁ ሚ-8 ሄሊኮፕተር ተሳፈሩና ከብላቴን ለመነሳት በሚያደርገው ዝግጅት የያኔው የአየር ኃይል አዛዥ የሚቀጥለውን የጉዞ አቅጣጫ ለፓይለቶቹ ለማመልከት ሲባል ከዋናው ፓይለት ኋላ በሚገኘው የቴክኒሺያኑ መቀመጫ ላይ ይቀመጣሉ።

ሄሊኮፕተሩ ለወትሮ እንደሚያደርገው ሁሉ ከመሬት ብድግ ብሎ ትንሽ ቆም ካለ በኋላ ፍጥነት ለማግኘት ሲባል ከሦስት ሜትር ያህል ከፍታ ፊት ለፊት መብረር ጀምሮ የታረሰው መሬት አካባቢ ሲደርስ ራሱ ባስነሳው ከባድ አቧራ ሙሉ ለሙሉ ይሸፈናል። በዚህን ጊዜ የአየር ኃይሉ አዛዥ ፖል! ፖል! (የቆመ እንጨት!) በማለት በመደጋገም ጮክ ብለው ይናገራሉ። ፓይለቱ ከኮክፒቱ ውጪ ምንም ስለማይታየው ሄሊኮፕተሩን በትክክል ማብረር ባልቻለበት ሁኔታ ሄሊኮፕተሩ ወደ ግራ እየዞረና እየወረደ ሄዶ በግራ እግሩ መሬት ይነካል።

በሁኔታው የተደናገጠው ፓይለት ሄሊኮፕተሩን ወደ ቀኝ ለመመለስ ባደረገው ጥረት ሄሊኮፕተሩ ከአፍንጫው ከፍ ብሎ ወደ ቀኝ ጎኑ ይገለበጣል። ወዲያው ጭራው ላይ ያሉት አነስተኛ ውልብልቢቶች (Tail Rotors) መሬቱን እያረሱ መሰባበር ይጀምራሉ። ሄሊኮፕተሩ ሙሉ ለሙሉ ወደ ቀኝ ሲወድቅ ዋነኞቹ ውልብልቢቶች (Main Rotors) መሬቱን እያረሱ መሰባበር ይጀምራሉ። በዚያን ጊዜ ከፍተኛ ድምፅ እየተሰማ ሄሊኮፕተሩ መሬቱን እያረሰና እየተሰባበረ መዞሩን ቀጠለ።

ፓይለቶቹ በታሰሩበት ቀበቶ ተይዘው በጎናቸው ተንጠለጠሉ። በወንበሩ ቀበቶ ሳይታሰሩ የነበሩት የአየር ኃይል አዛዥና ቴክኒሺያኑ በጣም ተንገላቱ። በነበረው ሁኔታ ማናቸውም ሁኔታውን ለመቆጣጠርና ሞተሮቹን እንኳን ቶሎ ለማጥፋት ሳይቻላቸው ቀረ። በመጨረሻም ሄሊኮፕተሩ መሬቱን እያረሰና እየተሰባበረ አንድ ሙሉ ዙሪያ ከዞረ በኋላ ቆመ።

ፓይለቶቹና ቴክኒሺያኑ የሞተሮቹንና ሌሎችንም መቆጣጠሪያዎች ካጠፉ በኋላ በጎን በኩል በተሰበረ መስኮት ሾልከው በመውጣት ከኋላ ዞረው የተሳፋሪዎችን በር ከፈቱት። ንጉሠ ነገሥቱና አጃቢዎቻቸው በየወንበሩ ላይ በሚገኘው ቀበቶ ታስረው በየጎናቸው ከተንጠለጠሉበት እየተፈቱ በነበረው ህዝብና ወታደር እርዳታ በደህና ለመውጣት ቻሉ።

በኋላ እንደተደረሰበት የውልብልቢቶቹ ስብርባሪዎች ከአደጋው ቦታ እስከ ሁለት መቶ ስድሳ ሜትር ድረስ በረው ሦስት ሰዎችን መትተው ገድለዋል። ከአደጋው በኋላ አብራሪዎቹ ለጊዜው በፖሊስ ቁጥጥር ስር ውለው ነበር። ነገር ግን ወዲያውኑ ከንጉሠ ነገሥቱ በተላለፈ ትዕዛዝ ተለቀዋል። .......

የአደጋ ምርመራው ከተጠናቀቀ በኋላ ለንጉሠ ነገሥቱ በጽሕፈት ቤታቸው ገለፃ ተደርጎላቸዋል። ከገለፃው በኋላ ንጉሠ ነገሥቱ አንዳንድ ቴክኒካዊ ጥያቄዎችን ጠይቀው ሲያበቁ "ልጆቹ (ማለትም ፓይለቶቹና ቴክኒሺያኑ) ያለ ምንም ስጋት ሥራቸውን እንዲሠሩ ንገሯቸው..." ብለው ጉዳዩ በዚሁ ተዘጋ።
┈┈••┈┈••┈┈
(ከዚህ በላይ የቀረበውን ጽሑፍ ያዘጋጁት ሌ/ኮሎኔል ውብሸት ተፈራ በጊዜው የበረራ ሴፍቲ ዳይሬክተር የነበሩና አደጋውን በሊቀ መንበርነት መርምረው ውጤቱን ለንጉሠ ነገሥቱ ገለፃ ያደረጉ ናቸው።)
━━━━━━━━
አቪዬሽን በኢትዮጵያ
ካፒቴን መኮንን በሪ

https://t.me/Ethiobooks ክፈት / አስተያየት ይስጡ

2023-03-11 12:00:12 ለመመረጥ መወፈር ... - 2 የመጨረሻው! ክፈት / አስተያየት ይስጡ

2023-03-11 11:00:13 ለመመረጥ መወፈር ... - 1 ክፈት / አስተያየት ይስጡ

2023-03-11 10:59:43 «ለመመረጥ መወፈር፣
ለመወፈር መቀለብ»
              ━━━━━━
             @ethiobooks ክፈት / አስተያየት ይስጡ

2023-03-11 10:59:31 ክፈት / አስተያየት ይስጡ

2023-03-11 09:01:09 ╔═══ ═══╗
ከስነ-ፅሁፍ ዓለም

'
የቻናላችን

https://t.me/Ethiobooks ቤተሰብ ይሁኑ፣ ለወዳጅ ጓደኞችዎም 'share' ያድርጉ።


ለማንኛውም አስተያየት፣
ስነ-ፅሁፋዊ ጥቆማና
ማስታወቂያ ፦
@firaolbm እና
@tekletsadikK ን ተጠቀሙ።
በአክብሮት እንቀበላለን።

አብረን እንዝለቅ።
@ethiobooks
╚═══ ═══╝ ክፈት / አስተያየት ይስጡ

2023-03-10 08:05:35 ፍቅር አውቃለሁ
══ ❁ ══
ብፅዓት ስዩም
@ethiobooks

ፍቅር አውቃለሁ ደግ ይናገራል ያ'ፌ ደጁ
ክፉ አይወጣውም በወዳጁ
በዚች ምድር እንደ ሰው ኖሬ ሞቴ ላይቀር
ምን አናገረኝ ክፉ ነገር
ክፋት ካለው ሰው ምን ይበጃል ለወዳጁ
እየበደለው በልቶ ከ'ጁ
ኧረ አንቺ ዓለም ሁሉም አንድ ሆኖ ላይዘልቅልሽ
ወይ ደግ ወይ ክፉ ይጠቅልልሽ

እሱን ለመጠርጠር /ብልሃት ቢጎለኝም/2×
በሀሰት የሳቁት /ፈገግታ አይጥመኝም/2×
ነገሩ እየገባኝ /ልሞኝለት እንጂ/2×
ልቤ አይታለልም /ለጊዜው ወዳጅ/2×

ላሞኘኝ ላቄለኝ ብመስልም ገራገር
ሚስጥሩ አይጠፋኝም እኔስ የሰው ነገር
አባይ ለሰዓቱ ለዕለቱ ቢዋሽም
ይረፍድ እንደሁ እንጂ ለእውነት ቀን አይመሽም


ፍቅር አውቃለሁ ደግ ይናገራል ያ'ፌ ደጁ
ክፉ አይወጣውም በወዳጁ
በዚች ምድር እንደ ሰው ኖሬ ሞቴ ላይቀር
ምን አናገረኝ ክፉ ነገር
ክፋት ካለው ሰው ምን ይበጃል ለወዳጁ
እየበደለው በልቶ ከ'ጁ
ኧረ አንቺ ዓለም ሁሉም አንድ ሆኖ ላይዘልቅልሽ
ወይ ደግ ወይ ክፉ ይጠቅልልሽ

ስደግፈው ገፍቶ /ሳምነው ለከዳኝ/2×
በቀል አላስብም /እኔስ ለጎዳኝ/2×
ዛሬ ቢጠቃበት /ልቤ ሞኝነቱን/2×
ያገኘው የለም ወይ /ከእግዜር ዳኝነቱን/2×

የዘንድሮ ወዳጅ በጥርሱ ሰው አጥቂ
ተንኮል ስለሠራ እሱ ብቻ አዋቂ
ማበል ከንቱነቱ እስኪገለጥለት
ዋሾ እስኪገባው ነው የምበለጥለት
ለጊዜው ቢዛበት ደርሶ ቢመፃደቅ
አንድ ቀን እውነትን መች ይቀራል መውደቅ
[በፍቅር ማጃጃል መስሎት ጠቢብነት
ስንቱ ጎርዶ በላው የሰጡትን እምነት] 2×
ስንቱ ጎርዶ በላው የሰጡትን እምነት 2×
አ..ሃ...ሃ... አ...ሄ... አ..ሃ...ሃ...||


@ethiobooks ክፈት / አስተያየት ይስጡ