2024-02-23 09:50:22
#አወይ_ፍቅር...
ለመልዕክተኛውም ለሰሐቦችም ከባድ የነበረው ዘመቻ ላይ የአላህን መልዕክተኛ ﷺ ለመከላከል ወደሳቸው የገሰገሰው ጠልሓ ነበር። እሳቸውን በመከላከል ከጎናቸው ጦርነትን መካፈልን የተጠማው ጠልሓ ኡሁድ ላይ ጀግንነቱን አሳየ! በሙሉ አካሉ መልዕክተኛውን ይከላከል ነበር። ሐቢበላህ ﷺ በተጣሩ ቁጥር ቶሎ የሚመልሰውና ካጠገባቸው የማይጠፋው ጠልሓ ነበር። መልዕክተኛውም ﷺ እንዲህ በማለት ስለ አፍቃሪያቸው ይናገራሉ:
"لقد رأيتُني يومَ أُحُدٍ ، و ما في الأرضِ قُرْبِي مخلوقٌ ، غيرُ جبريلَ عن يميني ، وطلحةَ عن يَسَاري"
"የኡሁድ ወቅት እራሴን ተመለከትኩት ማንም ለኔ ቅርብ አልነበረም። በቀኜ ከነበረው ሰይዲና ጂብሪልና በግራዬ ከነበረው ጠልሓ በስተቀር።" ብለው ነበር ...
ጠልሓ ወደሚወዳቸው የአላህ መልዕክተኛ ﷺ የሚወረወሩትን እያንዳንዱን ቀስቶች በአንድ እጁ እየተከላከለ በአንድ እጁ ደግሞ በሰይፍ ይዋጋ ነበር። አስባቹታል? ህልም ይመስላል አይደል? ... አሁን ላለነው እኛ ፊልም የሚመስሉ ትዕይንቶችን መስማት እንግዳ ነው አይደል?
...የመልዕክተኛው አፍቃሪ ጠልሓ ቁስል ቁስል ላይ ተደራረበበት። እስከሚችለው አቅም ሐቢቢን ﷺ ተከላከለላቸው። የቆሰሉትን ሸፊዒ በቆሰለው ጀርባው ላይ ተሸክሞ ተጓዘ! እሳቸውን ማትረፍ ላይ ቁዋው መጣለት። ሙሉ ሰውነቱ ቁስል ብቻ የሆነው ጠልሓ የአለሙ መድህን የሆኑትን ውዱ ነብዩን ﷺ የነበሩበት ሁናቴ ዳግም ሩህ ዘራበት፤ እግሮቹ ተንቀሳቀሱለት። ተሸክሟቸውም ወደ ተራራው ወጣ! ይህንን ክስተት ከሩቅ የተመለከቱት አቡበክር አስሲዲቅ እና አቡ ኡበይዳ ኢብን አል ጀራህ መልዕክተኛው ﷺ እና ጠልሓ ወዳሉበት ገሰገሱ!
ወደ ረሱል ﷺ ሲጠጉ ግን እሳቸው በደከመው አንደበት ወደ ጠልሓ እየጠቆሙ "እኔን ትታቹ ጓድ'ኣቹ ጋር ሂዱ!" አሏቸው። አባበክርም እንዲህ ይላሉ: "ጠልሓ'ን ስናየው ሙሉ ሰውነቱ ቁስል በቁስል ነበር። ከእያንዳንዱ ሰውነቱ ደም ይፈስ ነበር! ከቀስት፣ ከድንጋይ፣ ከጦር፣ ከጎራዴ ብዙ ቁስሎች አርፈውበት ነበር። እራሱንም ስቶ ከአፉም ደም እየተፋ ነበር።" ይላሉ አባበክር። ግን በህይወት ተርፎ ነበር። መልዕክተኛውም ﷺ በአፅዕኖት: "ጀነት ጠልሓ ላይ ዛሬ ወጅቦበታል!" አሉ። ... አወይ ፍቅር! መሐባ የማያደርገው የለም! የረሱለላህ ባልደረቦች የነበራቸው መስዋትዕነትና ፍቅር ደግሞ አይገለፅም!
አላሁመ ሰሊ ወሰሊም አላ ሰይዲና ሙሐመድ!
ረሱሊ'ኮﷺ! ፍቅርዎ ሁሌም አዲስ ነው
Nadia
@Muslimss_couplee || ፍቅር ሰባኪ TemUd
7.9K views06:50
ዳ
