ZZ |ጣፋጭ የፍቅር ቃላት| ❤

2022-11-17 19:28:30 _#ተወዳጁ

|ክፍል 2|


ታድያ እኔም ስልኩን ሽምድድ አድርጌ እቤት ገብቼ ስልኬ ላይ save አደረኩት።ከዛ እነ ሮቢ ዛፉን ቆርጠው ጨርሠው አጠገቤ መጥቶ ተቀመጠ።<ሮቢ fb ላይ እኮ friend request ልኬልሀለው accept አታረገኝም እንዴ>አልኩት ፈገግ እያልኩ እሡም <እንዴት accounten አገኘሽው>አለኝ እየተገረመ።<እንዴ ስልክህን አስገብቼ ነዋ search ያረኩት>ስለው አለማመን በሚመስል አነጋገር <እስቲ ስልኬን ንገሪኝ>አለኝ።እኔም ነገርኩት በጣም እደተገረመ ገና ከተዋወቅን 24ሰአት እንኳን ሣይሆነን ከየት እንዳመጣሁት ጠየቀኝ እኔም እያሾፍኩበት ወፏ ነግራኝ አልኩት።ሁለታችንም ከተሣሣቅን በኀላ accountun እንዳላገኘሁትና እሡ friend request እንዲልክልኝ ጠየኩት።እሡም ወዲያው ላከልኝና እኔም ተቀበልኩት።አጠገብ ለአጠገብ ተቀምጠን chat ማረግ ጀመርን። ሁላችንም ወደ ቤት ስንገባ ሮቢ እና የእናቴ ባል ስፖርት መስራት ጀመሩ።የእናቴ ባል ወደ ቤት ሲመጣ ስፖርቱን እንደጨረሡ ስለገባኝ ለሮቢ normal text ላኩለት።ሮቢም ወድያው መለሠልኝና ብዙ አወራን።እኔ እና ሮቢ የተዋወቅንበት ቀን እንዲህ አምሮበት አልቆ ቀጣዪ ቀን እሁድ መጣ።እሁድ በጠዋት ፍቅር እቤታችን መጥታ አስቱ እየጠራችሽ ነው ብላኝ ቤታቸው ይዛኝ ሄደች።ከዛ አስቱ ስገባ በሚያምር ፈገግታ ተቀብላኝ ከፊት ለፊቷ ያለውን የምግብ ጠረጴዛው ጋ ያለውን ወንበር በእጇ እያሣየችኝ ቁጭ እንድል ጋበዘችኝ።እኔም በ1 ቀን ውስጥ ከሁሉም ጋ በጣም ስለተግባባው እንደ ቤቴ አየሁት።አብረን ቁርስ ከበላን በኀላ እኔ ወደ ቤት ሄድኩኝ።እቤት መቀመጥ ስለደበረኝ ውጪ ወጥቼ ስቀመጥ ሮቢም ትንሽ ቆይቶ ወጣ ብቻችንን ስለነበርን የራሣችንን ወሬ ማውራት ጀመርን።ሮቢ ደስ የሚል ልጅ ሆኖ ነው ያገኘሁት።ከሮቢ ጋ ብዙ ከተጨዋወትን በኀላ ጠዋት አብረን ት/ቤት እንደምንሄድ ተነጋግረን ወደየ ቤታችን ገባን።ማታ በfb ብዙ አወራን።አይነጋ የለ ነግቶ እነ ማም ስራ ከሄዱ በኀላ እኔ ደሞ እነ ሮቢ ቤት ሄድኩኝ።እነ ሮቢ ቁርስ እየበሉ ነበር ደና አደራቹ ብያቸው እኔም አብሬያቸው ተቀመጥኩ።አስት ቁርስ ብዪ ስትለኝ አሁን ነው የበላሁት ብዬ ሻይ ብቻ ቀድቼ መጠጣትጀመርኩኝ።ለሚያየን ለብዙ አመት በፍቅር የኖርን ቤተሠቦች እንጂ በፍፁም የ1ቀን ትውውቅ ያለን አከራይ እና ተከራይ አንመስልም።እኔ እና ሮቢም ቦርሣችንን ይዘን ለመውጣት እየተነሣን አርብ ከት/ቤት መልስ እመጣለው ብያቸው አስቱን አቅፌያት ቻው ስላቸው ፍቅር መጥታ አቅፋ ሣመችኝና ቻው አለችኝ።እኔም ወደ ቤት ተመልሼ አያቴንና ትንሿን እህቴን ስሜያቸው ወጣው::

ከሮቢ ጋ መንገድ ጀመርን ...


ይቀጥላል........

· · • • • ጣፋጭ ታሪክ • • • · ·
╰── ──╯
••●◉Join us share◉●••
@wubyefkr\kalat // ,, @wubkalat
✶⊶⊷ ⊶⊷ ❍ ⊶⊷⊶ ⊷✶ ክፈት / አስተያየት ይስጡ

2022-11-16 20:34:00 ልብ አንጠልጣይ የፍቅር ታሪክ

#ተወዳጅ


| ክፍል 1 |

የካቲት 5/2010አ.ም ለኔ ልዩ ቀን ነበረች። ለኔ ብቻ ሣይሆን ለሮቢዬም እንደዛው ርብቃ እባላለው።የካቲት 5 ከሮቢዬ ጋ የፍቅር ጊዜያችንን ሀ ብለን የጀመርንባት የቀኖች እና የፍቅራችን የመጀመሪያ ቀን ሠኞ ነበረች። ከሮቢዬ ጋ የተዋወቅንበት አጋጣሚ እነሆ እናት አና አባቴ ስለተለያዩ እኔ የምኖረው ከአባቴ ጋ ነው ይሁንና የሣምንቱን መጨረሻ የእረፍት ቀነሠቶች እናቴ ገረ ነበር ማሣልፈው እኔ እና ሮቢ በተገናኘንበት ጊዜ እናቴ ከአባቴ በኀላ ካገባችው ባሏ ከአንድ ልጃቸው(ከእህቴ) እና ከእናቷ(ከአያቴ) ጋ እነ ሮቢ ግቢ ተከራይተው ነበር ሚኖሩት። እለተ ቅዳሜ ነበር ህዳር 23/2010አ.ም እናቴ እነ ሮቢ ቤት በቅርቡ ስለሆነ የተከራየችው እኔ ስለማላውቀው ልትወስደኝ ነበር ከአባቴ ጋ ምኖርበት ቤት የመጣችው ከእናቴ ጋ ተያይዘን ወደ አዲሡ ቤታቸው ሄድን። ስንደርስ በሩን የከፈተችልን ሮቢ ልክ እንደ እህቱ የሚያያት ፍቅር ነበረች።ማም ከፍቅር ጋ ካስተዋወቀችን በኀላ ወደ ውስጥ ገባን። ወደ ውስጥ ስንገባ የት/ቤት ልብስ ታጥቦ ተሠጥቶ ነበረ። የዩኒፎርሙ አሠፋፍ የወንድ ይመስል ነበር ደሞ አልተሣሣትኩም የሮቢ ነው። እቤት ገብቼ ትንሽ አረፍ እንኳን ሣልል ፍቅር ብዙ ደብተሮች ይዛ መጥታ አስጠኚኝ አለችኝ። ይሄ የማም ስራ ነው። ሁሌ በሄደችበት ሁሉ ከአባቴ ስለወረስኩት ት/ት ላይ ስላለኝ ጉብዝና ታወራለች። ለነገሩ ፍቅር የ3ተኛ ክፍል ተማሪ ነበረች። እናም ፍቅርን እያስጠናሇት እቤት ውስጥ ስለሞቀን ወደ ውጪ ወጣን። ውጪ ሮቢ ልብስ እያጠበ እናቱ ደግሞ ቡና እየወቀጠች ነበር። ከዛ እናቱን ሄጄ ሠላም አልኳት ተዋወቅን አስቴር እባላለው ስትለኝ ርብቃ አልኳትኝ። <ሮቢ ና ተዋወቃት የሚሚ ልጅ ናት እኮ>አለችው። ከዛ ከሮቢ ጋ ተዋወቅን። የኔና የሮቢ የመጀመሪያ ትውውቃችን እንዲ ነበር።እኔም ፍቅርን ማስጠናት ጀመርኩኝ። ሮቢ ልብሡን አጥቦ ሲጨርስ አጠገቤ መጥቶ ቁጭ አለና አንድ አንድ እያልን በደንብ መተዋወቅ ጀመርን። ሮቢ ልክ እንደኔ የ9ኛ ክፍል ተማሪ ነበር። ወደ አመሻሹ ላይ ሁሉም ውጪ ተቀምጦ እኔ ቡና አፈላው። ስጨርስ ሮቢ እና የማም ባል ዛፍ መቁረጥ ጀመሩ። ሮቢ ሲቆርጡ ስልኩ እንዳይወድቅበት ብሎ ዘፈኑን እንደከፈተው lock አድርጎት ለፍቅር ሠጣት። ከዛ ፍቅር አጠገቤ መጥታ ተቀመጠች ድንገት ዞር ስል emergency call ሚለው ላይ ስልክ እየፃፈች ነበር የማነው ፍቅር ስላት የሮቢ ነዋ አለችኝ ታድያ እኔም ሰልኩን ሽምድድ አድርጌ እቤት ገብቼ ስልኬ ላይ save አደረኩት።


ይቀጥላል........

· · • • • ጣፋጭ ታሪክ • • • · ·
╰── ──╯
••●◉Join us share◉●••
@wubyefkr_kalat // ,, @wubkalat
✶⊶⊷ ⊶⊷ ❍ ⊶⊷⊶ ⊷✶ ክፈት / አስተያየት ይስጡ

2022-11-16 20:30:59 በመቀጠል #ተወዳጅ የተሰኘ እጅግ አጓጊና አስተማሪ የፍቅር ታሪክ ይጀምራል::

መልካም ምሽት ክፈት / አስተያየት ይስጡ

2022-11-16 20:28:15 የሴትን ልጅ ልብ ለመማረክ እና ቀጣይነት ያለው
ግንኙነት ለመመስረት የሚረዱ 6 ነጥቦች

part_4{መጨረሻ}

6. Sex (ወሲብ)
በተጣማሪዎች መካከል ፍቅር ሰምሮ ኑሮ እንዲደረጅ፣
በሐሳብ እና ፍላጎት መጣጣም ተቀዳሚው መሆኑ
የማያጠያይቅ ሀቅ ነው፡፡ መከባበሩ፣ መፈቃቀሩና የሐሳብ
መጣጣሙ እንደተጠበቀ ሆኖ በወሲብ አለመጣጣም
ባለትዳሮች ከትዳራቸው ውጪ ሌላ ሰው መጎብኘታቸው
የተለመደ ተግባር እየሆነ መጥቷል፡፡
ብዙውን ጊዜ ተጣማሪዎች፣ የሐሳብ አለመጣጣምን
አቻችለውና ተቻችለው ኑሮን ሲገፉ ይስተዋላል፡፡ በአሁኑ
ዘመን እየተስተዋለ የመጣው እውነታ እንደሚያመለክተን
ግን በወሲብ አለመጣጣምን ማስታመም
ስለሚያቅታቸው ወይም ከሌላ ጋ ሲማግጡ ወይም
ከነጭራሹ ትዳርን ሲያፈርሱ ይታያሉ፡፡
በአብዛኛው በርካታ ወሲብ ነክ ፅሑፎችና ጥናቶች አንድን
ወንድ እንዴት ለወሲብ ማነሳሳት እንዳለብን እና እንዴት
እርካታ ላይ እንዲደርስ መርዳት እንዳለብን የሚገልፁ
ናቸው፡፡ ይህም የሚያሳየው የሴት ልጅ ስሜት ይሄ ነው
የሚባል አትኩሮት ከማህበረሰቡ ጭምር
እንዳልተቸገረው ነው፡፡
Nora Hayden (How to satisfy a women every
time) በተሰኘው መጽሐፏ ላይ እንደገለፀችው 80%
የሚሆኑት ሴቶች፣ እውነተኛ እርካታ ላይ እንደሚደርሱ
ሆኖም የትዳር አጋራቸውን ለማስደሰት ሲሉ ብቻ እርካታ
ላይ እንደደረሱ እንደሚያስመስሉ ይናገራሉ፡፡ ይህም
የሚሆነው ወንዶች በወሲብ ጊዜ የሴትን ልጅ ፍላጎት
እና የስሜት ምስጢር መረዳት ስለሚያቅታቸው እነሱ
በሚረኩበት መንገድ ይረካሉ ብለው በማሰብ ዘልማዳዊ
የሆነውን ግንኙነት ያደርጋሉ፡፡ ሆኖም ፈጣሪ ወሲብን
በትዳር መካከል እንድትደሰትበትና ትውልድን
እንድናስቀጥልበት የሰጠን ታላቅ ፀጋ በመሆኑ፣ የሴትም
ልጅ ስሜት መጠበቅ እና በባሏ መደሰት እንዳለባት
በመረዳት በግልፅ በመወያየትም ሆነ በዘርፉ የተፃፉ
ጽሑፎችን በማንበብ፣ ደስታውን የጋራ የማድረግ
የወንዶች ተቀዳሚ ኃላፊነት ነው፡፡
በመጨረሻ ማንሳት የምፈልገው ነጥብ፣ ብዙዎች
በትዳር ላይ በግንኙነት ዙሪያ በመርህ ደረጃ የሚነሱ
ጠቃሚ ምክሮችን ማንበብ ፋይዳ ቢ መሆኑን ሲናገሩ
ይታያል፡፡ ለዚህም እንደ ምክንያትነት የሚያነሱት
መከራከሪያ የፀሐፊዎቹ ወይም አነበብን የሚሉ ሰዎችን
ግለ ህይወት በናሙናነት በማንሳት፣ በትዳር ህይወታቸው
ስኬታማ አለመሆናቸውን ነው፡፡ እዚህ ጋ መረዳት ያለብን
ቁም ነገር፣ ችግሩ ያለው ከዕውቀቱ ወይም ከንባቡ
ሳይሆን ያወቅነውን እና የሰማነውን በልቦናችን አኑረን
መተግበር ስለሚሳነን መሆኑን ነው፡፡ በመሆኑም ተፈጥሮ
የለገሰችን ሰብዕና፣ በህይወት ተሞክሮ እና ዕውቀት
በማዳበር፣ ያካበትነውን ዕውቀት በመተግበር እና ለውጥ
በማምጣት ትዳራችን በግምት ሳይሆን፣ በጥበብ
የምንመራትን ልቦና ይስጠን፡፡
ሴት ልጅ ምን መስማት አትሻም!
ሴቶች ስለ ሌላ ሴት ወይም ስለ ቀድሞ ጓደኛህ
ስታደንቅ መስማት አትፈልግም፡፡ ከሌላ ሴት ጋር
እንድታወዳድራትም እንዲሁ፡፡ ስለ ሰውነት ቅርጽና ውበቷ
አድናቆት እንጂ ነቀፌታ ቅር ያሰኛታል፡፡ በድንገት
ተሳስተህ የሌላ ሴት ስም ማንሳትም አይኖርብህም፡፡
በሌላ መንገድ ያስጠረጥርሃልና፡፡ ከአሁን ቀደም በነበረህ
የሴት ልጅ ትውውቅ ውስጥ አላግባ ያደረካቸውን ነገሮች
ማውራትህ ከባድ ግምት ውስጥ ይጥልሃልና በተቻለ
መጠን ከኋላ ፈቅር ታሪክህ ውስጥ ጥሩ ጥሩውን እንጂ
የሚያስተችህን ለመርሳት ወይም ላለማንሳት ጥረት
አድርግ፡፡ በሌላዋ ላይ ይህን ያደረገ በእኔም ላይ ማድረጉ
አይቀርም የሚል እምነት ይኖራታልና፡፡ ሴቶች ስለ አንተ
ማወቅ የሚፈልጉትን ሲጠይቁህ እውነቱን መናገሩን ብቻ
ነው የሚያዋጣው፡፡ ብዙ ጊዜ ሴቶች ለማወቅ
በሚመስል መልኩ ይጠይቃሉ እንጂ የሚጠይቁትን ነገር
ቀድሞውኑ ያውቁታልና አትዋሽ!
በተቻለ መጠን ከአሁን ቀደም ከነበረህ የፍቅር ትስስር
እንዴት እንደተለያየህ ምክንያትህን አሳማኝነት ያለውና
ከአንተ በኩል ከፍተኛ ጥረት ማድረግህ ላይ ያነጣጠረ
ይሁን እንጂ ኃላፊነትህን ስላለመወጣትህ የሚያንፀባርቁ
ምክንያቶችን ወይም ደግሞ ቀድሞውኑ ለመለያየት
የማያበቁ ምክንያቶችህን ሴቶች መስማት አይፈልጉም!!

· · • • • ጣፋጭ ቃላት • • • · ·
╰── ──╯
••●◉Join us share◉●••
@wubyefkr_kalat // ,, @zii_zuo
✶⊶⊷ ⊶⊷ ❍ ⊶⊷⊶ ⊷✶ ክፈት / አስተያየት ይስጡ

2022-11-08 20:42:53 የሴትን ልጅ ልብ ለመማረክ እና ቀጣይነት ያለው
ግንኙነት ለመመስረት የሚረዱ 6 ነጥቦች

PART_3

5. Understanding (መረዳት)
በርካታ ሴቶች ከተጓዳኛቸው አጥብቀው የሚፈልጉት
ተጨማሪው ነገር፣ የትዳር አጋራቸው የእነሱን ሚና እና
በቤት ውስጥ ያላቸውን አስተዋፅ እንዲረዳ እና ዕውቅና
እንዲሰጥ ነው፡፡ አንዳንድ ወንዶች ሴት ልጅ በቤት ውስጥ
የምታከናውናቸውን ረቂቅና እጅግ ወሳኝ ተግባራት
ባለማወቅ ዕውቅናን ሲነፍጉ ይስተዋላሉ፡፡ የሴት ልጅ
ተፈጥሮ ማለትም በሴትነት የምታልፋቸውን ከባባድ
ደረጃዎች፣ እርግዝና፣ ወሊድ፣ ማጥባት እና ልጅን
መንከባከብ በምድራችን ካለ ነገር ሁሉ እጅግ ውድ፣
ፈታኝ እና ዋጋ ሊተመንለት የማይችል መሆኑን በመረዳት፣
ሴት ሆነው ያንን መክፈል እንኳን ባይችሉ፣ ክብደቱን
በመረዳት እና ርህራሄ በማሳየት ሊያዝኑላቸው፣
ሊንከባከቧቸው እና ሊደግፏቸው ይገባል፡፡ ይሄም በሴት
ልጅ ልቦና ውስጥ እስከ መጨረሻው ለመቀመጥ
ጥርጊያ መንገድ ይሆናል፡፡

ይቀጥላል....

· · • • • ጣፋጭ ቃላት • • • · ·
╰── ──╯
••●◉Join us share◉●••
@wubyefkr_kalat // ,, @zii_zuo
✶⊶⊷ ⊶⊷ ❍ ⊶⊷⊶ ⊷✶ ክፈት / አስተያየት ይስጡ

2022-10-18 21:47:41 የሴትን ልጅ ልብ ለመማረክ እና ቀጣይነት ያለው
ግንኙነት ለመመስረት የሚረዱ 6 ነጥቦች

#Part_2


3. (Security) ጥበቃ
ከጥንት ጀምሮ ሲወርድ ሲዋረድ የመጣው፣ የወንድ ልጅ
ከለላ እና መጋ መሆን፣ አሁንም ድረስ በብዙዎች ዘንድ
ተቀባይነት ያለው እውነታ ነው፡፡ በዚህ በሰለጠነው እና
የሴቶች እኩልነት በተረጋገጠበት 21ኛው ክፍለ ዘመን
እንኳን፣ ሴት ልጅ በግሏ ገቢ በማስገኘት ሀብት ማካበት
ብትጀምርም፣ የወንድ ልጅ ግብአት አቅራቢ እና ጠባቂ
መሆን የሴትን ልጅ ስሜት ለማረጋጋት በጣም አስፈላጊ
ነው፡፡ ከዚህም በዘለለ ወንድ ልጅ ለሴት ከተለያየ አደጋ
ጠባቂ ሆኖ መገኘቱ፣ እምነቷን የበለጠ ስለሚያጠነክረው
ፍቅሯ እየጎለበተ ይሄዳል፡፡

4. Blind Loyalty (ፍፁም የሆነ ተአማኒነት)
በአብዛኛው አንዲት ሴት የፍቅር ግንኙነት ውስጥ ስትሆን
ወይም በወንድ ስትፈቀር ራሷን የተለየች ፍጡር አድርጋ
እንድታይ ትሆናለች፡፡ ይህም ምን አልባት ከሴቶች
ተፈጥሮ በተጨማሪ ወንዶች በፍቅር መብረቅ በተመቱ
ጊዜ ያፈቀሯትን ሴት የግላቸው ለማድረግ
የሚጠቀሙበት ገደብ የለሽ ሙገሳና ማሞካሸት፣ ሴቶች
ለራሳቸው ያላቸውን አመለካከት በማዛባት፣ ውጫዊ
መስህብን እንደ ብቸኛ የማንነታቸው መለኪያ አድርገው
እንዲወስዱት ሳያስገድዳቸው አልቀረም፡፡
በመሆኑም በግንኙነት ውስጥ አንዲት ሴት የራሷን
የመስህብ ደረጃ ጠንቅቃ ብታውቅም ባፈቀራት ወንድ
እይታ ስትፈረጅ ‹‹ሁሉን ያስናቀች ቆንጆና ፀባየ ሰናይ
መሆኗን እንዲነገራት ትፈልጋለች›› በማንኛውም
አጋጣሚ የእሷ ወንድ የሌላዋን ቆንጆ አለባበስ ወይም
አቋም ቢያደንቅ እሷን የወሰደባት ያህል ስለሚሰማት
መጠንቀቅ ያስፈልጋል፡፡ በመሆኑም የሰውን ቆንጆ
በመቃረም፣ የትዳር አጋራችንን ስሜት ከምንጎዳ፣
ያገባናትን ሴት በትዳር አብረን እንድንኖር ውሳኔ ላይ
ያደረሰንን መልካም ሰብዕና፣ ውበት፣ ወይም ተግባር
በማስታወስ ከልብ የመነጨ አድናቆታችንን እና
ሙገሳችንን መቸርን ብንለማመድ፣ ለትዳራችን ዕድሜ
ማራዘሚያነት እንደሚጠቅም ጥናቶች እና ተሞክሮዎች
ያመለክታሉ፡፡

ይቀጥላል.......


· · • • • ጣፋጭ ቃላት • • • · ·
share◉●••
@wubyefkr_kalat // ,, any comment @wubkalat ክፈት / አስተያየት ይስጡ

2022-10-16 21:38:24 የሴትን ልጅ ልብ ለመማረክ እና ቀጣይነት ያለው
ግንኙነት ለመመስረት የሚረዱ 6 ነጥቦች

#Part_1

#(Caring) እንክብካቤ

1. በጥናቱ ውስጥ ከተካተቱ አብዛኛዎቹ ሴቶች በፍቅር
ለሚንከባከብ ወንድ በቀላሉ እንደሚሸነፉ ገልፀዋል፡፡
ይህም የሚሆነው ሴቶች በተፈጥሮ ካላቸው የእንስትነት
ባህሪ የተነሳ ከወንዶች ስሜት እና ፍቅርን ብቻ ሳይሀን፣
ከለላን፣ አለኝታነትን እና እክብካቤን አጥብቀው


2. ትኩረት
ይሄንን ፍላጎት በሁለት ከፍለን ልናየው እንችላለን፡፡
2.1 መደመጥ
Joeu Barton የተባለ የስርዓተ ፆታ ተመራማሪ በጥናቱ
ላይ እንዳሰፈረው፣ ሴቶች በቀን ውስጥ በአማካኝ
20,000 ቃላቶችን ሲጠቀሙ፣ በተቃራኒው ወንዶች
ደግሞ 7,000 ቃላትን በመጠቀም ሀሳባቸውን
ያስረዳሉ፡፡ ይህም በግልፅ እንደሚያስረዳን አንደኛ ሴቶች
ለቋንቋ እና ለንግግር ፈጣን የሆነ አዕምሮ እንዳላቸው
ሲሆን፣ ሌላው እና ትኩረት ሊሰጠው የሚገባው ጉዳይ፣
ሴቶች በንግግር ራሳቸውን በመግለፅ የበለጠ ነፃነት
እንደሚሰማቸው ሲሆን ችግር በገጠማቸውና
በጨነቃቸውም ጊዜ በማውራት ብቻ ያለ ምንም
ተጨማሪ ምክርና መፍትሄ የተሻለ እፎይታና እረፍት
እንደሚሰማቸው ሲሆን፣ በዚህም ጊዜ ንግግራቸውን
በትኩረት ለሚያዳምጣቸው ወንድ የተለየ ፍቅርና
አክብሮት ይኖራቸዋል፡፡
2.2 አንዲሰት ሴት አብሯት ካለ ወንድ ከፍቅርና
እንክብካቤ ባሻገር አትኩሮ ትሻለች
በርካታ የህይወት ተሞክሮዎች እንደሚያመለክቱት፣
ሰዎች በተሰበሰቡበት ግብዣ ላይ አንድ ወንድ ፍቅረኛውን
ወይም የትዳር አጋሩን ከሰዎች ጋር በሚኖረው ጨዋታ
እጇን በማሻሸት ወይም በመሳም፣ አብሮነቱን
ቢያረጋግጥላት በቀላሉ ልቧን በፍቅር በማቅለጥ የጥሩ
ስሜት ባለቤት እንድትሆን እንደሚረዳ ይታመናል፡፡
አብዛኛውን ጊዜ ወንዶች በግንኙነት ውስጥ
የሚመለከቱት፣ ትልቁን ምስል ብቻ በመሆኑ አብሮነት
በራሱ በቂ ነው ብለው ሊያስቡ ይችላሉ፡፡ ሴቶች ደግሞ
ባላቸው የተለያየ አፈጣጠር ዝርዝር ነገሮች ላይ ትኩረት
ስለሚያደርጉ እያንዳንዱን እንቅስቃሴና ፍሰት
ይከታተላሉ፡፡ በመሆኑም ወንዶች ፍቅረኛቸው ወይም
የትዳር አጋራቸውን ከመነፈጠሯም ረስተው ለረጅም ሰዓት
ከሶስተኛ ወገን ጋር ጨዋታ ውስጥ ሊገቡ ይችላሉ፡፡ ይህ
በሴቶች አዕምሮ ውስጥ የመተውና አትኩሮት የማጣት
ስሜትን ሊያጭር ስለሚችል ወንዶች ትኩረት
ሊያደርጉበት ይገባል፡፡ ይሄንን በጣም ቀላል ግን ከፍተኛ
ተፅዕኖ ሊፈጥር የሚችል እውነታ በመረዳት፣
በሄዳችሁበት ሁሉ ለሴቶቻችሁ አብሮነት ትኩረትና
ዕውቅናን በመስጠት፣ ስሜታቸውን ከመጉዳት ብትታደጉ
በምላሹ ፍቅር እና አድናቆትን ትቀበላላችሁ፡፡
እዚህ ጋ ልብ ልንለው የሚገባው እውነታ፣ ይህ ዓለም
መስጠትንና መቀበልን መሰረት ያደረገ ነው፡፡ የሰውን
ስሜት ጎድቶ መልካም የስሜት ምላሽ መጠበቅ
የዋህነት ስለሆነ፣ የምንፈልገውን ለማግኘት
የሚፈለገውን መስጠት ግድ ይለናል፡፡


ይቀጥላል.......


· · • • • ጣፋጭ ቃላት • • • · ·
share◉●••
@wubyefkr_kalat // ,, any comment @wubkalat ክፈት / አስተያየት ይስጡ

2022-10-16 21:32:30 ........

እስኪ ዛሬ
የሴትን ልጅ ልብ ለመማረክ እና ቀጣይነት ያለው
ግንኙነት ለመመስረት የሚረዱ 6 ነጥቦች የሚል ጥናታዊ ፅሁፍ በ አራት #part አዘጋጅቻለው .. ለዛሬ #part_1


ከተመቻቹ ሼር
ካልተመቻቹ ይቆማል.. @wubkalat

· · • • • ጣፋጭ ቃላት • • • · ·
╰── ──╯
••●◉Join us share◉●••
@wubyefkr_kalat // ,
✶⊶⊷✶ ክፈት / አስተያየት ይስጡ

2022-10-10 22:30:41 ............

የበረራው ሰዓት ደረሷል ፣ መንገደኞች ለፈተሻ ተሰልፋዋል አንዲት ሴት በአየር መንገድ ማረፊያ (Airport)ውስጥ ካለ ሱቅ አንድ ሱቅ የተጠበስ ድንች ( ቺፕስ መግዛት ፈለጋለች እየበላች ልትገፋው አስባለች አንድ አሽ ጋ ቺፕስ ገዛችና በቦርሳዋ ውስጥ ጨመረች ፍተሻዋን አጠናቃ አውሮፕላን ውስጥ ገባች ፣ ከጎኗ የተቀመጠው ሰው ሰላምታ ሰጣት ቀዝቀዝ ባለ ሰላም ምላሽ ሰጠችው ከስው ጋር ማውራት አልፈለችም ። መፅሐፍት ማንበብ ጀመረች ።

ዐይኗን መጽሐፍት ላይ ተክላ እጇን ከጎና ወደ ተቀመጠው ቺፕስ ትልክና ኮርሸም ታደርጋለች ሰውዬውም መጽሔት በማንበብ ላይ ነው እርሱም እጅን ይዘረጋና ከቺፕሱ ያነሳል ሴትትዮዋ ድፍረቱ አስገርሟታል ፍቃድ እንኳን አልጠየቃትም ። ድጋሚ እጇን ልካ ከድንቹ ጥብሱ ላይ አነሳች ሰውየውም አስከተለ ኮርሽም አደረገ ሴትዮዋ ውስጧ በትዝብት ታመሰ ምን ዓይነት ደፋር ሰው ነው ! ስትል አጉመተመች ሰውዬው አልሰማትም ።

በዚህ መልኩ ሁለቱም ተራ በተራ እጃቸውን እየላኩ ቺፕሱን ማንሳት ቀጥለዋል የሰውዬው ድፍረት ይበልጥ አበሳጭቷታል ። ልትነገረው ሁሉ ቃጥቷት እንደምንም ራሷን ተቆጣጠረች ። ይቅርታ ማንሳት እችላለሁ? ቢለኝ እኮ አልከለክለውም ምን አይነት ሰው ነወ ? ስትል ከሯሷ ጋር አወጋች ። ቺፕሱ እያለቀ ነው የቀረችዋ አንዲት የተጠበሰች ድንች ነች ስውዬው ድንቿን አነሳና ለሁለት ከፈላት ግማሷን ለሴትዩዋ ሰጡ ። ይህ ሲያደርግ ይበልጥ አናደዳት ዐይንአውጣ አለች በልቧ ።

በራሪው መዳረሻ በመቃረቡ መንገደኞች የጥንቃቄ ቀበቷዋቸውን እንዲያጠባብቁ ከበረራ ክፍል መልዕክት ተላለፈ ። ከደቂቃዎች በዋል አውሮፕላን አረፈ መንገድኛው ሊወርድ ሲል አመሰግናለሁ አለማለቱ ደግሞ ሴትዮዋን እጅጉን ከንክኗታል ፊቱ ላይ ምንም ዓይነት የተለየ ስሜት አይታይበትም የእጅ ሻንጣውን ትክሻው ላይ አንጠጥሎ እጁን የሱሪ ኪሱ ውስጥ ከትቶ ተረጋግቶ ከአውሮፕላን ወረደ ሴትዮዋም ወረደች ሴትዮዋም በትዝብት ዐይን ክፍኛ እየገረፋችው ተከትላው ወረደች ።

ከአየር ማረፊያ በመነሳት ቀደም ሲል ወደ ያዘችው ሆቴል በታክሲ እያመራች ነው ። ዐይን አውጣው ሰውዬም በሌላ ታክሲ ወደ ሌላ አቅጣጫ ሄዷል የሴትየዋ ሞባይል አቃጨለ ቦርሳዋን ከፈተችና ስልኳን ለማንሳት እጇን ወደ ቦርሳዋ ላከች እጇ አንድ ነገር ጨበጠ ማመን አቃታት በሀፍረት ላብ ተጠመቀች አየር ማረፊያው ውስጥ የገዛችው ቺፕስ ቦርሳዋ ውስጥ ነበር ።

በረራ ላይ እያለች የበላቸው ቺፕስ የሰውዬው መሆኑን ስታውቅ ተሽማቀቀች ። ዐይንአውጣው እራሷ እንደሆነች ተሰማት አግኝታው ይቅርታ ብትጠይቀው ተመኘች ። እርሷ የተሰማት ስሜት ያልተሰማው በመሆኑ የላቀ ስብዕና ያለው የተከበረ ሰው መሆኑን ልትነግረው ወደዳች ዳሩ ግን ሰውዬው ከአካባቢው ርቋል ።

ሰንቶቻችን እርግጠኛ ባልሆነ መረጃ በሰዎች ላይ መጥፎ ስሜት አዳብን ይሆን ስንቶቻችንስ ሰዎች ለኛ የሚያደርጉትን መልካም ነገር እንደ ክፉ ቆጥረን ጠልተናቸው ። ንቀናቸው ወይም ታዝበናቸው ይሆን ስንቶቻችን የእኛብ ድፋነት ሳናስተውል ሌሎችን በዐይን አውጣነት ከሰናቸው ይሆን ? ........

· · • • • ጣፋጭ ቃላት • • • · ·

••●◉Join us share◉●••
@wubyefkr_kalat // ,, @zii_zuo


#መልካም_ምሽት ክፈት / አስተያየት ይስጡ

2022-10-10 22:14:53 #እድሜና_ምርጫ

ቆንጆ ናት... አፍላ .... 15 አመቷ ነው።
ጎረምሶች ሲያዩዋት አይናቸው ይጎለጎላል።
ጎልማሶች አይተው ይመኛታል።
ወንዶች ይከጅሏታል። ሴቶች በቅናት እንደ ሽንኩርት ይልጧታል።
አንድ ቀን እንዲህ ስል ጠየቅኳት።
<<ማግባት የምትፈልጊው ባል ምን መስፈርት እንዲያሟላ ትፈልጊያለሽ?>> በፍጥነት መለሰችልኝ የተማረ መሆን አለበት፤ ማስተርስ ያለው ይመረጣል። ከተቻለ የግል ቢዝነስ የሚሰራ፤ ኢንቨስተር ቢሆን አሪፍ ነው፤ ካልሆነ ግን አሪፍ ደሞዝ ሊኖረው ግድ ነው።
መኖሪያ ቤቱ G+2 ቢሆን ደስ ይለኛል፤ ከG+1 በታች ግን አልፈልግም።
መኪና በጣም ነው የምወደው። አሪፍ መኪኖች ቢኖሩት አሪፍ ካልሆነም ከተጋባን በኋላ እኔ እንዲገዛ አደርገዋለሁ።
ሙድ የገባው ቢሆን ደስ ይለኛል። ሁሌ ግን የሚቅም፤ የሚጨብስ እና
የሚያጨስ መሆን የለበትም። ጨዋታ የሚያውቅ ሁሌ የሚያስቀኝ!!!
ቁመቱ በጣም እንዲረዝም አልፈልግም። እኔ አጠር ስለምል በጣም
እንዳይበልጠኝ። ደረቱ ሰፋ ያለ ሆኖ ቦርጭ የሚባል እንዲኖረው አልፈልግም።
ጸጉሩ ፍሪዝ ቢሆን ደስ ይለኛል፤ ድሬድ ቢሆን ደግሞ ነፍስ ነው። አይኑ
የሚያምር፤ መልኩ ጸይም መሆን አለበት በጣም ቀይ ወይም በጣም ጥቁር
ወንድ አልወድም። አለባበሱ ዘናጭ መሆን አለበት።
የሚወደኝ፤ የሚንከባከበኝ፤ ሮማንቲክ የሆነ፤ በሳምንት ቢያንስ ሁለቴ የሻማ
እራት ያለበት ሆቴል የሚጋብዘኝ፤ ቢያንስ በወር ሁለቴ ጭፈራ ቤት የሚወስደኝ፤
ከበዓላት እና ከልደቴ ቀን በተጨማሪ ስጦታ እያመጣ ስርፕራይዝ የሚያደርገኝ፤
ፍቅር የሚያውቅ፤ በተለያየ ቁልምጫ ስም የሚጠራኝ እና ታማኝ ከእኔ ውጪ
አንዲት ሴት የማያይ ... >>
ይበቃል አልኳት እንደማታቆም ስለገባኝ። እንዲህ አይነት ወንድ ኢትዮጵያ ውስጥ
ቀርቶ አስቴር አወቀ ዘፈን ውስጥ እንኳን አይገኝም አልኩ በውስጤ። ለሷ ግን
አልነገርኳትም።

ከአስር አመት በኋላ ሳገኛት 25 አመቷ ነበር። አላገባችም። ዩኒቨርስቲ ጨርሳ
ስራ ይዛለች። ጥቂት ቦይ ፍሬንዶች ይዛ ለቃለች። አሁንም ታምራለች
እንደድሮው ግን የሰው ሁሉ አይን ማረፊያ አይደለችም።
መልሼ ያንኑ ጥያቄ ጠየቅኳት።
<<ማግባት የምትፈልጊው ባል ምን አይነት ነገሮች ማሟላት አለበት?>>
የማፈቅረው ሰው መሆን አለበት፤ ፍቅር ከሌለ ላገባው አልችልም።
ከማልወደው ሰው ጋር አንድ ቀን ላድር አልችልም።
ታማኝ እንዲሆን እፈልጋለሁ። እንዲያከብረኝ እፈልጋለሁ። ጥሩ ስራ ቢኖረው፤
ማንበብ የሚወድና በሃሳብ የምንግባባ ቢሆን ደስ ይለኛል።
ቆንጆና ሃብታም ከሆነ ጥሩ ነው፤ ካልሆነም ግን አብረን ሰርተን መለወጥ
እንችላለን። ዋናው መግባባት ነው።
በተረፈ ቤተሰቡን የሚወድ እና የማይዋሽ መሆን አለበት። ወንዱ ሁሉ
የማይታመን ሆነብን እኮ። ዋናው የሚታመን ከሆነ ሌላው ችግር የለውም>>

ጊዜው ይሮጣል!!! ከአስር አመት በኋላ ስንገናኝ አላገባችም። 35 አመት
እያለፋት ነበር። ደግሜ ያንኑ ጥያቄ ጠይቅኳት።
<<ማግባት የምትፈልጊው ባል ምን አይነት ነገሮች ማሟላት አለበት?>>
ትንሽ አሰብ አደረገኝና
<<የምግባባው ሰው ከሆነ ሌላው ችግር የለውም>> አለችኝ
መልኩ፤ ጸጉሩ፤ ሃብቱ፤ እውቀቱስ አልኳት።
<<ወንድ ልጅ ደግሞ መልክ ምን ያደርግለታል? ከቺምፕ (ቺምፓንዚ) መለስ
ካለ ሌላው ችግር የለውም>> አለች እየሳቀች።

ከአስር አመት በኋላ ሳገኛት አግብታ ሁለት ልጆች ወልዳ ነበር።
ባሏ አጭር፤ ጥቁር፤ መላጣ፤ የከባዳ መኪና ሾፌር አይነት ቦርጭ ያለው፤
ሱሪውን ቦርጩ መሃከል ላይ የሚታጠቅ፤ ሁልጊዜ መላጣውን የሚያልበው
ዝጋታም ነገር ነው
<<እንዴት ነው ትወጂዋለሽ>> አልኳት
<<ምን ማለትህ ነው ትዳር አይደል?>>
<<ማለቴ ድሮ የነገርሽኝ አይነት ሰው አይደለም ብዬ ነው?>>
<<ያኔማ አየር ላይ ነበርኩ፤ እድሜ መስታወት ነው፤ ብዙ ያስተምራል፤ አሁን
ተምረን ልብ ገዝተን ነው>> አለች ተከዝ ብላ።
<<ሁሌ የማይቀያየር አንድ መስፈርት ነበረሽ፤ ታማኝ መሆን አለበት ትይኝ ነበር።
ባልሽ ታማኝ ነው?>>
<<ታማኝ አምላክ ብቻ ነው፤ በቃ ግን ... ትዳር ስለሆነ ከማይታመን ሰው ጋር
መኖር ትለምዳለህ፤ አየህ አሁን የገባኝ ነገር ትዳር ማለት እንደ ፖለቲካ ነው።
ፖለቲከኞች ውሸት እየነገሩን አብረን እንደምንኖር ትዳር ውስጥም ይሄ
ያጋጥማል>> አለች
<<በትዳርሽ ደስተኛ ነሽ?>> አልኳት እያዘንኩ
<<ደስታ አንጻራዊ ነው፤ በልጆቼ ደስ ይለኛል፤ ትዳሬን አከብራለሁ። በተረፈ
ግን እየኖርኩ ነው>> አለች ፈገግ ብላ። በዛች ቅጽበታዊ ፈገግታ ውስጥ የጊዜን
ኃይለኝነት አየሁ።
ጊዜ ነው እንጂ ቁምነገራም
ባላባትነት አያኮራም እንዲሉ እመው



· · • • • ጣፋጭ ቃላት • • • · ·
╰── ──╯
••●◉Join us share◉●••
@wubyefkr_kalat // ,, @zii_zuo
✶⊶⊷ ⊶⊷ ❍ ⊶⊷⊶ ⊷✶ ክፈት / አስተያየት ይስጡ