Housing in Addis Ababa የአዲስ አበባ ቤቶች

የጨረታ መክፈቻው ተራዘመ

የአዲስ አበባ ቤቶች ልማት ኮርፖሬሽን ከአዲስ አበባ ዲዛይንና ግንባታ ስራዎች ቢሮ ጋር በመተባበር ያስገነቧቸውን 3,452 የመኖሪያና የንግድ ቤቶችን በሽያጭ ለማስተላለፍ የጨረታ ሰነድ በመሸጥ ላይ ይገኛል።

ኮርፖሬሽኑ ፤ ከሕብረተሰቡ መጣልኝ ባለው ጥያቄ መነሻነት የጨረታ መክፈቻ ጊዜው ለ10 ቀናት የተራዘመ መሆኑ አሳውቋል።

በጨረታው መሳተፍ የሚፈልግ ማንኛውም ተጫራች እስከ መጋቢት 02/2016 ዓ/ም ድረስ ዘወትር ከሰኞ እስከ ቅዳሜ ከጠዋቱ 1፡30 እስከ ምሽቱ 1፡30 እንዲሁም እሁድ ከጠዋቱ 1፡30 እስከ ቀኑ 6፡00 በሁሉም ክፍለከተሞች ዲዛይንና ግንባታ ስራዎች ቢሮ በአካል በመቅረብ የጨረታ ሰነዱን መግዛት ይችላል ተብሏል።

አራዳ ፒያሳ መስከረም 1983 ዓ.ም
Elias Yemane

ለመምህራን በብድር የኤሌክትሪክ መኪና የመስጠት ኘሮጀክት ይፋ ሆነ

ጤግሮስ ትሬዲንግ ከፍኖት የገንዘብ ቁጠባና ብድር ኃላፊነቱ የተወሰነ የህብረት ስራ ማኀበር ጋር በመሆን ዛሬ የካቲት 17 ቀን 2016 ዓ.ም በኢትዮጵያ ሆቴል ለመምህራን በብድር የኤሌክትሪክ መኪና ለማቅረብ የሚያስችላቸውን ኘሮጀክት ይፋ አደረገ። የአባልነት መስፈርታቸውን ላሟሉ እና ቁጠባቸውን ለአጠናቀቁ መምህራን እና የትምህርት አመራሮች የመጀመሪያ ዙር ዘመናዊ የኤሌትሪክ መኪኖች ብድር የመስጠት ፕሮጀክት ከፍኖት የገንዘብ ቁጠባና ብድር ኃ/የተ/ህ/ስ/ማኅበር እንዲሁም ከበላይነህ ክንዴ ጄነራል ትሬዲንግ ጋር በተደረገ ስምምነት መስጠት የተጀመረ እና በቅርቡ በአዲስ አበባ ከተማ በሚገኙ 11 ክፍለ ከተሞች በተደረገው ምዝገባ ከ2500 በላይ መምህራን እና የትምህርት ባለሙያዎች የኤሌክትሪክ መኪና በብድር ለመውሰድ ፍላጎት ማሳየታቸውን የገለጹ ሲሆን ሁለተኛው ዙር ምዝገባ መጋቢት 5 ቀን 2016ዓ.ም እንደሚጀመር ገልጸዋል።

"የእውቀት ባለቤት ውለታ እንመልስ" በሚል መሪ ቃል ለሀገር ባለውለታ ለሆኑ መምህራን ቁጠባና ብድርን መሰረት ያደረገ "ደራሽ" የተሰኘ የኤሌክትሪክ መኪና ግዥ ፕሮጀክት ማስጀመሪያ መርሐግብር ላይ 10 ለሚሆኑ መምህራን እና የትምህርት ባለሙያዎች በበላይነህ ክንዴ የመኪና መገጣጠሚያ የተመረቱ የኤሌክትሪክ መኪናዎች ቁልፍ ተበርክተዋል።

በቀጣይ የጤና ፣ የመገናኛ ብዙሃን እና የኪነጥበብ ባለሙያዎችን የመኪና እና የቤት አቅርቦትን በብድር ተደራሽ ለማድረግ ዝርዝር ጥናቶች እየተከናወኑ ነው።

በመርሐግብሩ ላይ በክብር እንግድነት የተገኙት የበላይነህ ክንዴ ጄነራል ትሬዲንግ ባለቤት አቶ በላይነህ ክንዴ ለመምህራን ማድረግ የሚገባንን ድጋፍ በቀጣይ አጠናክረን እንቀጥላለን ብለዋል።

የአዲስ አበባ ከተማ አስተዳደር ካቢኔ በመዲናዋ 4 ዋና ዋና የመንገድ ኮሪደሮች እንዲለሙ ውሳኔ አሳለፈ

ካቢኔው አዲስ አበባ የደረሰችበትን የዕድገት ደረጃ የሚመጥን የመንገድ ኮሪደሮች ልማት ለማከናወን የሚያስችል ዕቅድ ላይ ተወያይቷል።

በዚህም የከተማዋን አጠቃላይ የመንገድ ሽፋን እና ዘመናዊነት እንዲሁም የትራንስፖርት ፍሰት ወደ ላቀ ደረጃ ሊያሳድጉ የሚችሉ የመንገድ ኮሪደር እና የአካባቢ ልማቶች ላይ ተወያይቶ ውሳኔ አሳልፏል።

በውሳኔው መሠረት የሚለሙት የመንገድ ኮሪደሮች የሚከተሉት መሆናቸውን ከከንቲባ ጽ/ቤት ያገኘነው መረጃ ያመላክታል፦

• ከአራት ኪሎ በመስቀል አደባባይ እስከ ቦሌ ድልድይ (7 ኪ. ሜትር)
• ከቦሌ አየር መንገድ እስከ መገናኛ ዳያስፖራ አደባባይ (4.9 ኪ. ሜትር)
• ከመገናኛ ዳያስፖራ አደባባይ በአራት ኪሎ በኩል የዓድዋ ድል መታሰቢያ አካባቢ ድረስ (6.4 ኪ. ሜትር)
• ከፒያሳ አድዋ ድል መታሰቢያ ዙርያ በለገ-ሃር፣ ሜክሲኮ፣ ሳርቤት በኩል እስከ ወሎ ሰፈር (10 ኪ. ሜትር)

እነዚህ የመንገድ ኮሪደር ልማቶች ዘመናዊ ከመሆናቸውም በላይ ዓለም አቀፍ የስማርት ሲቲ ስታንዳርድን በማሟላት የከተማዋን ደረጃ ከፍ የሚያደርጉ ናቸው ተብሏል።

የመንገድ ኮሪደር ፕሮጀክቶቹ አዋሳኝ የወንዝ ተፋሰሶችን ያቀፉ፣ ለሳይክልና ሞተር አልባ ትራንስፖርትም አገልግሎት የሚሰጡ እንደሚሆኑ ተጠቅሷል።

የዓድዋ ድል መታሰቢያ ሙዚየም

በአዲስ አበባ ፒያሳ የተገነባው የዓድዋ ድል መታሰቢያ ሙዚየም ዛሬ ይመረቃል።

በ5 ሄክታር መሬት ላይ ያረፈው ሙዚየም የኢትዮጵያውያን ጀግኖች ለመላው ጥቁር ህዝብ ኩራት የሆነ ተጋድሏቸውን የሚዘክሩ ስራዎችን ይዟል።

በሙዚየሙ ውስጥ የዓድዋ ድል የክተት አዋጅ የታወጀበት ነጋሪት በነሐስ ተሰርቶ ይገኛሉ።

ሙዚየሙ ከምድር በታች ያለውን ሁለት ደረጃዎችን ጨምሮ 5 ወለሎች ያሉት ሲሆን፥ ከ1 ሺህ በላይ የመኪና ማቆሚያዎችን ጨምሮ በርካታ አዳራሾችንም አካቷል።

"አድዋ-00 ሙዚየም"