Freshman and Preparatory Students Channel

በህክምናና ጤና ሳይንስ ኮሌጅ የፋርማሲ ት/ቤት ለተማሪዎቹ ሞዴል የዩኒቨርሲቲ መውጫ ፈተና ሰጠ።


በሀዋሳ ዩኒቨርሰቲ የህክምናና ጤና ሳይንስ ኮሌጅ ለአምስተኛ አመት የፋርማሲ ትምህርት ክፍል ተማሪዎች ሞዴል የዩኒቨርሲቲ መውጫ ፈተና (Exit Exam) መስጠት ተጀምሯል::

የፋርማሲ ት/ቤት ኃላፊው አቶ ሕዝቅኤል ኤንጊሶ ስለፈተናው አላማ ሲያብራሩ ተማሪዎቻችን በእስካሁኑ ዝግጅታቸው ምን አይነት ደረጃ ላይ እንደሚገኙ ራሳቸውን እንዲገመግሙና የትምህርት ክፍሉም በቀጣይ ትኩረት ሰጥቶ መስራት ያለበትን ስራ ለማወቅ መሆኑን ገልጸዋል። ኃላፊው አክለውም ሀገር አቀፍ የዩኒቨርሲቲ መውጫ ፈተና ይሰጣል ከተባለበት ጊዜ አንስቶ በአጠቃላይ በኮሌጁ ደረጃ ብሎም እንደ ፋርማሲ ትምህርት ቤት በርካታ የስነ-ልቦና ዝግጅትና በፈተናው ይዘቶች ላይ ለተማሪዎች ገለጻና የማጠንከሪያ ትምህርት ሲሰጥ መቆየቱን አስታውሰው በአሁኑ ወቅት የዩኒቨርሲቲ መውጫ ፈተናው ሊሰጥ የሁለት ወራት ጊዜ ያህል ብቻ የቀረው በመሆኑ ይህን ሞዴል ፈተና ለማዘጋጀት መወሰኑን ተናግረዋል።

የፋርማሲ ትምህርት ክፍል አስተባባሪው አቶ ሙሉቀን አልታዬ በበኩላቸው በትምህርት ክፍሉ የተዘጋጀው ሞዴል ፈተና ዋናው የመውጫ ፈተና የሚያተኩርባቸውን ኮርሶች በመለየት የተዘጋጀ የመለማመጃ ፈተና በመሆኑ ተማሪዎች በዚህ ፈተና የሚያስመዘግቡትን ውጤት በመመልከት ምን ያህል ዝግጅት ማድረጋቸውን መገምገም ይቻላል ብለዋል።

ፈተናው በኦንላየን መሰጠቱ ከወረቀት የፈተና አሰጣጥ በአቀራረቡ የተለየ ቢመስልም በይዘት ግን ልዩነት የሌለው መሆኑን ተማሪዎች በመገንዘብ ከአላስፈላጊ ጭንቀት ራሳቸውን መጠበቅ እንደሚገባም ጨምረው አሳስበዋል።


፨ለጥቆማ
@atc_newsbot
ቻናላችንን ይቀላቀሉ
@atc_news @atc_news
@atc_news @atc_news

#WolloUniversity
New #Updated Academic Calendar

ወሎ ዩኒቨርሲቲ በሪሚዲያል፣ በ12ኛ ክፍል ብሄራዊ ፈተና እና በመውጫ ፈተና ምክንያት የ2015 ዓ.ም አካዳሚክ ካሌንደርን ማሻሻያ አድርጓል።

በተሻሻለው አዲስ ካሌንደር መሰረት

፨ከሰኔ 10-15/2015 ድረስ የሪሚዲያል ፈተና ይሰጣል።(Tentative)

፨ሰኔ 29 እና 30 የዩንቨርሲቲው መደበኛ ተማሪዎች ለኢንትራንስ ፈተና ሲባል ግቢው ለቀው እንዲወጡ ይደረጋል።

፨ከሀምሌ 05-14/2015 ድረስ የዩንቨርሲቲ መግቢያ ፈተና ይሰጣል።(Tentative)

፨ሀምሌ 15 እና 16/2015 የግቢው ተመራቂ ተማሪዎች የመውጫ ፈተና ለመውሰድ ወደ ግቢ ይገባሉ።

፨ከሀምሌ 17-27/2015 ድረስ የተመራቂ ተማሪዎች የመውጫ ፈተና ይሰጣል።

በዚህ አካዳሚክ ካሌንደር መሰረት የወሎ ዩኒቨርስቲ የተመራቂ ተማሪዎች የመመረቂያ ቀን መስከረም 19-20/2016 እንደሆነ ተገልጿል።


ዝርዝር መረጃ ለምትፈልጉ ከላይ የተያያዘውን ምስል ይመልከቱ።


፨ለጥቆማ
@atc_newsbot
ቻናላችንን ይቀላቀሉ
@atc_news @atc_news
@atc_news @atc_news