2023-04-21 13:59:16
የኢድ ስጦታዬ .... ኢፋዳ!
(ፉአድ ሙና)
.
ሰባት አመታት ገደማ በሶሻል ሚዲያ በቻልኩት አቅም በልብወለድ እና ግጥም ስራዎች እኛን የሚመስሉ እና ለእኛ የቀረቡ ውክልናዎችን ለመሳል ሞክሬያለሁ። በአላህ ችሮታም ካሰብኩት በተሻለ መልኩ ስራዎቼን የሚረዳ አንባቢን ታድያለሁ።
አንባቢዎቼ ለእኔ ቁጥር አይደሉም። የተለያየ የእውቀት ደረጃ እና ማንነት ያላቸው ሰዎች ናቸው። በእነዚህ አመታት ውስጥ ተቆራኝተን ቤተሰብ ሆነናል። ፅሁፌን ከማንበብ ባሻገር በርካታ የበጎ አድራጎት ስራዎች ሲኖሩ የሚሳተፉ እና እምነት የሚጥሉ ውብ ቤተሰቦችን አፍርቻለሁ። አልሀምዱሊላህ!
ስፅፍላችሁ የምፅፈው ከእኔ በተሻለ መረዳት እንደምትገነዘቡት እያሰብኩ ነው። እናም ለተወሰነ ጊዜ ከሀገር ውጪ የነበርኩኝ በመሆኑ ምክንያት እንዲሁም ከዚያም ቀደም በአንዳንድ ምክንያቶች ለረዥም ጊዜ ልብወለድ ሳላስነብብ ቆይቻለሁ።
እነሆ አሁን በአላህ ፈቃድ በአጭርም ሳይሆን በረዥም ልብወለድ መጥቻለሁ። አንባቢዎቼ ሁሌም ስትወተውቱት የነበረው ምኞታችሁ ሰምሮ መፅሀፍ አሳትሜያለሁ። «ኧረ ተው መፅሀፍ አሳትም!» ያላችሁት እውን ሆኗል።
ኢፋዳ ብዙ ምኞቶቼን የከተብኩባት የምናብ ጉዞ ናት። ክብራችሁን እንዲመጥን እና በሙስሊምነት ልዕልናችሁ ልክ እንዲሰፋ ሞክሬያለሁ። አላህ እንደከዚህ ቀደሙ ሁሉ እኔ ካሰብኩት በተሻለ እና እኔ ካየሁበት በበለጠ መረዳት ይገጥማችሁ ዘንድ ዱዓዬ ነው።
በዚህ የህትመት ዋጋ እጅጉን በተወደደበት እና ታዋቂ ደራሲዎች እንኳን ማሳተም በፈሩበት ሰዓት መፅሀፉ እንዲታተም የሆነው ከዚህ በላይ ኢፋዳን ሳያሳትሙ መቆየት ከእናንተ መዘግየት ይሆናል በሚል እሳቤ ነው።
መፅሀፉ ሌሎች ኢስላማዊ ቅብ ያላቸው መፅሀፍት ላይ ባልተለመደ መልኩ እጅጉን ጥንቅቅ ያለ የውስጥ ዲዛይን እንዲሰራለት ተደርጓል። ለሌሎች መፅሀፍት ማሳያ ይሆናል ብዬ በአላህ ተስፋ አደርጋለሁ።
እነሆ የኢድ ስጦታዬ ኢፋዳ የተሰኘ የረዥም ልብወለድ መፅሀፍ ነው።
ፍትሀዊ ለመሆን ሲባል ከ4ኛው ኮፒ ጀምሮ ያሉትን መፅሀፍቶች ዛሬ ከ11 ሰዓት ጀምሮ @Ifadasales ላይ በሞባይል ባንኪንግ/በባንክ በመላክ በመግዛት የእናንተን ኮፒ ማስያዝ ትችላላችሁ። ስንተኛው ገዢ እንደሆናችሁ የሚገልፅ ቁጥር ይሰጣችኋል። አላህ ቢሻ የመፅሀፉን የኦንላየን ሽያጭ በዚህ አንድ ሳምንት ውስጥ አጠናቀን በምትሰጡን መረጃ መሰረት በቅርቡ በአቅራቢያችሁ ካለ የኢፋዳ Pick up ሎኬሽን መፅሀፉን እንድትወስዱ እናደርጋለን።
ከ1ኛ እስከ 3ኛ ያሉት ኮፒዎች ግን ነገ ማታ በቴሌግራም የፈገግታ መጅሊስ ላይ ለጨረታ ይቀርባሉ። ለአሸናፊዎች መፅሀፉን እኔ ራሴ አስረክባለሁ።
መፅሀፉን @ifadasales ላይ ስትገዙ የሚላክላችሁን መመሪያ በአግባቡ ተከተሉ። ከዚህ ቀደም ለበጎአድራጎት በምትልኩበት አካውንት ክፍያ አትፈፅሙ። @Ifadasales ላይ የሚሰጣችሁን አካውንት ተጠቀሙ።
የመጀመሪያውን እትም ኮፒዎች ሳያልቁ ቀድማችሁ ግዙ።
.
ከጥልቅ መውደድ ጋር!
ፉአድ ሙና
የማይነበብ ፊርማ
.
@Fuadmu
@Fuadmu
ለአስተያየትዎ
@Fuadmubot
2.5K viewsedited 10:59
F
