CHANNEL 29

ገዳይ እና አስገዳይ የሱዳን ጀነራሉች
~ ~ ~
የአምባገነኑ የሱዳን ፕረዝዳንት ታማኝ ቡችሎች የነበሩት የ“ራፒድ ሰፖርት ፎርስ (አር.ኤስ.ኤፍ)” አዛዥ ጀነራል መሀመድ ሀምዳን ዳጋሎ (ሄሚቲ) እና የሱዳን ብሄራዊ ጦር አዛዥ ጀነራል አልቡርሃን የሱዳን ህዝብን በመግደልና በማስገደል ሁለ ነገራቸውን በደም የጨቀዩ ናቸው::

ጀነራል መሀመድ ሀምዳን ዳጋሎ (ሄሚቲ) ከምንም ተነስተው ከ100 ሺህ በላይ ጦር እንዲመሩ በተሾሙበት ማግስት በዳርፉር ይህ ነው ተብሎ ለመዘርዘር የሚከብ ግድያ፣ አስገድዶ መድፈር፣ የአካልና የንብረት ውድመት መርተዋል። ይህ ተግባር የተባበሩት መንግስታት ድርጅት "ዘር ማጥፋት ተፈጽሟል" በማለት በግልፅ ቋንቋ ገልጾታል። ባለፉት አስር ዓመታት የስልጣን ቆይታቸውም የተቃውሞ ኮሽታ ባለበት ሁሉ ፈጥነው በመድረስ በርካታ ግድያዎችን አስፈጽመዋል።

ጀነራል አልቡርሃን በበኩላቸው ከወጣነት ዘመናቸው ጀምሮ በተለያዩ የሀላፊነት ደረጃዎች የስርአቱና የመሪው ታማኝ ሆነው አገልግለዋል። በስርዓቱ ላይ ኮሽታ የሚያሰሙ ዜጎች፣ ባለሥልጣናትና ወታደሮችን አስረሽነዋል። ዘብጢያ አውርደዋል። ለዚህ ውለታቸውም ከፕሬዝዳንት አልበሽር የአገሪቱ ብሄራዊ ጦር አዛዥነት በቅተዋል። በሁለቱ ከፍተኛ ወታደራዊ አዛዦች መካከል የነበረው መናበብ፣ መደጋገፍ፣ መቀናጀትና የጭካኔ እርምጃ የአምባገነኑን ሥርዓት እድሜ አራዝሟል። እኤአ. በ2019 የአልበሽር ታዛዥነታቸውንና ታማኝነታቸውን ጠብቀው ዳቦ እና ፉል ጥየቃ አደባባይ የወጡ አያሌ ደሃ ሰላማዊ ሱዳናውያንን በጭካኔ ለማስገደልና አካል ለማጉደል ተባብረዋል። ተቃውሞው እየጠነከረ ሲመጣ ደግሞ በዝግ ቤት አልበሽርን ክደው ሥልጣን ለመንጠቅ ተመካከሩ፤ ተማማሉ። በተግባርም ተቃውሞውን በጋራ ጠለፉት። ሲገድሉት የነበረው ህዝብ ከጎንህ ነን ብለው አልበሽርን ዘብጢያ ወረወሯቸው።

የአገሪቱ ከፍተኛ የስልጣን መዋቅር የሆነውን ሉዓላዊ ም/ቤት ዋና እና ምክትነትን ተከፋፍለው ከነበራቸው የተሻለ ሥልጣን ተቆናጠጡ። ይሁንና የሁለቱ ጄኔራሎች የሰው ኃይልና አጠቃላይ ወታደራዊ አቅም ተመጣጣኝ ስለነበረ ውሎ እያደር ጀነራል ሄሚቲ ምክትልነቱ ቅር ያሰኛቸው ጀመር። በሆነ ባልሆነ ልዩነት እየፈጠሩም ልዩነቱን አሰፉት። ራሳቸውን ከጀነራል አልቡርሃን ጋር እኩል ስልጣን እንዳላቸው በመቁጠርም ተነጥለው የውጭ ግንኙነት እስከ ማድረግ ደረሱ።

ውሎ እያደር "አንድ ቆጥ ላይ የሰፈሩ ሁለት አውራ ዶሮዎች መሰሉ። በአንድ አገር ውስጥ የነገሱ ሁለት ነገስታት ሆኑ። በርካቶች ይህ የጀነራሎቹ አዝማሚያ ወደትከሻ መለካካት ሊያደርሳቸው እንደሚችል ሲያስጠነቅቁ ነበር። እንደተፈራውም በ4ኛ ዓመታቸው ባለፈው ቅዳሜ እርስ በእርስ ውጊያ ገጠሙ። እነሱ ቀድመው ባዘጋጇቸው ማደበቂያ ጉሮኖዎች አድፍጠው ሱዳንን በአየርና በምድር ማፈራረስ ያዙ። ግዙፍና ውብ ህንጻዎቿን፣ አውሮፕላን ማረፊያዎቿን፣ አውሮፕላኖቿን፣ የነዳጅ ዲፖዎቿን፣ መንገዶቿን፣ ወታደራዊና የሲቪል ተቋማትን፣ መኖሪያ ቤቶችን . . . ማውደም ተያያዙት:: ከምንም በላይ ደግሞ እንደቀድሟቸው ሰላማውያንን መግደል ተያያዙት:: እስከዛሬ ሦስተኛ ቀን ድረስም ከ100 በላይ የሰላማዊ ሱዳናውያንን ህይወት እንደቀጠፉ ተረጋግጧል። አሁንም እየገደሉ ነው። በቀጣይም የሰላማዊ ሱዳናውያንን ህይወትና የአገራቸውን ውድመት ለመቀነስ ሰላም ይወርዳል ተብሎ አይጠበቅም። እስካልተሸናነፉ ድረስ መግደላቸውን ይቀጥላሉ። የአምባገነን የስልጣን ጥመኞች የገሃዱ ዓለም ትራጄዴ።

መቐለ የጎዳና ላይ ኢፍጣር

ትግራይ...

ሰዓብቲ እምነት እስልምና ኣብ ጎደና መቐለ ንዝገብሩዎ ናይ ኢፍጣር ፕሮግራም ምድላዉ

የእስልምና እምነት ተከታዮች በ መቐለ ጎደና ለሚያደርጉት የኢፍጣር ፕሮግራም ዝግጅት

Robel Hayelom