Bank of Abyssinia

ባንካችን አቢሲንያ ተደራሽነቱን ለማስፋት በአገር ደረጃ የመጀመሪያ የሆነውን የቨርቹዋል ባንኪንግ ከፍቶ አገልግሎት እየሰጠ መሆኑ ይታወቃል። አገልግሎቱን ይበልጥ ተደራሽ ለማድረግ 23ኛውን የቨርችዋል ባንኪንግ ማዕከል በአዲስ አበባ ጀሞ 1 ታክሲ ተራ አካባቢ፣ 24ኛውን በደብረብርሀን ከተማ ሠማያዊ ሆቴል ፊትለፊት ወይም ሮሚና ካፌ አጥገብ፣ 25ኛውን በመቀሌ ከተማ ሸባ ኮሌጅ አካባቢ ከፍቶ አገልግሎት መስጠት ጀምሯል!

#virtualbanking #bankinginethiopia #banksinethiopia #ITM #bankofabyssinia #Ethiopia #የሁሉም_ምርጫ

ባንካችን አቢሲንያ የባለ አክሲዮኖች 27ኛ መደበኛ እና 14ኛ አስቸኳይ ጠቅላላ ጉባዔዎች ቅዳሜ፣ ኅዳር 8 ቀን 2016 ዓ/ም በኢንተር ሌግዠሪ ሆቴል አካሄደ፡፡
በጉባኤው ላይ የ2022/2023 የሒሳብ ዓመት ዓመታዊ ሪፖርት ለባለ አክሲዮኖች የቀረበ ሲሆን፣ ከዚሁ ጋር በተያያዘ በቀረቡ ጥያቄዎች ላይ ውይይት ተደርጓል፡፡ የባንኩን ካፒታል ለማሳደግ በዲሬክተሮች ቦርድ በቀረበው ሐሳብ ላይ ተወያይቶ ጠቅላላ ጉባኤው ውሳኔ ያስተላለፈ ሲሆን፣ ለቀጣዮቹ ሦስት ዓመታት የሚያገለግሉ የቦርድ አባላት ምርጫም ተከናውኗል፡፡ በእለቱ የጠቅላላው ጉባዔ ውሳኔ የሚያሻቸው ሐሳቦች ተንሸራሽረውና ውሳኔ ተሰጥቶባቸው ጉባኤው በተሳካ ሁኔታ ተጠናቅቋል፡፡

ባንካችን በጥቅምት 24 ቀን 2016 ዓ.ም. በስቴይ ኢዚ ፕላስ ሆቴል የባንኩ ተቀዳሚ ደንበኞች፣ የባንኩ የሥራ አመራር አባላት እና የተለያዩ የሚዲያ አካላት በተገኙበት ‘‘ለአቢሲንያ አሚን’’ ከወለድ ነጻ የባንክ አገልግሎት በብራንድ አምባሳደርነት ከተሾመው ከአቶ ሙሐመድ ፈረጅ ጋር የፊርማ ስነ-ስርዓት አካሂዷል፡፡ ሊንኩን በመጠቀም ተጨማሪ ያንብቡ
https://www.bankofabyssinia.com/ifb-brand-ambassador/

ባንካችን አቢሲንያ “መቆጠብ ያሸልማል” በሚል የአገር ውስጥ ቁጠባን የሚያበረታታ መርሀ ግብርን ለ4ኛ ግዜ፣ “እንሸልምዎ” በሚል መሪ ቃል የውጭ ምንዛሬ የሚያበረታታ መርሀ ግብርን ለ5ኛ ግዜ፣ ከታህሳስ 25 ቀን 2015 ዓ.ም እስከ ሰኔ 24 ቀን 2015 ዓ.ም አከናውኖ ባሳለፍነው ነሐሴ 04 ቀን 2015 ዓ.ም. በብሄራዊ ሎተሪ አዳራሽ የዕጣ አወጣጥ ስነ-ስርዓት አከናውኖ ባለዕድለኞችን መለየቱ የሚታወስ ነው ፡፡

በዚህም መሰረት ዘመናዊ አይሱዙ ኤን.ፒ.አር ፣ዘመናዊ ትራክተር፣የ 5 ቀናት የቱርክ ሀገር ጉብኝትን ጨምሮ በሁለቱም ዝግጅቶች 187 ሽልማቶችን ያካተተው መርሀ ግብራችን በመላው ሀገሪቱ የሚገኙ ከ 8 ሚሊየን በላይ ደንበኞች በዕጣው የተሳተፉበትም ነበር ፡፡

እነዚህ ዕድለኞች በድሬደዋ፣ በደሴ፣ በሀዋሳ ፣በአዲስ አበባ እና በመላው ሀገሪቱ የሚገኙ ሲሆኑ ባንካችን አቢሲንያ በቃሉ መሰረት ለዕድለኞች በያሉበት ከተማ በደማቅ ስነ-ስርዓት አስረክቧል፡፡
በዚህ የእጣ መርሀግብራችን ለተሳተፉ በሙሉ ልባዊ ምስጋናችንን እናቀርባለን፡፡ ለባለ ዕድለኞች እንኳን ደስ አላችሁ እያልን መሰል የሽልማት መርሀ ግብር በቅርቡ በአይነት እና በይዘት ላቅ ብሎ ለመምጣት ዝግጅት ማጠናቀቃችንን እያበሰርን በመላው ሀገሪቱ የሚገኙ የባንካችን ደንበኞች በነዚሁ ዝግጅቶቻችን ላይ በመሳተፍ የባንካችን አገልግሎት ተጠቃሚ እንዲሆኑ፣ እድላቸውንም እንዲሞክሩ እንጋብዛለን ፡፡