ሰው ሁን ከሰውም ሰው ሁን

2023-01-30 07:10:30 የመልካምነት መሰረቱ እውቀት ነው።

የክፋት መሰረቱ ደግሞ አለማወቅ ነው።

ተናግረህ ማሳመን ካልቻልክ ባትናገር ይሻላል።

መንጋው ግር ባለበት በኩል ሁሉ ግር ማለት አትውደድ!

ዝንቦች በብዛት የሚሰበሰቡት የት
እንደሆነ ይታወቃል ።

ልጅህን ባስተማርክ ጊዜ የልጅ ልጅህንም እያስተማርክ ነው፡፡

ሁልግዜ የሽማግሌዎችን ምክር ስማ፤ትክክል ሰለሆኑ ሳይሆን የህይወት ልምድ ስላላቸው::

የሂወትህን በር አልፋ መግባት ያለባትን ሴት የሚወስነው ዕጣ ፋንታ ሲሆን ካንተ ጋር መቆየት ያለባትን ፣ የሌለባትንና እንዲሁም ልታጣት የማትፈልጋትን የምትወስነው ግን አንተ ነህ ።


መልካም የስራ ቀን!
@BiniGirmachew    @BiniGirmachew

  

ሰው ሁን ከሰውም ሰው ሁን  የቴሌግራም ቻናል ክፈት / አስተያየት ይስጡ

2023-01-29 22:30:06 እራስህን አመስግን ለትልቁ ሀይልህ

ሕይወት የትኛውንም አይነት ፈታኝ እና አስቸጋሪ ሁኔታዎች ወደ መንገድህ የሚጥልብህ ፤ እና ማንኛውም ብዙ ህመም የሚፈጥሩ ሁኔታዎች ውስጥም ብታልፍም 

አንተ ሁልጊዜም እራስህን ከዚያ ለማውጣት መንገዶችን ታገኛለህ። ሁልጊዜም ከዚህ ጦርነት ውስጥ እራስህን አውጥተህ ጭንቅላትህን ቀና አድርገህ እና ከትልቅ ፈገግታ ጋር ትቆማለህ። እና በዚህ ምክንያት

በዚህ ትልቁ ሀይልህን በምትጠቀምበት መንገድ ፤ አንተ ፍቅር ፣ ምስጋና እና ማበረታታት ይገባሃል።

አንተ ትልቅ የሆነ "አመሠግናለሁ" ይገባሀል!

ለራስህ መልካም ምሽትን ተመኝ

@BiniGirmachew    @BiniGirmachew

  

ሰው ሁን ከሰውም ሰው ሁን  የቴሌግራም ቻናል ክፈት / አስተያየት ይስጡ

2023-01-28 15:06:22 በሴቶች ላይ የሚደርስ የአዕምሮ ጭንቀት

   ክፍል 6

በሰውነት ውስጥ ስለሚፈጠሩ ለውጦች

ሴቶች በሰውነታቸው ውስጥ በሚታዩ አንዳንድ ለውጦች

ምክንያት በቀላሉ ብስጩ ሲሆኑና የአዕምሮ ጭንቀት ሲያዙ ይታያሉ።

አንዳንድ ሴቶች የወር አበባቸው ሊመጣ ጥቂት ቀናት ሲቀረው፣ የአዕምሮ ጭንቀትና የጠባይ መለዋወጥ ብዙ ጊዜ ይታይባቸዋል።

በዚህ ወቅት አንዳንድ ሴቶች የተስፋ ቢስነት ፣ የስጋት ፣ የጭንቀትና የቁጡነት

ስሜት ይታይባቸዋል። ጠባያቸውን እንደዚህ ተለዋዋጭ የሚያደርገው በአካላቸው ውስጥ በሚሆነው የንጥረ ነገሮች (ኬሚካል) ለውጥ ነው።

"በሴት የወር አበባ" ጊዜያት ብዙ ሴቶች ብዙ የጠባይ ለውጥ ይታይባቸዋል።

ይህ ለውጥ ሥነ አዕምሮ (psychological) ሳይሆን በሥጋቸው ውስጥ በሚታይ ለውጥ ስለሆነ ፣ ይህን ዓይነት የስሜት መለዋወጥ ሲሰማቸው "ላብድ ነው እንዴ?" የሚል ፍርሃት እንዳይኖርባቸው ማስረዳት አስፈላጊ ነው።

አንዳንድ ሴቶች በወር አበባቸው ጊዜ የሚያሳዩትን የጠባይ ለውጥ ብዙ ወንዶች መቀበል ስለሚያቅታቸው ፣ ይበልጥ በመካከላቸው ተደጋጋሚ ግጭትና አለመስማማት ስለሚፈጠር ፣ ይሄ ሁኔታ በተለይ በሴቷ ላይ የአዕምሮ ጭንቀት ሊያስከትልባት ይችላል።

"የሴት የወር አበባ" ከመምጣቱ በፊት (premenstrual) በሴቷ ላይ የሚታየው የስሜት መለዋወጥና አንዳንድ ሴቶች በወር አበባቸው ጊዜ የሚሰማቸው ህመም (Dysmenorrhea) ጋር አንድ አይደለም።


የወር አበባ ስሜት የሚታየው ከጊዜያቸው ጥቂት ቀናት በፊትና በወር አበባቸው ጊዜ ሲሆን ፣ "የወር አበባ ህመም" (Dysmenorrhea) ግን በጊዜያቸው የሚታይ ነው።

የሴት የወር አበባ (PMS) ሦስት ዓይነት ስሜት አለው።

1ኛ፣ የሕመም ስሜት ሲሆን ይኸውም ፣ ቁርጠት ፣ የራስ ምታት ፣ የጀርባ ህመምና የጡንቻ መተሣሠር ነው።

2ኛ በሥነ አዕምሮአቸው ላይ የሚታይ፣ ይኸውም ስጋት ፣ ፍርሃት ፣ በጥቃቅኑ ሁሉ ነገር መበሳጨትና የአዕምሮ ጭንቀት ነው።

3ኛ፣ በሥጋቸው ላይ የሚታይ ለውጥ ....ጡታቸው ይጠጥራል፣ የሰውነታቸው መጋጠሚያዎቻቸው ላይ እብጠት ፣ እንዲሁም ክብደት ሲጨምሩ ይታያሉ።

"የወር አበባ ሕመም" (Dysmenorrhea) ሴቷ በጊዜዋ የሚሰማት ቁርጥማትና ህመም ሲሆን ፣

ህመም ሲሆን፣ ይህን ዓይነት ችግር ያለባቸው ሴቶች የሀኪም እርዳታ ማግኘት ይችላሉ።

ብዙ ጊዜ ምግባቸውን ከተቆጣጠሩ ማለትም ጨውና "ካርቦሃይድሬት" ያልሆነ ምግብ ቢበሉ የተሻለ ይሆናል።

ካፊን ያለበት መጠጥ ፣ ማለትም እንደ ቡና ፣ ሻይ ፣ ኮካ የመሳሰሉት ከመጠጣት መቆጠብ አለባቸው።

ከዚህ ሁሉ ይበልጥ በዚህ ችግር ውስጥ የሚያልፉት ሴቶችን የሚጠቅማቸው ፣ በተለይ የወር አበባቸው ሊመጣ ሲል በሚያሳዩት የጠባይ ለውጥ በትእግሥት የታለፉ እንደሆነ ነው።

ባላቸው ወይንም አብረዋቸው የሚኖሩ ሰዎች ይህን ከተረዱላቸው ፣ ከአዕምሮ ጭንቀት ሊድኑ ወይንም ቶሎ ከዚያ ሁኔታ ለመውጣት ይችላሉ።

#ይቀጥላል

@BiniGirmachew    @BiniGirmachew

  

ሰው ሁን ከሰውም ሰው ሁን  የቴሌግራም ቻናል ክፈት / አስተያየት ይስጡ

2023-01-28 13:20:46 በሴቶች ላይ የሚደርስ የአዕምሮ ጭንቀት

   ክፍል 5

የብቸኝነት ሕይወት

ከላይ ታሪኳን ያነበብነው አሰለፈች ትልቁ ችግሯ ብቸኝነት ነው። ይሁን እንጂ ይህን ዓይነት ችግር ያለባት እርሷ ብቻ አይደለችም።

አሜሪካ ውስጥ ዕድሜያቸው ከ14 ዓመት በላይ የሆኑ በ1980 (እ.ኤ.አ) የተደረገው ጥናት እንደሚያመለክተው አሥራ አንድ ሚሊዮን ሴቶች ብቻቸውን ይኖራሉ።

ከነዚህ ውስጥ ስምንት ሚሊዮን ሴቶች የልጆች እናት ሲሆኑ፣ ልጆቻቸውን የሚያሳድጉት ለብቻቸው ሆነው ነው።

ብዙ ሴቶች ብዙ ጊዜ ያገቡና ቤተሰብ የመሠረቱ እንኳን ቢሆኑም ብቸኝነት ይሰማቸዋል።

እርግጥ ነው ካገቡት ይልቅ ያላገቡት ይበልጥ በብቸኝነት ስሜት ይሰቃያሉ።

አልፎ አልፎ ማንኛውም ሰው ቢሆን ብቻ መሆን የሚያስፈልገው ጊዜ አለ።

ኢየሱስም ቢሆን ብቻውን የሚሆንበት ጊዜ ነበረው (ማቲ. 26፥36)። ይሁን እንጂ የሚደግፉንና የሚረዱን ሰዎች ያስፈልጉናል።

የልባችንን ሳንደብቅ የምንገልጽላቸው ለእኛ ቅርብ የሆኑ ወዳጆች ካሉን ተስፋ እንዳንቆርጥና በአዕምሮ ጭንቀት እንዳንያዝ ይጠብቁናል።

ብዙ ጊዜ ዓይን አፈር የሆኑና ብቸኛ ሴቶች ለአዕምሮ ጭንቀት በጣም የተጋለጡ ናቸው።

"ተፈላጊ አይደለሁም" የሚል ስሜት

ሴትን ወደ አዕምሮ ጭንቀት ሕይወት ከሚመሯት ምክንያቶች መካከል አንደኛው "ቆንጆ አይደለሁም፤ የሚፈልገኝ ወንድ የለም" የሚል ስሜት ነው።

በተለይ ለጋብቻ የሚጠይቃቸው ወንድ ያላጋጠማቸው እንደሆነ ፣ አንዳንድ ሴቶች ትልቅ የስሜት መጎዳት ይደርስባቸዋል።

ዕድሜያቸው በጨመረ ቁጥር የማግባት ተስፋቸው እየቀነሰ የሚመጣ መስሎ ስለሚሰማቸው ስጋታቸውና ፍርሃታቸውም በዚያው መጠን እየጨመረ ይሄዳል።

ጓደኞቻቸው በአገቡ ቁጥር ፤ ስሜታቸው እየተጎዳ የሚታመሙ ወጣት ሴቶች ቁጥር ትንሽ አይደለም።

ሌላው ቀርቶ ያገቡት እንኳን በተለያየ ምክንያት ባሎቻቸው የሩካቤ ሥጋ ግንኙነት ባይፈጽሙ ፣ "በአቋሜ ደስ ባልለው ነው፤ ጠልቶኝ ነው" በማለት ስለራሳቸው ቅሬታ የሚሰማቸውና የሚያዝኑ አሉ።

በዚህ ዓይነት ስሜታቸው የሚጎዳ ሴቶች ቀስ በቀስ በአዕምሮ ጭንቀት ይያዛሉ።

"አልተፈለግሁም፤ አልተወደድኩም" በሚል ስጋት ብቻ ሳይሆን የሩካቤ ሥጋ ፍላጎታቸውን የሚወጡበት ሁኔታና መንገድ ሲጠፋም ይበሳጫሉ፤ ሲቆይም ወደ አዕምሮ ጭንቀት ውስጥ ይከታቸዋል።

ባሎች ከሚስቶቻቸው የሚገባቸውን የሥጋ ፍላጎት መፈጸም ሀላፊነት እንዳለባቸው መርሳት የለባቸውም።

ይሁን እንጂ ፣ የሩካቤ ሥጋ ግንኙነት እውነተኛውን ፍቅር መግለጫ እንጂ እንደ ሥራ ወይንም እንደ ሀላፊነት መታየት የለበትም።

ባሎች በዚህ ዓይነት መልክ ከወሰዱትና እንዲሁም ሚስቶች በዚህ ዓይነት መልክ ከተረዱት ፣ ለሩካቤ ሥጋ ግንኙነት ያላቸው ፍላጎት ይጠፋል።

በተለይ በኢትዮጵያውያን ላይ የባህል ተጽዕኖ ስላለ ሴቶች በዚህ አቅጣጫ ስሜታቸውን ለመግለጽ ያቅታቸዋል።

ይሁን እንጂ ደስተኞች አለመሆናቸውን የሚገልጹበት የራሳቸው መንገድ አላቸው።

በቀላሉ ይበሳጫሉ ፣ ይነጫነጫሉ ፣ ውሃ ቀጠነ ይላሉ ፣ ያለ ምክንያት ያኮርፋሉ።

በሩካቤ ሥጋ ግንኙነት አለመፈለግ መናቅ፣ አለመወደድ የደረሰባቸው ስለሚመስላቸው ስሜታቸው ይጎዳል።

የስሜታቸው መጎዳትም የአዕምሮ ጭንቀት ያስከትልባቸው። ስለዚህ ባሎች በዚህ አቅጣጫ አስፈላጊውን ጥንቃቄ ማድረግ ይገባቸዋል።

የብዙዎች ባሎች ችግር ፣ ሚስታቸው አንዴ ወይንም ሁለቴ በተለያየ ምክንያት የሩካቤ ሥጋ ግንኙነት በዚያን ቀን "እንቢ" ካለች፣ "ሁልጊዜ እምቢ ትላለች፤" ወይንም "ዛሬ ጠይቄ እንቢ ብትለኝ ስሜቴ ይጎዳል" በማለት ከሚስታቸው ገፍቶ ካልመጣ በስተቀር ሚስቶቻቸውን የማይቀርቡ ወንዶች አሉ።

በባልና ሚስት መካከል እውነተኛነትና መተማመን ያስፈልጋል። "አሞኛል" ስትል ለማምለጥ ሳይሆን እውነቷን መሆኑን ማመን አለበት ፤ ሴትም ሳያማት "አሞኛል" የሚል ምክንያት መስጠት የለባትም። እዚህ ላይ በሁለቱም በኩል በግልጽነት ሊወያዩበት ያስፈልጋል።

የልጆች መወለድ


አብዛኛውን ጊዜ ልጆች ከአባታቸው ይልቅ ወደ እናታቸው መቅረብ ይቀላቸዋል። በዚህ ምክንያት እናቶች ቤታቸውን ለመያዝ ፣ ከልጆቻቸው ጋር ትክክለኛ ግንኙነት ለመፍጠር ፣ በሚያደርጉት ጥረት አንዳንድ ሁኔታዎች ስለሚፈጠሩ ብስጭትና የአዕምሮ ጭንቀት ይደርስባቸዋል። ሕፃናት ለእናታቸው የአዕምሮ ጭንቀት ምክንያት ሊሆኑ ይችላሉ።

ይህም የሚሆነው ፣ ፍላጎታቸውን ለማሟላት ፣ የሚጠይቁትን ሁሉ ለማድረግና ለመስጠት እናት የሆነችዋን ሴት ከፍተኛ ጊዜና ጉልበት ስለሚጠይቃት ነው።

ልጆች ከፍ ሲሉ ደግሞ የቤት ዕቃን ለመበጥበጥና ለማተረማመስ ሀይልና ጉልበት ሲኖራቸው ፣ መስመርና ስርዓት ለማስያዝ አሁንም እናትየው ብዙ ትደክማለች።

ልጆቿን እንደምትፈልጋቸው ሆነው ካልተገኙ "ጥሩ እናት ባልሆን ይሆናል ....በደንብ ባልይዛቸው ነው" በማለት እራሷን መውቀስ ትጀምራለች።

ልጆችን በደንብና በሥርዓት ማሳደግ ቀላል አይደለም። አንዳንድ ወልደው ያላዩ ሰዎች በእንግድነት ሰው ቤት ሲሄዱ፣ ልጆቻቸውን በማየት ወላጆችን ሲነቅፉና ሲታዘቡ ይታያሉ። አንዳንድ ወላጆችም ስለ ነርሱና

ስለልጆቻቸው ልዩ የሆነ አስተያየት እንዳይሰጥባቸው ከሚገባ በላይ ይጠነቀቃሉ። እናቶች ልጆቻቸው ተጫውተው ማደግ እንዳለባቸው በመዘንጋት ከሚገባ በላይ ሲጫኑአቸውና ነጻነት ሲከለክሉአቸው ይታያሉ።

ይህን ዓይነት ቁጥጥር ለማድረግ ደግሞ የእናትየዋን ጊዜና ጉልበት በሀይል ይጠይቃል። ይሄም በሥጋዋና በሥነ አዕምሮዋ ላይ ከፍተኛ ድካም ስለሚያስከትል ፣ ሲቆይ የአዕምሮ ጭንቀትን ይፈጥርባታል።

በሰውነት ውስጥ ስለሚፈጠሩ ለውጦች


#ይቀጥላል

@BiniGirmachew    @BiniGirmachew

  

ሰው ሁን ከሰውም ሰው ሁን  የቴሌግራም ቻናል

ሼር በማድረግ  ሌሎችም እናድረስ ክፈት / አስተያየት ይስጡ

2023-01-28 09:59:51 ክፈት / አስተያየት ይስጡ

2023-01-28 09:36:12 በኢንግለዘኛ የአእምሮ ህክምና እና ስነ-ልቦና ምክር(psychiatry advice) ማግኘት ለምትሹ በነጻ በየቀኑ የሚገራርሙ በሚያው ለበርካታ ዓመታት ካገለገሉ ምሁራን ምርጥ ምርጥ ፅሁፎችን ታገኛላችሁ በእርግጠኝነት ትደሰታለችሁ ግቡና ተመልከቱት
https://t.me/+ofPyc1f0iTplZTU0

በYouTube ራስን ስለመለወጥ



በTikTok
https://vm.tiktok.com/ZMFKhWMC1/ ክፈት / አስተያየት ይስጡ

2023-01-28 08:02:59 በሴቶች ላይ የሚደርስ የአዕምሮ ጭንቀት

   ክፍል 4


ሕብረተሰቡ ሴቶችን ይጫናል

ወንድ ፣ በተለይ በእኛ ሕብረተሰብ ሳያገባ ቢቆይ "ቆሞ ቀረ" የሚል የህብረተሰብ ግፊት አይኖርበትም።

ሴት ከሆነች ግን ሳታገባ ብትቆይ የምትታየው እንደ ጉድ ነው። እዚህ ላይ ሴቷ የሚደርስባት ጉዳት በሁለት አቅጣጫ ነው።

አንደኛው የራሷ ፍላጎት ሳይሟላ መቅረቱ፣ ሁለተኛ በሰዎች ዘንድ እንደ "ጉድ" መታየቷ ነው። በዚህ ብቻ አይደለም።

ሀይሉ ፣ ስልጣኑ ያለው በወንዶች እጅ ነው። የሴቷን የኑሮ አቅጣጫ ወሳኙ ወንድ ነው።

ሴት ሁልጊዜ እራሷን ለወንድ ማስገዛት ፣ በወንድ ሥር ማድረግ አለባት። በዚህ ምክንያት ሴት ብዙ ጊዜ የደካማነትና የዋጋ ቢስነት ስሜት ያጠቃታል።

ሴቶች በዚህ አቅጣጫ የሚያጋጥማቸውን ችግር መወጣት እንዲችሉ ከተፈለገ ፣

1ኛ፣ ሴት በመሆናቸው በተፈጥሮ አነስተኞች አለመሆናቸውንና እግዚአብሔር ከወንድ ጋር እኩል አድርጎ እንደፈጠራቸው (ዘፍ 1፥27)፣ አንደኛው ጾታ ከፍ ያለ ፣ ሌላው ጾታ ግን ዝቅ ያለ አለመሆኑን እንዲገነዘቡ ያስፈልጋል።

2ኛ፣ ሴት ትምህርትና ትምህርትና ሥራ መርጣ ፣ ሳታገባ ብትቆይ ወይንም ሳታገባ ብትቀር ፣ ስለ ወሰደችው ምርጫና እርምጃ ቅሬታ እንዲሰማት አያስፈልግም።

ሳታገባ በመቅረቷ ፣ ከአገቡት ሴቶች የምታንስ አለመሆኗን ፣ ወይንም የምትበልጥ አለመሆኗን መቀበል ይገባታል።

አግብታ የቤት እመቤት ሆና እቤት ልጆቿን ለማሳደግ የመረጠችዋ ሴት ደግሞ ሥራ ሄዳ ገንዘብ ባለማምጣቷ የዝቅተኝነት ስሜት ሊሰማት አይገባም።

እያንዳንዱ ሰው የራሱ የሆነ ምርጫና ቅደም ተከተል ስለ አለው ፣ ሴቶች ሁሉ የትኛውንም ውሳኔ ቢያደርጉ የበደለኛነት ስሜት ሊሰማቸው አይገባም።

ካልሆነ ግን በዚህ ምክንያት በቀላሉ በአዕምሮ ጭንቀት ይያዛሉ።

የብቸኝነት ሕይወት

#ይቀጥላል

@BiniGirmachew    @BiniGirmachew

   መልካም ቀን

ሰው ሁን ከሰውም ሰው ሁን  የቴሌግራም ቻናል

ሼር በማድረግ ሌሎችም እናድረስ ክፈት / አስተያየት ይስጡ

2023-01-27 23:55:13 በሴቶች ላይ የሚደርስ የአዕምሮ ጭንቀት

   ክፍል 3


እንደ አንዳንዶቹ ምንም ሳታደርግ ቁጭ ብላ የምታልም ፣ ሳትሠራና ሳትደክም ሁኔታዎች ሁሉ ልክ እንዲመጡላት የምትጠብቅ አይደለችም። ከፈጣሪ ዕርዳታ ጋር የራሷ ጥረት እንደሚያስፈልግ ታምናለች።

ስለሆነም አሰለፈች አሜሪካ ሄዳ ለመማር የምትችልበትን ዘዴ በመፈለግ ብዙ ታግሳለች። በመጨረሻም ተሳካላትና አሜሪካ መጣች።

አሰለፈች በትምህርት ዓለም ላይ ከየት ጀምራ የት ለመድረስ እንደምትፈልግ እቅድ አወጣች። ትምህርት የመቀበል ችሎታዋ ከፍ ያለ ነው ባይባልም ጥረት ከጨመረችበት ከምትፈልገው ደረጃ ለመድረስ እንደምትችል አመነች።

እንደ ወሰነችው ትምህርቱን ተያያዘችው። በትምህርት ላይ ሳለች አንዳንድ ለጋብቻ ዓይናቸውን የጣሉባት ወንዶች ጠጋ ጠጋ ሲሏት ወይንም ሲከቧት "በኋላ እደርስበታለሁ" ስትል ፊት ነሳቻቸው።

እንደ ወሰነችው አሰለፈች የምትፈልገውን ዲግሪ ካገኘች በኋላ በልቧ "ነፍሴ ሆይ እረፊ፤ እስከዛሬ የደከምሽበትንና የለፋሽበትን ፍሬ ልቀሚ" ሳትል አልቀረችም።

አሰለፈች በትምህርት ላይ በነበረችበት ወቅት ሊያገቧት የሚፈልጉ ወንዶች አንዳንዶቹ አግብተዋል። ሌሎች ደግሞ አሰለፈችን የማግባት ፍላጎታቸው ተቀንሶአል።

ሌሎች ደግሞ በትምህርት ከእኔ ትበልጣለች ፣ ዕድሜዋም ገፍቷል በማለት አይጠጉአትም። አግብታ ትዳር ይዛ ለመኖር ብዙ ጓጓች ፣ ግን በቀላሉ የሚጨበጥ አልሆነላትም።

የራሷን ጥረት አደረገች ፣ ወንዶች ይገኛሉ ብላ ከምታስባቸው መንፈሳዊ ስብሰባዎች ሁሉ በየዓመቱ ተመላለሰች፤ በዚያም በኩል አልተሳካም።

በመጨረሻም ከውጭ ስደተኛ ወጣት አስመጥታ ለማግባትም ፈለገች፤ ያም አልሆነም። በዚህ ሁኔታ የምትፈልገው ምኞቷ ሳይሟላ በመቅረቱ ልቧ በሀዘን ተሞላ።

የምታውቃቸው ጓደኞቿ ሁሉ ስለ አገቡ ፣ በሴተ ላጤነቷ ምክንያት ከማህበራቸው ሊቀላቅሏት አልፈለጉም። በዚህ ሁኔታ ተቀባይነት እንዳጣች ተሰማት። ከሁሉም በላይ ብቸኝነቱ አስጨነቃት።

ባዶ ቤት እየከፈቱ መግባት ሰለቻት። ለጋብቻ ወንዶች ሳይጠይቋት በመቅረታቸው "ቆንጆ ባልሆን ነው ---አንድ ነገር ቢጎድለኝ ነው" በማለት ስለራሷ ማዘንና ማልቀስ አዘወተረች። ትልቁ ጥያቄዋና ፍርሃቷ "የተቀረውን ዘመኔን እንዴት በብቸኝነት እገፋዋለሁ?" የሚል ነበር።

የተማረችው ትምህርት ፣ ያገኘችው ዲግሪ ስለራሷ ያላትን አስተያየትና ግምት ከፍ ሊያደርግላት አልቻለም። ይሄ ሁሉ ሲደማመር አሰለፈችን ቀስ በቀስ ወደ አዕምሮ ጭንቀት ውስጥ ከተታት።

ሕብረተሰቡ ሴቶችን ይጫናል?

#ይቀጥላል

#ይቀጥላል

@BiniGirmachew    @BiniGirmachew

   መልካም ቀን

ሰው ሁን ከሰውም ሰው ሁን  የቴሌግራም ቻናል ክፈት / አስተያየት ይስጡ

2023-01-27 19:22:13 ችግሮች የሕይወት መጨረሻ አይደሉም?

ታዳያ ከችግር ውስጥ እንዴት መውጣት ይቻላል











ክፈት / አስተያየት ይስጡ

2023-01-27 13:14:15 በሴቶች ላይ የሚደርስ የአዕምሮ ጭንቀት

   ክፍል 2

የሰውን ተፈጥሮአዊ ባህሪ የሚመራመሩና የሚያጠኑ አዋቂዎች ፣

"አንዳንድ ሰዎች ከሌሎች ይበልጥ ለአዕምሮ ጭንቀት የሚጋለጡት ወይንም በአዕምሮ ጭንቀት የሚጠቁት ለምን ይሆን?"

ለሚለው ጥያቄ መልስ ለማግኘት አሜሪካ ውስጥ በተደረገው ምርምርና ጥናት መሠረት ፣ ሴቶች ከወንዶች ይልቅ የአዕምሮ ጭንቀት በበለጠ እንደሚያጠቃቸው ተረጋግጧል።

ይህ ጥናት እንደሚያስረዳው ፣ ችግሩ የሚታየው አሜሪካ ባሉት ሴቶች ላይ ብቻ ሳይሆን ፣ ችግሩ ዓለም ለአቀፍ ነው።

ለዚህ ብዙ የተለያዩ ምክንያቶች መስጠት ይቻላል።


የአዕምሮ ጭንቀት ወንድ ሴት ሳይል ሁሉንም ይይዛል።

በሴቶች ላይ ጎልቶ የሚታየው ግን ወንዶች ችግራቸውን ስለሚደብቁ ፣ ዕርዳታ ፍለጋ ስለማይሄዱ ፣ ችግር አለብኝ ብለው ስለማያምኑ ሊሆን ይችላል።

ሴቶች ግን ችግራቸውን ሳይደብቁ ስለሚናገሩና ዕርዳታ ስለሚፈልጉ በአዕምሮ ጭንቀት ሕይወት ውስጥ እንዳሉ ይታወቃል።

ያም ይሁን እንጂ ፣ ሴቶች ከወንዶች ይበልጥ በአዕምሮ ጭንቀት ውስጥ እንደማያልፉ የተረጋገጠ እውነት ነው።

ለምሳሌ የአሰለፈችን  ሕይወት እንመለከታለን



አሰለፈች እንደማንኛውም ወጣት ልጅ አገረድ በሕይወቷ እንዲሆኑላት የምትመኛቸውና የምትፈልጋቸው ነገሮች አሉአት።

ትምህርቷን ተምራ ስትጨርስ ፣ሥራ ይዛ ቤተሰብ መሥርታ ፣ ልጆች ወልዳ ደስ ብሏት ለመኖር ትፈልጋለች።

#ይቀጥላል

@BiniGirmachew    @BiniGirmachew

   መልካም ቀን

ሰው ሁን ከሰውም ሰው ሁን  የቴሌግራም ቻናል ክፈት / አስተያየት ይስጡ