አዲስ ሪፖርተር - NEWS

መረጃ/አፈና!

በረቡዕ ገብያ ከተማ በቡድን የአካል ብቃት እንቅስቃሴ በመስራት ላይ የነበሩ ወጣቶች ታፍሰው ታሰሩ

በምስራቅ ጎጃም ዞን ስናን ወረዳ ረቡዕ ገብያ ከተማ የሚገኙ ወጣቶች በቡድን የአካል ብቃት እንቅስቃሴ ለምን ትሰራላችሁ በሚል ነው ትናንት ጠኋት ታፍሰው የታሰሩት።

..የአካል ብቃት እንቅስቃሴ በቡድን መስራት በየትኛውም የሀገር አቀፍም ሆነ የዓለም አቀፍ ህግ ወንጀል ሆኖ አያውቅም፤ስለዚህ ልንታሰር አይገባም" ብለው የጠየቁ ወጣቶች በፀጥታ አካላት መደብደባቸው ታውቋል።

ከ30 በላይ ወጣቶች በአንዲት ጠባብ ክፍል ታጉረው እንደሚገኙ ገልፀው፣ምግብና ውሃ ይዞ የሚመጣን አካል ፖሊሶቹ እየከለከሉ እና እያሰሩ መሆኑ ተገልጿል።በትናንትናው ዕለት ምግብ ሊያደርስ የሄደ ወጣት መታሰሩንም ተነግሯል።

ይህን ግፍ የአማራ እና የኢትዮጵያ ህዝብ እንዲሁም የዓለም አቀፍ ማህበረሰቡ ይወቅልን ብለዋል።

ምንጭ :- መረጃ ቲቪ

@Addis_Reporter
@Addis_Reporter

#እንድታውቁት

የኣክሱም ዩኒቨርሲቲ በጦርነት ምክንያት ተቋርጦ የቆየውን የመማር ማስተማር ሂደት ለማስቀጠል በዝግጅት ላይ እንደሆነ ገልጿል።

በመሆኑም በሌሎች ዩኒቨርሲቲዎች ትምህርታቸውን እየተከታተሉ #የማይገኙ ሁሉም የዲግሪ (መደበኛ፣ ኤክስቴንሽን፣ ክረምት) እንዲሁም የማስተርስ (መደበኛ፣ ኤክስቴንሽን ፣ ክረምት) ተማሪዎች ከዚህ በታች ባለው ሊንክ እንዲመዘገቡ ጥሪ ቀርቧል።

ሊንክ ፦ http://196.190.28.50

ምዝገባው የሚያበቃበት ቀን ሚያዚያ 18 ቀን 2015 ዓ/ም መሆኑን ተቋሙ አሳውቋል።

ለበለጠ መረጃ ደግሞ ዘውትር በየስራ ሰአት በሚከተሉት ቁጥሮች መወደወል ይቻላል ፦ 0914485592 / 0921990158

ከኣክሱም ዩኒቨርሲቲ በተጨማሪ #የራያ_ዩኒቨርሲቲም በጦርነት የተቋረጠውን መደበኛ ትምህርት ለማስቀጠል እየሰራ ይገኛል።

በዚህም ከ2ኛ እስከ 5ኛ ዓመት በራያ ዩኒቨርሲቲ መደበኛ ትምህርት ሲከታተሉ የነበሩና ወደ ሌሎች ዩኒቨርሲቲዎች ተመድበው የመማር እድል ያላገኙ ተማሪዎች ከ09/08/2015 ዓ/ም እስከ 13/08/2015 ዓ/ም ባሉ የስራ ቀናት እንዲመዘገቡ ጥሪ አቅርቧል።

ተማሪዎች የሚመዘገቡት ለዩኒቨርስቲው ረጅስትራር እየደሉ ሲሆን የስልክ ቁጥሮቹ 0970140000፣ 0970240000 ፣ 0970230000 ናቸው። ተማሪዎች ዘውትር በስራ ሰዓት ብቻ እንዲደውሉ ጥሪ ቀርቧል።

@Addis_Reporter
@Addis_Reporter

#ባህርዳር

የባህር ዳር ከተማ የእስልምና ምዕመናን የረጅም ጊዜ ጥያቄ የነበረው የመስገጃ ቦታ ጥያቄ ምላሽ ማግኘቱ ተሰማ።

የባህር ዳር ከተማ አስተዳደር ለእስልምና እምነት ተከታዮች ለመስገጃ የሚሆን 20 ሺህ ካሬ ሜትር ቦታ መሰጠቱን ዛሬ አስታውቋል።

የከተማው ተቀዳሚ ምክትል ከንቲባ ድረስ ሳህሉ (ዶ/ር) ዛሬ የኢድ አልፈጥር በዓል በባህር ዳር ስታዲየም በሚከበርበት ወቅት ነው ይህንን የምስራች ለምዕመኑ ያበሰሩት።

ዶ/ር ድረስ ሳህሉ ምን አሉ ?

" ለብዙ ጊዜ ስትጠይቁት የነበረ የመስገጃ ቦታ አሁን በክልልም ፀድቆ የመጣ ስለሆነ ምናልባትም በሚቀጥለው ዓመት በደንብ ሰርታችሁት እዚህ ሳይሆን እዛው ከተፈቀደላችሁ ቦታ ላይ የምታከብሩት ይሆናል።

ክልሉ ያቀረባችሁትን ጥያቄ እኛ አፅድቀን ልከን ክልሉም ተቀብሎት 20 ሺህ ካሬ ሜትር ቦታ የኢድ አልፈጥር በዓል የምናከብርበት ቦታ ተፈቅዷል። "

ከንቲባው ይህንን ንግግራቸውን ሲያደርጉ የባህር ዳር ከተማ ሙስሊም ምእመን እጅግ በደስታ ስሜት " አላሁ አክበር ! አላሁ አክበር ! አላሁ አክበር ! " እያለ ድምፁን አሰምቷል።

@Addis_Reporter
@Addis_Reporter

ሰባተኛ ቀኑን የያዘው የሱዳን ጦርነት ዛሬም በኢድ አልፈጥር በዓል እንደቀጠለ ነው።አል ቡርሃን ጦርነቱ ከተጀመረ ወዲህ ትናንት አመሻሽ ካልታወቀ ቦታ ሆነው መግለጫ ሰጥተዋል።
   
@Addis_Reporter
@Addis_Reporter

#UPDATE

ቅዱስ ሲኖዶስ ያቋቋመው የሰላም ልኡክ በቀጣይ ሳምንታት ወደ ትግራይ ክልል ሊጓዝ ነው።

ይኸው የሰላም ልዑክ ትላንት መግለጫ ሰጥቷል።

በመግለጫውም ፤ በሰሜን ኢትዮጵያ ጦርነት ምክንያት በመንበረ ፓትርያርክ ጠቅላይ ጽሕፈት ቤት ሥር በትግራይ በሚገኙ አኅጉረ ስብከት መካከል የነበረው ግንኙነት መቋረጡን አስትውሷል።

በትግራይ ክልል የተፈጠረውን አንጻራዊ ሰላም ተከትሎ በቅዱስ ሲኖዶስ በኩል በትግራይ ከልል ለሚገኙ ብፁዓን አባቶች የግንኙነት ማስቀጠያ ደብዳቤዎች ሲጻፉ መቆየታቸውንም ገልጿል።

ልኡኩ የደብዳቤው ግንኙነት እንደታሰበው የተፈለገውን ውጤት ባለማምጣቱ ምክንያት ፤ ቅዱስ ሲኖዶስ ከብፁዓን አባቶች፣ ከሊቃውንተ ቤተክርስቲያን ፣ ከታዋቂ ሰዎችና ከምዕመናን የተወጣጣ ኮሚቴ በቅዱስ ሲኖዶስ መሰየሙን አመልክቷል።

ልዑኩ " የኮሚቴው ዓላማም የሰላም መድረክ ማመቻቸት፣ የምንቀራረብበትና አንድ የምንሆንበትን መንገድ በጋራ ማፈላለግ ነው " ያለ ሲሆን ከጉዞ ጋር በተያያዘ ማሟላት ያሉባቸውን ጉዳዮች ለማሟላት ሲባል ከሚያዝያ 12 ቀን 2015 ዓ/ም ጀምሮ ሊደረግ የነበረውን ጉዞ ማራዘሙን አሳውቋል።

ልኡኩ በሚቀጥሉት ሳምንታት ወደ ክልል ትግራይ በመጓዝ በቅዱስ ሲኖዶስ የተሰጠውን ኃላፊነት የሚወጣ መሆኑን ትላንት በሰጠው መግለጫ አረጋግጧል።

መረጃውን ከEOTC TV ነው ያገኘነው።

@Addis_Reporter
@Addis_Reporter

የዒድ አልፈጥር በዓል እየተከበረ ነው

የ2015 ዓ.ም የዒድ አልፈጥር በዓል በእስልምና እምነት ተከታዮች ዘንድ በድምቀት እየተከበረ ነው።

1 ሺህ 444ኛው የዒድ አልፈጥር በዓል በመላው ኢትዮጵያ በተለያዩ ሃይማኖታዊ ሥርዓቶች ነው እየተከበረ የሚገኘው።

የፌዴራል ጠቅላይ ሼሪዓ ፍርድ ቤት በዓሉ የሰላም፣ የደስታ፣ የመተዛዘን እና የመረዳዳት እንዲሆን የመልካም ምኞት መልዕክት አስተላልፏል።

በታላቁ የረመዷን ወር መጨረሻ የሚከበረውን የዒድ አልፈጥር በዓልን በሰላምና በመተሳሰብ እንዲሁም የተቸገሩ ወገኖችን በማገዝ ማሳለፍ እንደሚገባም ጥሪ አቅርቧል።

@Addis_Reporter
@Addis_Reporter