Top Mereja

#እንድታውቁት

" ከግንቦት 1 ጀምሮ ያለ ዲጂታል መታወቂያ ሞተር ማሽከርከር አይቻልም " - የትራፊክ ማኔጅመንት ኤጀንሲ

በአዲስ አበባ ከተማ ከግንቦት 1 ቀን 2015 ዓ.ም ጀምሮ ያለ ዲጂታል መታወቂያ ሞተር ብስክሌት ማሽከርከር እንደማይቻል የትራፊክ ማኔጅመንት ኤጀንሲ አሳሰበ፡፡

በከተማዋ የሚንቀሳቀሱ የሞተር ብስክሌት ባለቤቶችና አሽከርካሪዎች የመንቀሳቀሻ ፈቃዳቸውን ጂፒ ኤስ ባስገጠሙበት ተቋም የዲጂታል መታወቂያውን እስከ ሚያዝያ 30 ቀን 2015 ዓ.ም እንዲወስዱ ተጠይቀዋል፡፡

ከግንቦት 1 ቀን 2015 ዓ.ም ጀምሮ በሞተር ብስክሌቶች ላይ በሚደረገው ጥብቅ ቁጥጥር ያለ ዲጂታል መታወቂያ በሚንቀሳቀሱት ላይ እርምጃ ይወሰዳል ሲል ኤጀንሲው አሳስቧል።

@topMereja

በተከታታይ በአመራሮች ላይ የሚደረገው ግድያ የአማራን ሕዝብ ስቃይ እና መከራ ለማራዘም በሚሠሩ ፅንፈኛ ኃይሎች ቀጣይነት ያለው መሆኑን ማሳያ ነው ሲሉ የአማራ ክልል ርዕሰ መስተዳድር ዶ/ር ይልቃል ከፋለ ተናገሩ።

በአዲስ አበባ ወዳጅነት አደባባይ የአቶ ግርማ የሺጥላ የአስከሬን ሽኝት ሥነ-ሥርዓት ላይ ንግግር ያደረጉት ዶ/ር ይልቃል ከፋለ፣ የወንድማችን ግርማ መሥዋዕትነት በተለይ ለአመራራችን የሚያስተላልፈው መልእክት ሁላችንም የያዝነውን ዓላማ ለማሳካት እስከ መሥዋዕትነት ቆርጠን ለመሄድ የግድ የሚለን መሆኑን ነው ብለዋል።

ታጋዩ፣ ታታሪው እና ቆራጡ ሲሉ የገለጹት አቶ ግርማ የሺጥላ፣ አድፍጠው መንገድ ላይ በጠበቁት ፅንፈኞች መቀጠፉ በእጅጉ እንዳሳዘናቸውም ገልጸዋል።

@topMereja

" ማኅበረሰቡ ፈፃሚዎችን ሊያወግዝና ተገቢው ማጣራት ተደርጎ ፍትኅ እንዲሰፍን የበኩሉን ድርሻ መወጣት ይኖርበታል " - አቶ ክርስቲያን ታደለ

በአማራ ብልፅግና ፓርቲ ፅ/ቤት ኃላፊ አቶ ግርማ የሺጥላ ላይ የተፈፀመው ግድያን " በማንም ለምንም ዓላማ ይፈፀም ተቀባይነት የሌለው ወንጀል " መሆኑን የኢትዮጵያ የህዝብ ተወካዮች ምክር ቤት አባል የሆኑት አቶ ክርስቲያን ታደለ ገለፁ።

አቶ ክርስቲያን ፤ " በወንድማችን ግርማ የሽጥላ ላይ በተፈፀመው ግድያ በእጅጉ አዝኛለሁ " ብለዋል።

" ድርጊቱ በማንም ለምንም ዓላማ ይፈፀም ፈጽሞ ተቀባይነት የሌለው ወንጀል ነው። " ያሉት የህዝብ ተወካዮች ምክር ቤት አባሉ " ማኅበረሰቡ ፈፃሚዎችን ሊያወግዝና ተገቢው ማጣራት ተደርጎ ፍትኅ እንዲሰፍን የበኩሉን ድርሻ መወጣት ይኖርበታል " ሲሉ አሳስበዋል።

አቶ ክርስቲያን፥ በሁሉም በኩል የሚደረጉ ፍረጃዎችና የሴራ ትንተናዎች ወንጀሉን በአግባቡ በመመርመር  ገዳዮችን ለፍትህ ለማቅረብ የሚደረገውን ጥረት እንዳይጎትቱ ብርቱ ጥንቃቄዎች ሊደረጉ ይገባል ብለዋል።

" የአማራ ሕዝብ ሰላሙንና አንድነቱን እንዲጠብቅ አሳስባለሁ " ያሉት አቶ ክርስቲያን ታደለ ፤ " ለመላው ለቤተሰቦቹና ወዳጅ ዘመዶቹ ልባዊ መጽናናትን እመኛለሁ " ሲሉ ሀዘናቸውን ገልጸዋል።

@topMereja

መንግስት "ሸኔ" ብሎ የሚጠራኝ ማንነቴን እና አላማዬን ለማጥላላት ነዉ ሲል የኦሮሞ ነፃነት ሰራዊት አስታወቀ!!

የኦሮሞ ነፃነት ሰራዊት "በሶስተኛ አካል በኩል ከመንግስት ጋር ድርድር መካሄድ የምደግፈው ሰላምም የሚገኘው በውይይት ብቻ ነው" ያለ ሲሆን" ሸኔ" የሚለው ቃል የእኔ መጠሪያ አይደለም ብሏል።

በትናንትናው እለት መንግስት "ሸኔ" ሲል ከሚጠራዉ የኦሮሞ ነፃነት ሰራዊት ጋር በታንዛንያ ድርድር ሊያደርግ መሆኑን መዘገቡ ይታወሳል። ሰራዊቱ ድርድሩን አስመልክቶ ባወጣዉ መግለጫ እንዳስታወቀው ለድርድሩ ያስቀመጣቸዉ ቅድመ ሁኔታዎች ሙሉ በሙሉ ተቀባይነት ማግኘታቸዉን ተናግሯል።

በመግለጫው አያይዞም ፤ መንግስት "ሸኔ" ሲል የሚጠራኝ ማንነቴን እና አላማዬን ለማጥላላት ነዉ ሲል ሲል ሰራዊቱ ገልጿል። መንግስት በተለይም በኦሮሚያ ክልል እና በአማራ ክልል የኦሮሞ ብሔረሰብ አስተዳደር ዞኖች በሰላማዊ ሰዎች ላይ ለሚደርሱ ጥቃቶች "ሸኔን" ተጠያቂ ሲያደርግ ቆይቷል።

በርካታ የፖለቲካ ተንታኞችም "ሸኔ" የተሰኘ አደረጃጀት እንደሌለ ሲገልጹ መቆየታቸዉ ይታወቃል። የኦሮሞ ነፃነት ሰራዊት የሰላም ድርድሩ ግልጸኝነት እንዲኖረዉ በሶስተኛ ወገን አደራዳሪነት መከወኑ አስፈላጊ መሆኑን ጠቅሷል። ይህም በመንግስት ተቀባይነት ማግኘቱን እና ድርድሩ እንደሚከናወን ማረጋገጫዉን ሰጥቷል።

@topMereja

#አሁን

በአዲስ አበባ ወዳጅነት አደባባይ "ጦርነት ይብቃ ሰላምን እናፅና" የተሰኘ ፕሮግራም እየተከናወነ ይገኛል።

@topMereja