TIKVAH-MAGAZINE

2022-05-12 10:29:41 #EthiopianCoffee

የኢትዮጵያ ቡና በታሪኩ ለመጀመሪያ ጊዜ 1 ቢሊየን የአሜሪካ ዶላር የውጭ ምንዛሪ ማስገኘቱን የግብርና ሚኒስትር ኡመር ሁሴን ገልጸዋል።

@tikvahethmagazine ክፈት / አስተያየት ይስጡ

2022-05-12 10:09:20 #PowerOutage

በአዲስ አበባ ከተማ ለመካከለኛ የኤሌክትሪክ ኃይል ተሸካሚ መስመሮች የማሻሻያ ስራ ለመስራት ለጥንቃቄ ሲባል አርብ ግንቦት 5 ቀን 2014 ዓ.ም ከጠዋቱ 2፡00 እስከ ቀኑ 10፡00 ድረስ በለቡ ፣ በጆሞ አንድ በከፊል እና አካባቢዎቻቸው የኤሌክትሪክ ኃይል አቅርቦት እንደሚቋረጥ የኢትዮጵያ ኤሌክትሪክ አገልግሎት አስታውቋል።

@tikvahethmagazine ክፈት / አስተያየት ይስጡ

2022-05-12 09:56:30 የአፋን ኦሮሞ እና የትግረኛ ቋንቋዎች በGoogle Translate ሥርዓት ውስጥ ተካተቱ።

የተለያዩ ቋንቋዎችን የሚተረጉመው Google Translate ተጨማሪ 24 ቋንቋዎችን ወደ ሥርዓቱ ማስገባቱን አስታውቋል። ከዚህ ውስጥም የአፋን ኦሮሞ እና የትግረኛ ቋንቋዎች መካተታቸው ተገልጿል።

አዲስ ከተካተቱት ቋንቋዎች ጋር ተደምሮ አገልግሎቱ 133 የዓለም ቋንቋዎችን መተርጎም ያስችለዋል ተብሏል። ከዚህ ቀደም የአማርኛ ቋንቋ በስርዓቱ ውስጥ ተካቶ አገልግሎት ላይ መዋሉ ይታወሳል።

ይህ የትርጉም አገልግሎት ሙሉ ለሙሉ ትክክልኛ ትርጉም ባይሰጥም በተወሰነ ደረጃ የጹሑፎችን ሀሳብ ለመረዳትና ለመጠቀም ይሆናል።

ድርጅቱ ይህንን አገልግሎት ይፋ ያደረገው በትላንትናው ዕለት ሲሆን እስከ ሳምንቱ መጨረሻ ድረስ ለሁሉም ተጠቃሚዎች ተደራሽ ይሆናል ተብሎ ይጠበቃል።

@tikvahethmagazine ክፈት / አስተያየት ይስጡ