Medical Laboratory

2023-02-28 16:03:10 የጨጓራ ህመም

የጨጓራ በሽታ ያለበት ሰው ላይ፣ የደም ማነስ ካለ እና የሚከሳ ከሆነ፣ ጥሩ ምልክት አይደለም።

የጨጓራ ህመም ያለበት ሰው ሁሉ፣ ደሞ የጨጓራ ቁስለት አለበት ማለት አይደለም።

የጨጓራ ቁስለት ሲኖር ፣ የህመም ስሜቱ እና የጉዳት ደረጃው፣ ቁስለቱ እንደወጣበት ቦታ እና እንደ ይዘቱ የተለያየ ነው።

አንድ ሰው ላይ፣ የጨጓራ ቁስለት ባይኖር እነኳን፣ የጨጓራ ህመም ሊፈጠር ይችላል።

የጨጓራ ቁስለት ደሞ፣ ባጣዳፊ መልኩ የሚፈጠር ሳይሆን አብዛኛውን ግዜ ስር ሰዶ የሚፈጠር ቁስለት ነው።

አንዳንዴ ፣የጨጓራ ቁስለት ያለባቸው ሰዎች፣ የህመም ስሜት ላይሰማቸው ይችላል፣ በተቃራኒው ደሞ፣ የጨጓራ ህመም ስሜት የሚሰማቸው አብዛኛዎቹ ታካሚዎች፣ በምርመራ ግዜ የጨጓራ ቁስለት ላይኖራቸው ይችላል።

አንድ ሰው ላይ የጨጓራ ህመም እና የጨጓራ ቁስለት ሊፈጠር የሚችለው፣ በተለያዩ ምክኒያቶች፣ ሆድ የሚያመርተው የአሲድ መጠን የበዛ ከሆነ እና የሆድ ግድግዳ ራሱን ከዚህ አሲድ የሚከላከልበት መንገድ የተዳከመ ከሆነ ነው።

አብዛኛውን ግዜ ፣ በህክምናው አንድ ሰው ላይ የጨጓራ ህመም መኖሩን ለማወቅ አዳጋች አይደለም፣ የህመም ስሜቶቹን በማገናዘብ የጨጓራ በሽታ መኖሩን ለመተንበይ ያስችላል።

ምግብ ከተበላ በኋላ አለመስማማት፣ በተደጋጋሚ ግዜ ማግሳት ፣ ቃር ወይም የደረት ማቃጠል እና ማቅለሽለሽ ፣  የመሳሰሉ የህመም ስሜቶች፣ የጨጓራ ህመም መኖሩን የሚገልፁ ምልክቶች ናቸው።

ከእንብርት በላይ የሚሰማ የሚጎትት የሆድ ህመም መኖር፣  ማቅለሽለሽ እና በተደጋጋሚ ማስመለስ፣ በተለይ ደሞ ደም የሚያስመልስ ከሆነ እና ከፍተኛ እና አጣዳፊ የሆነ የሆድ ህመም ካለ፣ ይህ አይነቱ የህመም ስሜት ጠንከር ያለ የጨጓራ ቁስለት መኖሩን የሚያመላክት ስለሆነ እና፣ እንዲሁም ወዲያውኑ ካልታከመ ለከፋ ጉዳት ስለሚዳርግ፣ በቶሎ ወደ ህክምና ተቋም መሄድ ያስፈልጋል።

እድሜያቸው 45 እና ከዛበላይ የሆኑ ሰዎች፣ የጨጓራ ህመም ስሜት ከታየባቸው፣ እንዲሁም ደሞ ፣በየትኛውም የእድሜ ክልል ላይ ያሉ ሰዎች፣
በተደጋጋሚ ግዜ የሚመጣ ማስመለስ ካላቸው፣
ለመዋጥ የሚቸገሩ እና ሲውጡ ህመም የሚሰማቸው ከሆነ፣
መክሳት ወይም ክብደት መቀነስ ካላቸው፣ እና፣
እንዲሁም የደማነስ የሚታይባቸው ከሆነ፣ የኢንዶስኮፒ ምርመራ የሚያስፈልጋቸው ይሆናል።

የፀጉር እንክብካቤ
(Shampoo & Conditioner)

የፀጉር እንክብካቤ ፣ የፀጉር ንፅህናን ከመጠበቅ ይጀምራል።

ፀጉር ከቆዳ በበለጠ መልኩ በተለያዩ ምክኒያቶች ሊቆሽሽ ይችላል፣ ደረቅ ፀጉር እርስ በእርሱ ሲፋተግ የኤሌክትሪክ ቻርጅ ስለሚያጠራቅም፣ በቀላሉ ብናኝን የመሳብ አቅም አለው።

በተጨማሪም የራስ ቅል ቆዳ ፍርፋሪ ፣ከፀጉር ስር የሚመነጭ የተፈጥሮ ወዝ እና ላብ ከልክ ያለፈ ሲሆን፣ እንዲሁም ለፀጉር ውበት በምንጠቀማቸው፣ ዘመናዊ እና ባህላዊ ቅባቶች ምክኒያት ፀጉር በቀላሉ ሊቆሽሽ ይችላል።

ታዲያ፣ ፀጉር ሲታጠብ፣ ከትኩስ ውሀ ይልቅ፣ በመጠኑ ለብ ያለ ውሀን መጠቀም ተመራጭ ነው ። ፀጉር እርጥብ እንደሆነ ማበጠር ደሞ፣ የፀጉርን ሰበቃ ስለሚጨምር ፀጉር ከልክ በላይ ሊሳሳብ እና ሊሰባበር ይችላል።

ፀጉር እርጥብ እንደሆነ ለማበጠር ከተፈለገ፣ ለዚህ ተብለው የተዘጋጁ ለየት ያሉ ኮንዲሽነሮችን መጠቀም ያስፈልጋል።

ስለነዚህ ምርቶች በቪዲዮው ላይ አይነታቸውን አብራርቻለሁ።

ፀጉር ላይ የምንጠቀማቸው ሳሙናዎች፣ ጥንካሬያቸው፣ የፀጉሩን አይነት ያማከለ ካልሆነ፣ የፀጉር ቅርፊትን እና የፀጉር ተፈጥሮአዊ ወዝን ከልክ ባለፈ መልኩ ስለሚያነሱ፣ ፀጉርን ሊያገረጡና ውበቱን ሊያሳጡት ይችላሉ።

በተለይ ጨዋማ የሆነ ወይም ፣የጉድጓድ ውሀ ባለበት ቦታ የሚኖር ሰው፣ ለፀጉር ንፅህና፣ የገላ ወይም የልብስ ሳሙናን ባይጠቀም ተመራጭ ነው።

ከዛ ይልቅ ፣ እንደ ፀጉሩ አይነት በተለያየ ጥንካሬ የተዘጋጁ የፀጉር ሻምፖዎችን መጠቀም ይመረጣል።

ገበያ ላይ 11 አይነት የፀጉር ሻምፖዎችን ልታገኙ ትችላላችሁ። እነዚህ ሻምፖዎች በውስጣቸው የሚጨመርባቸው ግብአት፣ የተጠቃሚውን ትኩረት ለመሳብ ሲባል፣ ከፋብሪካ ፋብሪካ ወይም ከምርት ምርት የተለያዩ ሊሆኑ ይችላሉ።

ነገር ግን፣ የትኛውም ፋብሪካ ቢሆን፣ አንድን ሻምፖ ለገበያ ሲያቀርብ፣ በዋነኝነት 5 የዲተርጀንት አይነቶችን ይጠቀማል።

ከነዚህ ውስጥ፣ አንድን ሻምፖ ጠንካራ የሚያስብለው፣ በውስጡ በሚይዘው የ ሰልፌት አዘል ዲተርጀንት ፣አይነት እና መጠን ይሆናል።

ስለተለያዩ የሻምፖ እና የኮንዲሽነር አይነቶች፣ እንዲሁም የትኞቹ ምርቶች ለየትኛው የፀጉር አይነት ተስማሚ እንደሆኑ፣ በቪዲዮው ላይ በምስል የታገዘ መረጃ አስቀምጫለሁ።


@medilabet    @medilabet     @medilabet ክፈት / አስተያየት ይስጡ

2023-02-27 19:29:05 ባሕር ዳር ዩንቨርሲቲ ሕክምናና ጤና ሳይንስ ኮሌጅ ከአማራ ክልል ጤና ቢሮ እና ፕሮጀክት ሀረር ኢትዮጵያ ከተሰኘ ሀገር በቀል ድርጅት ጋር በመተባበር ከየካቲት 23-28/2015 ዓ.ም በጥበበ ጊዮን ስፔሻላይዝድ ሆስፒታል በተፈጥሮ የከንፈርና የላንቃ ክፍተት ያለባቸውን ህፃናትና አዋቂዎች የነፃ ቀዶ ሕክምና አገልግሎት ይሰጣል።
እንዲሁም ባሕርዳር ዩንቨርሲቲ ሕክምናና ጤና ሳይንስ ኮሌጅ Surgery International ከሚባል ድርጅት ጋር በመተባበር ከአሜሪካ በመጡ ሐኪሞች ከመጋቢት 4 እስከ መጋቢት 9/2015 ዓ.ም በተፈጥሮ የከንፈርና የላንቃ መሰንጠቅ ችግር ያለባቸውን ህፃናትና አዋቂዎች የቀዶ ሕክምና ለማድረግ ዝግጁቱን ጨርሷል።
በመሆኑም ችግሩ ያለባችሁ ሰዎች በተገለፁት ቀናት ወደ ጥበበ ግዮን ስፔሻላይዝድ ሆስፒታል በመምጣት የእድሉ ተጠቃሚ እንድትሆኑ ጥሪያችንን እናስተላልፋለን። ክፈት / አስተያየት ይስጡ

2023-02-27 18:09:40 የፀጉር እንክብካቤ
(Shampoo & Conditioner)

የፀጉር እንክብካቤ ፣ የፀጉር ንፅህናን ከመጠበቅ ይጀምራል።

ፀጉር ከቆዳ በበለጠ መልኩ በተለያዩ ምክኒያቶች ሊቆሽሽ ይችላል፣ ደረቅ ፀጉር እርስ በእርሱ ሲፋተግ የኤሌክትሪክ ቻርጅ ስለሚያጠራቅም፣ በቀላሉ ብናኝን የመሳብ አቅም አለው።

በተጨማሪም የራስ ቅል ቆዳ ፍርፋሪ ፣ከፀጉር ስር የሚመነጭ የተፈጥሮ ወዝ እና ላብ ከልክ ያለፈ ሲሆን፣ እንዲሁም ለፀጉር ውበት በምንጠቀማቸው፣ ዘመናዊ እና ባህላዊ ቅባቶች ምክኒያት ፀጉር በቀላሉ ሊቆሽሽ ይችላል።

ታዲያ፣ ፀጉር ሲታጠብ፣ ከትኩስ ውሀ ይልቅ፣ በመጠኑ ለብ ያለ ውሀን መጠቀም ተመራጭ ነው ። ፀጉር እርጥብ እንደሆነ ማበጠር ደሞ፣ የፀጉርን ሰበቃ ስለሚጨምር ፀጉር ከልክ በላይ ሊሳሳብ እና ሊሰባበር ይችላል።

ፀጉር እርጥብ እንደሆነ ለማበጠር ከተፈለገ፣ ለዚህ ተብለው የተዘጋጁ ለየት ያሉ ኮንዲሽነሮችን መጠቀም ያስፈልጋል።

ስለነዚህ ምርቶች በቪዲዮው ላይ አይነታቸውን አብራርቻለሁ።

ፀጉር ላይ የምንጠቀማቸው ሳሙናዎች፣ ጥንካሬያቸው፣ የፀጉሩን አይነት ያማከለ ካልሆነ፣ የፀጉር ቅርፊትን እና የፀጉር ተፈጥሮአዊ ወዝን ከልክ ባለፈ መልኩ ስለሚያነሱ፣ ፀጉርን ሊያገረጡና ውበቱን ሊያሳጡት ይችላሉ።

በተለይ ጨዋማ የሆነ ወይም ፣የጉድጓድ ውሀ ባለበት ቦታ የሚኖር ሰው፣ ለፀጉር ንፅህና፣ የገላ ወይም የልብስ ሳሙናን ባይጠቀም ተመራጭ ነው።

ከዛ ይልቅ ፣ እንደ ፀጉሩ አይነት በተለያየ ጥንካሬ የተዘጋጁ የፀጉር ሻምፖዎችን መጠቀም ይመረጣል።

ገበያ ላይ 11 አይነት የፀጉር ሻምፖዎችን ልታገኙ ትችላላችሁ። እነዚህ ሻምፖዎች በውስጣቸው የሚጨመርባቸው ግብአት፣ የተጠቃሚውን ትኩረት ለመሳብ ሲባል፣ ከፋብሪካ ፋብሪካ ወይም ከምርት ምርት የተለያዩ ሊሆኑ ይችላሉ።

ነገር ግን፣ የትኛውም ፋብሪካ ቢሆን፣ አንድን ሻምፖ ለገበያ ሲያቀርብ፣ በዋነኝነት 5 የዲተርጀንት አይነቶችን ይጠቀማል።

ከነዚህ ውስጥ፣ አንድን ሻምፖ ጠንካራ የሚያስብለው፣ በውስጡ በሚይዘው የ ሰልፌት አዘል ዲተርጀንት ፣አይነት እና መጠን ይሆናል።

ስለተለያዩ የሻምፖ እና የኮንዲሽነር አይነቶች፣ እንዲሁም የትኞቹ ምርቶች ለየትኛው የፀጉር አይነት ተስማሚ እንደሆኑ፣ በቪዲዮው ላይ በምስል የታገዘ መረጃ አስቀምጫለሁ።


@medilabet @medilabet @medilabet ክፈት / አስተያየት ይስጡ

2023-02-26 16:51:44 Vacancy Announcement:-


Organization: Wollo University

Location: Amhara Region

Minimum Experience: #0_year - 5 year

Professionals needed:-

- Physicians with Specialty/ Subspecialty ( Pediatric Surgeon, Neurosurgeon, Cardiothoracic Surgeon, Gynecologic Oncologist, Fetomaternal Medicine Specialist, Dermatovenerologist, Psychiatrist,Oncologist, Emergency and critical care medicine specialist)

- Professor of Medical Microbiology

- Assistant Professor and above in ( Medical Anatomy, Medical Physiology, Medical Biochemistry, Hematology and Immunohematology, Biostatistics,  Health Service Management,  Monitoring and evaluation, #HSM, health education and promotion Or health promotion Or Health Communication,  #epidemiology and #biostatistics or in Epidemiology , #Anesthesia, Social and Administrative Pharmacy, Clinical Pharmacy/ Pharmacy Practice, Medical Nursing / Surgical Nursing, Pediatric and child health, Medical Parasitology)

- PHD in (Medical Anatomy , Medical Physiology, Medical Biochemistry, Occupational health and safety, Nutrition, Reproductive Health, Epidemiology and Biostatistics)

- MSc in ( Medical Physics, Molecular biology, Immunology , Clinical Chemistry, Pediatric and child health Nursing, Neonatal Nursing, Emergency medicine and critical care nursing / Emergency and critical care nursing Practitioner, Medical Nursing, Surgical Nursing, Pharmacology, Anesthesia, #MPH in #Biostatistics, #MPH/ MSc in Monitoring and Evaluation, MPH in #Health_Economics, MSc/ MPH in #Health_Informatics

- 2 BSc in #Public_Health

- 2 BSc in #Health_Informatics

- 1 BSc in Any health science

- 5 BSc in Medical #Laboratory Science

- 3 BSc in Pediatric and child health Nursing

- 6 BSc in Neonatal Nursing 

- 2 BSc in Emergency medicine and critical care nursing

- 2 BSc in #Opthalmic health nursing/ #Optometry

- 1 BSc in Emergency medicine and critical care nursing/ BSc in Nursing

- 2 BSc in #Nursing / Surgical Nursing

- 1 BSc in #Nursing

- 5 BSc in #Pharmacy 

- 3 BSc in #Occupational_Health and Safety


Deadline: March 8 2023


@medilabet ክፈት / አስተያየት ይስጡ

2023-02-25 20:34:30 በባሕር ዳር ዩኒቨርሲቲ ሕክምናና ጤና ሳይንስ ኮሌጅ የዓይን ሕክምናና ትምሕርት ክፍል Fight Blindness in Ethiopia ከተባለው ግብረሰናይ ድርጅት ጋር በመተባበር ከመጋቢት 17/2015 እስከ መጋቢት 22/2015 ዓ.ም ነፃ የዓይን ምርመራና የሞራ ቀዶ ጥገና አገልግሎት ለባሕር ዳር እና አካባቢዋ ነዋሪዎች ይሰጣል፡፡

የቀዶ ሕክምና አገልግሎቱም በሞራ ግርዶሽ ምክኒያት ለማየት የተቸገሩ ታካሚዎችን እይታ ለመመለስ ያለመ ነዉ።

በዚሁ መሠረት ችግሩ ያለባችሁ ሰዎች ከዛሬ ጀምሮ በጥበበ ግዮን ስፔሻላይዝድ ሆስፒታል የዓይን ሕክምና ክፍል በስራ ሰዓት በመገኘት ያለናችሁ ችግር ተለይቶ ወረፋ በመያዝ የአገልግሎቱ ተጠቃሚ እንድትሆኑ ሆስፒታሉ ጥሪ ያቀርባል። ክፈት / አስተያየት ይስጡ

2023-02-25 07:17:17 Vacancy
@medilabet ክፈት / አስተያየት ይስጡ

2023-02-25 07:17:17 Vacancy
@medilabet ክፈት / አስተያየት ይስጡ

2023-02-24 22:55:50 አሜባ (Amebiasis)

አሜባ የተለያዩ የሰውነት ክፍሎችን የሚያጠቃ ረቂቅ ጥገኛ ተዋሲያን ነው፡፡ አሜባ በዋነኝነት አንጀትን የሚያጠቃና ሲሆን ከአንጀት ውጭም ጉበት፣ልብ እንዲሁም ሳንባን ሊያጠቃ ይችላል፡፡

መንስኤዎቹ

ኢንታሜባ ሂስቶሎቲካ (Entamoeba Histolytica) የተባለ ጥገኛ ትላትል በምንመገበዉ ምግብ እና ዉሃ እንዲሁም ቀጥታ ከተዋህሲያኑ ጋር ባለን ንክኪ አማካኝነት ወደ ሰዉነታችን በመግባት ህመም ያስከስትልል፡፡ይህ ጥገኛ ትልትል በበሽታዉ ከተያዘ ሰዉ ወደ ጤነኛ ሰዉ በቀላሉ ይተላለፋል፡፡

አጋላጭ ሁኔታዎች

የተበከለ ምግብ እና መጠጥ መጠቀም
በምግብ ዝግጅት ወቅት ንጽህን አለመጠበቅ
በፊንጢጣ በኩል የሚደረግ ወሲባዊ ግንኙነት
በቀዶ ህክምና ወቅት የህክምና እቃዎች መበከል
እርግዝና
ህጻናት ልጆች

ምልክቶቹ

የሆድ ህመም/ቁርጠት
የምግብ ፍላጎት መቀነስ
ደም የቀላቀለ ተቅማጥ
ድካም/የሰዉነት መዛል
ራስ ምታት/ማዞር
ክብደት መቀነስ
ማስማጥ
የፊንጢጣ አካባቢ ህመም መሰማት
ማስመለስ
ትኩሳት

መከላከያ መንገዶች

በምግብን ዝግጅት ወቅት ንፅህና በአግባቡ መጠበቅ
የሚጠጣ ውሃን አፍልቶ መጠቀም
አትክልትን በደንብ አብስሎ መመገብ
ሽንት ቤት ከተጠቀሙ በኋላ እና ከምግብ ዝግጅት በፊት እጅን በሳሙና መታጠብ
ህጻናት ልጆች የሚጫዎቱበትን ቦታ ንጹህ ማደረግ እና እጃቸዉን ወደ አፋቸዉ እንዳያስገቡ መጠበቅ

@medilabet ክፈት / አስተያየት ይስጡ

2023-02-24 21:38:32 በነገራችን ላይ ከሁሉም በባሰ ሁኔታ  በኑሮ ውድነት አለንጋ እየተገረፈ ያለ  ከመንግስት ሰራተኛ የመጀመሪያው ''የጤና ባለሞያ'' ነው። ሌሎች እኮ ኑሮአቸውን የሚገፉት አገልግሎት እጅ በእጅ ስለሆነ ነው። ለምሳሌ አንድ ቀያሽ (ሰርቤየር) ደመዎዙ 5480 ነው። ነገር ግን ሁሉንም የሚሰጠውን አገልግሎት የሚከውን እጅ በእጅ ነው ።ጸዳ ያለ ቤት  የተሻለ ኑሮ ይኖራሉ። ለምሳሌ አነሳሁኝ እንጅ  ሁሉም ሴክተር በእጅ መንሻ ነው። ትክክለኛ ህጋዊ አሰራር እስኪመስል ህ/ሰቡም ከፍሎ ጉዳይ ማስፈጸም ነው የሚፈልገው። ለነገሩ የሚፈጸመው ጉዳይም  በትክክለኛው መንገድ ትክክል ስላልሆነ ሁሉም ነገር በገንዘብ ሆኗል።
ወደ ጤና ባለሞያው ስመለስ''  ህጋዊ ባሪያ ነህ ''የተባለ ይመስል ከቀን ሰራተኛ ባነሰ መልኩ እየተሰቃየ በጠኔ ሲገረፍ ይኖራል።
ከ'' ሀኪም ፔጅ'' ሳነብ ያገኘሁት አሳዛኝ ታሪክ  እንደሚከተለው አቀርበዋለሁ።

በሰፈር የሚያውቁት ደላላ ድል ያለ ሰርግ ሰርጎ ሀኪሙን ጃቢ ብሎ ይጠራዋል ። ነገር ግን የሚዋጣው የአጃቢ መዋጮ 2000 birr  ስለነበር ሀኪሙ ስለለለው  ከአጃቢነት ወደ ተራ ተጋባዥነት ቀይሮ ሲሄድ  ገንዘብ መዋጮ የሚሰበስብ ልጅ አገኘና አዋጣ ሲሉት የተሰበሰበውን የመዋጮ ሊስት ሲመለከት ከሰፈር የሚያውቀው ሊስትሮ እንኳን 1000 ብር አዋጦ ተመለከተው ።በጣም ደነገጠና  500 ብር ብቻ ከኪሱ አለ። ጭንቅ አለውና የተዋረደ መስሎት ሁለንም 500 ብሩን አዋጣው ።ስምህ ማን ልበልህ ሲለው ዶክተር እከሌ ማለቱ ደብሮት  እከሌ ብለህ መዝግብ ብሎ እያስመዘገበ ሳለ ሌላ መዋጮ የሚከፍል ሰው ከተፍ አለና ዶክተር እንዴት ነህ ብር አዋጣህ እንዴ ሲለው ያ መዋጮ ሲመዘግብ የነበረ ሰው ዶክተር ሲለው ተመለሰና እንደገና ስሙንና ያዋጣውን ተመለከተ በአግራሞት። ዶክተሩም ላበት ውጦት ተሸማቆ እና የበታችነት ስሜት ተሰምቶት ወደ ቤቱ አመራ። ወደ ሰርጉም መሄድ አልፈለገም የሚል መረጃ ሳነብ አንጀቴን በልቶት ነበር ።
አንድ ጀማሪ ሀኪም 9056 ደሞዙ ሆኖ
በወር 6400 ብር የተጣራ
በቀን  ሲሰላ  9056/30=301 ብር ይከፈለዋል።  ሶየው እኮ ስሙ የገዘፈ ነው ሃኪም የተባለ ትልቅ ሞያ ።ግን በቀን 301 ብር ይከፈለዋል

የቤት ኪራይ  ሀኪም ስለሆነ ቢያንስ 5000 ብር በላይ ቢያወጣ
የወር ቀለብ  ቤተሰብ ያውም ባይኖረው ብንል   ቁርስ  በትንሹ 70 ብር,ምሳ 80 ብር,ራት 100 ብር  =250 ብር በቀን በማት ነው።
ሌላ የመዝናኛ ፣አልባሳት ማህበራዊ ወጪ ሳንጨምር በድምሩ  250*30=7,500 ያወጣል።
የቤት ኪራይ 5000 ሲደመርበት=7500+5000=12,500 ብር ይሆናል

12,500-6400=6100 ብር   Negative  expenditure

ደግሞ ይህንን ሀኪም CRC/MCC ,ህሙማን አላረካህም እያሉ ቁም ስቅሉን ያሳዩታል። እረ ወዮ !መኖር! አልቻልኩም ብሎ  ሰልፍ ባደረገበት ለውጥ በተባለው ዘመን ጠሚው'' ጤና ባለሞያ ቅድሚያ ገውንህን እጠብ'' ብሎ ሲሳለቅበት  አሜን ብሎ ተቀበለ ። ነገርዬው ጤና ባለሞያው አንድነት ስለለለን ይበለን ያስብላል።

መፍትሄው እንደሀገርም ሆነ እንደ ክልል የስራ ማቆም አድማ በማድረግ የጤና ባለሞያ መኖር እንዳልቻ ለማህበረሸቡ ማስረዳት መቻል አለበት ባይ ነኝ!!

@medilabet ክፈት / አስተያየት ይስጡ

2023-02-24 21:15:01 የኩላሊት ጠጠር (Nephrolithiasis) ምንድን ነው?

ብዙዎቻችን ውሀን የመጠጣት ባህላችን በጣም ዝቅ ያለ ነው። ይህ ልምድ ደሞ ብዙ መዘዝን ይዞብን ምጣቱ አይቀሬ ነው።

አንድ ወንድማችን "ኩላሊቴ በጠጠር ምክንያት ፈሳሽን ሙሉ ለሙሉ ማስወገድ አልቻለም እና ሀኪሞቹ አሁን መውጣት አይችልም ፣ ገና ነው የሚል መልስ ነው የሰጡኝ ፣ እና ለምንድን ነው" የሚል ጥያቄ አንስቶልኝ ነበር።

የኩላሊት ጠጠር በአብዛኛው ጊዜ 80% በውስጡ ካልሺየም ኦግዛሌት (calcium oxalete) የተቀሩት ደግሞ ከካልሺየም ፍስፌት (calcium phosphate) ፣ ዩሪክ አሲድ (uric acid) ፣ ሲስቲን (cystine) ሊሰሩ ይችላሉ።

የኩላሊት ጠጠር በአብዛኛው በአንድ ኩላሊት በኩል ይታያል። አንዳንድ ጊዜ ደግሞ በሁለቱም ኩላሊት ሊኖር ይችላል።

ለኩላሊት ጠጠር የሚያጋልጡን ነገሮችስ?

ለኩላሊት ጠጠር የመጋለጥ እድላችን የሚወሰነው ሽንት በተሰራበት (composition) ለምሳሌ በካልሼየም ኦግዛሌት የተሰራ ጠጠር ከሆነ በሽንት ወስጥ የሚገኝ ከፍተኛ መጠን ካልሺየም እና ኦግዛሌት ሲኖር እንዲሁም ዝቅተኛ ካልሽየም እና ፖታሺየም መውሰድ እና ፈሳሽ ነገር ያላቸው ምግቦች አለማዘውተር እንዲሁም ጥናቶች እንደሚያሳዩት ከስኳር የተሰሩ ጣፋጭ መጠጦች ተጋላጭነተን ይጨምረዋል ተብሎ ይታሰባል።

ሌሎች አጋላጭ ምክንያቶች ለምሳሌ አንድ ሰው ከዚህ በፊት የኩላሊት ጠጠር ከነበረበት ድጋሚ የመመለስ እድል ሊኖረው ይችላል። ከዚህ በተጨማሪ በዘር (በቤተሰብ) ወስጥ ጠጠር ያለበት ካለ ፣ በተደጋጋሚ የላይኛው የሽንት ቧንቧ ኢንፌክሽን ተጠቂ መሆን ፣ መድሀኒቶች ለምሳሌ Idinavir, Acyclovir, Sulfadiazine፣ መድሀኒቶችን ከሚገባው መጠን በላይ መውሰድ፣ ከመጠን በላይ ውፍረት፣ ከመጠን በላይ በፕሮቲን እና Vitamin C የበለፀጉ ምግቦች መመገብ ፣ ከከመጠን በላይ የሰውነት እንቅስቃሴ ለምሳሌ የማራቶን ሯጮች ፣ ደም ግፊት ፣ ስኳር ፣ ሪህ ችግር ያለባቸው ተጋላጭ ሊሆኑ ይችላሉ።

ምልክቶቹስ?
- በአብዛኛው ከ20-60 ደቂቃ ሄድ መጣ የሚል ህመም በጎናችን አካባቢ ሊሰማን ይችላል። ህመሙ በጣም ሀይለኛ ውጋት ፣ ቁርጠት ስለሆነ ህመምተኛው የመንቆራጠጥ ነገር ሊያሳይ ይችላል።

አንዳንዴም ህመሙ እስከ ሽንት ፌኛ አካባቢ ሊደርስ ይችላል። ይህም አንደ ጠጠሩ ያለበት ቦታ ይወሰናል። ከዚህ በተጨማሪ የሽንት ቀለም ወደቀይነት (ደም) መቀላቀል ፣ ማቅለሽለሽ ፣ ማስመለስ ፣ ሽንት ማጥ ፣ ሽንት ማጣደፍ ሊኖር ይችላል።

ምርምራዎቹስ?
- ከላይ የጠቀስኳቸውን ምልክቶች በምናይበት ግዜ ቶሎ ወደ ጤና ተቋም በመሄድ ተገቢውን ምርመራ ማድረግ ይጠበቅብናል። የጤና ባለሙያውም እንደ አስፈላጊነቱ የተለያዩ ምርመራዎችን ለምሳሌ የሽንት ምርመራ ፣ የሆድ አልትራሳውንድ ፣ የሆድ x ray ፣ የሆድ ሲቲ ስካን ፣ ሊያዝልን ይችላል

ነፍሰ ጡር እናት ላይ ምርመራዎችን ስናዝ ጥንቃቄ ማድረግ ይጠበቅብናል። ምክንያቱም ከx-ray ፣ እና ሲቲ ስካን የሚወጣው ጨረር በተለይ ፅንሱን ሊጎዳው ስለሚችል ነው። ስለዚህ በዚህ ጊዜ አልትራሳውንድ ተመራጭ ይሆናል።

የሚያመጣውስ ችግር?
-የኩላሊት ጠጠር ካልታከመ ለኢንፌክሽን ፣ ደጋሚ ተመልሶ የመምጣት ችግር (recurrence) ፣ የሽንት ቱቦ መዘጋት ፣ ኩላሊትን ሙሉ በሙሉ ከጥቅም ውጪ እስከማድረስ ሊደርስ ይችላል።

ህክምናውስ?
- አመጋገባችንን ማስተካከል
- ጠጠሩን ያመጣብን ችግር ከታወቀ ማከም
- የህመም ስሜት ላላቸው ታካሚዎች እንደ አስፈላጊነቱ የህመም ማስታገሻ ሊሰጥ ይችላል።

- ማንኛውም የኩላሊት ጠጠር በቀዶ ጥገና ይወጣል ማለት አይደለም። ይህም የሚወሰነው እነደ ጠጠሩ መጠን ሲሆን የጠጠሩ መጠን እስከ 10 ሚሊ ሜትር ከሆነ በሽንት እንዲወጣ ነው የሚመከረው። በዚህ ጊዜ ታካሚው ዉሀ በብዛት እንዲጠጣ ይመከራል መጠናቸው ከ10 ሚሊሜትር በላይ ከሆነ የመውጣት እድላቸው ጠባብ ስለሆነ ሌሎች አማራጮችን መጠቀም ሊጠበቅን ይችላል። ለምሳሌ በድምፅ እና በጨረር በመታገዝ ጠጠሩ እንዲሰባበር በማድረግ ከዛም ውሀ በመጠጠት በሽንት እንዲወጣ ይደረጋል አንዳንድ ጊዜም በቀዶ ጥገና መውጣት ሊያስፈልግ ይችላል።

የህክምና አማራጮቹ የሚወሰኑት በባለሙያው ስለሆነ ከባለሙያ የሚሰጡንን ምክሮች ማክበር ተገቢ ነው።

NB. ንፁህ ውሀ በብዛት መጠጣት ተነገሮ ከማያልቁት ጥቅሞች አነዱ በሰውነታችን ውስጥ ያሉ አላስፈላጊ ቆሻሻዎችን ባሉበት ተቀምጠው ጉዳት እንዳያስከትሉ እና ለማስወገድ እጅግ ጠቃሚ ስለሆነ ውሀ የመጠጣት ልምዳችንን ብናዳብር መልካም ነው።

ለወዳጅዎ ያጋሩ
ጤና ይብዛሎ!
ዶ/ር ኤርሚያስ ማሞ ክፈት / አስተያየት ይስጡ