Ethio telecom

ኩባንያችን ከኦሮሚያ ትምህርት ቢሮ ጋር የስማርት ክላስሩም ሶሉሽኖች በተመረጡ ትምህርት ቤቶች ለመተግበር የሚያስችል ስምምነት በዛሬው ዕለት አደረገ፡፡

ስምምነቱ በኦሮሚያ ክልል በሚገኙ በስምንት አዳሪ ት/ቤቶችና በ33 ልዩ ትምህርት ቤቶች 82 ስማርት የመማሪያ ክፍሎችን እና አስፈላጊ የቴክኖሎጂ መሰረተ ልማቶችን በማሟላት አዘጋጅቶ ለማቅረብ የሚያስችል ሲሆን ይህም የትምህርት አሰጣጥ ስርዓቱን በማዘመን ጥራት ለመጨመር፣ ወጭን ለመቀነስ እና ትምህርትን በዲጂታል መንገድ በቀላሉ ለማቅረብ ያስችላል፡፡

በተጨማሪም ስምምነቱ ትምህርትን ለዜጎች አካታች እና ተደራሽ ለማድረግ አስቻይ ሁኔታን የሚፈጥር ሲሆን የትምህርት ግብዓቶች እጥረትን ለመቅረፍ፣ ትምህርትን ተማሪ ተኮርና አሳታፊ ለማድረግ እንዲሁም የተግባር ትምህርቶችን በስማርት ቤተሙከራ በማቅረብ ብቁ ትውልድ ለማፍራት ያስችላል፡፡

ኩባንያችን ከዚህ ቀደም በኦሮሚያ ክልላዊ መንግስት ከሸገር ከተማ እና ኦሮሚያ ገቢዎች ቢሮ ጋር የአገልግሎት አሰጣጥን የሚያዘምኑ እንዲሁም የዜጎችን የዕለት ተዕለት የኑሮ እንቅስቃሴ የሚያሻሽሉ የዲጂታል ሶሉሽኖችን እና መሠረተ-ልማቶችን በማቅረብ የዲጂታል ኢትዮጵያን ጉዞ ለማፋጠን የሚያስችል ስምምነት ማድረጉ ይታወሳል።

ለተጨማሪ መረጃ: https://bit.ly/3PLQ7Wp ያንብቡ

#DigitalAfrica #DigitalEthiopia #SmartAfrica #GSMA #ITU

በቅርቡ የኢትዮ ቴሌኮም የሥራ አመራር ቦርድ ሰብሳቢ ሆነው የተሰየሙት ክቡር ምክትል ጠቅላይ ሚኒስትር ተመስገን ጥሩነህ ከቦርዱ አባላት ጋር በመሆን በኩባንያችን የተለያዩ ቦታዎች በመዘዋወር ጉብኝት አደረጉ።

ምክትል ጠቅላይ ሚኒስትር እና የቦርድ አባላቱ ጉብኝታቸውን በአድዋ የድል መታሰቢያ በሚገኘው የኩባንያችን ኤክስፒሪየንስ ማዕከል በመጀመር በፕሪሚየም አገልግሎት ማዕከል፣ ሞጁላር ዳታ ሴንተር እና የደንበኞች አገልግሎት መስጫ ማዕከላትን ጎብኝተዋል።

በጉብኝቱ ወቅት ኩባንያችን የኮኔክቲቪቲ ተደራሽነት እና ጥራት ከማሻሻል ባሻገር የዲጂታል ሶሉሽኖችን እና የዲጂታል ፋይናንስ አገልግሎቶችን በማቅረብ የህዝባችንን ህይወት ለማቅለል በርካታ ስራዎችን እያከናወነ መሆኑ የተገለጸ ሲሆን በቴሌኮም እና በዲጂታል መሠረተ ልማት አቅም የተፈጠረውን አስቻይ ሁኔታ በመጠቀም የመንግስት ተቋማት አሰራሮቻቸውን በዲጂታል በማዘመን ፈጣን፣ ቀልጣፋና አስተማማኝ አገልግሎት ማቅረብ እንዲችሉ የተገነቡ የዲጂታል አቅሞችን እንዲያውቁት እና እንዲጠቀሙበት ማድረግ እንደሚገባ አጽንኦት ተሰጥቷል፡፡

በመጨረሻም ኩባንያችን የዲጂታል ኢትዮጵያን ጉዞ ዕውን ለማድረግ እያደረገ ያለውን ጥረት እና አስተዋጽኦ በማድነቅ ይህ ተጠናክሮ እንዲቀጥል ቦርዱ ተገቢውን ድጋፍ እና አመራር እንደሚሰጥ ገልፀዋል።

#DigitalAfrica #DigitalEthiopia #SmartAfrica #Ethiotelecom #telebirr #RealizingDigitalEthiopia

እድለኛዋ ወጣት ከዋና ሥራ አስፈጻሚያችን እጅ አውቶሞቢሏን ተረከበች!


ጥሪ ማሳመሪያ ጥሪት ያተርፋል! ብለን በእውን ጥሪት አትራፊ እድለኛ ደንበኞቻችንን ያንበሸበሽንበት ፕሮግራም የመኪና እድለኛ ከወለጋ ኪረሙዋ ወጣት ዘይነባ ፋንታሁን የዘመናዊ የቤት አውቶሞቢል ቁልፏን ከዋና ሥራ አስፈጻሚያችን ፍሬሕይወት ታምሩ እጅ ተረክባለች፡፡

በተመሳሳይም የጅማ አላጌዋ ዕድለኛ ቢሊሴ ደነቀ ደግሞ የባለ 3 እግር ተሽከርካሪዋን ተረክባለች፡፡

ከጥቅምት 26 - ጥር 5 ቀን 2016 ዓ.ም ለደንበኞች ባዘጋጀነው ልዩ የጥሪ ማሳመሪያ ሽልማት መርሃግብር ለደብረታቦር፣ ጎጃም ዘግዛ እና ቢሾፍቱ እድለኞች ለእያንዳንዳቸው የባለ 3 እግር ተሽከርካሪ ቁልፍ ማስረከባችንን የሚታወስ ሲሆን 8 ስማርት ቴሌቪዥን፣ 8 የ5ጂ ስማርት ስልኮች፣ 80 የ5 ሺህ ብር የቴሌብር ኤሌክትሮኒክስ ገንዘብ እና ከ13 ሺህ በላይ የሞባይል ጥቅሎች አበርክተናል፡፡

በቅርብ ቀን የውድ ደንበኞቻችንን አኗኗር እና ምቾት በሚጨምሩ አዳዲስ አገልግሎቶቻችን እና እጅግ አጓጊ ሽልማቶች በሚያስገኙ የተለያዩ መርሀ ግብሮች ይጠብቁን!

#Ethiotelecom #telebirr #RealizingDigitalEthiopia