Dr. Eyob Mamo

2022-08-30 12:27:44 ክፈት / አስተያየት ይስጡ

2022-08-30 12:27:38 ክፈት / አስተያየት ይስጡ

2022-08-30 12:25:50 እንዴት ናችሁ የFacebook እና Telegram ተከታታዮቼ!

ዛሬ አንድ ለየት ያለ ነገር ላጋራችሁ መጣሁ፡፡

በአዲስ አበባ፣ ቂርቆስ ክፍለ-ከተማ ወረዳ 4 ውስጥ የሚገኙ ቁጥራቸው ጥቂት ያልሆነ አረጋውያን ይገኛሉ፡፡ ከወረዳው ባገኘሁት መረጃ መሰረት የአንድን በእድሜና በህመም ጫና ምክንያት የአልጋ ቁራኛ የሆኑ እናታችንን ቤት ተብሎ ሊጠራ የማይችል “ቤት” አፍርሰን ለመስራት ወሰንኩኝ፡፡ በዚህም መሰረት መንፈሳው አገልግሎት በምሰጥበት ቤ/ክ የሚገኙ ወገኖቻችንን በማስተባበር የእኝህን አቅመ-ደካማ እናታችንን መጠለያ በማፍረስ አዲስን ቤት ለመስራት ቻልን፡፡

ይህንን እድል እንድናገኝ ያመቻቹልንን የወረዳ አመራሮች እያመሰገንኩ በዚህ ወረዳ ለሚገኙ ሌሎች አቅመ-ደካማዎች ተመሳሳይ ነገር ለማድረግ ለምትፈልጉ ጥሪ ለማስተላለፍ ፈለኩኝ፡፡

ይህ ጥሪ ከእናንተ ገንዘብን የመሰብሰብ ጥሪ አይደለም፡፡ ከቅርብ ወዳጆቻችሁና ጓደኞቻችሁ ጋር በመሰባሰብ የአንድን ሰው ቤት እንድታድሱ ለማነሳሳት ነው፡፡ ይህንን ለማድረግ ፍላጎቱ ካላችሁ Inbox አድርጉልኛና የእድሳቱን ስራ ራሳችሁ እንድታደርጉት መንገዱን አመቻችላችኋለሁ፡፡

አንዳንድ ተከታታዮቼ በግላችሁ የአንድን ሰው ቤት ለማደስ አቅም እንዳላችሁ እርግጠኛ ነኝ፡፡ በውጪ ሃገር የምትገኙ ተከታታዮቼም እንድትሳተፉ ጥሪን አደርጋለሁ፡፡

ከዚህ መልእክቴ ጋር አፍርሰን የሰራነውን ቤት ሂደትና ሁኔታ የሚያሳዩ ፎቶዎች አጋርቻችኋለሁ፡፡

Thanking you in advance!

Dr. Eyob Mamo ክፈት / አስተያየት ይስጡ

2022-08-30 05:00:00 ያልፋል!

በሕይወታችሁ ልትሰሯቸው ከምችሏቸው ታላላቅ ስህተቶች አንዱ አሁን ያላችሁበት የኑሮ ሁኔታ ቋሚና የማያልፍ እንደሆነ የማሰብ ስህተት ነው፡፡ በአሁን ጊዜ በሕይወታችሁ እየሆነ ያለው ነገር ሁሉ ያልፋል!

ይህ መርህ ለክፉውም ሆነ ለደጉም፣ ለጨለማውም ለብርሃኑም . . . ልምምድ የሚሰራ መርህ ነው፡፡ “ትናንትና” የነበረውን ልምምድ “ዛሬ” የተባለው ቀን ሲመጣ እንዳሳለፈው፣ የዛሬውና የአሁኑ ልምምድ ደግሞ “ነገ” የተሰኘው ቀን ሲመጣ ያሳልፈዋል፡፡

በዚህ በፍጹም ልንሽረው በማንችለው የልምምድና የሁኔታዎች መለዋወጥ ውስጥ ካለመናወጥ ማለፍ ከፈለጋችሁ በፍጹም ማድረግ የሌለባችሁን ነገሮች አትዘንጉ፡፡

1. ችግር ሲገጥማችሁ በፍጹም ተስፋ አትቁረጡ፡፡
የአሁኑ ችግር ማለፉና የስኬት ወቅት መምጣቱ አይቀርም፡፡ ያን ጊዜ የሚመጣውን ስኬት በሚዛናዊነት እንድትይዙት የሚያግዛችሁ ዛሬ በችግራችሁ ጊዜ ተስፋ ባለመቁረጥ ያዳበራችሁት ጥንካሬ ነው፡፡

2. ሁኔታዎች ሲሳኩላችሁ በፍጹም አትታበዩ፡፡
የአሁኑ ስኬት ትርጉም የማይሰጥበት ቀን ይመጣል፡፡ ያን ጊዜ የሚሸከማችሁና በወቅቱ ለመጣው ተለዋጭ ሁኔታ የሚመጥን አቋም የሚሰጣችሁ በስኬታችሁ ጊዜ የነበራችሁ ትህትናና ጨዋት ነው፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2022-08-29 15:00:00 ጥያቄ፡-

ሰላም ነው ዶ/ር አዮብ ትምህርትህን በጣም ነው ምወደው እኔ ልጠይቅ ምፈልገው በህይወቴ አዲስ ነገር መልመድ በጣም እፈራለው አዳዲስ እድሎች ሲያመጡልኝ ስለምፈራ የት ይሄድብኛል ብዮ እራሴን አታልላለው ሲያመልጠኝ ደሞ መጀመሪያም ለኔ አልሆነም እላለው ይሄን ነገር እንዴት ልታገለው?

መልስ፡-

ሁላችንም ቢሆን አዲስ ነገርን እንፈራን፡፡ ለዚህ ነው ከምቹ ስፍራችን፣ ከለመድነው ባህላችንና ከመሳሰሉት ሁኔታዎች መውጣትና ለውጥን ብዙም የማንወደው፡፡ ነገር ግን ፍርሃቱ ከመጠን ሲያልፍ በአንድ ቦታ ተቆልፈህ እድሜህን እንድታስበላና ነገ እንድትጸጸት የሚደርግ ጉዳይ ነው፡፡

አዲስ ነገር የመጋፈጥ ፍርሃት ምንጩ ብዙ ሲሆን ዋና ዋናዎቹን ለመጥቀስ ያህል፡-

የሚፈልጉትን ነገር ወይም ዓላማን በሚገባ አለማወቅ፡- ለመልመድ የፈለከው አዲስ ነገር ከህይወትህ ዓላማም ሆነ ለማከናወን ከምትፈልገው ነገር ጋር ግንኙነት ከሌለው ውስጥህ የመወሰን ጉልበት አይኖረውም፡፡ ስለዚህ ያንን እርግጠኛ ሁን፡፡

በራስ የመተማመን ጉድለት፡- አዲስ ነገር ጀምረህ እስከጥጉ መውሰድ እንደማትችልና ሌሎቹ ጎበዞች አንተ ግን ብዙም ያልጎበዝክ አይነት ሰው እንደሆንክ ካሰብክ ምንም አዲስ ነገር የመጋፈጥ አቅም አይኖርህም፡፡ ስለዚህ ሁሉም ሰው አዲስ ነገር ውስጥ ሲገባ መጀመሪያ ግራ ገብቶት በኋላ ግር ራሱን በትጋት እያስለመደ ማደጉን አትርሳ፡፡

ጭፍን (ምክንያት-የለሽ) አዲስ ነገርን የመፍራት ዝንባሌ፡- በስነ-ልቦናው ቋንቋ “የማያታወቀውን መፍራት” (Fear of The Unknown) የሚባለው ሁኔታ ይኖርብህ እንደሆነ ራስህን ፈትሽ፡፡ ምንም ነገር ውስጥ ሁሉንም ነገር እርግጠኛ ሆነህ መግባት አትችልም፡፡ ማድረግ የምትችለው ሊደርስብህ ለሚችለው ነገር ራስህን በበቂ ሁኔታና የምትችለው ያህል በማዘጋጀት መራመድ ነው፡፡

የከዚህ በፊት የከሸፉ ሙከራዎች፡- ከዚህ በፊት አዳዲስ ነገሮችን ሞክረህ ደጋግሞ አልተሳካም ማለት ዛሬ አይሳካም ማለት አይደለም፡፡ የከዚህ በፊቱ ያልተሳካው ሁኔታ ምን ትምህርት እንደሰጠህ በማወቅህ የበለጠ መብሰል ነው ያለብህ፡፡

“የአርባ ቀን እድል” አመለካከት፡- አንዳንድ ሰዎች “ምንም ይሁን ምንም እድሌ ነው” የሚል ዝንባሌ አላቸው፡፡ ይህ ዝንባሌ ከአስተዳደግ ባህላዊ ውርስ ወይም ሁኔታዎችን ሁሉ በፈጣሪ ላይ ከመለጠፍ “ኃይማኖታዊ” ቅኝት ሊመጣ ይችላል፡፡ በሕይወተህ መለወጥ በምትችላቸውና በማትችላቸው ነገሮች መካከል በመለየት ተንቀሳቀስ፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2022-08-29 14:59:00 አዳዲስ እድሎች ሲያመጡልኝ ስምፈራ ምክንያት ሰጥቼ አሳልፋቸዋለሁ ክፈት / አስተያየት ይስጡ

2022-08-29 12:00:00 ጥያቄ፡-

ሰላም ይብዛልህ ዶ/ር ስለምታደርገው እገዛ ከልብ አመሰግናለሁ፡፡ ጥያቄዬ፦ ባለፈው ግዜዬ ብዙ ፈተናዎችን አሳልፈያለሁ ከልጅነቴ ጀምሮ ከጆሮዬ የመስማት ችግር ነበረብኝ፡፡ ከዚህም የተነሳ በተማሪዎች እጠላ ነበር አይቀርቡኝም ነበር እራሰን አገል ነበር። ትምህርት ስማር ስለማይሰማኝ አይገባኝም ነበር ውጤቴም የወረደ ነበር። ለመታከምም ሞክሬ ነበር ግን ምንም ለውጥ አልነበረም። እያደግሁ ስመጣ ግን ጉዳቴ በግልጽ ይታወቀኝ ይታየኝ ጀመረ። ሁሌ ለምን እያልኩ እራሴን እጠይቃለሁ። ለዚህ ሁሉ በተሰቤን ተጠያቂ አደርጋቸዋለሁ coz ያኔ care አልሰጡኝም በምል። ከዚህ የተነሳ ስኔ ልቦናዬ በጣም ተጎድቷል። በዚህ ሁሉ አሁን የcomputer science 3ኛ ዓመት ተማሪ ነኝ። ጓደኞቼ ተመርቀው ስራ ይዘዋል እኔ ግን ወደ ኃላ ስለቀረሁ ሁሌ ይጨንቀኛል "እስከሁን አልተመረክም እንዴ"?? እያሉ ሰዎች ስጠይቁኝ ያመኛል አሁንም ሃሳቤን መሰብሰብ አልቻልኩም። ውጤቴም በጣም የወረደ ነው። እንዴት ነው ከዚህ አምሮ ጭንቀት ነጻ ምሆነው? በትምህርቴም እንዴት ነው ውጤታማ መሆን የምችለው??
Pleas Dr i need your help!

መልስ፡-

በመጀመሪያ ላስታውስህ የምፈልገው ምን ያህል ጠንካራ ሰው እንደሆንክ ነው፡፡ አብዛኛዎቻችን ካለምንም የጤንነትና ሌሎች ማሕበራዊ እንቅፋቶች ውጪ ሆነን እኳን የሚያታግለንን የትምህርት ሁኔታ አንተ በዚህ ሁኔታው ሆን እያሸነፍከው ነው፡፡

ሲቀጥል፣ የሶስተኛ ዓመት የኮምፒውተር ሳይንስ ተማሪ የመሆን ደረጃ ላይ መድረስህ በራሱ ስኬታማነትህን ያመለክታል፡፡ ስኬት እጅህ ላይ ነችና ስኬታማ እንዳልሆንክ ማሰብን አቁም፡፡

አብዛኛው የሕብረተሰባችን ክፍ ጨዋና የሚናገረውን የሚያውቅ ቢሆንም፣ አንዳንድ ሰዎች ግን ከአንደበታቸው የሚወጣው ነገር ሌላውን ሰው እንዴት እንደሚጎዳ ያለማወቅ ኋላቀርነት አለባቸው፡፡ ስለዚህ አንተ ስላለህበት ሁኔታ እንደዚህ አይነት ሰዎች ለሚናገሩት ነገር ትኩረት መስጠጥ ተውና ዓላማህን ተከታተል፡፡

ሰው ወደኋላ የሚቀረው በአለካቱ ነው፡፡ አሁን ያለህበትን ሁኔታና እውነታ በመቀበል የአቅምህን ያህል ከሰራህ አንተ ወደኋላ የቀረህ ሰው አይደለህም፡፡ አንድ ሰው ወደኋላ ቀረ የሚባለው ያለውን አቅም ላለመጠቀም ሲወስንና ለወረደ ነገር ሰክኖ ሲኖር ነው፡፡ የአንተ ሁኔታ ከዚህ ኋላ የመቅረት ትርጉም የተለየ ነው፡፡

በርታ!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2022-08-29 11:59:00 ከልጅነቴ ጀምሮ ከጆሮዬ የመስማት ችግር ነበረብኝ፡፡ ከዚህ የተነሳ ኋላ-ቀር የሆንኩኝ ይመስለኛ ክፈት / አስተያየት ይስጡ

2022-08-29 05:00:00 በመጠበቅ ጊዜያችሁን አታባክኑ!

• ደስተኛ ለመሆን ሰዎች በሚያሳይዋችሁ ሁኔታ ደስተኛ እስከሚያያደርጓችሁ አትጠብቁ፡፡ ከማንም ሰው ውጪ ደስተኛ የመሆን ብቃት አላችሁ፡፡

• ችግራችሁን ለማሸነፍ ችግራችሁን ሰዎች እስኪፈቱላችሁ አትጠብቁ፡፡ በመጀመሪያ ችግራችሁን ለመፍታት በራሳችሁ የመንቀሳቀስ ብቃት አላችሁ፡፡

• ሙሉ ሰው ለመሆን በሰዎች ተቀባይነት እስከምታገኙ አትጠብቁ፡፡ ሰዎች ቢቀበሏችሁም ሆነ ባይቀበሏችሁም ሙሉ ሰው ናችሁ፡፡

• የተሟላ ኑሮ ለመኖር ሁሉም ነገር እስኪሟላ አትጠብቁ፡፡ ነገር ሞላም አልሞላም ከዚያ ጋር ባልተነካካ ሁኔታ ከፈጣሪ ጋር ሙሉ ሰው ናችሁ፡፡

• ውስጣችሁ እንዲያርፍ ያሰባችሁበት ዓላማ ላይ እስከምትደርሱ አትጠብቁ፡፡ ከጅማሬው አርፋችሁና በጉዞው እየተደሰታችሁ ወደ ዓላማችሁ የመገስገስ ብቃት አላችሁ፡፡

ሕይወት ሂደት እንጂ የአንድ ቀን ክስተት አይደለችም!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2022-08-28 07:43:17 “ሁለቱ ክህሎቶች”

ሁለት አይነት ክህሎቶች አሉ፡- አንደኛው የሞያ ክህሎት ሲሆነ፣ ሌላኛው ግን ማሕበራዊ ክህሎት ነው፡፡ የመጀመሪያው ስራን በስኬታማነት እንድንሰራ ሲያደርገን፣ ሁለተኛው ግን ማሕበራዊ ግንኙታችን የሰመረ እንዲሆን ያግዘናል፡፡ ማንኛውም የሞያ ክህሎት ከማሕበራዊ ክህሎት ውጪ ብዙ ርቀት አያስኬደንም፡፡

በትምህርት ቤት ወይም በልምድ የተማርነው ሞያ-ነክ ክህሎት የስኬታችነን 10 በመቶ ሲይዝ፣ በማሕበራዊ ግንኙነት ጥበብ የምናገኘው ክህሎቶ ደግሞ የስኬታችንን 90 መቶ ያዋጣል፡፡

መጽሐፉን በመግዛት የዛሬ ንባባችሁ አድርጉ! እደጉ!

(መጽሐፉን ለማግኘት:- 0911 47 51 96)

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ