Addis Maleda - አዲስ ማለዳ

2022-08-26 14:18:45 #ሰበር_ዜና
መንግሥት የተመረጡ የህወሓት ወታደራዊ ዐቅሞችን ዒላማ ያደረገ እርምጃ እንደሚወስድ አስታወቀ

አርብ ነሐሴ 20 ቀን 2014 (አዲስ ማለዳ) የፌደራሉ መንግሥት የተመረጡ የህወሓት ወታደራዊ ዐቅሞች ዒላማ ያደረገ እርምጃ እንደሚወስድ የመንግስት ኮሙኒኬሽን አገልግሎት አስታወቀ።

መንግሥት እስከ አሁን ድረስ ለሰላም በሩን ክፍት አድርጎ ቢጠባበቅም ህወሓት ጥቃቱን እንደቀጠለበት አገልግሎቱ ገልጿል።

በመሆኑም የፌዴራል መንግሥት ያለ ቅድመ ሁኔታ ለመነጋገር የገለጸው ዝግጁነት እንደተጠበቀ ሆኖ፣ ለህወሓት ቡድን ፀረ ሰላም ዕብሪት ምንጭ የሆኑ ወታደራዊ ዐቅሞችን ዒላማ ያደረገ ርምጃ እንደሚወስድ አስታውቋል።

"ስለሆነም በትግራይ የምትኖሩ ወገኖቻችን በተለይም የጁንታው ወታደራዊ መሣሪያዎች እና ማሠልጠኛዎች ካሉባቸው አካባቢዎች ራሳችሁን እንድታርቁ ይመከራል።" ሲል የመንግስት ኮሙኒኬሽን አገልግሎት አስታውቋል።
______
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n ክፈት / አስተያየት ይስጡ

2022-08-26 14:07:43 "ተያይዘን ኢትዮጵያ" ታዳጊዎችን በስብዕና የማነጽ ተግባሩን አገር አቀፍ ለማድረግ ማቀዱን አስታወቀ

ከነሐሴ 27 ጀምሮ በአዳማ ከተማ የከተማዋ ወላጆችና ተማሪዎች የሚገናኙበት ፌስቲቫል መዘጋጀቱም ተገልጿል

አርብ ነሐሴ 20 ቀን 2014 (አዲስ ማለዳ) "ተያይዘን ኢትዮጵያ" በጎ አድራጎት ድርጅት "የሚሰጥ ዘር" በሚል መሪ ቃል ታዳጊዎችን በስብዕና የማነጽ ተግባሩን አገር አቀፍ ለማድረግ ማቀዱን አስታውቋል።

ድርጅቱ በአዳማ ከተማ ከነሐሴ 27 ቀን 2014 ጀምሮ በአዳማ ከተማ ወላጆችና ተማሪዎች የሚገናኙበት ፌስቲቫል ማዘጋጀቱንም ገልጿል፡፡

ከዓመት በኋላ ታዳጊ የማነጹን በጎ ተግባር አገር አቀፍ ለማድረግ መታቀዱንና በአደማ ከተማ ፌስቲቫል መዘጋጀቱን የድርጅቱ መስራችና ዳይሬክተር ምስጋናው ታደሰ በዛሬው ዕለት በስካይ ላይት ሆቴል በሰጡት ጋዜጣዊ መግለጫ አብስረዋል፡፡

የድርጅቱ ዋና ዓላማ ጦርነት፣ መጨካከን እንዲሁም አለመተጋገዝ እየተስፋፋ በመጣበት ወቅት ታዳጊዎችን በመታደግ የመፈቃቀርና የመተሳሰብ ባህላቸው እንዲጠነክር ማድረግ ነው ተብሏል፡፡

ድርጅቱ በአዳማ ከተማ በሚገኙ አምስት ትምህርት ቤቶች ለአንድ ዓመት ታዳጊዎችን በሥነ ምግባር የማነጽ በጎ አድራጎቱን እንዳከናወ የተናገሩት ምስጋናው፤ እስከ ጳጉሜ ስድስት ይቆያል በተባለው ፌስቲቫል ወላጆችና ተማሪዎች በተለያዩ ፕሮግራሞች እንደሚሳተፉ ጠቁመዋል፡፡

በሌላ በኩል፤ በፌስቲፋሉ ተሳታፊ የሚሆኑ ሰዎች አንድ ደብተር ወይም እስክርቢቶ ለፌስቲቫሉ እንደ መግቢያ አድርገው እንዲያበረክቱና በዚህም የትምህርት ቁሳቁሶችን ለመግዛት ለሚቸገሩ ተማሪዎች ወጭ ለመሸፈን መታቀዱ ተመላክቷል፡፡

በዚህ "የሚሰጥ ምርት ዘር" በሚል ትውልድን የማነጽ ሥራ አንድ ተማሪ በዓመት ውስጥ 32 ጓደኛ አፍርቶ የሚወጣበት አጋጣሚ ስለመኖሩም ተጠቅሷል፡፡

ድርጅቱ “ራዕይህ የአንድ ዓመት ከሆነ ስንዴ ዝራ፤ ራዕይህ የ10 ዓመት ከሆነ ዛፍ ትከል፤ ራዕይህ የሕይወት ዘመን ከሆነ ትውልድ አንጽ” በሚል መፈክር ታዳጊን ለማነጽ እየሰራ መሆኑ ተብራርቷል፡፡

የሚፈለገውን ያህል ህጻናቱን ለማነጽ ቢያንስ 10 ዓመት ያስፈልጋል ያሉት ምስጋናው፤ ራዕዩ ግን ትውልድን ማነጽና ዘላለማዊ ነው ብለዋል፡፡

በፌስቲቫሉ ቢያንስ 30 ሺሕ ተሳታፊ ይገኛል ተብሎ እንደሚታሰብ እና እስካሁን 230 በላይ ሰዎች በፕሮግራሙ እንደሚሳተፉ ማስታወቃቸውን ምስጋናው ጨምረው ገልጸዋል፡፡

በኢዮብ ትኩዬ
________
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n ክፈት / አስተያየት ይስጡ

2022-08-26 13:40:28 በኮንሶ ዞን አንድ አይን ብቻ ያላት የበግ ግልገል ተወለደች

አርብ ነሐሴ 20 ቀን 2014 (አዲስ ማለዳ) በኮንሶ ዞን፤ ካራት ዙሪያ ወረዳ ታችኛው ሶሮቦ ቀበሌ አንድ አይን ብቻ ያላት የበግ ግልገል መወለዷ ተገልጿል።

የካራት ዙሪያ ወረዳ እንሰሳት ሃኪም የሆኑት ዶ/ር ኢሳያስ እስጥፋኖስ፤ በኮንሶ ዞን አከባቢ ታይቶ የማይታወቅ ክስተት መሆኑን በመግለጽ፤ ክስተቱ ከብዙ ሺሕ ውልደቶች መካከል ሊከሰት የሚችል እንደሆነ ተናግረዋል።

ዶክተር ኢሳያስ እንደዚህ አይነት ክስተቶች ያልተለመዱ መሆኑና "ኮንጄንታል ማልፎርመሽን" የሚባል ተፈጥሯዊ ክስተት መሆኑን ገልጸዋል።

በአንድ አይን የተወለደችው የበግ ግልገሏ የላኛው መንጋጋ እና አፍንጫ እንደሌላት በዚህም በአፏ እንደምትተነፍስ የእንስሳት ሃኪሙ አስረድተዋል።

ነሐሴ 20 ቀን 2014 ማታ የተወለደችው ግልገሏ፤ እስካሁን በሙሉ ጤንነት ላይ እንደምትገኝ መገለጹን የኮንሶ ዞን መንግሥት ኮሚኒኬሽን ያገኘነው መረጃ አመላክቷል።
____
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n ክፈት / አስተያየት ይስጡ

2022-08-26 12:26:04 የተፈጥሮ ጋዝ እና የድፍድፍ ነዳጅ ክምችትን መጠን እና አወጣጥ የሚያሳውቅ የመጀመሪያ ጥናታዊ ሰነድ ይፋ ተደረገ

አርብ ነሐሴ 20 ቀን 2014 (አዲስ ማለዳ) በኢትዮጵያ የተፈጥሮ ጋዝ እና ድፍድፍ ነዳጅ ክምችት መጠንን እና አወጣጥ የሚያሳውቅ የመጀመሪያ ጥናታዊ ሰነድ ይፋ መደረጉን የማዕድን ሚኒስትሩ ኢንጂነር ታከለ ኡማ ገለጹ፡፡

ሚኒስትሩ በማህበራዊ ትስስር ገጻቸው ባሰፈሩት ፅሁፍ "ሰነዱ የተፈጥሮ ጋዝ እና ድፍድፍ ነዳጅ የማልማት አገራዊ እቅዳችንን አንድ እርምጃ ያራመደና በትልቁ የመንግስት ቁርጠኝነት የታየበት ሥራ ነው" ሲሉ ገልጸዋል፡፡

በተጨማሪም፤ ሰነዱ ለብዙ ዓመታት ሲጠየቅ የነበረና እስካሁን ያልተመለሱትን፤ ምንና ምን ያህል የሚለውን የመለሰ ከፍተኛ ዋጋ ያለው ሰነድ መሆኑ ሚኒስትሩ ጠቁመዋል፡፡

"ይህ ሰነድ የኢትዮጵያ የተፈጥሮ ጋዝ መጠንና የኢኮኖሚ አዋጭነት የማረጋገጫ ሰርተፊኬት ነው።" ያሉት ኢንጂነር ታከለ፤ በዓለም አቀፍ ደረጃ የቴክኖሎጂ፣ የፋይናንስ እና በዚህ ኢንቨስትመንት አቅም ያላቸው ኩባንያዎች መጋበዝ የሚያስችልና የመንግስትን የመደራደሪያ አቅም እንደሚያጎለብትም ተናግረዋል፡፡
____
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n ክፈት / አስተያየት ይስጡ