خادم العتره الطاهره عبد الجليل المالكي

2022-05-03 04:33:40 السلام عليكم ورحمة الله وبركاته اسعد الله ايامكم وتقبل الله طاعتكم وكل عام وانتم بخير وصحه وسلامه يارب ክፈት / አስተያየት ይስጡ

2022-04-28 01:48:57



( جفيني تدعيلك علي )

#الرادود_عمار_الكناني
#عبد_الجليل_المالكي

#استشهاد_الامام_علي ع
#ميسان
حسينية الحاج عبد الزهره الفرطوسي ክፈት / አስተያየት ይስጡ

2022-04-28 00:14:34

ክፈት / አስተያየት ይስጡ

2022-04-20 23:58:58 أذتــــك هـــمومك ** ياعلي وخصومك
أنه جـــــــــنة الله ** أنـــتضر قـــدومك
*******
1= تتمنه توصلني البشر بس أنه أريدك ** يتكاثر بجوي العطر من لمست أيدك
أنه وشكو بيه ورد نصبح عبـيدك ** يالفاركت عـــيد الفطر خليني عيدك
*******
أسهر أعله مودك ** عله بالــــي دومك
أنه جـــــــــنة الله ** أنتضر قـــــدومك
***********
2= مشتاكه أشمك ياعــــلي وشـــتم عـبيرك ** عطرهن أشجاري بعطر نفحة زفـيرك
أنهار العسل محجوزه ألك ماتهوه غيرك ** يا مؤمن وكلك عدل ما صح نضيرك
**********
أتشرف بحضــورك ** ياعلي وعلــــــومك
أنه جــــــــنة الله ** أنتضر قـــــــــدومك
***************




3= أفرشلك دروبك ورد تستاهــــل أكثر ** حــته الورد لـــــو لا مسك بيك يتأثر
هوه أنه موجوده ألك حــيدر يحيدر ** جنه وأصير بخدمـــــتك بس أنته أشر
*********
الكوثر بـــخدمــــتك ** يلي ساقي دومك
أنه جــــــــــنة الله ** أنتضر قـــدومك
************
4= أتمنه ترويني دمع من دمع الحسين ** ومن زينب أشوية حزن وشوية أونين
وأتمنه جايبلي عـــطر ريحة الجفين ** وبدربك أشوية وفه مــــــــن أم البنين
********
ريت أشم هواهم ** تبجي مـــــا ألومك
أنه جــــــنة الله ** أنتضر قــــــــدومك
**************
5= بوسات أريدنهه بخت من شفة الأيتام ** النامو عله بابك دمع متغـــطي بالام
من تسهر الفقره شعجب ماتكــدر تنام ** ياحيف يالطولك جـــبل وتلوحك أقزام
*********
عجبه يجري دمك ** وتختفي رسومــــك
أنه جــــــنة الله ** أنتضر قـــــــــدومك


6= أرويني من مايك عطش دلالي أرجاك ** خليني نجمه للصبح سهرانه بسماك
ما فتحه بابي ياعلـــــي للذي عاداك ** بس أبقه أرحب ياعــلي بالذي والاك
******
كل زمن زمانك ** وأنته أنته دومك
أنه جـــــنة الله ** أنتضر قـــدومك
************
خادم العتره عبد الجليل المالكي ክፈት / አስተያየት ይስጡ

2022-04-20 23:55:12 بعــيونك علي * أهات الســـبي
وتل الزينـبي * ودخان العـبي
يابويه وبنات ** عالــناكــه تبات
***********
1= كل ما تغمض ياعلي * شو تنرسم ناكه وحبل * كدامي
وخيام ينهبها الـعدو * وعــيوني دم أحــمر تهل * ليتامي
كاروك ما يحمل ولد * جان البدر بس ماكــمل * وحلامي
تسحكها رجلين العده* وانه أنتضر يلفي الاجل * لـــيامي
-----------------------------------------------------
ما غيرك ألي ** عالج طـبرتك
بويه بـــعازتك ** كوم أمـروتك
شفت الغاليات ** عالناكـه تبات
***********
2= جــــن المخيم محترك * ركضة طفــل بس ينجوي * بجمراته
والشوك بـــجدامه نبت * جدمه ترف مــاهو قــوي * بركضاته
باوعلي وعيـــونه عتب * صاح العطش ظل يرتوي * بدمــعاته
رايد يشوف المشرعه * بس ماوصل خيل ودوي * وعـــماته
------------------------------------------------------
بالهــــم مبتلي ** دلالي أنجــــوه
مخنوك الضوه ** خل نرحل سوه
ترضه الطيبات ** عالـــناكه تبات
3= مدري شجاها كربله ماتبـــتعــــد تـكـرب علي بفراكك
تاخذ الأحبهم قررت تمشي تضل وي عاذلي بغــيابك
غايتها تكسر خاطري ماتستحي وتاخــــذ هلي وحـبابك
تتركلي نيران الهضم حركة كلب تـــــترك ألي ومصابك
-------------------------------------------------------
ترميني بسهم ** غـاية دنيـــــتي
وتروح أخوتي ** وتكبر بلــوتي
حسره ونايبات ** عـــالناكه تبات
**************
4= خليني وياك بالحد واحـــد سوه يابو الوفه مــابـــيه
أتحمل أغيابك تره ضهري أنحـنه شمعي طفه حن ليه
مو أنه زينب ياعلي وأنته الكلت كلبي أكتفه أبحنـــيه
يابويه شلك بالكـبر بعدك عله الدنيه العـفه يومــــيه
------------------------------------------------------------
ياشـــمة هوه ** يخنكني الهجر
ماريـــد العمر ** حسرات وقـهر
ليش أمحجبات ** عالناكه تــبات




5= فدوات لدموعك رحت لا ياجـــبل لا تـــنحــني يا عالي
أقنعني بويه أبسمـتك كلي طبت لا تـــنــثــني ياغــالي
هيه الحــياة أبلا أبوه ماتنهوي ولا تــــنجني وبــحالي
ماترحم ولا تسـتمع مني عتب وتبــــــيعني لعــــذالي
-----------------------------------------------------
أمشي مكيده ** ماتقــبلها ألي
صعبه ياعلي ** يا أشرف ولي
ودموع الخوات ** عالناكه تبات
**************
خادم العتره الطاهره عبد الجليل المالكي ክፈት / አስተያየት ይስጡ

2022-04-20 23:53:39 فرغــت الدنيا برحيله من الحنان ** وصار غـــابه بلا علي جنه الزمان
وندفن طعم الـوفه – وي علي ** وشوف العيون نطفه – وي علي
----------------------------------------------------------
1= هيه هاي أخر رساله مـن العواطف تـنقـري
وكـــل يـــتيم يـنادي عينه للدموع أتحضري
أه من باجر دهــــرنه يـــبيع بينه ويشتري
مات أبونه وبعــد عينه ماكو جبره الخاطري
-------------------------------------------
شال عـيد الله وبعـد ماعـدنه عـيد ** عــيد المبارك بعــد عـــينه شتــفــيد
جلمة البويه مشت – وي علي ** وذيج عشرتنه كضت – وي علي
***************
2= مثـل ميل الساعه جـفـه يدور عـالـوادم سره
أيــشبع الجاع ويكله منك أطلب معـــذره
لو ندورها الكواكب ماكـو مـن حيدر تره
ضال بثيابه القديمه ويشري ثــــــوب القمبره
-------------------------------------------
علـــي بالأنجـــيل أسمه وبالزبور ** علي والي الدين والحب والطـــيور
أنبياء الله حجت – وي علي ** والشمس وياه أجت – وي علي



3= ياعجــيـبه السيف لاحه شلـون مامـنه أستحه
والله لــو كايله أسف عـلي أكــــيد يسامحه
شلون مافكر بزينب والكلـــــــــــبها أيجرحه
فجع عرش الله بضربته وصــارت أكبر فاتحه
--------------------------------------------
ياعــجيبه شلون بيت الله يموت ** ومابعــد من حــــيدره نسمع قـــنوت
مات ياناس الضوه – وي علي ** وشيعو حته الهوه - وي علي
**************
4= شلون يتراب المكابر أنطــاك كلبك تــدفــنه
ماحسبت حساب ولده عــيدها شلون السنه
الكربله ماراح بعده وضهــر الحسين نحنه
والحسن شابت لحيــــــــته ياذنب بالله الجنه
--------------------------------------------
شالــــو التــــابــوت وولاده وراه ** جــنه أخذها رواحـــــهم موت الخذاه
صاح دفنوني الحسن – وي علي ** أنه رايدلي وطن - وي علي







5= كـــبل أبـــوي حسين ناده أنه أنــــزل للكبر
وبو فاضل سكته يبجي من الدمع خده نحــفر
والحسن لا زم صفحته يصـــيح شيفيد العمر
واليودع أعز ناسه يمــشي محني ومنكسر
--------------------------------------------
لازم اليدفـــن أبــــوه وياه يـــبات ** ألـــــــمن يــــرد للحــــزن للنايبات
رايح ضماد الجرح – وي علي ** مات بالطبره الصبح - وي علي
***********
الخادم عبد الجليل المالكي ክፈት / አስተያየት ይስጡ

2022-04-20 23:53:00 جفيني تدعيلك علي ** وعيوني تبجيلك علي
أنه اليتــــيمه البل أمس لا كيتها
المتوفي أبوها وفاطـمه سميتها
------------------------------
1= بيوم التــقــينه وباوعـت بعيونك ** منها أفهمت ليش البشر يردونك
أسمك علي بس الهوى يسمونك ** وحتا العــواطف تشبع بماعونك
-------------------------------------------------------------------
ما أجمل أوصافك علي ** يطمــــن الشافك علي
وبراسي ريحت جفك المسحيتها
المتوفي أبوها وفاطمه سميتها
******
2= تـكلمـت ويايه هــــمـس وبراحه ** وشميت وردة حضــــنك الفواحه
حسيت روحي أمن اليتم مرتاحه ** طير الأبوه أنطـاني ريش جناحه
-------------------------------------------------------------------
بحساسي شميتك علي ** يابــــويه ناديتك علي
عافتني روحي تريـدك وخليتها
المتوفي أبوها وفاطمه سميتها




3= مانمــته ليــلي البارحه وخليتك ** كــدام عــيــني ياعـلي و ناجيتك
والحلوه طول الليل مـا مليتك ** غير أنته غالـي شتسوه لو خليتك
----------------------------------------------------------------
سهرانه ناجيتك علي ** محبوبي سميتك علي
صورة عيونك عالرمش خليتها
المتوفي أبوها وفاطمه سميـتها
*****
4= ستبطيتك وأركض أجيت الدارك ** أسأل الرايح واليجي عله أخبارك
ما يخله بيتك أدري من خطارك ** عالباب ضليت أنــــــتضر يانارك
----------------------------------------------------------------
أذاني تفكيري علي ** والدمعه تعبيري علي
عتبة الباب بلا حجي حاجيتها
المتوفي أبوها وفاطمه سميتها
********
5= حسيت شي صاير يبويه بهامك ** لو ما أحس ما أســـوه ذيج أيامك
جن ماتكـمله يالحنين صيامك ** وتروح وتضيع جمـــــــيع أيـتامك
--------------------------------------------------------------------
معقوله ما شوفك علي ** وما قبل جفوفك علي
من كلبي وناتـي ألك ونيتها
المتوفي أبوها وفاطمه سميتها
الخادم عبد الجليل المالكي ***** ክፈት / አስተያየት ይስጡ

2022-04-20 23:52:28 يـمه الــرجال الينطينه ** مامر هــاليــومين أعلينه
والله أنــسان بحجيه ملـوحه
شكد ينطي وما يمدح روحه
*********
1= عطر القـرأن اللي عــدنه ** نفس العــطر نشمه بثوبه
شكد كلـبه أحنين هالزلمه ** ونضرة عينه شكد محبوبه
عالـــباب أيده أدك ويقره ** ياسيـن وجـزء من التوبه
ياهــيبة حـجيه من يسولف ** اليسمع حجيه أطــيح ذنوبه
---------------------------------------------------------
متواضع بيده يوكلني ** من يكعــد يمي يدللني
عالي وخله جفوفي تلـوحه
شكد ينطي وما يمدح روحه
**********
2= مره سألته شكد عـيالك ** جاوب بس ضماني بصدره
كال الحسن وزينب عندي ** وحسين وخنكته العـــبره
الله يخلــــــيهم جاو بته ** هم مثلي يجوعون وفـقره
دنــك باس أيدي وطمني ** من هسه أمج هـم الزهره
--------------------------------------------------------
يجرالج كلشي التردينه ** حيدر ومخلـــيج بعينه
طيب جرحي وعاف جروحه
شكد ينطي وما يمـدح روحه
3= الله شكد حلوه عــيونه ** بس خــشنات جفـوفه هوايه
أمبين زارع كاعه بوحده ** ومخلـــص كــل ليله قرايه
أول واحد شفته بعمري ** ما يخلف من ينطي حجايه
سبحان الله شحلوه طباعه ** ماي ويروي الفــقره بمايه
------------------------------------------------------
سبحان الخالق سبحانه ** بديرة هالـــراحم خلانه
ما سدها جفوفه ومفتوحه
شكد ينطي وما يمدح روحه
***********
4= رفت عيني وخايف كلبي ** بس لا صاير شي بحواله
شو حسيت الكــوفه نهزت ** أنطيــــــني القران أقراله
حبـــيته وخلـــــيته أبالي ** جي هوه مخليــــــني أباله
والد الأيـــــــتام يسمونه ** لا يوجد بالـــــناس أمثاله
----------------------------------------------------------
هالليله الأذان شخـــيره ** ما يوصل البيوت الديره
بســــــبحان الله أمبين نوحه
شكد ينطي وما يمدح روحه




5= فـد يوم أكعـدنه وخبرني ** يمه يموت وهوه يصلي
كـــال برمضان وبالسجده ** أتـخضب هــيج أذكر كلي
بس لا يـــتم زينب وأنه ** ومـات وياه لو ميته أحسلي
راح أرجــع للعوز بدونه ** بالدنيه أبقه بغـيره شضلي
-----------------------------------------------------------
هالطبره أتمناها براسي ** تخمد كون بداله نفاسي
دمعة عيني أعليه مسفوحه
شكد ينطي وما يـمدح روحه
**************
الخادم عبد الجليل المالكي ክፈት / አስተያየት ይስጡ

2022-04-20 19:31:38 .[ #كون_بخيمة ].

اداء الرادود || محمد الساعدي
كلمات الشاعر || عبد الجليل المالكي

رابط القصيدة كاملة




ليالي وفاة السيدة زينب _عليها السلام _ رجب ١٤٤٣ هـ
هيئة أحباب باسم الكربلائي
العراق_بغداد_المعامل ክፈት / አስተያየት ይስጡ

2022-04-09 20:06:58 https://fb.watch/c5UxaVlAv2/ ክፈት / አስተያየት ይስጡ