جفيني تدعيلك علي ** وعيوني تبجيلك علي | خادم العتره الطاهره عبد الجليل المالكي

جفيني تدعيلك علي ** وعيوني تبجيلك علي
أنه اليتــــيمه البل أمس لا كيتها
المتوفي أبوها وفاطـمه سميتها
------------------------------
1= بيوم التــقــينه وباوعـت بعيونك ** منها أفهمت ليش البشر يردونك
أسمك علي بس الهوى يسمونك ** وحتا العــواطف تشبع بماعونك
-------------------------------------------------------------------
ما أجمل أوصافك علي ** يطمــــن الشافك علي
وبراسي ريحت جفك المسحيتها
المتوفي أبوها وفاطمه سميتها
******
2= تـكلمـت ويايه هــــمـس وبراحه ** وشميت وردة حضــــنك الفواحه
حسيت روحي أمن اليتم مرتاحه ** طير الأبوه أنطـاني ريش جناحه
-------------------------------------------------------------------
بحساسي شميتك علي ** يابــــويه ناديتك علي
عافتني روحي تريـدك وخليتها
المتوفي أبوها وفاطمه سميتها




3= مانمــته ليــلي البارحه وخليتك ** كــدام عــيــني ياعـلي و ناجيتك
والحلوه طول الليل مـا مليتك ** غير أنته غالـي شتسوه لو خليتك
----------------------------------------------------------------
سهرانه ناجيتك علي ** محبوبي سميتك علي
صورة عيونك عالرمش خليتها
المتوفي أبوها وفاطمه سميـتها
*****
4= ستبطيتك وأركض أجيت الدارك ** أسأل الرايح واليجي عله أخبارك
ما يخله بيتك أدري من خطارك ** عالباب ضليت أنــــــتضر يانارك
----------------------------------------------------------------
أذاني تفكيري علي ** والدمعه تعبيري علي
عتبة الباب بلا حجي حاجيتها
المتوفي أبوها وفاطمه سميتها
********
5= حسيت شي صاير يبويه بهامك ** لو ما أحس ما أســـوه ذيج أيامك
جن ماتكـمله يالحنين صيامك ** وتروح وتضيع جمـــــــيع أيـتامك
--------------------------------------------------------------------
معقوله ما شوفك علي ** وما قبل جفوفك علي
من كلبي وناتـي ألك ونيتها
المتوفي أبوها وفاطمه سميتها
الخادم عبد الجليل المالكي *****