2022-07-31 17:53:42
ألــف شكرا أليكم ** خدم عــاشت أديكم
يرواد المجالس تشبهون الياس
علي يسلم عليكم ** يسر كلـــبي بجيكم
يسجلــــكم جميعا كلفت عباس
***********
1= أنه الأسسته هذه المجلس وأنه التحفضه
عله مودي خلق ربي سمواته وأرضه
أنه أم الحجج لكــن صرت حجه عليهم
تره الما صله عشكي يرفض من الله فرضه
-----------------------------------------
أذا مو أنه أشهد ** علي ماكو ومحمد
زكيه ومنصبي صاير ملك عالناس
أميره عــــالبرايه ** عضيمه وأعضم أيه
يسجلكم جمـــــــيعا كلفت عباس
2= الوحيده أنه الذي يرضه الله ياناس الرضاها
جنت بيد الله جـــنه وربنه للهادي هداها
فصل قــــال رب الكــــــون للهادي وأنحر
أذا حــل الضلام بدنيتــك شـــوف بضواها
--------------------------------------------
صرت أصل العقيده ** وعله العالم شهيده
صعب جدا قياسي الزهره ماتنقاس
سراط الله بأمـرتي ** غـــدا تمشي كلمتي
يسجـــــــلكم جميعا كلفت عباس
************
3= لطـمكم يل تشافــون الضلع صدكوني أحبه
تره اليبجي المصابي مو قــــصر أبنيله كعبه
سمعـــنا فـــاطمه أمــرج نعم شيعه أطعنا
الهوه أنتي النشمه وكــوثرج ماي النشربه
---------------------------------------------
أحبكم والله أحبكم ** عله حسابي تعـــبكم
مدام أنتم معايه حدودي ماتنداس
يشيعه أنتم جنودي ** وتضحون أعله مودي
يسجلكم جمــــــــيعا كلفت عباس
4= أجيب أولادي كلهم للعـزه المجلس نحضره
أشوف حسيني ما يلطم معاكم ماهو صدره
أسمعه يكلي يمه أهل المجالس حيل أحبهم
شحلات الشيعي لمصابــــج لون خده يسطره
-------------------------------------------
علي السجاد أشوفه ** رفـــــع ألكم جفوفه
وأبو صالح يـوزع عالعزه أنفاس
الرضا شفتينه تدعي ** معاكم شفـــــته ينعي
يسجلكم جـــميعا كلفت عباس
**********5= شحلات الدمعه من تنزل عسل وتشرب الخدود
ملابسكم كطن أبيض تراهي بعـــيني مو سود
جزاكم ألف خيرا عـــــــني عن دموعي التسيل
عملكم بالسمه عد الله يا هـــل شيعه مشهود
--------------------------------------------
عهد باجر عليه ** أدخلـــــــكم بديه
كبل للجنه بيدي والله قبل الناس
أنه ألكم شفـيعه ** أبــــشركم يشيعه
يسجلكم جمـــيعا كلفت عباس
*************
الخادم عبد الجليل المالكي
996 views14:53