خادم العتره الطاهره عبد الجليل المالكي

2022-06-28 21:17:30 ميت ضمـــير النهر ** مـيقــــــدر الأزهار
يعطش طفل بالمهد ** ويجامـــــــل الكفار
عــبد الله نزلت وحي ** والــماي ما يســــتحي
---------------------------------------------
1= بـين السهم والسهم ماكــــو طريــق يفوت
وعبد الله راد العمر والطـف يريـده يموت
شكد صعبه من تلتفت تشوف المهد تابوت
محبس بأصـــبع خشن مــــايرهم الياقوت
------------------------------------------
ماتـلكه نسمة هوه ** بسوالف المخنوك
والبيت الــبلا زلم ** وكت الفجر مبيوك
شتكتب يرد ينمحي ** والـــــــماي ما يســــتحي
***********
2= تـبجي الفلح عـالزرع من ما يلوح الماي
ويضل مجانه الطفـــــل لا رايح ولا جاي
عــبد الله لون الكطن بس غــــيرنه هواي
حر العـــطش والسهم ومنيشن الـــــــرماي
-------------------------------------------
عبد الله كلش ترف ** والضهر كلش حار
منهو يغطي الشمس** لا تحـــرك الجمار
يكل روحي بس فرفحي** والــــــماي ما يســـتحي
3= اليباوع بوجنته أيــشوف أبوجنته عـــيون
يعكس جماله النضر بس جيب اليشوفون
هالناس أجت للخــــــــيم سولتهم يحركون
للطف نبي لو نزل هــم خاطره يكسرون
----------------------------------------
وادم هــواهم ذبح ** للورده ماترتاح
ترفض أدين النبي ** وتصافــح الذباح
ماسمعوا الناصــحي ** والــــــــماي ما يستحي
************
4= والله اليعـطش طفــل ويعــذبه مو أنسان
أقره بضميره شكو تلكاه أخـــو الشيطان
هوه اليعادي الورد لا يدخــــل البستان
شيسوي بـــل بسمله الما فــــاتح القران
--------------------------------------------
نضراته كلهن جذب ** خالي وفه خوان
عاميها عينه الطمع ** عنده الغدر عنوان
من البشر ينـــــمحي ** والــــــماي ما يســــتحي




5= كـوه العـطــش نـــومه تـرجــيه بــذن أسهام
لو يدري يلــــفي السهم عبد الله جا مانام
رئسا نبت باللحم ماكــــو بطريـقه عضام
جاي بأمــــر حرمله يــــحكم طفــل بعــدام
-------------------------------------------
من ماتو تــشابكو ** شبكت تراب وماي
ساعتها مات الهوه ** وللخيمه ضل شواي
طحنت حلمـنه الرحي ** والــماي مــــــــا يستحي
***********
6= نـزلت تــبــوسه السمه نــادها هـــونــج راد
أبــن السمه للسمه مــن ديــــرة الطف عاد
ياحــــال أبـــوه البــقه خــيمه وبدون أوتاد
بدمه مــــسح شيبته والباقـــــي دزه أمراد
------------------------------------------
صعـد دماه للسمه ** ما تستحـــقه الكاع
ويـكله يبني رحت ** ما شبعتــــني وداع
ياروحــــه التسامحي ** والـــماي مـــــــا يستحي
************
الخادم عبد الجليل المالكي ክፈት / አስተያየት ይስጡ

2022-06-28 21:17:15 موسم دموعي أقــترب ياعيني
الشاطي المخـيم يالله وصليني
خـل أبحـــر بحبه ** حسين اليــبس كلبه
------------------------------------------------------------
1= ماترسم قـضيـتي جفوف رسام ** ولا حلمي دخل تفسير الأحلام
أنه العمره نكتب برماد الأخيام ** بده بالطف زغـير وشاب بالشام
------------------------------------------------------------------
جرح العشك ما ينشبع منه
نار وأحــــسه برودة الجنه
أقــراله جم ندبه ** حسين اليـــبس كلبه
*************
2= عطر جنه غرامه وشابــك زلوف ** عندي عيون لكن غيره ماشوف
قريب حسين أحسه هواي مألوف ** وألف مره عليه أمسوي معروف
-----------------------------------------------------------------
أكتب وأشوفه أيحب مكاتيبي
لو حبي يطلـــع ياشمس غـيبي
أسمه أللـــي كعـــبه ** حسين اليـــبس كلبه



3= المحنه البارده مو حلوه والنار ** مطلوبه بطريـــق الراح مشوار
البارد بالعــــشك مايشبه الحار ** أحبه وما يهمـني شصار ماصار
-----------------------------------------------------------------
أيامي مــــن دونه ولا حلـــوه
عاشرته عـــشرة دله للـــكهوه
جدمي عشك دربه ** حسين اليبس كلبه
*************
4= مشيت بهل خدامه تارس سلال ** غيره ماردت دنيه ولا مال
أبمخيلتي أشــوفه يمشي خيال ** ومن جف اليتامه يفتح أحبال
------------------------------------------------------------
يناديني أسرع وترس سلالك
وأرجع وأكــله عايش بجالك
بحبه عشت غربه ** حسين اليبس كلبه







5= عزيز الغالي والمو غالي ينباع ** الغريب الفارك أهله ينسي بساع
أنذبح مولاي وأشعـر طاح مساع ** جروحه لكل مسافر صايره متاع
---------------------------------------------------------------
كل ما أموت حسين يحييني
حبه اليضحكـــــني ويبجيني
ضامي مشه الربه ** حسين الـــيبس كلبه
**************
الخادم عبد الجليل المالكي ክፈት / አስተያየት ይስጡ

2022-06-28 21:16:57 مـن الــقادم -- صحــت أنه
أخو الأسمك -- عــله اللسانه
بدونــــــك حالـــــــــتي صعبه
مثــــل واحـــــــد وكف كلبه -- يبو فاضل
----------------------------------------------------------------
1= شـذرات دمك عالدرب هــنه تره الدلني
جابتـني روحي المصرعك جـدميني ما جابني
عـباس ماتــــدري شكثر وشكم جرح لا كني
كل جـــــــرح ياخذ حصته عـضم وجلد خلني
---------------------------------------------
ألـــف مره -- صـحت وينك
طفت عـينه -- وعمه حسينك
عله عــــــــيوني ألطمت بيدي
وحــيد أمشي بلا عــــضيدي -- يبو فاضل







2= وياك أسولف فــــكرت بس ياكلام نكوله
بغيابك بشده طحت بس شده ما محلوله
عباس ماهمـني الشمر لو يركب أعله خيوله
بس الهضمني طيحتك يابعـد أخوك وطوله
--------------------------------------------
حرم ضلت -- بلا ساقي
أنه بغـيرك -- شكو باقي
ردت بــــس أوصلك وأبجي
يكاسرني وبعــــــد شحجي -- يبو فاضل
************
3= عـــــــــباس فكدك والعطش دارن علي والغربه
ياجيش أخــوك بروحتك كل سهله صارت صعبه
مثلك بعــد ماضل أخــــو اليشيل أخيه بكلبه
عفت الحسين بغــــربته ماعـنده أخو ويندبه
---------------------------------------------
يراويـــــني -- بنده شفافك
عمت عينه -- تره الـعافك
أعــــــــز من روحي أحبنك
يـــــــــــــماي وأرتوي منك -- يبو فاضل


4= يالعايف بطولـــي كسر ومخلي عيني مدنكه
مابيك ترجع للخيم مو حلوه خويه الفركه
أنته الخضار بكــربله ليش الخضار تحركه
أمنيـــــن أجالك هالهجر عباس كلك ملكه
---------------------------------------------
بعد حــيلي -- صعب هجرك
وكع دمعي -- عله صــدرك
دريـــــــــــــح كلبي بحجايه
يبو الخيمه يـــــــبو الرايه -- يبو فاضل
*************
5= فـي هاشمياتك كصر والماي سدها دروبه
والخيمه زلمه ومــنكسر وعليك شكك ثوبه
وطفوفي خويه بطيحتك يابو الفضل منكوبه
بعدك أحير بغربتي قـسمه وعلي مكتوبه
-------------------------------------------
أكسرت كلبي ** كبل ضهري
شيرجعــــني ** صعـب أمري
أبيــن فاكـــــــــــد أمن أمشي
جنت كلـشي وخــــــذت كلشي -- يابو فاضل
************
الخادم عبد الجليل المالكي ክፈት / አስተያየት ይስጡ

2022-06-28 21:16:41 منريدكم ونريد أهلنه ** يامايكم مـــايرهم ألنه
عـزاز أرواحنا هواي ** ما نــــبجي عله الماي
يا مايكم مايرهم ألنه
---------------------------------------------------------
1= يـمر جان الهــوه بعــباس لمن يسمح أنشمه
أهلــنه وجوهـــم نجمات تطرد ساعة الضلمه
الشمس من تقـترب لينه أبو فاضل يمد هدمه
الهوه من يفوت للخيمه يشيل جفوفه ويلزمه
--------------------------------------------
ياخوانه الكلهم محنه ** خلوهن الخيمات جنه
راح الوكفـــته فياي ** ما نــبجي عله الماي
يامايكم مايرهم ألنه
***********
2= أهلنه الجانو يصيرون خيمه وبيها كعدتنه
نسهر وي حجي القــرأن حلوه هواي لمتنه
طبع بحسين من يـــنام تره يشبك رقيتنه
ويكلها بعد أبوج أنـتي وسط الخيمه سلوتنه
-----------------------------------------------
الحنينه نومتها أعله أيده ** وتبوس والحسين بوريده
ويلقــــــــــــــبها سلواي ** مانــــــــبجي عله الماي
يامايكم مايرهم ألنه
3= هواي حبالكم خشــنات وجفوف الحرم ترفه
وحنه نستحي من العــيب وأنتو عيونكم صلفه
السبي ماهو الأخت عباس تسبوها ألف وسفه
الجان يخاف مــــن طوله يطخ المحمل بجتفه
-----------------------------------------------
دارت علينه الناس كلها ** عالحرمه يتمرجل نذلها
جانت ويــــن أللي هاي ** مانــــــبجي عله الماي
يامايكم مايرهم ألنه
*************
4= السفر مو للحرم بالليل كـــــوه علينه سافرنه
نسمع بالحجي المو زين ونغـــطي نواضرنه
وين من الله وين يروح تره اليكسر خواطرنه
ويانه الروس فوك رمـــــاح توكف لو تأخرنه
-----------------------------------------------
عباسنه سيد الحراسه ** مجتول بس يحرسنه راسه
مات ويبقه وفـــــاي ** ما نبجي عله الـــــــماي
يامايكم مايرهم ألنه




5= بعـدها غـــيرت العباس بذيال العبي أمجلبه
من يشوف أخـيــته أتطـيح والله يحترك كلبه
دمه يسيل فوك الكـاع أنتخيل صبت الجربه
أبو الغيره يحبنه هــــواي وأحنه الكافل نحبه
-------------------------------------------------
ياحيف المدلل خواته ** عالنوك ينضرها بناته
بعين الراح والـجاي ** ما نـــبجي عله الماي
يامايكم مايرهم ألنه
************
الخادم عبد الجليل المالكي ክፈት / አስተያየት ይስጡ

2022-06-28 21:16:30 من فضائل خدمة حسين العضيمه
تمسح ذنـــوب الجديده والقديمه
أفــلح المـؤمن بها ** سر ألــهـــي سـرها
--------------------------------------------
1= هــل أدلك - عـن تـجاره - لا خـــــساره - بـــــيها دنيه وأخره
خـذ روايه - عـن محمد - صح سندها - عن عترته الطاهره
قال فــيها - من خدمهم - بالــــقـــــيامه - بــيدي أختم دفـتره
أنطي دمعه - جـنه تاخذ - والله جـــــنه - بـيها جارك حيدره
-------------------------------------------------------------------
عالغـريب شباجي تـتضاعـف أجورك
باليلة الوحــشه يجي الكبرك يزورك
خدمه طيب ذكرها ** سر ألـــــهي سرها
**************
2= بدمـعه وحده - حر جهــــنم - والله يــبــرد - يستحي أيمس وجنتك
وبالطـمـــتك - شجره تزرع - فــيها عالي - وتكعــد أبفي شجرتك
وجهك أبيض - ثوبك أبـيض - وتــــنومس - تمشي راهي بخدمتك
خــــذ كتابك - فـــــي يمينك - وكعـــــــتها - ذنوبك بمي دمعــــتك
-----------------------------------------------------------------------
عالسراط أم الحسن تضمن عبورك
جالبرق تعــبر أذن كــثف حضورك
كلها حارت بأمرها ** سر ألــــهي سرها
3= جـــم نــــبي - جان أيــتمنه - لو مكانــك - للمجالس ينـــــــــتــمي
يدمــي صدره - يسجل أسمه - يم محــمد - بسبطه باجـــر يحتمي
رحـــمــة الله - الخدمه والله - ما يجـــيها - والله بــــــــــس الأدمي
شكبره حضه - البيها مخلص - يرضي ربه - بجنة يدخــــــــل دائمي
---------------------------------------------------------------------------
فـتوه مـن طه النبي بهاي المجالس
قــــال فـــــــيها أنكم خير العوابس
من يطـــفي جمرها ** ســـــر ألــهي سرها
***************
4= خلي صدرك - ويه صدره - حافـر أيـدك - خــل يسـحكه ولا تهم
حسين أمامك - وبدموعــك - داوي جرحه - هـــنانه مـريوده الزلم
بهل مجالس - تحضر أمه - ويانه تبجي - بطاسه بدمـــوعك تـلم
تـكلك أبــني - أرفع أيدك - لا تقــــــصر - وأنت ياشـــيعي الشهم
---------------------------------------------------------------------
كلشي بحسابه وجزه اليبجي عليه
بلا حساب الجـــــــنه يدخلها بأديه
خدمة أبني أنتم لها ** ســـــر ألــهي سرها




5= نار الــيحب - من تــرشها - بسبعة أبحر - تـلهب وما تــنطــفي
وحــنه وادم - عدنه موقف - ما نــجامل - جالشمس ما نختــفي
كــــل مـسـيه - عدنه عاشر - وبمحــــــرم - وحــــده لا مانكـــتفي
البعده يزحف - هم يعـــزي - نسأله شنهي - يكول أحدد موقـــــفي
-------------------------------------------------------------------
عالمخــيم عالرماد أحنه أنفـــطمنه
شما نضـيع بمجلسه الضامي يلمنه
علينه واجـــب برها ** سر ألـــــهي سرها
**************
الخادم عبد الجليل المالكي ክፈት / አስተያየት ይስጡ

2022-06-28 21:16:14 رواي واحــد أحــد ما غـيره أبـد عــباس
رواي بالطف زرع غيره وكـطـــع جم راس
حيدر ثاني شيخ وسيد الماي
----------------------------------------------------------
1= من أنفاسه عطر الهيل ** من يمشي النخل جواه
طوله غطه وجه الكاع ** وتـلوح الشمس يمناه
جــمال الله بــوجنته -- روه الخـيــمه بجــربته
شمس خده - أديه ورده - عطرها تشمه أخته
حنين ومــايه بارد -- اليشوف عـــيونه شارد
يـبلغ أهله - ولا سهله - أضل بالحومه صامد
----------------------------------------------
سلطان وبريشته أيطخ الهوه خجلان
سلطان مثل الجبل طوله مله الميدان
واحد لكن العالم شافته هواي
حيدر ثاني شيخ وسـيد الماي






2= الشافه أتمنه لو يغـرك - بس ماكو بحر حدره
رجفت منه حته الخيل - مايوكف هوه بصدره
وكف والشافه يعـرك -- يضل من وحده يشهك
ملك شامخ - جبل كاشخ -- زلم بجدامه يسحك
رجل يحجي بصراحه -- حرب ماعــنده راحه
يدك كهوه - أبزلم كوه -- نسر يــذبح جناحه
-----------------------------------------------------
مملوح من برزخه كلشي أحترك لهاب
مملوح بـــــيده الأمر ويسبب الأسباب
رايح يمشي لكن ينضر جاي
حيدر ثـاني شيخ وسيد الماي










3= أبكـيفه أمقــسم الحومه -- محــد نـاقـــشه أبـــرايه
يازلمه أعترض ويـخاف -- يسطر عـــينه بالرايه
أبـطرف عـينه خــلـسهم -- شـرد يركــض حرسهم
غـده الزلمه -- يضيع أسمه – عله البرزخ أخذهم
يــبلـــــعه كوه ريجه -- أنهزم ضايــــع طريجه
أنـثـنت رجله -- أنخبص غزله - ولا تحصل نتيجه
----------------------------------------------------
فرسان كلمن كتـر من صارمه مهزوم
فرسان كلها عمت صار النضر معدوم
شارد واكع والعباس أبو الراي
حـيدر ثاني شـــيخ وسيد الماي










4= حيـــل الله نـزل وياه -- وتحلا الريــشه عــالهامه
ينزع بالفــقار أكلوب -- لمــــــــن يــــنزع الثامه
عله الشكــره ويصـيده -- تـــره الــراس اليريده
زلم طاحو -- زلم صاحو – كضه الجيش برعيده
الهوه يــلاعب زلوفـه -- عـــــــلي بايس جفوفه
هلا بسيفه -- أخذ حيفه -- الشرد مـــنه يعوفه
-------------------------------------------------
خيال وبشكــرته فــــوك الركاب يدوس
خيال عاف الحرس عالعلكمي بلا روس
صوته يوصل زينب أنتي بحماي
حـــيدر ثاني شيخ وســــيد الماي










5= من طاح السهم بالعين -- أشر بـــيده الحسيـــنه
سلم والعـــــــمد وازاه -- وصل صــوته السكينه
أعـتــذر يختي العـقيله -- بعـــــــد مابيدي حيله
أنهشم راسي - بلا أنفاسي – ألـــــــــج ذني قليله
أسف وكعـــت جربتي -- عله وجــــــــهي وكعتي
أعذريني - يمي عيني -- أذا وحــــــــدج طلعتي
----------------------------------------------------
بس راس مانفــترك هـــم أنسبي وياج
بس راس يادنيـــتي وأنه الكمر دنياج
بزودي أفتخري - وحدي وهازم عداي
حــــــيدر ثاني - شيخ وســيد الماي
***********
الخادم عبد الجليل المالكي ክፈት / አስተያየት ይስጡ

2022-06-28 21:15:52 ما يـنسون أخــواني ونساهم ** أفــتح عـيوني بــنصها ألكاهم
الما يطلع مـن الكلب ** نســـيانه كلش صعب
********
1= الوكفوا الطولك خيال -- وشبعــوا كلـــبك دلال -- بحجايتك تطلع أساميهم
تعــتبرهم مجره ماي -- لـــو تسميهم هـواي -- بعيونك وكلبك تخليهم
ألاخــو مــــثـل الهوى مــــن يكـدر يمله
يكــــون تــــــــــكابـل عـــيونه العمر كله
الجمر يحرك ضهـــــــرها وتـــضحك الدله
------------------------------------------------
تــونس جلمة مــــن يلاكــيني ** يابعـــد روحي ويابعـــد عيني
الماردلــــي مره طلب ** نســـيانه كلش صعب
----------------------------------------------------------------
2= اليــوجع غــيابه عـزيز -- للحجي دموعك وجيز -- أنفاس كلبك تبدي تتحسر
أللسانك أيضـيع الحجي -- وتـنشـغـل بس بالبجي -- شعــدك ملامح حيل تتغير
أحصل ويـــن منهم طـــول أخـــــوتي الماي
شمس عــــــباس جان وأبو الــــــيمه فياي
أدور ويــــــن مامش مثل أخـــــوتي هواي
---------------------------------------
رهــمت شلون وصعــبه فركتـنه ** كــــون الله لا يــنطيها غربتنه
الماعـــنده يمك ذنب ** نســـيانه كلش صعب

3= ياحلــم خـوتــنه جان -- للحزن مابــي مكان -- واحـــدنه جان يموت عالثاني
شكد أبو فـاضل أصيل -- جالهوه يشافي العليل -- مايوكع أسمه من عله اللساني
أشتاكت روحي ألك شتسوي وتــشوفـــك
عـــــباتي براسي ماوكفــــــت بلا جفوفك
العـدها عـــــيون هم تعــــمه بلا شوفك
--------------------------------------------------
أنه وعيوني عــتاب ودينه ** جا ليش نحجي وما تحاجينه
الما غيره كلبك يحب ** نسيانه كـــلش صعب
***************
4= بــذني جلماتــك تفوت -- والطفوف الكلها موت -- يابيتــنه الطاحت حياطينه
جفوفك الجانـتـلي سور-- والله ما بيهن قصور -- ضاكت الدنيا العايفه بعينه
الدمـــعه الـــمو عليك أتــــــطيح مو دمعه
العطش راح ورجـــــع يالــــما ألك رجعه
الناس أتخلي بمـــــــجـان المـــشه شمعه
----------------------------------------------------------------------
مو زين نمشي لهسه ما متنه ** ويم جسم أخوي المنذبح فتنه
ماصدكه موتك جذب ** نسيانه كلـــش صعب




5= ماي وأختــك تـشتهيك -- شـلكه منك لو أجيك -- أنت الهواي وصاير شويه
وصل صايـر يالحنين -- ياعمت عـيني الأدين -- حدر الحوافر تالـي مرميه
كـــمر وحجايـــتك مثــل العـــــسل حلوه
نعــــطش جنه أمس وبــــنضرتـــــك نروه
جفوفــــك تسوه عـــــمري الماي ما يسوه
---------------------------------------------------------------
بغـــيابك أنشاف الفــرق بينه ** ماخــــذ وداعــك كل معانينه
للـــــنار ذبو حطب ** نسيانه كلـــش صعب
*************
الخادم عبد الجليل المالكي ክፈት / አስተያየት ይስጡ

2022-06-28 21:15:41 لا زمه الماي أنتضر ** وأحلـــم أبــــمسلم يمر
ماشربته -- ونتضرته - مــا أجه وفات العصر
----------------------------------------------
1= أكعـدت يم باب المخـيم وكــت مغـرب وحيده
أدور ملكه ويـــن ألكه صــدر يشبك حميده
حزن يعصرني عصر ثـياب ويشر أيامي بيده
مثــــل حـــال اليتــيم بعيد بلا أثـباب الجديده
-----------------------------------------
العــصر أخ الـــعــصر ** يكلـــب عــــــيوني حمر
مدنكه أنحب -- فات مغرب – ما أجه وفات العصر
**************
2= الوحشه تسد بديها الـــباب وحشم دمـــعي دكه
وطفي بناري مــــــو بتــراب أذب فوكاها حركه
أحاجي الماي يبجي الماي وشوف بكصة عركه
وسولف جـــــن أبـوي وياي أطلبك بويه شبكه
---------------------------------------------
الغربه تـــصرخ مايجي ** ويختــنك صوت الحجي
أيي شسوي – ضهري مطوي -- ما أجه وفات العصر



3= أيــد أنحطــت بضهـــري كلت ياربــــي جيه
بعــــدني مادرت وجهـــي أجت لزمــتها أديه
زينب عمــــــتي لا أمـــي لفتــني تواسي بيه
حميده كومي يمــه وياي رتاحي يم رقــــيه
-------------------------------------------
والصبح باجر نــــرد ** وننتضر هلبت يــــرد
صبرتـني -- وكومتـني -- ما أجه وفات العصر
************
4= دخلنه الخيمه أنه وزينب وأيديها أعله جتـفي
وطاحن من بكايه الماي كطرات أعـله جـفي
سألتها هم خبر عـندج مسلم يــــمته يلفي
هجره يذب حطب عالنار وبعـــد مابي أطفي
--------------------------------------------
العـــود لمن يــنكسر ** ينـــــتهي ومــا ينجبر
يبس عودي -- ياوجودي -- ما أجه وفات العصر






5= حطب والفركه جن تـــنور حركت عمري ناره
يعمه خذيني عد حسين يسوي الروحي جاره
أكله أدعي الأخوك يعـود وياخـــــذلي ستخاره
أريد أعرف يجي مشمور من قـــصر الأماره
--------------------------------------------
لو مسح راسي الحبيب ** مات أبو طاهر غــريب
ياصدمتي -- أه يعـــمتي -- ما أجه وفات العصر
************
الخادم عبد الجليل المالكي ክፈት / አስተያየት ይስጡ

2022-06-19 20:38:17

ክፈት / አስተያየት ይስጡ

2022-06-02 07:45:13

ክፈት / አስተያየት ይስጡ