خادم العتره الطاهره عبد الجليل المالكي

2022-07-24 20:33:49 وكــفـنه الخالنه غـيمه ** بوسط العـطش والهيمه
أذا عــنه تسألـون ** أحنه محمد وعـون
ولـــد الغــاليه زينب
*********
1= ثـلـثيـن الـولــد عـالـخال ** نســـمعها تــكول الـناس
وعـل ثـلـثين زدنه هواي ** والباقـــــي عله العباس
قبلهم ماشــربنه الماي ** قــبلهم مــا نشم أنفاس
أمن نحاجيهم أمدنكــين ** وأنكلـــــــهم يتاج الراس
-----------------------------------------------------
حجيهم خبزه ونبوسه ** عــشكهم خطه مدروسه
ماي ويشرب بماي ** شبه بيناتنه هواي
ولد الغاليه زينب
***********
2= تـربيـنه بحـــضن قـــرأن ** بســـــم لله أذ نــــاداك
والطف مو شهر رمضان ** بس أحـنه علنه أمساك
تــتـــــفطر شفانه أفداك ** ولا نـــنضر فطر بشفاك
ولد أخـــــتك يأجمل خال ** شما تطلــــب نكلك هاك
-----------------------------------------------------
بكـــلامــك والله نـــتهنه ** نشوفــــــك ندخل الجنه
بخيمة خالنه نزور ** نزلوا مثـــل الطيور
3= نــشبع ماي أذا شفـنا ** شنهي الماي هوه حسين
وننضرله أبكلب أمنه ** موجود أبوسط قــوسين
ونتــذكر لمن صرنه ** شدت بالمـــــهد حرزين
كبرنه ومن نـشدناهه ** كالت يــــــمه منذورين
---------------------------------------------------
كالت ليلة العاشر ** يسحك بـــــيكم الحافر
أعــثر بيكم باليل ** وخليكم مجاتــــيل
ولد الغاليه زينب
*************
4= أحـتارينه بأديه شـــنحط ** وكـــلـــناها نحـــط النحور
ونزلـنه بساحة الميدان ** مطلوبــــــــين كومه أنذور
والسبعين ألـف ملعـون ** وكفت وأحــــــنه بس نزور
نزفنه وصحنه من ننزف ** أعـــذرنه هواي بينه قصور
-------------------------------------------------------
خلينه العــــمر بــيدك ** دنـــــــيه وأخره نريدك
بطيحتــنه نواسيك ** دمهم جوه رجليك
ولد الغاليه زينب



5= نسحكنه بخيلهم وسيوف ** شربت كلها مــن دمنه
نذبحنه وهيج أحــنه نكول ** عدنه المهم ترضه أمنه
عافـــتـــنه أمنه بالميدان ** ولكــن والله ما همنه
شيوصلنه الجـلال حسين ** ولا همه مثــــــل همنه
------------------------------------------------------
زغــار ومانــــجي بكبره ** وحــــق عــمامته الخضره
جزيل الشكر مشكور** قــبل تـفـديله النحور
ولد الغاليه زينب
**************
الخادم عبد الجليل المالكي ክፈት / አስተያየት ይስጡ

2022-07-24 20:30:10 تكثر معزته الفاركك بالكوه
بيدك تدفنه وتعتقد مو هوه
ماجنه مدفون ٠٠ ساكن بالعيون
مصيبه
٠٠٠٠٠٠٠
على وجه الفكد اربع علامات
اول وحده عالخد اثر دمعات
وعلامه الثانيه برموشه شيبات
وبعدها الثالثه حي يمشي بس مات
اذا يمشي خله بمشيته ٠٠ وتبين جبيره قضيته
دموعه تنكع لحيته ٠٠ يعاني
٠٠٠٠٠٠٠٠٠٠٠٠
اثياب العله جتافه مثل تابوته
ماينسمع لو حاجه واحد صوته
بالغالي مطعون ٠٠ ساكن بالعيون
٠٠٠٠٠٠٠٠٠٠٠٠
شيضل عنده اليروح بعشكه دفان
يرد من الكبر للبيت خسران
خساره و ماخسرها ابعمره انسان
يغيب الجان حلمه وجنه ماجان
ضوه عيونه شيب يشوفه ٠٠ عزيزه ولا بيه يعوفه
عله غيابه يفرك جفوفه ٠٠ يريده
٠٠٠٠٠٠٠٠٠٠٠٠
يالطم ع عيونه ويريد الغالي
وكلمن يفوت يشوف دمعه يلالي
بشفافه الشلون ٠٠ ساكن بالعيون
٠٠٠٠٠٠٠٠٠٠٠
رجفت ايده من يفوت تنشاف
مثل عصرة فراك الغالي ماشاف
علي المثل النسيم المار شفاف
رجع يرجف مثل رجفت الصفصاف
حبيبة حياته وخسرها ٠٠ يروحه شيبرد جمرها
بقه بثوبه يشتم عطرها ٠٠ ويكسره
٠٠٠٠٠٠٠٠٠٠٠٠
هوه الدفن محبوبه دافن روحه
كبرت جروحه ولا دوه لجروحه
يافركه لتهون ٠٠ ساكن بالعيون
٠٠٠٠٠٠٠٠٠٠٠٠٠
الحلم اليموت دفنه بصدر الغروب
تره وفكد العزيز يشيب الكلوب
تحس اهلك بوجهك سدو البوب
اذا منك رحل للموت محبوب
حزينه تضل كل حياتك ٠٠ تضل تدعي توصل وفاتك
غريبه وحزينه أمنياتك ٠٠ عجيبه
٠٠٠٠٠٠٠٠٠٠٠٠٠٠٠٠
كل مغربيه تروح عنده تزوره
كوه عليها ارويحتك مجبوره
تكضيها محزون ٠٠ ساكن بالعيون
٠٠٠٠٠٠٠٠٠٠٠
ابو الأيتام صاير مثل الايتام
سكن بالمكبره وبالبيت مانام
اذا شاف العقيله اتذكر الشام
وتصب دموعه عالخد ترسم خيام
يفكر علي بل عقيله ٠٠ ينوح وهمومه تجيله
ع الزهره مايغفه ليله ٠٠ دفنها
٠٠٠٠٠٠٠٠٠٠٠٠٠٠٠٠
يدري بحبيبة امها من يسبوها
ماعدها والي وعالهزيله اخذوها
ياويلي يم عون ٠٠ ساكن بالعيون
٠٠٠٠٠٠٠
عبد الجليل المالكي ክፈት / አስተያየት ይስጡ

2022-07-24 20:27:33 بجيشك أريد أوكع شهيد مابين أديك ** يبن الحسن
************
1= نجمه روحي وضاعت أبعـز النهار ** وبمحــطة روحـــي مامـــر القــــطار
كالو أصعب شي يمهدي الأنـتضار ** ونتضرتـــــك شمـــــعه وبصينيه نار
*************
من ينلجم جرحي أبتسم عينه عليك ** يبن الحسن
**************
2= شفافي زركه تصير من كد الخجل ** من أصـــيح العجـــل مـــولاي العجل
عيوني رمده وأنتضر جيــتك كحل ** الامل ونـته أبعـــــــيد ما جـنه أمل
*************
بيدك أموت ما أحجي صوت أركض أجيك ** يبن الحسن
****************
3= بكــد سمه الله الروح شا لتلك حــنان ** يأمــان أرجــع تره أنه بـــلايه أمان
عمري صاير مــــأذنه من دون أذان ** والزمـــان بلا ضهورك مو زمان
**************
بسمك أصيح يمته أستريح أنه أرتجيك ** يبن الحسن
****************
4= هيج توكـف وأنه أضل واكف وراك ** ويــــترس عـــــــيوني يبو صالح ضواك
الناس كلها أتصيح الأمتانيه أجاك ** وأنه أصـــــــــرخ ياهله وأشتم هواك
************
بجفوفي أشد شدة ورد أهديها ليك ** يبن الحسن
5= دولتك دولة صلاه مســــموح بــــيها ** أتصــير نضراتك أرض نسجد عليها ክፈት / አስተያየት ይስጡ

2022-07-24 20:26:08 حين تركع - عليك السلام ** حين تسجد - عليك السلام
يالمـهدي ** يالمهـدي
----------------------
1= يادعـوه بصلاة حسين ياشـــــباج بخت أمك
يكوثر من زلال الله حرز مـتانه صار أسمك
مخنوك الصــدك مولاي أرجع خلي يشتمك
من تكعـد تصلي اليل يهنـــــياله الكعد يمك
-----------------------------------------
حين تدعي - دعائك نحيب ** وأنه أدعي - ترد يالحبيب
يالمهدي ** يالمهدي
*************
2= يـبـيرغ كــبة العـــباس يدمعــة عاشـــك تلالي
الفرح يالمهدي بفراكك نسيــته وراح من بالي
يشهــكة فاكـــــد لملكاك اليـنـدبك مايرد خالي
عبدك وبمضيف الشوك أتـانـي وحاضره دلالي
-------------------------------------------
يالدموعـك - رماد الخيام ** وج شموعك - عماني الضلام
يالمهدي ** يالمهدي


3= تـتـلهوج تراهي الروح ولا مرتاحه بغيابك
ياجود الكمر عـباس وينك عطشت حبابك
ضيعــــنه الأمـــل مـــولاي يالباب الأمل بابك
هــيج من الله وندلك أدنــــــــك وأشـتم أعتابك
-------------------------------------------
أمل عمري - أبوس الجفوف ** يطفه جمري – بجنابك أطوف
يالمهدي ** يالمهدي
************
4= كل مغرب يبو صالح أمـــــوتن مــــوتت الغيمه
زماني وأنته ما موجود رخيص وماله أي قيمه
دليني بطريجك ويــــن دليلي أتاذه مــــن ضيمه
بـــياساعه ألتــــقي وياك ياكلــــب التدك هيمه
---------------------------------------------
ما أخالف - كلامك أريد ** أنه حالف - أنصرك شهيد
يالمهدي ** يالمهدي





5= شحلالك بالبعــد مــــولاي ماناوي عله الجيه
الك جم جرح حسره يـــنام عين بصفها ترجيه
يعـــندك خيمه منهوبه يعـــــندك عمه مسبيه
ولهسه أخر سهم مكسور بمهـــد للجنه جوريه
--------------------------------------------
يالقـنوتك - يغايب دموع ** مايفوتك – ذكرها الضلوع
يالمهدي ** يالمهدي
*************
6= مو حلوه الحبيب يغــيب بغيابك كثر شيبي
فقير ومن تجي ياخــير بخيرك ينترس جيبي
بكلبك ياترى مـــــــــولاي كلي شكثر ترتيبي
يشط المستحه من الظـيف لفصيلك خلي تنسيبي
----------------------------------------------
يبو صالح – حبيبي تعال ** عمري بارح - يماي الحلال
يالمهدي ** يالمهدي ክፈት / አስተያየት ይስጡ

2022-07-24 20:24:55 ناطــر دولة أمــام --- بيها يسود السلام
دولة فاطم - بيد القائم - تصير
بأمر القائد - ماكو واحد - فقــير
---------------------------------
1= النـشـــيد البــيها يصدح سوره للذكر الحكيم
والجــــــناسي بليه صوره أبـــدالها الله كريم
كــل علامات الشوارع العــــلي تأشر مستقيم
أنها دولـــة المهـــدي صاحب النـــهـج القويم
-----------------------------------------
تزهي أزهار أورود ** بأمره الميت يعـــود
حاكم عادل - أيسمي العامل - أمير
بأمر القائد - ماكــــو واحد - فقير
**********
2= الماي مثــل العــــسل طعمه ماء صالح للشراب
السجده عن سبعين سجده الدعوه بيها تستجاب
واضح الدستور جدا أبنوده كلـــها من الكتاب
خــيرها كافي وزياده ينلكب ذهــــــــب التراب
---------------------------------------------
من أتـــصدق أريـــد ** ما ألكه المــدلي أيـــد
كلها بنعمه - نهر الرحمه - عبير
بأمر القائد - ماكو واحد - فقـير
3= بالخميس نزور وارث الندبه كــل جمعه دعاء
ننتهي ونصـــــــيح شكرا يامـعــــز الأولياء
نكعـد نسأله عله عمته المهـدي يدري بكربلاء
يخطب وكل أحنه نبجي ويانه يجـــهش بالبكاء
---------------------------------------------
كـله أجديد الكــلام ** عـــن زينب والخــيام
أجر الدمعه -- يكول نسمعه - جبير
بأمر القائد -- ماكــو واحد - فــقير
************
4= تسـير الـــوادم الـداره عـيونها تــشبع جمال
يفسر السوره ويجاوب أمن يتوجهله سؤال
والبعيد يشوفه جالس يصيحله أتقــرب تعال
كعدة البيها أبو صالح هاي مو كعـــــده دلال
---------------------------------------------
ماكـو بعـيد وقـريب ** ألـكل تـــتعامل حبيب
الطير بكيفه - يباوع ضيفه - يطير
بأمر القـائد - ماكـــو واحد - فــقير




5= الأسد يـــفــرش للفــراشه أيـده ومأمنه تـــنام
الذيب والطـــير يتصاحب والنـسر وي الحمام
والشمس مـن خده تضوي والضوه يكل للضلام
لا تجي الـدولة المهدي خاف مـــايرضه الأمام
-----------------------------------------------
نوره مضوي البلاد -- وياه مـــرتاحه العباد
يم الــحجه - الطبق نهجه - نصير
بأمر القائد - ماكـو واحد - فـــقير
*************
الخادم عبد الجليل المالكي ክፈት / አስተያየት ይስጡ

2022-07-24 16:28:18

ክፈት / አስተያየት ይስጡ

2022-07-24 01:31:47 بعد مقتل الامام العباس ع والامام الحسين ع كأن الارواح تلتقي ويقول الحسين ع.... (المستهل للحسين ع والنص للعباس ع)

بشرني شخبارك يعباس
يالطمعت ابچفينك الناس
بفراگي گلي شلونه الاحساس
يا ابا الفضل
..........

ما حس بالعطش بالي اعله الاخيام
صحت اخذو الجفوف او عوفو الايتام
يخويه امن الالم
بچه ابچفي العلم
او صحت وين السهم
للعيون
كلشي او لا تقربون الخواتي
عوفو ام الخدر هاكم حياتي
كفر عين الشمر
تعاين للخدر
او عليهة ابكل كتر
يسألون

يا ابا الفضل حقك عليه
وصلت چفوفك هاك اديه
اقبلهة من عندي هديه
يا ابا الفضل

..........

من طب السهم واتوسط العين
ما حسيت چي بالي اعله الحسين
التهيت ابفركتك
وحيد اشحالتك
واحسهة نضرتك
عليه
طايح مو مهم چي طايح اهواك
بس كسرتني وينه الشايل الواك
العذر من حضرتك
عزيزه دمعتك
لجنهة اوداعتك
منيه

لا تعتذر ما قصرت يوم
من السَلِب ما بقو اهدوم
اشكد انتظرتك ردتك اتكوم
يا ابا الفضل

.............

اليذبحني أجه او مو يمه بالي
گبالي السيف بس انت بخيالي
افكر ابغربتك
او جفاك العيلتك
اشتگل لبنيتك
رقيه
شتگلهة لون سألت عليه
مات امن السحگ عمچ رقيه
تموت امن الخبر
عطش مات الگمر
ولو چان النهر
بديه

كلك وفه يالبيه ولهان
ما تشرب انت او آنه عطشان
گد ما تحبني اهوايه حليان
يا ابا الفضل
.................
ضربو جربتي چي شالت الماي
او صاحت مو مهم ابگصتك اهواي
ابسكينة فكرت
او يخويه اتحيرت
لأني اتگطعت
بالسيوف
عطاشه ابلهفة ينتظروني الاطفال
واتخيل ب أديهم شدو احبال
واحس ب الي عثر
او نبض گلبي انكسر
اشيجيبه للنهر
بلا چفوف

حقهم تره يا سور الخيام
فگدك عطش يا عم الايتام
بس انت متغطي بالاسهام
يا با الفضل
.......
آنه اعتذر بس مو بديه
زينب أختك اخذوهة سبيه
اعله ناگه او تلتفت
منو عنده اخت
رغم وآنه متت
تناطر
بيه اشكم جرح بس ابگلبهة
هضيمه ابهاي اذاني اسمع ضَرُبهة
يشَّتِم بيهة ظَلّ
او دمعهة اشگد نزل
غريبه ابلا اهل
تسافر

ا من اخذو اختنه خويه للشام
تمنيت اعيش او اشبع سهام
وبروحي تلهب نار الخيام
يا ابا الفضل

سيد ليث الموسوي ክፈት / አስተያየት ይስጡ

2022-07-15 13:11:40 أني أشــــم رائحه ** طيبه ولكن جارحه
كأنـــها دمعه بجفن خادم
يالمــنذبح محرمـــك قادم
---------------------------------------------------
1= هلا بس الهلا شويه ** تـــــعال تـــــرسني حنيه
محرم أرحم ضلوعي ** مناهـــا تـــقـــــيم لطميه
وحق حـزانك الحلوه ** الحـــــياه لولاك ماتسوه
عـشكتك يابو الخيمه ** وتدريها العــــــــشك بلوه
أيــــدي - وصدري - عــشكـــنك هواي
عــيني - ودمــعي - يشوفــــنك الماي
جهزن - يـــــردن - يعــــــــزنه مولاي
--------------------------------------------
أقــــدم يالتوكع الدمع ** ذوبني يمحرم شمع
عندي بخت وبجيتك سالم
يالمنذبح محرمــــــــك قادم






2= تعال بلا أذن بيتي ** ألك مفتوح وأمنيــــتي
أعلك عالسطح رايه ** حتى أشعـــــــر بهميتي
أثبت لا فته أبابي ** عاود أعـــــــز غيابي
أسبل ماي بالـديره ** بلا مـــــا أشرح سبابي
أسود - ثوبي - ماغيره ملــبوس
أشعر - حافـر - بضلوعي ويدوس
حسيني - حزنه - بوجداني مغروس
----------------------------------------------
بدموعي أنصر مذهبي ** وأنتمي العباس الأبي
من المهد عله الدمع راهم
يالمنذبح محــــــرمك قادم










3= أعيش أيامك العـشره ** عزاء ومجلس وطبره
أكضيها مـــشي حافي ** أدور بس رضا الزهره
عله جدر الطبخ أغفه ** أذا بيه مرض يـشفه
بمحرم وبصفر والله ** اضل بس أشتعل وأطفه
أخدم - وألطم - بس باقي مطلوب
كلبي - يسولف - فاكــــــدله محبوب
عاري - بهيمه - هالغـــــالي مسلوب
-------------------------------------------------
الله ينبلة حــــرمله ** شسويتي بينه بكربله
ربي أنتقم من حرمله الضالم
يالمنذبح محرمك قــــــــــادم










4= من أسمع يمه ذكريني -- نهر يتـــــــفجر بعيني
ياويلي على الــقاسم -- وشموعه تـــــــــجويني
ويحسين بضامــــيرنه -- وصحنه بـــــــــيك أمنه
تراويني عزم الأنصار -- أوتهب ثـــورة محاجرنه
زينب - ويلي - أخذوها عالنوك
صعبه - وكلفه - طــبوها للسوك
كلبي - عليها - مايطفى محروك
----------------------------------------------------
يضربوها وهيه العالمه ** عليها المجالس قائمه
راحت بجي وبوليت الوادم
يالمنذبح محرمك قــــــــادم










5= أريد أعميهن عيوني -- بعد وأدميهن متوني
ع العباس وجفـــوفه -- يعالم لا تــلوموني
أخو ماكو بعد مثـله -- صبح للـــغانمه قبله
يبو فاضل يبو فاضل -- جفــــينه بموتك الدله
غيره - مروه - بسمك يعباس
كافل - خــير - يارفعة الراس
ترابك - أسمك - يالغالي ينباس
-----------------------------------------------
هيه المراجل بس أله ** بسم الكفيل مسجله
راعي الوفه عباس والعالم
يالمنذبح مــــــحرمك قادم
**************
الخادم عبد الجليل المالكي ክፈት / አስተያየት ይስጡ

2022-07-07 23:28:28 *[ كل ما أشرب ماي ]*

أداء: الملا #عمار_الكناني
كلمات: الشاعر #عبدالجليل_المالكي





مجالس شهر ذو الحجة لسنة 1443 هـ - 2022 م
ليالي إستشهاد مولانا باقر علوم الأولين والآخرين الإمام محمد بن علي الباقر صلوات الله وسلامه عليه وآله
عزاء هيئة سيد الأوصياء صلوات الله عليه وآله - العراق - واسط

مونتاج: مصطفى العتابي
الهندسة الصوتية:: ليث حازم
مخطوطة: زين العابدين العيساوي
إنتاج: هيئة سيد الأوصياء
النشر الشبكي: علاء بركات العاملي - علي الفاطمي ክፈት / አስተያየት ይስጡ

2022-07-06 06:32:06 #ياام_البنين
عزاء #أين_أنت؟
-يرجعلي البعيد-
الرادود الحسيني - حسن المالكي
الشاعر الحسيني - عبد الجليل المالكي

للمشاهده والتحميل




العزاء الثالث أستقبال ليالي شهر محرم ١٤٤٤ هـ
مجلس عزاء أين أنت ؟
العراق- ميسان
مـكسـاج - باقر الموسوي
غـلاف - ذو الفقار العبودي
النشر الشبكي - علي زياره
تنفيذ - شركة SS للإنتاج الحسيني

العمل لتعجيل فرج صاحب الزمان الامام المهدي عجل الله فرجه ክፈት / አስተያየት ይስጡ