خادم العتره الطاهره عبد الجليل المالكي

2022-08-15 08:02:15

ክፈት / አስተያየት ይስጡ

2022-08-15 07:36:54

ክፈት / አስተያየት ይስጡ

2022-08-14 18:57:24



حال الضعون

#الرادود_حيدر_الموسوي
#الشاعر_عبد_الجليل_المالكي

#عزاء_امير_الخيام
#محرم_الحرام ክፈት / አስተያየት ይስጡ

2022-08-10 14:43:40 #فضائل_الخدمة

كلمات/ الشاعر عبد الجليل المالكي

الهندسة الصوتية/ ميثم الخزاعي

التصوير والمونتاج/ علاوي المحمداوي

شكر خاص الى مؤسسة مالك الاشتر
للمشاهدة على اليوتيوب اضغط على رابط هنا


قناة علاوي المحمداوي

نسألكم الدعاء ክፈት / አስተያየት ይስጡ

2022-08-08 17:26:41 ماعدنا خيمات - ونبات - بيهن يالحرم
بس العـبايات - هيهات - مايـبنن خــيم
ليل أيدعش مصيبه ** جم فاطــمه غريبه
---------------------------------------
1= خل نفـــكر يالبـنات نبات وين ** أمجان كون يضمنه ماتلمحنه عين
منهو منجن سالمه عدها أدين ** وياي تمشي خــــل ندور ستر زين
-----------------------------------------------------------------
كافلنه عباس -- بس راس -- شوفـنه برمح
ياولية الناس -- بحــساس -- نوحن للصبح
عباس ألي شيجيبه ** جم فــــاطمه غريبه
**********
2= بسرعه يارمله تعالي خل نشوف ** أرض مابيها الشمر مـــن الطفوف
والي ماعدنا ويشيلنه الجفــوف ** خواني وأبنج كطعــوهم بالسيوف
---------------------------------------------------------------------
داستهم الخيل -- ويسيل -- دمهم عالفله
يامطول ألليل -- والحيل -- راح بكربــله
ضلوا جثـــث تريبه ** جــم فاطمه غريبه


3= خطوط صارن من ضربهم بالضهور ** عمه سكنه أتحـــملي وكلبج صبور
أمشنه والصاحو بسمها لا تــدور ** مات أبوجن خل نحامي أعله الخدور
-------------------------------------------------------------------------
تركنه الفـــياي -- والماي -- راح ويالأهل
ممشاجن وياي -- بهــداي – ماداعي عجل
ماكـــــو بعــد حبيبه ** جم فاطمه غريـبه
*********
4= أتحذرن خاف الشمر ياعمه جاي ** من يجينه بسوطه وكـفـتجن وراي
حته ضرباته تكــــــع كلها بكفاي ** أنه كت الحسين العـــــيال بحماي
------------------------------------------------------------------
ضمنها الأيتام - ألام - ماتحــــــمل تره
عدواني ضلام - وسهام - صوبي محضره
جرحي رحل طبيبه ** جم فاطـمه غريبه






5= أشرولي بجف كفيلي من بعيد ** هاي أشاره وباجر نروح اليزيد
أيسن العباس ماموجود أكـيد ** باجر أنطب سوكهم وحـنه بحديد
--------------------------------------------------------------
تجرحنه الحبال -- وأطفال - ماعدهـــم ولي
وسياط الأنــذال -- تــنهال - عالتصرخ علي
ليلة هــــــــــضم كئيبه ** جم فاطمه غــريبه
**********
خادم العتره عبد الجليل المالكي ክፈት / አስተያየት ይስጡ

2022-08-07 20:19:08

ክፈት / አስተያየት ይስጡ

2022-08-07 12:16:05 يالـراحتي بيك ** خليهـــن أيـديك
أشبكني حيل ولا تهد ضهري
شمني وأشمك يا علي عمري
---------------------------------------------
1= علي الأرتاح بس يمك أذا تـتركني وين أرتاح
يالتراس عـــيوني حلام لا تـترس عــيوني أجراح
بصباك أشوف أصباي يوليدي
من أعــطش أنت الماي يـوليدي
لا تمــــشي ضل وياي يوليدي
----------------------------------------------------
يهلال الخــيام ** لـتموت الاحلام
باوع بوجهي دمعـتي تجري
شمني وأشمك يا علي عمري








2= يبني الشوف يعـطش شوك عــله المتعـــود يشوفه
وأنته تعــوف أبوك تريد وراك أشتـشبك جفوفه
حاجيني أريـــــد أرتاح محبوبي
لا تـرمي كلــبي أرماح محبوبي
والـــــــد علـيك وصاح محبوبي
-----------------------------------------------------
يابعد العيون ** أرحمها العـيون
صارت فرات ومايهن يجري
شمني وأشمك ياعلي عمري
*************
3= أنتـوادع أكـعــد أمن أجديد منك ما شبعـت وداع
تــكــدر لــــــــو أجيك أنه وياك أتـمدد ع الكاع
مـــحلا الــــوداع وياك يالغالي
خل شفــــتي أعله شفاك يالغالي
وبضهري حـــط يمناك يالغالي
--------------------------------------------------------
ياتارس العين ** أرحم بالحسين
ياعلي الأكبر حيرت أمري
شمني وأشمك ياعلي عمري


4 = الغالي شكد ثـكيل يصير مـن أيحمله أبـوه يبني
وطريق الخيمه رايد حيل وأنه جــفاك ذابحني
يــمــــكطع أوبسيــــوف حاجيني
أفـــــــــتح العـين وشوف حاجيني
ضهري علـــم ملفـوف حاجيني
----------------------------------------------------------
يالسحكتك خيل ** ماضل بعد حيل
شيبت كلبي ومانفع صبري
شمني وأشمك ياعلي عمري
***********
5= أباوع جسمك المسحوك وأشـوف الخيل تسحكني
أشيلك رايح وكــــالساع أنـــزلك ياعلي بحضني
ياليله أبــــــنج مـــات صرخاتي
أمشي وأهــــل دمعات صرخاتي
كـوه أوصل الخيمات صرخاتي
--------------------------------------------------------
دمك ع الثوب ** يا أغلى محبوب
من بعد نحرك ينكطع نحري
شمني وأشمــك يا علي عمري
***********
الخادم عبد الجليل المالكي ክፈት / አስተያየት ይስጡ

2022-08-07 05:03:17

ክፈት / አስተያየት ይስጡ

2022-08-06 16:02:42 ياعطـــية الله يجاسم -- شنهي رايك
أبكيفك أختار التريده -- وأعله مايك
ألك وحده أمن الثنين -- زفــاف ونصرة حسين
----------------------------------------------
1= يماكو بحسنك - براءة نسمه - سوالف شمعه - محاجي عيونك
جمال رموشك - رسم ربــاني - كواكـب سبعه - تكـــــون لونك
يبني بس ريحة قميصك تسوه عمري
هوه ما أشـــــــتم أشمك أنته تـــــدري
--------------------------------------
لـــذة أخـيالك عجيــبه -- أمهـــيمه أمك
ياحبيبي الكلــه طيبه -- شمحله رسمك
أريد أتقـــرر الحين ** زفاف ونصرة حسين







2= تعـــــال نسولف - سوالـــــف باجر - أرتب وضعي - أحـضر روحي
بوداعك شحجي - بوداعي شتحجي - دواهه عيونك - تعوف جروحي
لا عـسنه يطول عمري من ودعك
ينطــفي بياماي جمري لو أضيعك
---------------------------------
تـفـرغ الخيمه برحيلك -- من ضواهه
ياكمر والخـيمه ليلك -- ياضــــواهه
تواعــدنه الوعـد دين ** زفــــاف ونصرة حسين
************
3= دفتها الحــنه - وأنه تـفكـيري - فــرح عماتـك - أشــوفه بعــيني
عمامك توكف - تهوس هـوسه - يعرس الغالي - أماني سنـــــيني
تالي ليل الـــــزفه تحله هــيج أفــكر
وتنسمع ضحكات أهله فرحه تــكبر
------------------------------------
تــترس الدنيا ضحكتك -- من فرحتك
أنه فرحانه بفرحـــتك -- حلوه كلتك
فــرح تـبجيلك العين ** زفاف ونصرة حسين


3= شذر خديـــنك - أذا يــطشر - تموت حلامي - يموت حساسي
ملامح وجهك - تضيع بدمك - تره بالفـــركه - يشـــيب راسي
ضلوعك ترضهه الحوافـــر والله وسفه
يبرد الطف يبـــــــني باجر بــيمن أدفه
-----------------------------------------
شكلك أتــغـــيره المعاره -- من شمسها
بحوفــتك دمعه أتجاره -- ياعــــرسها
يفاهــــم هالأمر زين ** زفاف ونصرة حسين
***********
5= أجـــيك مدنكه - أشم جروحك - أحشمك أكعــد - وأنه مذهــوله
أبوس عيونك - أجذب عيني - نمت حسـبالي - نهار بطـــــوله
زينب تـــــناديــني نوحي أطاج عمره
وأنه أصيح أكعد يروحي حالي نضره
---------------------------------------
يبني مو هيج النهايه -- العشره حلوه
فكدك الســبيي بدايه -- أنه شـــسوه
أروحن بعدك ألوين ** زفاف ونــــصرة حسين
*** خادم العتره الطاهره عبد الجليل المالكي ** ክፈት / አስተያየት ይስጡ

2022-08-04 04:22:29 [ على الناكه ]

كلمات : الشاعر عبد الجليل المالكي
هيئة انصار اهل البيت ع
بغداد / مدينة الصدر / قطاع 27
محرم 1444

يوتيوب


ክፈት / አስተያየት ይስጡ