خادم العتره الطاهره عبد الجليل المالكي

2022-07-04 22:59:48 https://t.me/hsjdbdbd ክፈት / አስተያየት ይስጡ

2022-07-04 21:50:25 السلام عليكم ورحمة الله وبركاته خدام الحسين تم تهكير قناتي بالتلكرام من اضعاف النفوس قناتي الجديده
اليكم الرابط التالي
https://t.me/yousef2022eryuuo ክፈት / አስተያየት ይስጡ

2022-07-01 02:09:06



( الله خصيمه )

#الرادود_الملا_عمار_الكناني
#الشاعر_عبد_الجليل_المالكي

###استشهاد_الامام_الجواد_ع
#الكاظميه_المقدسه ክፈት / አስተያየት ይስጡ

2022-06-28 21:21:49 السلام عليكم تم نشر قصائد
شهر ( محرم الحرام )

#نسال_الله_قبول_الاعمال

#الشاعر_عبد_الجليل_المالكي ክፈት / አስተያየት ይስጡ

2022-06-28 21:20:20 يامــاي وجهي وستر خيماتي
طلعت بعــدكم بـيضه شيباتي
وأتــبدلت مو ذاك حيلي ** من فــــارك النجمات ليلي
--------------------------------------------------
بـــشرياني تمشون - كلموني ياجون - تبخلون عني بهالغرب بحجايه
مـلكــاكـــــــم الحار - متغــــير شصار - رد ياحبيب تصـــيح ليك الرايه
خـيمة أم عــون متانيه هــوستــكم
محد ترسها عيوني بس صحبتكم
غـير أنه كاعـد مو وكت نومتكم
متـــــــــــروسه دم وتريدكم رايـتكم
----------------------------------------------------------
مــو قــبل ساعه الضهر صلينه ** ومــن جربت الكافــــــل توضينه
منكم ردت صاحب يجيلي ** مــن فـــارك النجمات ليلي








2= جــنه بالـــغــروب -- نـتــشابك كـلـوب -- يهــــل الهلا الجانت تونس كلبي
عـفـتوني مهضوم -- وكل حيلي مهدوم -- مـــن دونـــــكم بيمن أكمل دربي
واكف أتـلوه ثـنـين أدي بصفاحي
سبعين صاحب ماكو واحد صاحي
عــابس أشوفه شابك الرياحي
دم تارس أذنه مـــــاسمع نياحي
-------------------------------------------------------------------
بالخــيمه أمس نكعــد شمحلانه
أنسولف بزينب خـاف عطشانه
نار الهجر حركت دليلي ** من فارك الــنجمات ليلي
**************
3= أتـبديــتوا ياماي -- عفتوني بضماي -- ماريد ماي أشرب أريد صحابي
ياملح الخــــــيام -- نزعـوها الأسهام -- بصدوركــم مو حلوه يغله حبابي
ضايـك فــراك عـزاز بس هالمره
أذاني حيل غــــيابكم ما كدره
ضليــت أحسب بالجثــــث مطشره
واحد أثـنين وما وصلت العشره
---------------------------------------------------------------------
لا جلمه خشنه بيوم كلــتـولي
معــــــتازكم ينصاري كعدولي
شاب وشبت من دون جيلي ** من فــــارك النجمات ليلي
4= فتحوها العيون - هلبت تسمعــون - صوت البواجي من الحرم بخيامي
يا فـيكم الجان - العــيالي صيوان - من أرجع ألــكاها الشمس كدامي
تسألني زينب ويـن ربعـك راحـو
خافـن أكلها نصاري زينب طاحو
تموت من أكلها حشمت ماصاحو
ضليت وحدي وجن دمعتج سالو
-----------------------------------------------------
شابـك حبيب الشاكـــري بموته
والــكاهلـــــي صاريله تابوته
وحدي بقيت الله وكيلي ** مـــن فارك النجمات ليلي











5= كلـتولـي وياك - مانحمل جـفـاك - ما أدري منكم ياهـــو أنه أبجيله
كلكم عزيزين - عالغبره غافين - ياهو التعوفه جفوفي ياهو تشيله
ياشوك كلبي العل ترب متطشر
طيحت جـثـثـكم هالكلب متوذر
شوفوني من جيت شكـثر متعـثر
مــــو مال أمس وحسينكم متغير
-------------------------------------------------------------
تحسون بفراك الوفي اليوجع
يضل بالكلب سهـمه ولا يطلع
وكفت دمعتي وصحت سيلي ** من فـــارك النجــمات ليلي
*************
الخادم عبد الجليل المالكي ክፈት / አስተያየት ይስጡ

2022-06-28 21:20:20 يالـمحني مثـل الخيمه ** وناصب عــزاء بالهيمه
يالمحــــــد وياك ** عـين الله ترعاك
--------------------------------------------------
1= تـقــره بقــصيدة كربله بس مستهلها يعـذبك
صاعد عله صدره الشمر هالجمله تـوجع كلبك
تكتب قصيده عالسبي مدري القصــيده تكتبك
من تسمع بطاري الذبح حـــيل الحجايه أتعبك
-----------------------------------------------
ياساعــد الله عـــيونك ** تهمي وتغــــــير لونك
ومغيمه أسماك ** عين الله ترعاك
*************
2= راسم ع جـفـك حـبل أويـم الحـبـل تـرجيه
وكاتـب ع الرايه بدمع يازينب المسبيه
بقــانـــونكم يهل الصدك ماتنضرب الأبنيه
جا ليش ذباح الـورد ورم عـــيون أرقيه
-------------------------------------------
كل مالزمت خدودك ** يمها الزمان يعودك
فـــــركاها أذاك ** عين الله ترعاك



3= شما تـلزم أيدك منحرك تـذكر نحر مذبوحك
وتنوح حد ماتـنكسر والـزهره تسمع نوحك
بالمغــربيه سيدي جم مره تـطلع روحك
ألف وتسع ميت جرح يوصل عددها جروحك
---------------------------------------------------
صار العــدد متساوي ** وتـــزوده جنك ناوي
لا تعمى عــــيناك ** عين الله ترعاك
***********
4= فوك البواجي ســـيدي أنوب أحنه المبجينك
عود أنته ماعــــندك تعب مانستحي متعبينك
كد طبت السوك العصر وجروحها مجرحينك
مدري شجاها شيعتك ماترضه تــنشف عينك
--------------------------------------------------
كل عشره صرنه بنيه ** وأمصيبتـــــــك منسيه
هاك الجرح هاك ** عين الله ترعاك






5= لــو نستحي مـــــنك صدك مانكعــد بــفي بارد
ونتوبلك تـــــوبة عـــــبد واحد يساعد واحد
تــكرب علينه ونبــتــــعد واحدنه منك شارد
بالهيمه تمشي أبوحدك وحضرت جنابي كاعد
------------------------------------------------
يمته نحس بضيمك ** يالمهدي الله يديمك
أهــدينه ننخاك ** عين الله ترعاك
***********
الخادم عبد الجليل المالكي ክፈት / አስተያየት ይስጡ

2022-06-28 21:20:20 وديتلك طارش تجي ** ماجيت ياستر العـبي
وبين الترد والـماترد ** أفتح وشد بمعصبي
**********
1= أنه الجبـــيره والعطش بعدك زغــرت بعينه
وفـــــياي المخيم كصر هم جنهم معطشينه
وعـيون طلعت للشمس ماتستحي من عبينه
أيي كلشي عـباس أختلف حتى الهوى يبجينه
--------------------------------------------
ووداعـــتك نفسي نكطع ** هالصعده صعده مانزل
مكسوره الحجايه أتعرج ** مصيوبه ياخوي أتجزل
***********
2= لا خيط اليخيط الجرح والهوى الهاب يالجمه
نعمه أنته تارس كربله ومن تنجفي هالنعمه
من تموت أكتب عالخدر متـوفي الله يرحمه
ونسمة المو منك تجي ماتــشهك هل نسمه
---------------------------------------------
يهواي وأنته الوحدك ** وبروحتك تطلع لسن
بلا جفك حسين نكسر** عالسيف مسنود ويون



3= تختلف وكفتها الخيم بس تمــشي يازلمتها
وزينب يعباس الشمس أتغير شكل شيلتها
والعجنت الحنه من أمس تيبس تره حنتها
تجفيها وتطفي الشمع ومعـذوره لو بدتها ***
------------------------------------------
مو مسألة ماي وشرب ** لا بالفراك المشكله
اليـــــفارك حي يندفن ** وتصير كـبره كربله
**********
4= بين التجي والما تكض ماتطلع أمن اللساني
لو ساعه تتعـطل بعد فــــوك الهزل تلكاني
كلبي أتعــطل نبضة لــــو راح كلبي الثاني
تضيعني ما عندي عرف شغير الحبل يلكاني
---------------------------------------------
الماصايرات بغـــــيبتك ** كلهن يصيرن بالحرم
الماطالعه تطلع غصب ** وتبات بالبر مـو خيم






5= عـيون الشماته تسرفـنن من فات سهم بعـينك
وبنفس هالكعده أمن أمس ما كومتـني يمينك
والكوم كلها تونست مكشوف ضهر حسينك
جلماتهم بــــذني تطب يكولوله منهو يعينك
--------------------------------------------
الماعنده وادم ينولي ** وحسين واكف وحده
كلوله نحركها الخـيم ** والشمر كــــام يهدده
************
الخادم عبد الجليل المالكي ክፈት / አስተያየት ይስጡ

2022-06-28 21:18:03 والله مـثــكم حــيــل أحبه ** ماعندي ماي حسين أشربه
مو هلال - أنـــه خدامه ** مو هلال - ضـــيي كدامه
ماعندي ماي حسين أسربه
***********
1= ماجـني فـوك أوجـني بالحومه ** وبعـيني أنضر سلبو أهـدومه
أعرف أسمه يناس الحز أصبعه ** وشفته الــبل رمح دايس بضلعه
-----------------------------------------------------------------
ساكت وأشم دخــــان كلبه ** يضربني جــن كلمن يضربه
مو هلال -- روحي محتامه ** مو هلال -- ضـــــيي كدامه
ماعندي ماي حسين أشربه
***********
2= من فوك أشاهد حركو الخيمه ** وعالشوك تركض طفله بالهيمه
أسمها حافضه هـــــيه رقيه ** تصيح حسيـــــــن بويه طفي أديه
------------------------------------------------------------------
مابيها حيل وكوه تركض ** محروكه أديها وبيمن أتكض
مو هلال -- شاهد خيامه ** مــــــو هلال -- ضيي كدامه





3= بعيوني أباوع سحكو ضلوعه ** والعرش صاح وصبت دموعه
أسمعه يصيح ضامي وحك جدي ** حرام ينام عــــــالتربان خدي
------------------------------------------------------------------
عالنهر شفـــته يشيل بيده ** رايد يجي يحضره عضيده
مو هلال - بكربله شامه ** مو هـــلال -- ضيي كدامه
*************
4= عالناكه أشاهد صعــدو أخته ** والسوط يلعـب عالمتــن شفته
أجو بحبالهم شـــدو أديها ** وين تروح المضــــيعه وليها
--------------------------------------------------------------
والله الخدر مو مــــال ناكه ** ويلي الشمر للشام ساكه
مو هلال - وأللطم الهامه ** مو هلال - ضـيي كدامه
************
5= حضرت سواده تـــبجي محنيه ** مكسور ضلعي تنادي مابيه
أعرفتها الزهره ومبــين بجيها ** عالهامه بقــــت تـلطم بديها
---------------------------------------------------------------
من كل كلبها تـــصـيح يمه ** كعدت تنوح وتنعي يمه
مو هلال – بجبدتي سهامه ** مو هلال – ضـــيي كدامه
ماعندي ماي حسين أشربه
**************
الخادم عبد الجليل المالكي ክፈት / አስተያየት ይስጡ

2022-06-28 21:17:52 هــل مـن مباز زلمه أيــتـقــــدم ألــيه
علي الهواشم ســيــفي جهـــنم بـديه
خاف - زلمه يكـرب أله ** شاب - بس ملك كــربله --
----------------------------------------------------------------------
1= صاح أبـن أبوه - أتــخــورسوا - رجـفـهم أبـــــوكـفــته
ما ألـها صوت - مو زلـــــــم - والتحجي بس خزرته
من وكف وكفت أجبال - وكفته عـــــــبرت أجيال
ماحجه مـــنها رجال - يبلع أللسانه
سيطر أعليهم الخوف - باتره يـــــبلع أصفوف
ذا علي أسمه معروف - هاذا ميدانه
--------------------------------------------------------
شافوا وكفته بالحومه واكف مهابه
رجفت زلمها عرفـوه يضحي شبابه
صاح - هاهـــــنا المرجله ** شاب - بس ملك كربله







2= شيخ القـتال - والحــرب - تلميذه عنده تره
سيد الـجمال - والهــــوه - منه طلب مفغـره
خيبره يقــلع أركــاب -- لو وكف طوله ينهاب
من علي جايب أكـتاب -- أقـلع الزمره
حيدري عيونه حلوات -- تارس الحومه نضرات
شبع أخصومه شردات -- ذبهم أبحفره
-----------------------------------------------------
صارو عبيده ماشي اليريده عليهم
بالحومه يرعد جيت خضـنفر يجيهم
نار ولا رجـــل قابله ** شاب بــس ملك كربله
*************
3= دمـــــــهم حلال - ومرجعـــه - منطيه أذن بيها
يكضي الصفوف - لو هـــــجم - هالزمره ينهيها
أيسوي عدوانه نسوان ** يكتب بزوده عــنوان
ينفجــــر حيله بركان ** علي بزنـــوده
يكتب أوهــمه يقرون ** يحجي همه يسكـتون
ما يفتحون العــــيون ** لو خطف زوده
------------------------------------------------
يطرد زلمهم يوكع علمهم أمامه
يمسح أثـرهم رايدها منه أمامه
زرد صولته مشكله ** شاب بس ملك كربله
4= سواها خيط - مو زلم - ويل ضمهم أبأبرته
بجفوفه غيم - لــو مــطر - غــــركهم أبمطرته
كاغـــــد وذبــهم بماي - ضيعوا هــايه من هاي
صارو شويه الهــــواي - مايكدرونه
عــــبقري وسيفه ذواق - يكطع بكيفه الأعــناق
حومه والزوده تــــشتاق - عشكت عيونه
-----------------------------------------------------
خردل مشيهم طيح أديـهم طردهم
يركض وراهم عالبر خذاهم هزمهم
نار واليجي يجندله ** شاب بس ملك كربله
***********
5= ثـكل الحديد - والعــطش - والحرب أجهـــده
رمي السهام - والطعـــن - ويــقــــاتل أبوحده
طاحت الخيمه من طاح ** والده للأسـف صاح
وذرك طعـن الأرماح ** يابعد عيني
ليله صاحــت علي مات ** هسه طيحن يخيمات
ماكـــو أبعيني دمعات ** ماتــــكفيني
---------------------------------------------------------
للخــيمه جابه - ميت شبابه أويلي
زينب تــنادي - عذبته عمه دليلي
راح - وعـــــــذبـاهم هلا ** شاب - بس ملك كربله -- عبد الجليل المالكي ክፈት / አስተያየት ይስጡ

2022-06-28 21:17:40 ناس هواي - ناس هواي -- بس المستحه شويه
ويــن نروح - وين نروح -- أبنيه تـــناشد أبنيه
************
1= وادم كلـها بس عيون -- ومن الحرمه ميخجلون
عـدهم ماي بس بدوه -- وللعطشانه مـا ينطون
غير وجوه مكروهات -- شبعــونه مشي وعثرات
حركوا خيمة النسوان -- شلهم غـــرض وين نبات
------------------------------------------------
ويــــن الله -- ويــــن الله -- تشور بيهم رقيه
وين نروح -- وين نروح -- أبنيه تـناشد أبنيه
**********
2= راح أيدخلونه بسوك -- كل وحـده بهدم محروك
نشبع بالطريـق حجار -- جف بـجف يضل مطبوك
يشمرون بوجهنا تراب -- وكدام الخلك نــنصاب
عالتحجي تره يركضون -- الفاكد غـيره والجذاب
--------------------------------------------------
نشبع ضيم -- نشبع ضيم -- نمشي بكامه محنيه
وين نــروح -- وين نروح – أبنيه تـــناشد أبنيه



3= الغربه تحب بواجي هواي -- وبممشانه ماكو ماي
عـــالتوكع يجي السلاب -- مو عباس تحسب جاي
يرفسها وتــــــكع وتكوم -- وبسوطه علــــيها يهوم
بالبر باتي لو تمـــشين -- لا عــــباس بعد اليوم
--------------------------------------------------------
جوع وخوف -- جوع وخوف -- ياكل بينه ليليه
وين نروح -- وين نروح -- أبنيه تناشد أبنيه
***********
4= أخجل لو نشدني شبيج -- بـــيدج منهو المجويج
نفسه الحارك الخيمات -- يسألـــــني شنو مأذيج
حذري يكلي هالجويات -- تــــــوكع بيهن الدمعات
مالح مايهن العــــيون -- يشبعني القـصد هضمات
----------------------------------------------------
يخت حسين -- يخت حسين -- صرتي ويانه مسبيه
وين نــروح -- وين نروح -- أبنيه تــــناشد أبنيه






5= اليعطش ماينام الليل -- وأحنه التعبتـــنه الخيل
ونوكف النزف برماد -- عالنوك الـــــتهد الحيل
وجروح السياط وساع -- مايوكف نــــزفها بساع
وحنه النوصل ثـمانين -- كــل شويه واحد ضاع
-----------------------------------------------------
ياهي تضيع -- ياهي تضيع -- باكو منها ترجيه
ويـــن نروح -- وين نروح -- أبنيه تـــناشد أبنيه
**************
الخادم عبد الجليل المالكي ክፈት / አስተያየት ይስጡ