ከኢትኤል ብዕር ነጠብጣቦች......✍️

2022-08-11 21:31:43

ክፈት / አስተያየት ይስጡ

2022-08-10 18:18:03

ክፈት / አስተያየት ይስጡ

2022-08-03 20:04:01 ልብ ብለህ ብትመለከተው ይሄ ፎቶ ልብ ይሰብራል።
ለዚህች ሀገር በሙዚቃ አስተዋፆ ስለ ፍቅር ስለ አንድነት በረቀቀ ግጥሟ በረቀቀ
ፍልስፍናዋ አዚማ አስደምማናለች። ይህቺ ወርቅ ሴት ኢትዮጵያን በአለም
በሙዚቃ ሰንጠረዥ አስተዋውቃልናለች። እኛ ግን የሰራልንን ሳይሆን የሰራብንን
ስናከብር ዘመንን አሰሰን። ያች የልጅነት መልኳን አብረቅራቂዋ ጂጂ ምንስ
ብትሆን ነው እንደዚህ የኮሰመነችው!? ምንስ ቢነካት ይሆን በሀሳብ ባህር
የሰጠመችው። ምናልባት እንዲህ እያለች በልቧ እያንጓራጎረች ይመስለኛል።
"ናፈቀኝ የዛቤት ጨዋታ
ናፈቀኝ የናቴ የአባቴ ጨዋታ
እያለች የምታንጎራጉር ትመስለኛለች።
እርግጥ ነው ማርጀት ልዩ የሰውነት ሽግግር ነው። ነገር ግን እንደዚህ ያለ ተስፋ
የቆረጠ ፊት ሳይ አዝናለሁ። በተለይ ተስፋ ለሰጡን እንደነ ጂጂ አይነት እንቁ
ሰዎችን አዝኖ መመልከት ልቤን ይሰብረዋል። ለዚች ሀገርስ በምን አይነት ሂሳብ
ይሆን ጥበብን ሰንቀን ለመስራት የምንነሳው!?
እንዴትስ ተስፋ ይኖረናል?
ስናዝን የሚያፅናናን ወገን ከሌለ እነጭራሹ የምንረሳ ከሆነን እንዴትስ ነው
ጥበብ አለች ብለን የምንጓዘው።
የጂጅ መጎሳቆል እንደ ሀገር ያሳስበናል።


ይነበብ መዝገቡ ነኝ!!!
https://t.me/yinuca ክፈት / አስተያየት ይስጡ

2022-07-29 18:26:48 ይህ ሀውልት ህያው የሆነ መንፈስን ተሸክሟል። በአቡነ ጴጥሮስ ውስጥ
ጀግንነትን ልበ ሙሉነትን እምነትን እናስተውላለን። ደግሞም አንዳንድ ጊዜ
ይህቺ ሀገር በደም የቆመች መሆናን እናስተውላለን። አንዳንዱ ለትውልድ ብርሃን
አብርቶ ያልፋል ልክ እንደ አቡኑ አንዳንዱ ደግሞ ልክ አቡኑን እንደገደሉት
ባንዶች ብርሃኗን ያጠፋሉ። በቃ ይች ናት ኢትዮጵያ ። ብዙ ጀግኖች ደማቸውን
ያፈሰሱባት ብዙ ባንዳዎች ሀገርን የሸጡባት ምድር ኢትዮጵያ ።
አቡነ ጴጥሮስ ለዘሩ አልነበረም የሞተው። ለአንድ ሀይማኖቱ ለአንድ ሀገሩ
ነበር።
ምናለ አሁን ላይ የሀይማኖት አባቶቻችን የአቡኑን መንፈስ በተቀበሉ!?
ምናለ ትቂት እንኳ እምነትን ለህዝብ መሞትን በተማሩ!?
ምናለ ለእምነት መሞትን ከሱ በወረሱት!?
ሁሌም ከታሪክ የማንማር መሆኑስ አያስተዛዝብምን!?
እያልሁ ሁሌም ጀንበር ወደ ማደሪያዋ ስታሽቆለቁል ከሀውልቱ ስር አንገቴን ደፍቼ
እራሴን እጠይቃለሁ። እንባ በአይኖቼ እንደወረዱ የምሽቷን ጀንበር አንጋጥጬ
እመለከታለሁ።
እውነት የትኛው ነው!? ይህ ህያው ሀውልት ወይንስ ለስጋቸው የሞቱ እነዚያ
የሰሜን ባንዶች!?
እንጃ!!
ታላቁ ገጣሚ በውቀቱ ስዩም እንዳለው :- እውነትና ንጋት እያደረ እንግዳ ይሆን?
ይሄን መልስ አልባ ጥያቄየን እጠይቃለሁ።
ተስፋ እንዲሁም ህልም በውስጤ እያረገዝኩ። እንዲሁም ተስፋ ቢስ እሆናለሁ
ይሄን ድንቅ ሰው በሞት የነጠቀንን አረመኔ እያሰብሁ።
............................ . . . . . ... ... . . .
.
.
.
..
..
..
..
..
..
...
ምላሽ አልባ ጥያቄ?¿
ይነበብ መዝገቡ ነኝ! (Yinuka) ክፈት / አስተያየት ይስጡ

2022-07-26 12:20:59

ክፈት / አስተያየት ይስጡ

2022-07-23 20:52:00 ያች ምስኪን ነፍስ!!
... እነሆ የፈጠርኳትን ነፍሰ ገደልኳት። አይኔን ወደፈጠርኳቸው ፍጡር ስልከው ይህቺ አሳዛኝ ፍጥረቴ ብቻዋን ክልውስ ክልውስ ስትል አየኋት እና ፍፃሜዋን አደረስኩት። ደስታና ሀዘኗን አላውቅም። ሞቷን ግን አፈጠንሁት። ምናልባት ይህች ነፍስ ደስታዋ ላይ ይሆናል የቆጨሁባት። ወይም ሀዘኗ ላይ ይሆናል የገደልኋት። ህልሟን ሳታሳካ ብኩን አድርጊያትም ይሆናል። እሷን በማጣት የሚሰቃዩ ዘመዶች ይኖሩ ይሆናል ። ግን ሀዘናቸው ደስታቸው አይገባኝም። እነሱን ካልሆንሁ ይህቺን ምስኪን ነፍስ ህመሟን እና ደስታዋን ሁኜ ካልኖርኩት በእርግጥም አይገባኝም። ስለዚህ የፈጠርኳትን ነፍስ ያለምንም እርህራሄ ገደልኳት።
በሞቷ ለምን ገደልካት ብሎ የሚጠይቀኝ የለም። ማንም አይከሰኝም። ህይወት ስዘራባት ለምን አመጣሃት ብሎ የጠየቀኝ የለምና። ለምን ኑሯ ለምን እንደሞተች እንኳ በጉያዋ ያሉት አይረዷትም። እናም እላችኋለሁ የፈጠርኳቸውን ፍጥረቶች በሙሉ ተራቸውን እየጠበቅሁ እገላለሁ። በገደልሁት ምትክ ደግሞ ሌላ ህይወት እፈጥራለሁ። ህይወት አትቆምም እና.......
እነሆ ለዚች ነፍስ እኔ ፈጣሪ ነኝ። እርግጥ ነው ከመኖር ወደ አለመኖር በሰከንዶች ውስጥ ቀይሪያታለሁ። ሀይሌን ተጠቅሜ ህልሟን ነጥቂያለሁ። እንደራሴ ሳስበው እንዳንዴ ታሳዝነኛለች። ምናልባትም እኔ ከፈጣሪ የሞት ትዛዝ ቢላክብኝ ውስጤ ይረበሻል። ምንም ያህል ፈጣሪዋ ብሆንም ለኔም ፈጣሪ አለኝ። እኔንም ቀን ጠብቆ ና የሚለኝ። የፈጣሪነት ትርጉሙ የገባኝ ይህቺን ፍጥረት ፈጥሬ በምፈልገው መንገድ አስጉዤ መልሼ ስመለከታት በመንገዷ መገረሜ እና በቀላሉ ህይወት እንደሰጠኋት ህይወቷን በቀላሉ መንጠቅ መቻሌ ነው። ከህይወት ወደ ሞት ስቀይራት ከዚች ነፍስ በፀጥታ ስመለከተው ብዙ ጅምር ህልም ነበራት። የሀዘን ድር በዘመዶቿ ላይ ተብትቢያለሁ። ግን ምንም አይመስለኝ። አልፀፀትም ! ህልሟን እንድታሟላ እንዲሁም እንዲከሽፍ ዋናው መንሴኤ እኔ ብሆንም እኔ ነኝ ፈጣሪዋ። እኔ ስለሷ ሀጢያት እንዲሁም ስለሷ መጎሳቆል ደንታ የለኝም። ስለሷ ስል ከልጅልጇ በቃል መንገድ ተወልጄ በመስቀል አልቸነከርላትም። በተፈቀደላት መንገድ እንድትጓዝ አንዴ ቀርጫታለሁና!!!
እነሆ የፈጠርኳትን ነፍስ ገደልኳት።
እሰየው ገደልኳት
ከመኖር ወደ አለመኖር ቀየርኳት!
በሷ ሞት ምትክም ሌላ ባይተዋር ፍጥረት ፈጠርሁ!
ህይወት አትቆምምና.......
ወዳጆቼ የአለም ፍፃሜ አለ ቢሏችሁ አትመኑ! አለም በማይታወቅ ውህድ የተሰራ ነውና። አስቀያሚ ቅርፅ ብናስይዘውም ከጀርባው ብዙ ውብ ነገሮች አሉ። ማየት እስከምንፈልገው ብቻ እያዬን ህይወትን አስቀያሚ ቅርፅ አስያዝናት። ችግሩ ያለው ከማን መሰላችሁ? ከዚሁ ከእኛ አእምሮ ውስጥ ነው። አእምሯችን ጠማማ ነገሮችን ብቻ ያስባል። ጠማማ ሁነን ደግሞ ቀርተናል። አየህ የአለም ከፋቱ ይሄ ነው የአለም መጨረሻ ማለት። ከዚያ ውጭ አለም ታልፋለች ለሚለው አበባል ሳቅበትና በፌዝ ተመልከተው። ዓለም የምታልፈው አንተ ስታልፍ ብቻ ነው። የኔ አለም አኔ ነኝ። እኔ ሳልፍ ፍጥረት ብትቀጥልም የኔ አለም ለተምፃቱ ደረሰ እላለሁ። አለም ማለት አንተ ነህ። አለም ማለት አንቺ ነሽ!!
ይኑካ ነኝ ክፈት / አስተያየት ይስጡ

2022-07-20 19:14:06

ክፈት / አስተያየት ይስጡ

2022-07-20 15:09:10 ....አውቃለሁ የሰው ልጅ ከብዙ መልካም ነገሮች በበለጠ የሚያተኩረው በቅንጣት ስህተቶች ላይ ነው። ብዙ ደግነት የሰራህለት ሰው በዙ ፍቅር ያወረስከው ሰው በሰከንድ ስህተቶች እስከመጨረሻው አንተን ጨካኝ አረመኔ እንደሆንህ ሊያበስር ይችላል። አየህ የሰው ልጅ ማለት ምን ያህል ጨለማ እንደሆነን። አየህ የዚህ አለም ሰዎች ምን ያህል ክፉ እንደሆነን!? ተመልከት እዚያጋ ያለችዋ ልጅ ፣ የኔ ፍቅረኛ ነበረች ዛሬ ሌላ አፍቅራ ትከንፋለች!! አየህ ፍቅር ምርጫ ነው በዚህ ዘመን። ከኔ ጀምሮ ። ለምን ስህተት ላይ ብቻ ተመልካች ሁነን ቀረን?
የሰው ልጅ ብዙ መልካም ነገሮችን ብቻ ቢያተኩር አለም ምን አይነት ገፅታ ይኖራት ነበር መሰለህ!? ገነት የምንላትን አለም መፍጠር እንችል ነበር። ይህ አለም የስህተት ነው መሰለኝ!! እንዲያውም እንዲህ ስልህ የእውቁ ደራሲ የአዳም ረታ ንግግር ትዝ አለኝ።
ምን ይላል መሰለህ:- "ይህ ሀገር የስተት ነው። ሀንገር ጠላቶች ያሉት ከዚሁ ነው።
ሁሌም ስህተትን ለመምረጥ የሚሮጡ!!" ይለናል።
አንዳንዴ ይች አስመሳይ አለም ማለት ይሻኛል። ሁሉንም የስልጣኔ ጥግ ብትመለከት የማስመሰል ውጤትና ስህተት ላይ የተሰሩ የውጤት ሰለባዎች ናቸው። ችግሩ ያለ ከበዳዮቻችን ወይንም ከጨቋኞቻችን አደለም። ችግሩ ከዚህ ከአንጎላችን ውስጥ ነው። አእምሯችንን መጠየቅ አለብን ። ለምን እንዴት ሆነ እያለን ሁሌም እለት በእለት። በአለም ትልቁ ጦርነት ከራስ ጋር የሚደረግ ጦርነት ነው! ራሱን እንዳሸነፈ ሰው በምድር ማንም አሸናፊ የለም!! እራስህን ለማሸነፍ እና በልብህ ማሰብ መጀመርን መለማመድ አለብህ። እርግጥ ነው ይህ አለም የስህተት ነው መሰለኝ!!" አለና እንባ ባቀረሩ አይኖቹ አተኩሮ ተመለከተኝ። አውቀዋለሁ እሰን። መንፈሱ ይሄ አልነበረም። .......... ይቀጥላል

አለማቀፉ እብድ ይነበብ መዝገቡ ነኝ!! ክፈት / አስተያየት ይስጡ

2022-07-18 18:54:16 Watch "ከዚህ ፎቶ ከዚህ ፎቶ በስተጀርባ ድብቅ ሚስጥር! The hidden secret behind this photo!" on YouTube


ክፈት / አስተያየት ይስጡ

2022-07-15 19:05:27 ጊዜው ነው ያስከፋን
ጊዜው ነው ያስደፋን
አንገት አሰብሮ ዝቅ አርጎ ያስቀረን
ጊዜው ነው ሰዓቱ
የጅል ወቅት ሁኖብን
ጅል የፈነጨብን!
በዬ አመታቱ!!
ተምሮስ ነበረን
እሳቤስ ነበረን
በደናቁርት ምሃል ነደን ግን አለቀን!!
አውቃለሁ!
እራስን ሰቅሎ የሌሎችን ማውረድ
እውቀት እንዳልሆነ
አውቃለሁ
ሌሎችን ተሳድቦ
እራስን ላይ ክቦ
መመልከት መራር ነው።
ግና አንዳንድ ጊዜ
እውነታን መንገርም
ታላቅ ጥበብም ነው።
ጊዜው ነው የሰበረን
ጊዜው ነው የደፋን
የጊዜ ውላጆች
እኒያ ደናቁርቶች
እነሱ ያነፁት
እነሱ ያበጁት
የደናቁርት ቅፅር
አለምን ያጠረ የጊዜዎች ሚስጥር
መሪው ደናቁርት ነው
ተመሪውም ያው ነው!!
ከነዚያ ሰዎች ውስጥ
እኛም ተፈጥረን
አቦ ተሰቃየን።
ብንናገር እብዶች
ዝም ስንል ሞኞች
እንዲህ አየተሰጠን
ጊዜው ሰባበረን!!
አቦ ተሰቃየን ክፈት / አስተያየት ይስጡ