ዶ/ር ኃይለልዑል-ሀኪሙ

2022-11-09 09:47:30 ሰዎች ራሳቸውን ለምን ያጠፋሉ?

አንዳንድ ግለሰቦች ራስን ማጥፋት የሰይጣን ግፊት ፣የሞራል ግድፈት እና ጥጋብ ይመስላቸዋል::

ነገር ግን ራሳቸውን ለማጥፋት ሞክረው ከከሸፈባቸው ሰዎች መካከል ለድርጊታቸው እንደዋና ምክንያት አድርገው የሚያቀርቡት የጀርባ ታሪካቸው ሲጠና የአዕምሮ ህመም እንደነበረባቸው ጥናቶች ያሳያሉ::

ራሳቸውን ለማጥፋት ተጋላጭ የሆኑ እነማን ናቸው?

ራሳቸውን ለማጥፋት ከሚሞክሩ ግለሰቦች መካከል 95% የሚሆኑት ቢያንስ አንድ የአዕምሮ ህመም ሊኖርባቸው ይችላል::ከዚህ ዉስጥም 80% የሚሆነው ድብርት በሽታ(Major Depressive Disorder)ይሸፍናል::

-ጭንቀት
-ቋሚ የሆነ አካላዊ ህመም(የስኳር፣ የነርቭ ፣ የካንሰር ህመም )

-ብቻቸውን የሚኖሩ ፣ከሌሎች ሰዎች ድጋፍ የማያገኙ ፣ያላገቡ

-ከቤተሰብ አባል ዉስጥ ከዚህ በፊት ራሱን ያጠፋ ሰው ካለ

-ከዚ በፊት ራስን ለማጥፋት ሙከራ ያደረገ

-መጥፎ የህይወት ጠባሳ ያሳለፈ ( መደፈር ፣ጉልበት ብዝበዛ)

-እስረኞች

ራሱን ለማጥፋት ያሰበ ሰው እንዴት ልናውቅ እንችላለን?

እነዚህ ከታች የተዘረዘሩት ነገሮች ግለሰቡ ራሱን ለማጥፋት ሊጠቀማቸው የሚችሉት ነገሮች ስለሚሆን ቤተሰብ ጥንቃቄ ሊያደርግ ይገባል:-

-ከፍተኛ የሆነ ተስፋ የመቁረት ስሜት እንዳላቸው አዘውትረው መናገር ፤
-ህይወት አሰልቺ እና አድካሚ እንደሆነች መናገር ፤
-ለቤተሰብ ሸክም እንደሆኑ መሰማት፤

-ወደአልጋ ሲሄዱ ምነው ተኝቼ በቀረሁ ማለት፣

-ምነው ፈጣሪ ህይወቴን በወሰዳት የሚል ቃል መናገር፣

እንዴት መከላከል ይቻላል?

አንድ ሰው ራሱን ለማጥፋት ከሞከረ ወይንም ከላይ የተገለፁትን ሁኔታዎች ካሳየ የስነልቦና ባለሙያ ጋር በመውሰድ የድርጊቱን መንስኤ ምን እንደሆነ ምርመራ ቢደረግለት መልካም ነዉ።



ክፈት / አስተያየት ይስጡ

2022-11-08 09:39:40 ኮንዶሚኒየም ውስጥ የምትኖሩ ወላጆች እባካችሁ ተጠንቀቁ

ከታች የሚታየው ራጅ የአንድ #ህፃን ልጅን የታፋ አጥንት ስብራት የሚያሳይ ነው።

ታካሚያችን የሦስት ዓመት ዕድሜ ያለው ሲሆን ከሁለት ቀናት በፊት እዚሁ አዲስ አበባ ውስጥ ከሚኖርበት #ኮንዶሚኒየም ህንፃ በር (ኮሪደር) ላይ ሲጫወት ከሁለተኛ ፎቅ ላይ በመውደቁ ምክንያት እንደሚታየው የታፋ አጥንት ከፍተኛ ስብራትን ጨምሮ የጭንቅላት ጉዳትም ደርሶበታል

በአሁኑ ሠአት ራሱንም ስለማያውቅ ህይወቱን ለማትረፍ ርብርብ እየተደረገ ነው።

ኮንዶሚኒየም ውስጥ የምትኖሩ ሠዎች ከተከሰተው እጅግ አሳዛኝ አደጋ ትምህርት በመውሰድ ፣ ለልጆቻችሁ ልዩ ጥንቃቄ ማድረግ እና ኮሪደሩ ላይ ያለው ብረት ህፃን ሊያሾልክ የሚችል ስፋት እንደሌለው ማረጋገጥ እንደሚኖርባችሁ አስታውሱ።

መረጃውን ለሌሎችም በማሰብ ያጋሩ

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ

2022-11-07 19:25:24 ቡና ሁሌ መጠጣት ለጤናችን ጥቅም ወይስ ጉዳት ?

በቀን ምን ያህል ሲኒ ቡና ይመከራል ?

ሙሉ መልክቱን ለማየት ከታች ያለዉን ሊንክ ይጫኑ





ክፈት / አስተያየት ይስጡ

2022-11-07 13:29:20 በወር አበባ ጊዜ የሚከሰት ሕመም

ሴቶች የወር አበባ በሚያዩበት ጊዜ የሕመም ስሜት ሊከሰትባቸው ይችላል፡፡

የሕመሙ መጠን ከሰው ሰው የሚለያይ ሲሆን አንዳንዴም የእለት ኑሮን እስከማቃወስ ይደርሳል፡፡

በወር አበባ ጊዜ የሕመም ስሜት እንዲሰማ ተጋላጭነትን የሚጨምሩ ሁኔታዎች

• ዕድሜ ከ30 ዓመት በላይ
• ጊዜውን ጠብቆ የማይመጣ ከሆነ
• ልጅ ያልወለዱ ከሆነ
• በወር አበባ ጊዜ ከፍተኛ ሕመም የሚሰማው የቤተሰብ አባል ካለዎት
• ሲጋራ የሚያጨሱ ከሆነ ናቸዉ፡፡

በወር አበባ ጊዜ የሚከሰቱ የሕመም ምልክቶች?

• የሆድ ቁርጠት
• የማያቋርጥ ከዕምብርት በታች ያለ የሕመም ስሜት
• ወደ ጀርባ ወደምጥ የሚሄድ ዓይነት ስሜት
ከዚህ በተጨማሪ አንዳንድ ሴቶች
• የማቅለሽለሽ
• ተቅማጥ
• የራስ ምታት
• ማዞር የመሳሰሉት ሊኖራቸው ይችላል፡፡

በወር አበባ ጊዜ የሚከሰትን ሕመም ለማስታገስ?

• የሞቀ ውኃ ያለበትን የውኃ መያዣ ላስቲክ በሆድዎ አካባቢ ማስቀመጥ የሚሰማዎን ሕመም ያስታግሳል
• የአልኮል መጠጦችንና ሲጋራ ማጨስን መስወገድ
• ጭንቀትን በተቻለ መጠን መቀነስ
• ለሕመም ማስታገሻነት የሚጠቅሙ መድኃኒቶችንም መጠቀም ናቸው፡፡

የህመም ስሜቱ እጅግ ከፍተኛ ከሆነ እና ለህመሙ መንስኤ በህክምና የተረጋገጠ ምክንያት ካለ ከሀኪምዎ ጋር መማከር እና ተገቢዉን ህክምና ማድረግ ይመከራል፡፡

ጤና ይስጥልኝ

እባክዎን ለወዳጅዎ ያካፍሉ!!

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ

2022-11-06 20:24:58 ቡና ካንሰር የሚያመጣው ምን ሲሆን ነዉ?

ቡና ሁሌ መጠጣት ለጤናችን ጥቅም ወይስ ጉዳት ?

በቀን ምን ያህል ሲኒ ቡና ይመከራል ?

ሙሉ መልክቱን ለማየት ከታች ያለዉን ሊንክ ይጫኑ





ክፈት / አስተያየት ይስጡ

2022-11-06 15:24:59 የዓይንዎ ጤነንት ለመጠበቅ

1) ዓይንዎን በንፁኅ ውሃ መታጠብ

2) ፀሐይንም ሆነ ሰው ሠራሽ የሚያበሩ ጨረሮችን በቀጥታ በዓይንዎ አላማየት
ቀጥተኛ ጨረር በቀጥታ መመልከት ዓይንዎን ለአደጋ ያጋልጣል፡፡

3) ኮምፒዩተር ተጠቃሚ የሆነ ሰዉ ከ22 እስከ 28 ኢንች ያህል ርቆ መቀመጥ ይኖርበታል፡፡
በጣም ቀርቦ ማየትም ሆነ እጅግ ርቆ ማየት ለዓየን ችግር ይዳርጋል፡፡

4) ዓይንዎን በየ20 ደቂቃው ለ20 ሰኮንዶች ከኮምፒዩተር አንስተው ያሳርፉ፡፡አንዳንዴም ዓይንዎን ወደላይ ወደታች እና ወደጎን በማድረግ ያንቀሳቅሱ፡፡

5) በዓይንዎ ላይ ያልተለመዱ ለውጦችን ካስተዋሉ ወደ ሕክምና ቦታ በመሄድ ለሐኪም ያሳዩ፡፡

ጤና ይስጥልኝ

እባክዎን ለወዳጅዎ ያካፍሉ!!

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ

2022-11-04 07:56:47 የጥርስ መቦርቦር እና መፍትሄዉ

የጥርስ መቦርቦር የሚከሰተው በአፋችን ውስጥ የሚገኙ ጀርሞች (ባክቴሪያ) ጥርሳችንን የሚያበሰብሱ አሲዶችን በሚያመነጩበት ጊዜ ነው፣

የጥርስ መቦርቦር እንዴት ይከሰታል?

- በጥርስ ላይ ተለጥፈው የሚቀሩ ምግቦች ካልተፀዱ ይከማቹና የባክቴሪያዎች መራቢያ እና ምግብ ይሆናሉ። ባክቴሪያዎች በሚመገቡ ጊዜ ከውስጣቸው አሲድን ይረጫሉ፣ ይህም ጥርሳችን እንዲቦረቦርና እንዲበሰብስ ያደርጋል።

ለጥርስ መቦርቦር የሚያጋልጡ ሁኔታዎች

- ጥርስን በሚገባና በመደበኛ ሁኔታ አለማፅዳት
- ጣፋጭነት የበዛባቸው ምግቦች ማዘውተር
- የፍሎራይድ እጥረት መኖር
- በህመም ወይንም በተለያዩ መድሀኒቶች ምክንያት የአፍ ድርቀት ሲኖር
- ሲጋራን ማጤስ ናቸው።

የጥርስ መቦርቦር የሚያስከትላቸው ምልክቶች

- የጥርስ ህመም ስሜት
- በተጎዳው ጥርስ አካባቢ የድድ ማበጥ
- መጥፎ የሆነ የአፍ ጠረን መኖር
- በጥርስ ላይ ነጭ፣ ግራጫ፣ ቡኒ ወይንም ጥቁር ቀለማት የያዙ የተቦረቦሩ ቦታዎች መኖር ናቸው።

የጥርስ መቦርቦርን እንዴት መከላከል ይቻላል?

* ጥርስዎን በቀን ውስጥ ቢያንስ ሁለት ጊዜ (ከቁርስ በኃላ እና ከመተኛትዎ በፊት)

* በማንኛው ግዜ ምግብ ከተመገቡ በኃላ አፍዎን በንፁህ ውሀ በሚገባ መጉመጥመጥ

* ከእንቅልፍ በፊት ጥርስዎን ከታጠቡ በኃላ ምንም አይነት ምግብ አለመመገብ

* ጣፋጭ የበዛባቸው ምግቦችን አለማዘዉተር

* በዓመት አንድ ጊዜ ጥርስዎን በባለሞያ ማሳጠብና ማስመርመር

ጤና ይስጥልኝ

እባክዎን ለወዳጅዎ ያካፍሉ!!

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ

2022-11-03 08:47:42 መጥፎ የአፍጠረንን ለመከላከል ወይንም ለመቀነስ ማድረግ ያለብዎትን ያውቃሉ?

1) የአፍዎን ንጽህና በሚገባ ይጠብቁ፡- ጥርስዎን ቢያንስ በቀን ሁለት ጊዜ ማጽዳት እንዳለብዎ ይወቁ ከተቻለ ከምሳ በኋላም ለማጽዳት የጥርስ ብሩሽና የጥርስ ሳሙና በቦርሳዎ በመያዝ ጥርስዎን ያፅዱ፡፡ እንዲሁም የጥርስ ብሩሽዎን በየ3ወሩ መቀየር እንዳለብዎ

2) ፈሳሽ በብዛት ይውሰዱ፡- ውሃን መጠጣት በአፍ ውስጥ እርጥበትን ሰለሚፈጥር በብዛት እንዲወስዱ ይመከራል፡፡ ከስኳር ነፃ ሆኑ ማስቲካዎችና ከረሜላዎች መውሰድ በአፍ ውስጥ (Saliva) ምራቅ እንዲመነጭ በማድረግ በአፍ ውስጥ የቀሩ ምግብና ባክቴሪያዎችን እንዲያጥብ ያደርጋል፡፡

3) ሲጋራን ማጤስ ማቆም፡- ሲራጋ ማጤስ ለመጥፎ የአፍ ጠረን መኖር ምክንያት ስለሚሆን ማቆም ይኖርብዎታል፡፡

4) የሚወስዱትን ምግብ ወይንም መድኃኒት መጥፎ የአፍ ጠረን እንደሚያመጣብዎ ካወቁ ወደጥርስ ሐኪምዎ በመሄድ ማሳየት ተገቢ ነው፡፡

5) የጥርስ ሐኪምዎን በዓመት አንዴ እንዲያይዎት ማድረግ እንዲሁም በሕክምና የታገዘ ባለሙያዊ የጥርስ ዕጥበት በዓመት አንድ ጊዜ ማድረግ መጥፎ የአፍ ጠረን እንዳይኖር ያደርጋል፡፡

ጤና ይስጥልኝ

እባክዎን ለወዳጅዎ ያካፍሉ!!

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ

2022-11-02 20:14:32 የሆድ ድርቀትን ለመከላከል ምን እንመገብ?

በፋይበር የበለጠጉ ምግቦችን ማዘውተር( አታክልት፤ ፍራፍሬ እና የስንዴ ዘር የመሳሰሉትን እና ጥራጥሬ መመገብ

ፈሳሽ በብዛት መውሰድ ነገር ግን ቡና እና የአልኮል መጠጦችን በከፍተኛ ሁኔታ መቀነስ

ቴምር በከፍተኛ ሁኔታ ድርቀትን ይከላከላል ሳያበዙት ይመገቡ

የአካል ብቃት እንቅስቃሴ ማድረግ፤
ሠገራ በሚመጣበት ጊዜ ማስወገድ፤
ምግብን በዝግታ እና በሚገባ አኝከው መመገብ

ሰዓትዎን ጠብቆ መመገብ
ቅባትነት እና ጣፋጭነት የበዛበትን ምግብ አለመመገብ

እነዚህን በመተግበር የሆድ ድርቀትን መከላከል ይችላሉ

ጤና ይስጥልኝ

እባክዎን ለወዳጅዎ ያካፍሉ!!

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ

2022-11-01 09:07:13 የአጥንት መሳሳትን ለመከላከል

1) የአልኮል መጠጥ አለመውሰድ ምክንያቱ የሰውነታችንን ካልሲየም መጠን ስለሚቀንስ

2) ሲጋራን ማጤስ ማቆም ምክንያቱ በደም ውስጥ የሚገኝን ካልሲየም መጠን እንዲሁ ስለሚቀንስ

3) ወተት እና የወተት ተዋጽኦ የሆኑ ምግቦችን ማዘውተር

4) በካልሲየም የበለፀጉ ምግቦችን መመገብ ለምሳሌ፣ ቆስጣ እና አሣ የመሣሠሉትን

5) የጠዋት ፀሐይን መሞቅ ይህም ቫይታሚን ዲ እንዲመነጭና ካልሲየም በሰውነታችን እንዲወስድ ይረዳል

6) የሚወስዱትን የካፊን መጠን ይቀንሱ ምክንያቱም ካፊን ካልሲየም ከሰውነታችን እንዲወጣ ስለሚያደርግ ነው

7) ቀለል ያለ የአካል ብቃት እንቅስቃሴ ያድርጉ ይህም ሰውነትዎን ጥንካሬ እና መፍታታትን ስለሚሰጥ በቀላሉ ወድቀው ለስብራት እንዳይጋለጡ ይረዳል

8) ወደ ሐኪም በመሄድ ቅድመ ምርመራ ያድርጉ በተለይ ከ65 ዓመት ዕድሜ በላይ ያሉ ሴቶች ምርመራ ቢያደርጉ ይመከራል፡

እባክዎን ለወዳጅዎ ያካፍሉ!!

የዶክተርን ትክክለኛ የዩትዩብ ገፅ subscribe በማድረግ ቤተሰብ ይሁኑ።



ክፈት / አስተያየት ይስጡ