Arif Neger

2023-03-30 10:22:11 በዩክሬኑ ጦርነት ሩሲያ ከሰራዊቷ ይልቅ ሰላዮቿ የበለጠ ውጤታማ እንደሆኑ ተነገረ

የሩሲያ የስለላ ኤጀንሲዎች ጦርነቱ ከመጀመሩ በፊት ከአውሮፓውያኑ ሰኔ 2021 ጀምሮ ለወረራው ዝግጅት ያደርጉ እንደነበር ነው የሮያል ዩናይትድ ሰርቪስ ኢንስቲትዩት፣ ሩሲ ያስታወቀው።

የዩክሬን የስለላ ባለስልጣናት፣ የተጠለፉ መረጃዎች እንዲሁም መሬት ላይ የተደረጉ ምርመራዎችም በዚህ ሪፖርት ተካትተዋል።

ተመራማሪዎች እንደሚሉት የሩስያው የስለላ ተቋም የመንግሥትን ኮምፒውተሮች በመፈተሽ የዩክሬን ደጋፊ ግለሰቦችን ለመለየት እንዲሁም ለመያዝና ለመመርመር ጥቅም ላይ አውለዋቸዋል ተብሏል።

የሩሲያ የደኅነት አገልግሎት ከወረራው በፊት በዩክሬን ውስጥ ሰፊ የስለላ ኔትወርክ በመዘርጋት ምልመላ ማካሄዱን እንዲሁም ከወረራው በኋላ ለጦሩ ትልቅ ድጋፍ ሰጪ ሆኖ መቀጠሉ ግልጽ ሆኗል። ይህም በደህንነቱ ዘርፍ ለሩሲያ ኃይሎች የማያቋርጥ የመረጃ ምንጭ ሆኖ ቀጥሏል” ብለዋል ክፈት / አስተያየት ይስጡ

2023-03-28 14:11:27 በአሜሪካ በአንድ ትምህርት ቤት በቀድሞ ተማሪ በተከፈተ ተኩስ ስድስት ሰዎች ተገደሉ

በአሜሪካዋ ቴኔሲ ግዛት፣ ናሽቪል ከተማ በሚገኝ ትምህርት ቤት ውስጥ በቀድሞ ተማሪ በተከፈተ ተኩስ ሦስት ሕጻናት እና ሦስት ሠራተኞች ተገደሉ።

ግድያውን በመፈፀም የተጠረጠረችው በተፈጥሮ ያገኘሁኝ ጾታ አይወክለኝም በሚል ትራንስ ጀንደር ሴት ነኝ ያለችው የ28 ዓመቷ ኦድርይ ሃሌ መሆኗን ፖሊስ ገልጿል።

በከፊል አውቶማቲክ የሆነ የጦር መሣሪያን ጨምሮ ሦስት ሽጉጦችን ታጥቃ ጥቃቱን ስትፈፅም የነበረችው ሃሌ፣ በኋላ ላይ በፖሊስ በተተኮሰባት ጥይት ተገድላለች

#ArifNeger

#Ethiopia #Ethiopiannews  #ዜና #News

ለፈጣን መረጃዎች
ዩትዩብ: https://youtube.com/@Arifneger24

ቲክቶክ: https://www.tiktok.com/@arifneger24

ቴሌግራም: https://t.me/arifnegermedia

ፌስቡክ፡ https://www.facebook.com/Arifnegermedia/

አብራችሁን ስለሆናችሁ እናመሰግናለን! ክፈት / አስተያየት ይስጡ

2023-03-28 10:16:48 ሰሜን ኮሪያ አዲስ የኑክሌር ተተኳሽ ይፋ አደረገች

የሀገሪቱ መሪ ኪም ጆንግ ኡን በሀገሪተቱ የኑክሌር ደረጃ ያላቸው መሳሪያዎች ምርት እንድታሳድግ ጥሪ ባቀረቡበት ወቅት ነው

ሰሜን ኮሪያ አዳዲስ እና ትናንሽ የኑክሌር ተተኳሾችን ይፋ ያደረገችው የሀገሪቱ መሪ ኪም ጆንግ ኡን በሀገሪተቱ የኑክሌር ደረጃ ያላቸው መሳሪያዎች ምርት እንድታሳድግ ጥሪ ባቀረቡበት ወቅት ነው።

ኪም የኑክሌር ጦር መሳሪያ ኢንስቲትዩትን በጎበኙበት ወቅት ሂዋሳን-31 የሚል ስያሜ የተሰጣቸው ተተኳሾች ይፋ አድርገዋል፣በሚሳኤል ላይ ተቸኳሽ የሚጠመድበትን አዲስ ታክቲካል ኑክሌር ጦር መሳሪያ እና ቴክኖሎጂን እንዲሁም የኒውክሌር ፀረ ጥቃት ኦፕሬሽን እቅዶችን መርምሯል።

ኪም የኒውክሌር ጦር ኃይሉን ለማሳደግ እና ኃይለኛ መሳሪያዎችን ለማምረት "አርቆ አስተዋይ በሆነ መንገድ" የጦር መሣሪያ ደረጃ እንዲመረት የኮሪያው ኬሲኤንኤ  ዘግቧል። 

የሰሜን ኮሪያ የጦር መሳሪያ የማስፋፋት ፖሊሲ ሀገሪቱን ለመከላከል እና ቀጣናዊ ሰላምና መረጋጋትን ለመከላከል ያለመ ነው ብለዋል ኪም። ክፈት / አስተያየት ይስጡ

2023-03-28 08:33:38

ክፈት / አስተያየት ይስጡ

2023-03-28 08:32:53 ሩሲያ አማርኛ ቋንቋን በትምህርት ቤቶቿ ልታስተምር መሆኑ አስታወቀች።

ሞስኮ ከቀናት በፊት ባስተናገደችው የሩሲያ-አፍሪካ አለም አቀፍ የፓርላማ ጉባኤ ላይ የሞስኮ ስቴት ዩኒቨርሲቲ የእስያና አፍሪካ ሀገራት ኢንስቲትዩት ዳይሬክተር አሌክሲ ማስሎቭ ይፋ እንዳደረጉት የሩሲያ ት/ቤቶች አፍሪካዊ ቋንቋዎችን በትምህርት አይነትነት መስጠት እንደሚጀምሩ መግለፃቸውን የዘገበው TASS ነው።

በዚህም የስዋሂሊ እና አማርኛ ቋንቋዎች ትግበራ የሚጀመር ይሆናል ነው ያሉት የኢንስቲትዩቱ ዳይሬክተር። ቋንቋዎቹ ከዚህ ቀደም በሩሲያም ሆነ በሶቪየት ኅብረት ዘመን በትምህርትነት ያልተሰጡ ናቸው ያሉት አሌክሲ ማክሎቭ አክለው እንደገለፁት "ሀገረ ሩሲያ፣ የአፍሪካዊያንን እሳቤና መሰረታዊ የዕድገት ዘይቤዎች ለመረዳትና አህጉረ አፍሪካም ትልቅና አንድነት ያላት መሆኗን መረዳት የሚችል አዲስ ትውልድ በማፍራት ላይ ናት። ክፈት / አስተያየት ይስጡ

2023-03-27 11:29:25 የእስራኤል ጠቅላይ ሚኒስትር የመከላከያ ሚኒስትሩን ከሃላፊነት አነሱ

የጠቅላይ ሚኒስትሩ ፅህፈት ቤት የመከላከያ ሚኒስትሩ ዮቭ ጋላንት ከሃላፊነታቸው መነሳታቸውን አስታውቋል፣ ይሁን እንጂ መግለጫው ሚኒስትሩ ከስራ የተሰናበቱበትን ምክንያት አልጠቀሰም።

የኔታንያሁ ሊኩድ ፓርቲ አባል የነበሩትና የቀድሞው ጀነራል ከሰሞኑ በቴሌቪዥን የሰጡት አስተያየት ግን ለስንብታቸው ምክንያት እንደሚሆን ሬውተርስ ዘግቧል።

ጠቅላይ ሚኒስትር ኔታንያሁ ማሻሻያው የፍትህ ተቋማትን ከፍ ያለ ጣልቃገብነት በመቀነስ የህግ አስፈፃሚ እና ተርጓሚውን ስልጣን ሚዛናዊ ያደርጋል ብለዋል።

ተቃዋሚዎች ግን ህጉ ቀኝ ዘመሙ ጥምር መንግስት የስልጣን ክፍፍልን በመናድ ወደ አምባገነንነት እያንደረደረው ነው እያሉ ነው። ክፈት / አስተያየት ይስጡ

2023-03-27 10:29:21 ሞስኮ በአየር ክልሌ ሲበር የነበረን የዩክሬን ድሮን መትቼ ጣልኩ አለች

በሩሲያ አየር ክልል ውስጥ ገብቶ የነበረን የዩክሬን ሰው አልባ አውሮፕላን መትታ መጣሏን አስታወቀች።

የሩሲያ አየር መከላከያ በይፋዊ የቴሌግራም ቻናሉ፣ የዩክሬን ሰው አልባ አውሮፕላን ወደ ሞስኮ ድንበር 400 ኪሎ ሜትር ያህል ዘልቆ ከገባ በኋላ ትናንት እሁድ ተመትቶ ወድቋል ብሏል።

የሩሲያ አየር ኃይል በአየር ክልሌ ሲበር የነበረውን ሰው አልባ አውሮፕላን መትቼ ስጥል በወደቀበት ኪሬዬቨስክ ከተማ ትልቅ ጉድጓድ ፈጥሯል ብሏል።

አየር ኃይሉ ተግባራዊ ያደረጉት ፖል-21 የተባለ ሥርዓት የዩክሬን ሰው አልባ አውሮፕላን የበረራ ሥርዓትን በማወክ ተመትቶ እንዲወድቅ አድርጓል ብሏል። ክፈት / አስተያየት ይስጡ

2023-03-27 09:00:20

ክፈት / አስተያየት ይስጡ

2023-03-27 08:59:30 በቱኒዚያ የባሕር ዳርቻ ጀልባዎች ሰጥመው ቢያንስ 29 ስደተኞች ሞቱ

በቱኒዚያ የባሕር ዳርቻ በሰዓታት ልዩነት ውስጥ ቢያንስ ሁለት ጀልባዎች ሰጥመው ቢያንስ 29 ስደተኞች መሞታቸውን ባለሥልጣናት አስታወቁ።

ከሰሃራ በታች ካሉ አገራት የመጡ ናቸው የተባሉት ስደተኞቹ አውሮፓዊቷ አገር ጣሊያን ለመግባት የሜዴትራኒያን ባሕርን ለማቋረጥ ሲሞክሩ ነው አደጋው የደረሰው።

ይህ በእንዲህ እንዳለ በላምፔዱሳ ደሴት ያሉ የጣሊያን ባለሥልጣናት ባለፉት 24 ሰዓታት ከዚህ ቀደም ከተመዘገበው ከፍተኛ ነው የተባለ 2 ሺህ 500 ስደተኞች በሥፍራው ከደረሱ በኋላ ጉዳዩ አሳሳቢ መሆኑን ተናግረዋል።

እንደ የተባበሩት መንግሥታት ከሆነ በዚህ ዓመት በጣሊያን የባህር ዳርቻ የደረሱ ቢያንስ 12 ሺህ ስደተኞች ከቱኒዚያ የተነሱ ናቸው። ይህ ቁጥር በባለፈው ዓመት በተመሳሳይ ወቅት 1 ሺህ 300 ነበር።

የአሜሪካው የውጭ ጉዳይ መሥሪያ ቤት ኃላፊ አንቶኒ ብሊንከን ቱኒዚያ ከአይኤምኤፍ ጋር በአስቸኳይ የገንዘብ ድጋፍ ስምምነት ላይ መድረስ እንዳለባትም አስጠንቅቀዋል።

#ArifNeger

#Ethiopia #Ethiopiannews  #ዜና #News

ለፈጣን መረጃዎች
ዩትዩብ: https://youtube.com/@Arifneger24

ቲክቶክ: https://www.tiktok.com/@arifneger24

ቴሌግራም: https://t.me/arifnegermedia

ፌስቡክ፡ https://www.facebook.com/Arifnegermedia/

አብራችሁን ስለሆናችሁ እናመሰግናለን! ክፈት / አስተያየት ይስጡ

2023-03-26 14:02:01 ሩሲያ የኑክሌር ጦር መሳሪያዎቿን ቤላሩስ ውስጥ ልታጠምድ ነው

ሩሲያ ስልታዊ የኑክሌር ጦር መሳሪያዎቿን በአጋሯ እና በጎረቤቷ ቤላሩስ ውስጥ በማንኛው ጊዜ እንዲተኮሱ ለማድረግ እንደምታጠምድ ፕሬዝዳንት ቭላድሚር ፑቲን አስታወቁ።

ፕሬዝዳንት ፑቲን አሜሪካ የኑክሌር ጦር መሳሪያዎቿን በአውሮፓ አገራት ውስጥ ማሰማራቷን በመጥቀስ፣ ይህ የሩሲያ ውሳኔ የኑክሌር ጦር መሳሪያን ለሌላ አገር ላለማስተላለፍ የተደረሰውን ስምምነት የሚጥስ አይደለም ማለታቸውን የሩሲያ የመንግሥት መገናኛ ብዙኃን ዘግበዋል።

የአሜሪካ የመከላከያ መሥሪያ ቤት ባወጣው መግለጫ ላይ “ያሉንን ስልታዊ የኑክሌር ጦር መሳሪያዎችን አቀማመጥ ለማስተካከል የሚያስገድደን ምንም ምክንያት አይታየንም” ብሏል።

የጦር መሳሪያዎቹ የሚጠመዱባት የቤላሩስ መንግሥት ጠንካራ የሩሲያ ወዳጅ ሲሆን፣ በዩክሬን ላይ የፈጸመችውንም ወረራ ይደግፈዋል።

ይህ የሩሲያ ውሳኔ የተለየ እንዳልሆነ የጠቀሱት ፑቲን “አሜሪካኖች ተመሳሳይ ነገር ለአስርት ዓመታት ሲያደርጉ ቆይተዋል። ስልታዊ የኑክሌር ጦር መሳሪያዎቻቸውን ከረጅም ጊዜ በፊት ነው በወዳጆቻቸው አገራት ግዛት ውስጥ ያሰማሩት” ብለዋል።

በዚህ የሩሲያ እርምጃ ከ30 ዓመታት ወዲህ ሩሲያ ከግዛቷ ውጪ የኑክሌር የጦር መሳሪያ ማስወንጨፊያ ማዕከል ሲኖራት የመጀመሪያው ይሆናል ተብሏል።

#ArifNeger

#Ethiopia #Ethiopiannews  #ዜና #News

ለፈጣን መረጃዎች
ዩትዩብ: https://youtube.com/@Arifneger24

ቲክቶክ: https://www.tiktok.com/@arifneger24

ቴሌግራም: https://t.me/arifnegermedia

ፌስቡክ፡ https://www.facebook.com/Arifnegermedia/

አብራችሁን ስለሆናችሁ እናመሰግናለን! ክፈት / አስተያየት ይስጡ