Amen Electrical Technology Official®

2023-04-04 16:39:00 #የኤሌክትሪክ_አክሰሰሪዎች_ከመሬ_ወይም_ከወለል_ያላቸው_ከፍታ (Electrical Accessories Height from the floor):-
========================
የተከበራችሁ የአሜን ኤሌክትሪካል ቴክኖሎጂ ቤተሰቦች የዕለቱን ትምሀርት ከመጀመራችን በፊት  ሰሞኑን ስለጠፋን ከልብ ይቅርታ እንጠይቃለን።  በጣም ይቅርታ ብዙዎቻችሁ ጠፋችሁ አቆማችሁት ወይ?  እያላችሁ ስጠይቁን ነበር ። በጭራሽ እናንተ እሰከወደዳችሁት ድረስ አናቆምም። ባለችን ትርፍ ሰዓት ተጠቅመን የምናውቀውን ለማካፈል በጣም ደስተኞች ነን። ነገር ግን በስራ መደራረብና በተለያዩ የግል ምክንያቶች ቶሎ ቶሎ ላንገባ እንችላለን። ይህን ደግሞ እንደምትታገሱን እርግጠኞች ነን። ስለምትታገሱንም ምስጋናችን ከፍያለ ነው። 
አሁን በቀጥታ ወደ ትምህርቱ ስንገባ የኤሌክትሪክ አክሰሰሪዎች ማለትም ማብሪያና ማጥፊያ፣ ሶኬት፣ ቆጣሪ፣ ዲስትሪቢዩሽን ቦርድ ወ.ዘ.ተ. ከወለል  ያላቸውን ከፍታ ነው የምናየው።
ብዙዎቻችሁ ስለነዚህ አክሰሰሪዎች ትክክለኛ ቦታ ለማወቅ ብዙ መፅሐፍ አንብባችሁ ይሆናል፤ ምናልባት ትክክለኛ መረጃ አላገኝ ብላችሁ ግራ ተጋብታችሁ ይሆናል፤ ወይም ደግሞ አንፃራዊ  ትክክለኛ ቦታውን አውቃችሁ የምትሰሩም ትኖራላችሁ። ጭራሹንም ደግሞ ስለ አቀማመጡ ግድ የማይሰጣችሁ አስባችሁትም የማታውቁ መስራቱ ላይ ብቻ ትኩረት የምታደርጉ ትኖራላችሁ። ሁላችሁም ተከታተሉን መልሱን ታገኛላችሁ።
አሜሪካን ሀገር የሚገኘው "ብሔራዊ የኤሌክትሪክ ደንብ" ወይም "National Electrical Code" የተባለው የግል ድርጅት ስለሁሉም ጥቃቅን የሚባሉት እንኳን ሳይቀሩ በስፋት ህጎችንና መመሪያዎችን አስቀማጧል። አሁንም የአለማችን ሀገሮች እየተጠቀሙበት የገኛሉ።  ነገር ግን የኤሌክትሪክ አክሰሰሪዎች ከወለል ስላላቸው ከፍታ ምንም ያለው ነገር የለም።
"አለም አቀፍ የኤሌክትሪክ ደንብ" "International Electrical Code" ቢሆንም ግለፅ የሆነ የኤሌክትሪክ አክሰሰሪዎች ከወለል ስላላቸው ከፍታ ያስቀመጠው ነገር የለም።
"የኢትዮጵያ ህንፃ ደንብ መመሪያ" ወይም "Ethiopian Building Code standard" የሚለው መፅሃፍም ምንም እንኳን የኢትዮጵያ የኤሌክትሪክ ህጎች በዚህ መፅሐፍ የሚዳኙ ቢሆንም አብዛኞቻችሁ እንዳያችሁትና ከስሙም እንደምንረዳው ለግንባታ/ለሲቪል ስራው ብቻ የተዘጋጀ ነው የሚመስለው ፤ ለማንበብ ስትሞክሩም እንቅልፍ ጠሪ ነው ። ራሱን የቻለ የኤሌክትሪክ ህግ የለም በዛ ላይ ኢትዮጵያ ውስጥ የኤሌክትሪክ  ስራውም ተጠቅልሎ ለሲቪል ምህንድስናው ተሰቷል። እንኳን ስለኤሌክትሪክ አክሰሰሪዎች  ከወለል ስላላቸው ከፍታ ሌሎች ህጎችም መፅሐፉ ላይ የተጠቀሱት በግልፅ አልተቀመጡም።
ስለዚህ የኤሌክትሪክ አክሰሰሪዎች  ከወለል ያላቸው ከፍታ እነዚህ ደንቦችና መመሪያዎች ላይ  ካልተጠቀሰ ለምን ከፍታቸውን ማወቅ አስፈለገ? ለምን እንደፈለግን አንዘረጋቸውም/አናስራቸውም?
መለሱም አዎ በግልፅ የተቀመጠው ህግ ያላቸው ሀገሮች ሊኖሩ ቢችሉም። እንደምሳሌ በተጠቀሱት ላይ ግልጽፅ የሆነ ህግ የለም። ነገር ግን ለእይታ እንዳይደብር በማሰብ፣ ለመጠቀም ለሁሉም አምች እንዲሆን፣ አደጋን ለመቀነስ በማሰብ እንዲሁም  አቅመደካምችን፣ ህፃናትንና አካል ጉዳተኞችን ግምት ውስጥ በማስገባት የተለመደ የከፍታ መጠን አለ።
ስለዚህ የኤሌክትሪክ አክሰሰሪዎች  ከወለል ያላቸው ከፍታ የስምምነት ወይም የምርጫ ጉዳይ ነው። ነገር ግን በጣምም ከፍም ሆነ ዝቅ ማለት የለባቸውም የተለየ ፍላጎት ከሌለ በስተቀር። በተቻለ መጠን ፊት ለፊት የሚታይና ለአጠቃቀም ምቹ ማድረግ ነው። በብዛት የምንጠቀምበት የተለመደ ከፍታ አለ እሱን ከማየታችን በፊት የበለጠ ትኩረት ስለሚገባን ነጥቦች እንይ:-
አንዴ በጀመርነው ከፍታ መጨረስ። ይህ የአብዛኛው ሙያተኛ ችግር ነው። ነገር ግን መሆን ያለበት ቦታ ላይ  በተለያየ ምክንያት ማድረግ ካልቻልን ትንሺ ከፍ ወይም ዝቅ ልናደርግ እንችላለን። 
በተቻለ መጠን አክሰሰሪዎች ተመሳሳይ ቀለም፣ መጠንና ቅርፅ  እንዲኖራቸው ማድረግ
ስንገጥም ውሃ ላክችን መጠበቅ መንጋደድ የለበትም። ትንሽም ቢሆን።
point ለመጨመር ወይም ለመቀነስ ተብሎ ለይታ ደስየማይልና ከተለመደው አስራር ውጭ በፍፁም አለመስራት።
ለአቅመ ደካሞች(ለሽማግሌዎችና ለአዛውንቶች)ና ለአካል ጉዳተኞች ሲባል ሶኬቶችን በጣም ዝቅ ማለት የለባቸውም፤ ማብሪያ ማጥፊያዎች ደግሞ በጣም ከፍ ማለት የለባቸውም።
በተቻለ መጠን በጣም ህፃን ልጆች ካልሆኑ በስተቀር ሁሉም የቤተሰብ አባል እራሳቸውን ችለው አገልግሎቱን ማግኘት እንዲችሉ ማድረግ።
አዲስ ዝርጋታ ካለሆነ በስተቀር የሚቀየር ወይም የሚጠገን ከሆነ ከፍታውን ከሌሎች ጋር እኩል ማድረግ ነው ያለብን።
የሻወር ቤት ወይም የመፀዳጃ ሶኬትና ማብሪያ ማጥፊያ በተቻለ መጠን ከፍ ማለት አለባቸው። ይህ ብቻ ሳይሆን ከውሃ መራቅ አለባቸው።
በተቻለ መጠን ከማንኛውም ኮርነር፣ በር፣ መስኮት ወ.ዘ.ተ. 35cm መራቅ አለባቸው። 
እነዚህን ግንዛቤዎች ከያዝን በብዛት  የተለመደውንና ከላይ የጠቀስናቸውን መሰረት ያደረገ የከፍታ መጠን በቀጣይ እናያለን።
የቀጠለ...3

በበዛት የተለመደውና አብዛኛቻችን የምንስማማበት የኤሌክትሪክ አክሰሰሪዎች ከወለል ያላቸው ከፍታ:-
የክሰሰሪ                   ከወለል ያላቸው
አይነቶች                         ከፍታ በ cm
1. ማብሪያ/ማጥፊያ..............130-140
2.ሶኬት....................................45-50
3.ዲስትሪቢዩሽን ቦርድ...........170-175
4.ኪችን ሶኬት.........................90-100
5.አኑንሴተር............................170-175
6.ቤል ስዊች..........................130-140
7. ቆጣሪ................................175-180
8.ሻወር/መፀዳጃ ቤት ሶኬት..180-200
9. ሻወር/መፀዳጃ ቤት ማብሪያ ማጥፊያ...............................150
ማሳሰቢያ:- ከዚህ በፊትም እንዳልነው ዋናው ነገር ለአጠቃቀም ቀላልና ምቹ ማድረግ ነው። ስለዚህ  ቦታው ላይ ያሉትን ነገሮች ታሳቢ በማድረግ እንደሁኔታው ከፍም ዝቅም ማለት ይችላል።

#አዲሱን_የYouTube_Channel ሊንኩን በመጫን #Subscribe እያደረጉ የበለጠ እንድንሰራ ያበርቱን

https://www.youtube.com/channel/UCAdqgLHZGPPay3oBXmfC6Vw
#ማንኛውንም_የኤሌክትሪክ_ስራ_ማሰራትና_መሰልጠን_የምትፈልጉ_ድርጅቶችና_ግለሰቦች_በነዚህ_ስልክ_ቁጥሮች_ያገኙናል
    
  0911585854
  0991156969
         
"ለሌሎች ለውጥ ምክንያት እንሁን "
#ለወዳጅዎም_ያጋሩ
#እናመሰግናለን ክፈት / አስተያየት ይስጡ

2023-04-04 16:38:51 ክፈት / አስተያየት ይስጡ

2023-03-28 19:35:24 ትክክለኛ የሥራ ማስታወቂያ ለመከታተል ክፈት / አስተያየት ይስጡ

2023-03-24 19:27:09 3. #የሀይል_አጠቃቀማችን_ወይም_እቃዎችን_የምንጠቀምበት_መንገድ:-

ልብስን በፀይ ብርሃን ማድረቅ:-
~ልብስ ማድረቂያ ማሽን የኤሌክትሪክ ሀይል ፍጆታው በጣም ከፍተኛ ነው። ስለዚህ በተለይ በበጋ ወቅት ልብስ ማድረቂያ ማሽን ከምንጠቀም በፀሀይ ብርሃን በንጠቀም የሀይል ፍጆታችን መቀነስ እችላለን።
ፍሪጅ ፣ ኦቨን እና ሌሎች እቃዎችን በተደጋጋሚ ከመክፈት መቆጠብ:-
~እነዚህ እቃዎች በተደጋጋሚ በምንከፍትበት ጊዜ ቀዝቃዛ አየር አስወጥተን ሙቅ አየር እያስገባን ነው። ስለዚህ የማቀዝቀዣ ጊዚያቸዉን እያረዘምነው ወይም እንደገና እያስጀመርነው ስለሆነ በሆነ ባልሆነው ከመክፈት መቆጠብ ይኖርብናል።
~እንዲሁም በራቸው እየር የሚያስገባና የሚያስወጣ ከሆነም መሰራት አለበት።
ልብስን በቀዝቃዛ ውሃ ማጠብ:-
~ልብሳችን በሙቅ ውሃ ለማጠብ ሙቅ ዉሃ መጠቀማችን ግድ ነው። የልብስ ውማጠቢያ ማሽን ከፍተኛ ሀይል የሚጠቀመው ሙቅ ውሃ ስንጠቀም ነው። ስለዚህ ቀዝቃዛ ወይም ለብ ባለ ውሃ በመጠቀም ፍጆታችን መቀነስ አለብን።
ስታንድባይ ወይም ስሊፕ ሞድ ላይ አለማድረግ:-
~ኮምፒውተርና ቴሌቪዥን ተጠቅመን ስጨርስ---turn off... መድረግ አለብን።
ቀን ላይ መብራት ከማብራት መቆጠብ:-
~ብዙ ጊዜ የመስኮት ማጋረጃ ወይም ሌላ ነገር ብርሃን እንዳይገባ ሲያደርግብንና ቤት ውስጥ ጨላማ ሲሆንብን መብራት አብርተን እንጠቀማለን። ይህን ከማድረክ መቆጠብ አለብን።
መብራቶችን በከፊል ማብራት:-
~ለዝግጅት ወይም ለፕሮግራም ካልሆነ  ሁለትና ከዛ በላይ የሆኑትን ቀንሰን ማብራት ይኖርብናል።
እቃዎችን መጠቀም ሲኖርብን ብቻ ሀይል መስጠት:-
~እንደ ዉሃ ማሞቂያ እና የአየር ማቀዝቀዣ ያሉ እቃዎችን ተጠቅመን ስንጨርስ ፕለጉን ከሶኬት መንቀል።
~መጠቀም ስንፈልግ ቀደም በለን በመሰካት መጠቀም እችላለን።
ውሃ ስናሞቅ የምንፈልገውን ያህል ብቻ ማሞቅ
ለሙቀትና ልቅዝቃዜ ጊዜ ተስማሚ መስኮቶችንና በሮችን(Isolating windows &Doors) መጠቀም:-
~በክረምት ጊዜ መቃት አየር  በበጋ ጊዜ ደግሞ ቀዝቃዛ አየር ከቤታችን   እንዳይወጣ ይረዳናል።
በአግባቡ ማፅዳትና የመከላከል ጥገና ማድረግ:-
~ኤሌክትሪክ የሚያስተላልፈው ሲስተም ከቆሸሸ የእቃውን ኢፊሸንሲ ይቀንሰዋል። ስለዚህ በአግባቡ መፅዳትና መታየት አለበት።
እጀራ ምጣድ ወይም ኤሌክትሪክ ምድጃ ቶሎ ቶሎ ከመለኮስ መቆጠብ፥-
~በተለይ ኤሌክትሪክ ምጣድ ለመጋል ከፍተኛ ሀይል ይፈልጋል። ስለዚህ የሰማው ምጣድ ላይ በቂ እንጀራ መጋገር ያስፈልጋል። እንጀራ ለማሞቅ ምጣድ ከምንጠቀም ማይክሮዌቭ መጠቀሙ ይመረጣል።
~እንዲሁም በወር 8 ጊዜ የሚጋግሩ ከሆነ ወደ 6 ጊዜ ዝቅ ለማድረግ ይሞክሩ።
~የእንጀራ ምጣዱን የምናስቀምጥበት ቦታም አየር በቀላሉ የሚያስገባና የሚያስወጣ መሆን የለበትም። የተጋገረውን እንጀራ ለማዉጣት በተከፈት ቁጥር ከባቢ አየሩ ቀዝቃዛ ከሆነ ለመጋል ተጨማሪ ሀይል ስለሚጠቀም ነው።
እነዚህንና ሌሎችን ሀይል መቆጠቢያ መንገዶችን በአግባቡ ተጠቅሙና የቀጣዩን ወር የመብራት ክፍያ እዩት። 50% እና ከዛ በለይ ቀንሶ ነው ቢሉ የሚመጣው። 

ስለምትካታተሉን እናመስግናለን!

#አዲሱን_የYouTube_Channel ሊንኩን በመጫን #Subscribe እያደረጉ የበለጠ እንድንሰራ ያበርቱን

https://www.youtube.com/channel/UCAdqgLHZGPPay3oBXmfC6Vw
#ማንኛውንም_የኤሌክትሪክ_ስራ_ማሰራትና_መሰልጠን_የምትፈልጉ_ድርጅቶችና_ግለሰቦች_በነዚህ_ስልክ_ቁጥሮች_ያገኙናል
    
  0911585854
  0991156969
         

"ለሌሎች ለውጥ ምክንያት እንሁን!"
ለወዳጅዎም ያጋሩ!
እናመሰግናለን! ክፈት / አስተያየት ይስጡ

2023-03-23 20:46:47 2. #የምንገዛው_በኤሌክትሪክ_የሚስራ_እቃ_አይነት
ማንኛውም እቃ ከመግዛታችን በፊት የበራንድ፣ የሳይዝ፣ አይነት፣ የሀይል ፍጆታ፣ ዋራንቲ፣ ያለንን የምናስቀምጥበት ቦታ መጠን፣ የሚጠቀመው ቮልቴጅ አይነት፣ የሚሰጠው አገልግሎቶች ብዛት እና ሌሎችም መታየት አለባቸው። ነገር ግን ለጊዜው የሀይል ፍጆታዉን ብቻ እናያለን።
አብዛኞቹ የኤሌክትሪክ እቃዎች የሚጠቀሙት የሀይል መጠንና የሚሰጡት የሀይል መጠን በ ዋት (input and output power) ኔምፕሌታቸው ጋ ይፃፋል። አንዳንዶቹ ግን ላይኖራቸው ስለሚችል ላያቸው ላይ የተፃፉትን ቮልቴጅ እና ከረንት አባዝተን ማግኘት እችላለን።
ይሄን ካገኘን በጣም ትልቅ ከሆነ የሄን የሚያንቀሳቅስ ሀይል አለን ወይ? ይሄን ያህል ማሽን ወይም እቃ ያስፈልገኛል ወይ? የሚሉትን ጥያቂዎች መመለስ ያስፈልጋል። ዋታቸው በጨመረ ቁጥር የመያዝ አቅማቸው ወይም ጉልበታቸው፣ ሳይዛቸው ይጨምራል። የምከፍለው የሀይል ወጭም በዛው ልክ ነው። ስለዚህ አላስፈላጊ ትልቅ እቃ መግዛት የለብንም። ከብራንድ ብራንድም ይለያያል። ለምሳሌ በትንሹ ብናይ √ኢንካድሰንት ላምፕ ከምንጠቀም ኮምፓክት ፍሎረሰንት ላምፕ ወይም ኤልኢዲ ላምፕ ብንጠቀም የሚሰጡት ብርሃን ሳይቀንስ ከ80-85% ሀይል መቆጠብ እችላለን።
√አሁን ለይ አብዛኞቻችን የምንጠቀማቸው የእንጀራ ምጣዶች የሚጠቀሙት የሀይል መጠን ከ3500-4000ዋት ሲሆን ዋስ ምጣድ ደግሞ 1500ዋት አካባቢ ይህ ማለት ዋስ ምጣድ ስንጠቀም ከ57-62% መቆጠብ እችላለን። ሌሎች ነገሮች እንዳሉ ሆነው።
ስለዚህ በዘርፉ የተሻለ እውቀት ያላቸውን ግለሰቦች ውይም ድርጅቶች በማማከር ሀይል ቆጣቢ እቃወችን በመግዛት የኤሌክትሪክ ፍጆታችንና ከፍያችን መቀነስ እችላለን።

"ለሌሎች ለውጥ ምክንያት እንሁን!"
ለወዳጅዎም ያጋሩ! ክፈት / አስተያየት ይስጡ

2023-03-23 15:47:32 #የኤሌክትሪክ_ሀይል_ክፍያችን_በግማሺ_እንዴት_መቀነስ_እንችላለን
በብዙ አይነት መንገዶች ፍጆታችን መቀነስ ብንችልም የሚከተሉት 3 መንገዶች ዋና ዋናዎቹ ናቸው።
1.#የመኖሪያ_ቤታችን_አሰራር_ሁኔ፡-
የመኖሪያ ቤታችን አሰራር የኤሌክትሪክ ሀይል ፍጆታችን ላይ ከፍተኛ ተፅዕኖ አለው።
ሌሎች ሀገሮች ጋ ከፍተኛውን የሀይል ፍጆታ ወይም ከፍያ የሚይዘው ቤታቸውን ለማሞቅና ለማቀዝቀዝ(space heating & cooling system)የሚጠቀሙት ሲሆን የቤታቸዉን የሀይል ፍጆታ ከ 35-45% ይይዛል። ምክንያቱ ደግሞ አንዳንድ ሀገሮች ጋ ክርምት ላይ በጣም በጣም ቀዝቃዛ ሲሆን በጋ ላይ ደግሞ በጣም ሞቃት ነው። ስለዚህ የመኖሪያ ቤታቸውን ምችት ለመጠበቀ ማሞቂያና ማቀዝቀዣ ይጠቀማሉ። ነግር ግን ቤታቸው አየር ወደ ዉስጥና ወደ ውጪ የሚወጣ ከሆነ ማሞቅ ሲፈልጉ ሞቃት አየር ከቤት ወደ ውጪና ቀዝቃዛ አየር ደግሞ ከውጪ ወደ ውስጥ እንደፈለግ መዘዋወር ከቻለ ቤቱን ለማሞቅ ከፍተኛ ሀይል ይጠቀማሉ። ማቀዝቀዝ ሲፈልጉም እንዲሁ። በዚህም የተነሳ ለማሞቅና ለማቀዝቀዝ የሚጠቀሙት ሀይል ከፍተኛዉን ድርሻ ይይዛል።
ወደ ሀገራችን ስንመጣ የአየሩ ሁኔታ ተስማሚ ስለሆነ የአየር ማሞቂያ(space heating system) የተለመደ አይደለም በተወሰነ ደርጃ የአየር ማቀዝቀዣ(space cooling system) እንጠቀማለን። በሀገራችን ከፍተኛውን የሀይል ፍጆታ የሚይዘው ለምግብ ማብሰያነት የምንጠቀው ሲሆን ለቤት ውስጥ ፍጆታ ከምንጠቀመው 89% ሀይል 60% እና ከዛ በላይ የሚሆነው ለዚሁ አገልግሎት ይዉላል። ይህ የሆነበት ምክንያቶቹ ብዙ ቢሆንም ለምግብ ማብሰያነት የምንጠቀምባቸው ቤቶች ክፍትና አየር አየር አንደፈለግ የሚፈስበት ስለሆነ ነው። እንዲሁም ለምሳሌ ፍሪጅን ብነወስድ ሞቃት አየርን ወደ ከባቢ አየር በመልቀቅና ቀዝቃዛ አየርን ከከባቢ አየር በመቀበል የሚሰራ ሲስተም ነው። ስለዚህ ፍሪጃችን በተገቢው ቦታ ቃልተቀመጠ ለማቀዝቀዝ የሚጠቀመው ሀይል ከፍተኛ ነው የሚሆነው። በአግባቡም ላይሰራ ይችላል። ስለዚህ ቤታችን አሰራር ለኤሌክትሪክ ፍጆታችን ወሳኝ በመሆኑ:-
የቤታችን ግድግዳ፣ ኮርኒስ፣መስኮት፣በር፣ ኤሌክትሪክ ስራ፣ የቧንቧ ስራ፣ጣራ ወ.ዘ.ተ. አየር የሚያስገባና የሚያስወጣ ከፍተት መኖሩንና አለመኖሩን እንዲሁም ደረጃውን የጠበቀ እቃ መሆኑን ማረጋገጥ። አየር የሚያስገባና የሚያስወጣ ከሆነ ባለሙያ ማማከርና አስፈላጊዉን እርማት ማድረግ ።
ዛፎችን ግቢ ውስጥ መትከል። ስንተክል ግን በደቡብና በምዕራብ በኩል መትከል በበጋ ለማቀዝቀዝ እና በክረምት ሙቀት ላማግኘት ያግዛል።
ለመስኮትና ለበር አይነቶች ባለሙያ ማማከር። እንዲሁም የጣራ ቀለም ምርጫም ወሳኝ ነው።
ይቀጥላል---

#አዲሱን_የYouTube_Channel ሊንኩን በመጫን #Subscribe እያደረጉ የበለጠ እንድንሰራ ያበርቱን

https://www.youtube.com/channel/UCAdqgLHZGPPay3oBXmfC6Vw
#ማንኛውንም_የኤሌክትሪክ_ስራ_ማሰራትና_መሰልጠን_የምትፈልጉ_ድርጅቶችና_ግለሰቦች_በነዚህ_ስልክ_ቁጥሮች_ያገኙናል

0911585854
0991156969


"ለሌሎች ለውጥ ምክንያት እንሁን!"
ለወዳጅዎም ያጋሩ!
እናመሰግናለን! ክፈት / አስተያየት ይስጡ

2023-03-23 15:47:30 ክፈት / አስተያየት ይስጡ

2023-03-21 17:09:23 #መጥፎ_የህንፃ_የኤሌክትሪክ_መስመር_ዝርጋታ_ምልክቶች/#Signs_of_bad_Wiring
=========================
በሀገራች ልክ ያልሆነ የኤሌክትሪክ ዝርጋታ ለሰው ሂወት መጥፋትም ሆነ ለንብረት ውድመት እንደዋና ምክንያት የሚጠቀስ ይጠቀሳል። ለዚህ ደግሞ እንደ ዋና ምክንያት የሚጠቀሰው በተለይ  ለህንፃ የኤሌክትሪክ ስራዎች ትኩረት አለመስጠት እና የሚሰራውን ሙያተኛ የሙያ ሁኔታ ግምት ውስት አለማስገባታችን ነው።
ከዚህ በታች የተዘረዘሩት በትክክል ያልተሰራ የህንፃ ኤሌክትሪክ መስመር ዝርጋታ ምልክቶች ሲሆኑ መስተካከል ያለባቸው ናቸው።
1. #ከመጠን_በላይ_የኤሌክትሪክ_ገመድ_የበዛበት_ፓኔል/ #Overloaded_Electrical_panel
ከምናስበው በላይ የተዝረከረኩ የኤሌክትሪክ ገመዶች  ፓኔላችን ወይም ዲስትሪቢውሽን ቦርድ ላይ ካሉ ልክ አይደልም።
ግልፅ የሆነ አስተሳሰር እና  እርዝመታቸውም በልክ መሆን አለበት።
2. #መብራቶች_የሚርገበገቡ_ወይም_ፈዛዛ_ከሆኑ / #Blinking_or_dim_lights
ብዙ ጊዜ ብዙ ሰዎች የሚርገበገቡ መብራቶችን ችላ ይላሉ።  መብራቶች ሙሉ ለሙሉ ካልጠፉ የሚርገበገቡ ወይም የደበዘዙ ሌላው ቀርቶ እዝዝ.. የሚል ድምፅ ድምፅ የሚያሰሙ መብራቶች እንዲታዩ አይደረግም።
ነገር ግን እነዚህ ምልክቶች ያረጁ የኤሌክትሪክ ዝርጋታ፣ ኤሌክትሪክ ገመዶች እርስበርስ የታሰሩበት ቦታ የላላ ወይም ከመጠን በላይ የሆነ ጭነት ስለሚሆን በብቁ ሙያተኛ ታይተው መፍትሄ መስጠት አለበት።
3. #ብሬከር_ቶሎ_ቶሎ_የሚመልስ_ከሆነ/#Tripping_Circuit_Breaker
ብሬከሮች የተሰሩት የኤሌክትሪክ መስመሮች ላይ ችግር ሲኖር እንዲመልሱ ተደርጎ ነው።
የሚሰጡት ምላሽም በጣም ፈጣን ሲሆን በኤሌክትሪክ ምክንያት ሊፈጠር የሚችለውን እሻት ለማስቀረት ሀይሉን ያቋርጡታል።
እነዚህ ሰርኪዩቶች በተደጋጋሚ የሚመልሱ ከሆነ መስመሩ መታየት ይኖርበታል።
4. #እዝ_የሚል_ድምፅ__ወይም_የሚነዘር_ከሆነ/ #Buzzing_Sound_or_Electric_Shock
እዝ የሚል ድምፅ ካለ ኤሌክትሪክ ከረንት በዙሪያው ባሉ ሌሎች የኤሌክትሪክ ሽቦች መካከል ወይም አጠገቡ በሚገኙ ኤሌክትሪክ አስተላላፊ በሆኑ እቃዎች ይፈሳል ማለት ነው።
ይህ ምልክት የሚያሳየው የኤሌክትሪክ ዝርጋታው መታየት እንዳለበት ነው። 
ይህ ምልክት ከጊዜ በኋላም ሊከሰት ይችላል።
5. #የቃጠሎ_ሽታ/ #Burning_Odor
ይህ ምልክት ብዙ ጊዜ የሚታይ ችግር ሲሆን የኤሌክትሪክ ገመዶች በጣም ሲሙቁ ይከሰታል።
በዚህ ጊዜም ቶሎ መፍትሄ ካልተሰጠው የኤሌክትሪክ ሽቦው የውጨኛው ክፍል ይቀልጥ እና ፌዝና ኒውትራል ይገናኙ እና ሾርት ሰርኪዩት፣ የመብራት መቋረጥ ወይም እሳት ሊከሰት ይችላል።
6. #ማብሪያ_ማጥፊያዎች_እና_ሶኬቶች_ከሞቁ / #Hot_outlets_or_Switches
ሶኬቶች ወይም ማብሪያ ማጥፊያዎች አይሞቁም። ነገር ግን የሚሞቁ ከሆነ ልክ ስላልሆነ ብሬከር አጥፍቶ የኤሌክትሪክ ባለሙያ በመጥራት መሰራት አስፈላጊ ነው።

#ስለምትከታተሉን_እናመሰግናለን
#ማንኛውንም_የኤሌክትሪክ_ስራ_ማሰራት_ለምትፈልጉ_ድርጅቶችና_ግለሰቦች_ደግሞ_በነዚህ_ስልክ_ቁጥሮች_ያገኙናል።
    
  0911585854
  0991156969
         

"#ለሌሎች_ለውጥ_ምክንያት_እንሁን!"
#ለወዳጅዎም_ያጋሩ!
እናመሰግናለን! ክፈት / አስተያየት ይስጡ

2023-03-21 17:09:19 ክፈት / አስተያየት ይስጡ

2023-03-18 20:11:21 ስራ አለ ወይ ? አዎ
ቁጭ ብለው ሳይንከራተቱ
ሳይጋፋ ፣የ አየር ንብረት ሳይቀያየርቦት
ያለምንም ወጪ ከ 0 አመት ጀምሮ
የተለያዩ የስራ ማስታወቂያዎች
የትምህርት ዕድሎች፣ወርክ ሾፖች እና የጀማሪ የቢዝነስ ማስታወቂዎችን ለመግኘት እና ጨረታዎች ሁሉንም በአንድ ላይ ለማግኘት
በተኑን በመጫን ይቀላቀሉን ክፈት / አስተያየት ይስጡ