የስብዕና ልህቀት

2022-09-28 13:37:44 #የስሜት_ብልሃትና_ተግባቦት
#Emotional_Intelligence& Communication
(በናሁሰናይ ፀዳሉ አበራ) #SHARE

ጥሩ የስሜት ብልሀት ያላቸው ሰዎች የተመሰገኑ ፣ በማንኛውም ሁኔታ የተረጋጉ ፣ የሩጫ ህይወት የማይመሩ ፣ የበለጠ ደስተኛና ራሳቸውንም ሆነ አካባቢያቸውን የሚመሩ ናቸው ፡፡

በህይወታቸው በጣም ደስተኛና ስኬታማ የሆኑ ሰዎች አንዱ መገለጫቸው ያለቸው የስሜት ብልሃት ( Emotional Intelligence ) ነው ፡፡ ብዙ ጊዜ ሰዎች ከሚሰሩበት መስሪያ ቤት ሙያውና ችሎታው እያላቸው በባህሪ ምክንያት ይሰናበታሉ ፡፡ ከዚህም በተጨማሪ ጥሩ ሀሳብ እያላቸው ባላቸው ባህሪና በተግባቦት እጥረት ምክኒያት ሰሚ ያጡ ፣ ተቀባይነት ያጡ ሰዎች ብዙ ናቸው ፡፡

#ለዛሬ እነዚህ የተግባቦትና የስሜት ብልሃት አለመኖር በሕይወታችን የሚያመጡትን ችግር እንመልከት ፡፡

እኔ አንዱን ድግሪዬን በማኔጅመንት ስሰራ የመመረቂያ ጽሑፌ (Competency development in business areas ) የሚል ነበር ፡፡ በዚህ ጥናት ያገኘሁት አንዱ ግኝት ሰዎች ለቢዝነሳቸው መውደቅና አለማደቅ አንዱና ዋና  ምክንያት ያላቸው አነስተኛ #የተግባቦትና #የስሜት_ብልሃት ነው ፡፡

#የስሜት_ብልሃትና_ጥሩ_ተግባቦት_የሌላቸው_ሰዎች_መገለጫዎች

★የራሳቸውን ስሜት አይቆጣጠሩም ( በቀላሉ ይናደዳሉ ፣ ይበሳጫሉ ፣ ከልክ ያለፈ ቁጣ ይታይባቸዋል )

★ከሰው ጋር ተግባቢ አይደሉም ፣ ፍርሀት ጭንቀት ይታይባቸዋል ፣ ስለ ራሳቸው አሉታዊ አመለካከት የላቸውም

★በትንሽ ነገር አብዝተው ያዝናሉ

★በአካባቢያቸው ያሉ ሰዎችን ባህሪ እና ስሜት ስለማይረዱ ፣ ብዙ ጊዜ ከሰዎች ጋር በሀሳብ ፣ በወሬ የመጋጨት ሁኔታ ይታይባቸዋል

★ሰው ስለነሱ ስላለው አስተሳሰብ አብዝተው ይጨነቃሉ ፣ ይረበሻሉ ፡፡

★ሃሳባቸውን በድፍረት አይገልፁም ፣ እየተጎዱ ከጉዳቱ መውጣት እየቻሉ ዝምታን ይመርጣሉ ፣

★ለውሳኔዎች ከተገቢው በላይ ይቸኩላሉ፣ በወሰኑት ነገር ለመጸጸት ደግሞ የመጀመሪያ ናቸው

ከላይ የዘረዘርኳቸው መገለጫዎች( የስሜት ብልሃትና ጥሩ ተግባቦት ክህሎት አለመኖር) የሚያመጣቸው ጉዳቶችና የባህሪ መገለጫዎች ናቸው ።

በእርግጥ ተግባቦትም ሆነ የስሜት ብልህነት ሳይንሳዊ የሆኑ መንገዶችን በመጠቀም ማሳደግ ይቻላል ፡፡ ስለዚህ ከላይ የጠቀስኳቸውን ችግሮች በራሳችሁ ላይ የምታዩ ሰዎች ተስፋ አትቁረጡ ፡፡ በጥቂት ጊዜ ጥሩ የሆነ ተደጋጋሚ ተግባራዊ ልምምዶችን በማረግ መዉጣት ይቻላል ፡፡
___

Join: @Human_Intelligence
Join: @Human_Intelligence ክፈት / አስተያየት ይስጡ

2022-09-25 22:03:08 ድንቅ አባባሎች

1."መፍራት ያለብህ ቀስ ብለህ ማደግህን
ሳይሆን ከአለህበት ቁመህ እንዳትቀር ነዉ፡፡ተራራን ከቦታ ወደቦታ የሚያንቀሳቅሰዉ ሰዉ ትንንሽ ድንጋዮችን ያለመታከት የሚያጓጉዝ
ሰዉ ነዉ፡፡"
  ቻይናውያን

2."በምስጋና የተከፈተ ዘመን አስደሳች ነው፤
በፀሎት የተከፈተ ቀን መልካም ነው፤
በእምነት የሆነ ኑሮ ረፍት ነው፤
በይቅርታ የሆነ ጉዋደኝነት ዘላቂ ነው፤"
አቡነ ሺኖዳ

3."ጎበዝ ሠው ችግሮችን ይፈታል፡፡ ብልህ ሠው ግን ችግሮቹ መልሠው እንዳይፈጠሩ ያስወግዳቸዋል፡፡"
አልበርት አንስታይን

4. “በከተማው ግንብ እጥሮች ውስጥ ቤት ከመገንባታችሁ በፊት በአእምሮአችሁ ዋሻ ውስጥ ያለውን ጎጆ ስሩ፡፡”
ካህሊል ጅብራን

5."ስለራስዎ ጥሩ ስሜት እስኪሰማዎት ድረስ አንድ ሰው ስለራሱ ጥሩ ስሜት እንዲሰማው ማድረግ አትችሉም ፡፡"
ሮቢን ሻርማ

6."ዘላለም እንደምትኖር ሆነህ ስራ፤ ነገ እንደምትሞት ሆነህ ኑር"
ጀርመኖች

7. “ልባችሁ በዝምታ ውስጥ የቀኖችንና የሌሊቶችን ሚስጥሮች ያውቃሉ፡፡ ይሁንና ጆሮዎቻችሁ የልባችሁን እውቀት ድምፅ ይጠማሉ፡፡ ምክንያቱም በሃሳብ የምታውቁትን ሁሉ በቃላትም ልታውቁ ትወዳላችሁና፡፡” ካህሊል ጅብራን

8.“በአንተ ፍላጎት ላይ ብቻ የተመሰረተ ደስታ በፈረስ እንደሚጎተት ጋሪ ዘወትር ስቃይን ማስከተሉ አይቀርም፡፡”
ሪንፓቼ

9.“ለማንኛውም የሰው ልጅ የምግባር በሽታ ጠንካራው መድኃኒት ፍቅር ብቻ ነው፡፡” ራማያና

10."ጊዜ በረረ፣ጊዜ አለፈ፣ ጊዜ ሄደ የሚሉ አገላለፆች በሙሉ መፅናኛ ናቸው፡፡ እውነቱን ካየነው እያለፍን ያለነው  እኛው እራሳችን ነን፡፡"
ያልታወቀ


11." ሁሉም ሠው ብሩህ ጭንቅላት አለው፡፡ ነገር ግን አሣን ዛፍ መዝለል አይችልም ብለህ ችሎታውን ካጣጣልከው በህይወትህ ሙሉ አሣ ደደብ እንደሆነ ታስባለህ፡፡ "
አልበርት አንስታይን

12."ነፃነት ማለት ሀላፊነትን በራስ እጅ
መቀበል ማለት ነው።ሀላፊነትን ለመሸሽ
ነፃነትን ብትሻ በአጉል ምኞት ታሰርክ
እንጂ ነፃ አይደለህም!"
ያልታወቀ

13."በራስዎ ውስጥ ኢንቬስት ማድረግ እርስዎ የሚያደርጉት ምርጥ ኢንቬስትሜንት ነው። ሕይወትዎን ማሻሻል ብቻ አይደለም ፣ በአጠገብዎ ያሉትን ሰዎች ሕይወትም ያሻሽላል ፡፡"
ሮቢን ሻርማ

14."በሰዎችና በመላዕክት ልሳን ብናገር ፍቅር ግን ከሌለኝ እንደሚጮህ ናስ ወይም እንደሚንሽዋሸው ጸናጽል ሆኛለሁ::"
ጳውሎስ

15."በገንዘብህ የጥቅም ጓደኞችን ልታፈራ ትችላለህ በውበትህ የስሜት ጓደኞች ልታፈራ ትችላለህ በእምነትህና በስነምግባርህ ግን..
የህይወት ጓደኞችን ታፈራለህ።"
ያልታወቀ

16."ያለፈው ጊዜዎ እስረኛ መሆን የለብዎትም። የወደፊትዎ አርክቴክት ይሁኑ ፡፡"
ሮቢን ሻርማ


ሌላውን ለማስተማር ሼር አድርጉ!!

#Abel
Join: @Human_Intelligence
Join: @Human_Intelligence ክፈት / አስተያየት ይስጡ

2022-09-24 19:51:26 #ትርጉም_ያለው_ህይወት_መኖር!!

ቁሳዊም ሆነ መንፈሳዊ ስኬት የሚጠነሰሰው፣ በሁለት ትከሻዎች መሃል ባለው ሁለት ኪሎ ግራም በሚመዝነው ጭንቅላት ውስጥ ነው፡፡ አሊያም በእያንዳንዷ ደቂቃ በአዕምሮህ ውስጥ በምትመላለሰው አስተሳሰብ ነው፡፡ በዙሪያህ ያለው ዓለም  የሚያንፀባርቀው የውስጥህን ማንነት ነው። አስተሳሰቦችህን እንዲሁም በሕይወትህ ውስጥ ስለሚያጋጥሙ ነገሮች አፀፋዊ ምላሽ መስጠት መቻል፣ የዕጣ ፈንታህን መዳረሻ መቆጣጠር ያስችልሃል።እያንዳንዱ የጊዜ ሽርፍራፊ በአንተ በቁጥጥር ውስጥ ካዋልከው የሀይል ብክነት አያጋጥምህም።ተሰፍሮ የማያልቅ ሀይል እና ጊዜ ይኖርሃል።

አብዛኛዎቻችን ማብቂያ በሌለው ጭንቀት ውስጥ ተውጠናል። ይህም የተፈጥሮ ንቃታችንን እና ሃይላችንን አድርቆ አቀጭጮታል። አሮጌ የባይስክል ጎማ ከመነዳሪ አይተህ ታውቃለህ።በአየር ሲሞላ ወደ አሰብከው ቦታ ያደርሰሃል። ሆኖም ቀዳዳ በውስጡ ካለው የጉዞህ ማብቂያ ያልታሰበ ቦታ ይሆናል። አንጎላችን የሚሰራው እንደዚህ ነው። አጅሬ ጭንቀት ውድ የሆነውን ሀይልህን ያባክነዋል።ልክ አየር ከከመነዳሪው ውስጥ እንደሚባክነው ሁሉ የአእምሮ ብርታት ተንጠፍጥፎ ያልቅና ተጨማሪ ሀይል አይኖርህም። የፈጠራ ችሎታህን በውስጥህ እንዲሞት ያደረገዋል።

መጥፎ ልማዶች አይጠፉም።ነገር ግን መጥፎ ልማዶች በጠቃሚ ልማዶች ሊተኩ ይችላሉ። አዲሱን ልማድ ለማጽደቅ ብቸኛው መንገድ ደግሞ ፣ እምቅ ሀይልህን ለአዳዲስ ልማዶችህ ላይ ማሳረፍ ነው፡፡ ያኔ አሮጌ ልማዶች እንኳ ደህና መጣህ እንዳልተባለ እንግዳ ሹልክ ብለው ይወጣሉ። ጠቃሚዎቹን ልማዶች  በውስጥህ ለማስረጽ 21 ቀናት ይወስድብሃል፡፡”በርካታ ሰዎች ከመኝታቸው ልክ እንደነቁ ሳያስቡት ዘወትር ተመሳሳይ ነገር ያከናውናሉ፡፡አይናቸውን እንደገለጡ ከአልጋ ተስፈንጥረው ይነሱና ፊታቸውን መታጠብ ይጀምራሉ። በየቀኑ ለአንድ ሰዓት ማንበብም ይሁን  የትኛውም ልትሰራው ያሰብከውን ነገር  ፣ በድግግሞሽ የፊት መታጠብን ያህል እየቀለለህ ይሄዳል።” ስለዚህ በድግግሞሽ ምክንያት አዲስ ባህርይ ተላብሰህ ራስህን ታገኘዋለህ፡፡

አንድ ምርጥ ዘዴ አለ ይሄም ልታሳካው የምትፈልገውን ግብ  በዙሪያህ ላሉት ሰዎች መንገር እና ግብህን ተፈፃሚ ለማድረግ መንቀሳቀስ ወዲያውኑ ይህንን ነገር እውን ለማድረግ በትከሻዎችህ ላይ ጫና ያርፋል፡፡ ምክንያቱም ማናችንም ብንሆን ብቁ ያልሆንን ሆነን መታየት አንፈልግም።

ምስል መፍጠር( imagination) አዕምሮህ የሚሰራው በምስል ነው። ምስሎች ደግሞ አመለካከትህ ላይ የጎላ ተፅእኖ ይፈጥራሉ:: ፣ ህሊናህ ላይ ያሰፈርከው የራስህ ምስል፣ በየእለቱ በምታከናውነው ሥራና ውጤት ላይ ተጽዕኖ ይፈጥራል፡፡መንፈስህን ለተሻለ ነገር የሚያነቃቃ ምናባዊ ምስል በአዕምሮህ ሰሌዳ ላይ ጎልቶ የተቀመጠ ከሆነ፣ በነባራዊ ህይወትህ እነዚህ ነገሮች ወደ እውነት መቀየር ይጀምራሉ፡፡ አንስታይን እንዳለው፣ በዓይነ ህሊናችን ውስጥ ያለው ምናባዊ ምስል፣ ከተጨባጭ እውቀት በላይ በጣም አስፈላጊ ነገር ነው።(Imagination is more important than Knowledge)

"ህልምህን እውን ለማድረግና ግቦችህን ለመቀዳጀት በምታደርገው ጉዞ (ሂደት) በጣም ተደሰት፡፡ ያለሳቅና ፍንደቃ ያለፈች እንዲት ቀን፣ ወይም ያለፍቅር ያለፈች ጀምበር የባከነች ተደርጋ ትቆጠራለች።” ግብህን ለመቀዳጀት በምታደርገው ረጅም ጉዞ ተዝናና፡፡  በምድር ላይ ያለውን የፍጥረት ውበት አድንቅ፡፡ የዛሬዋ እለት ይህቺ ቅጽበት ከተፈጥሮ የተቸረች ስጦታ ነች። አትኩሮትህ በራስህ ሕይወት ውስጥ ይሁን፡፡ እና ከራስህም አልፎ ሌላውን በማገልገል ትጋ። የተቀረውን
በሙሉ የጽንፉ ዓለም ያከናውነዋል። ይህ ከተፈጥሮ ሕጎች ውስጥ አንደኛውና እውነተኛው ሕግ ነው።”

ከዛሬዋ ቀን አንስቶ በሕይወትህ ላይ ራስህን ሹም፡፡ የዕጣ ፈንታ ጌታ ለመሆን ወስን፡፡ በራስህ መንገድ የራስህን ሩጫ ሩጥ፡፡ የመክሊትህን ጥሪ አድምጠህ ስሜትህን በሚነሸጥ መልኩ መኖር ጀምር፡፡ በስተመጨረሻም ዘወትር ልታስታውሰው የሚገባህ ነገር፣ መሆን የምትፈልገውን ህይወት ወይም መድረስ የምትፈልግበት ደረጃ ለማሳካት የሚያስችልህ በውስጥህ ያልተገደበ ሀይል እንዳአለ ነው።

ሮቢን ሻርማ

ሌላውን ለማስተማር ሼር አድርጉ!!

Join: @Human_Intelligence
Join: @Human_Intelligence ክፈት / አስተያየት ይስጡ

2022-09-23 21:00:39 የስኬት ቁልፍ

በስነ ልቡና ባለሙያዎች ዘንድ ከሞላ ጎደል የሚያግባባው አንዱ ሀሳብ “ስኬታማ ሕይወት ሚዛናዊ ሕይወት ነው” የሚል ነው፡፡ ሕይወት ብዙ ፈርጆች፣ ገፆች እና ጎኖች አሏት፡፡ ሁላችንም አነሰም በዛ እዚህ ምድር ላይ በምንኖርበት ወቀት የተለያየ ሚና እንጫወታለን፤ የተለያየ ኃላፊነት እንሸከማለን፡፡ ታዲያ እነዚህ የተለያዩ የሕይወት ገፆችን ሚዛናዊ በሆነ መልኩ በሕይወት ወጣ ገባ መንገድ ላይ መኖር መቻል ስኬትም የስኬት ቁልፍም ነው፡፡

ዝነኛው ሳይኮሎጂስት ሲግመንድ ፍሮይድ “ስራ እና ፍቅር የሰው ልጅ ሕይወት የማዕዘን ራስ ናቸው (Love and work are the corner stone of our humans)" ይላል፡፡ በአጭሩ እነዚህን ሁለት የሕይወት ገፆች ፍሬያማ በሆነ መልኩ መኖር መቻል ስኬትም የስኬትም ቁልፍ ነው፡፡ አንድ ሰው በስራው እጅግ በጣም ውጤታማ ቢሆንና ለወዳጅ ዘመዶቹ ግን የረባ እንኳን ጊዜ መስጠት ባይችል ይህ ሰው ሕይወትን በሙላት እየኖራት እና እየተሳካለት ነው ማለት ይቸግራል፡፡ በዙሪያችን ከሚገኙ ሰዎች ጋር ፍቅር በፍቅር ሆነን ውጤታማ ስራ መስራት ካልቻልንም ያው ነው፡፡ ስኬት እነዚህን ሁለት የሕይወት ገፆች የሚጠይቁትን ጊዜ መስጠት መቻል፣ ሁለቱም የሚያሸክሙንን ኃላፊነት በአግባቡ መወጣት፣ በሁለቱም በኩል አትራፊ መሆን መቻል ነው፡፡

ሚዛናዊ ስለመሆን ስንነጋገር ከእኛ ውጪ ያሉ የሕይወት ገፆችን ብቻ ሳይሆን እኛ ውስጥ የሚገኙ የማንነታችንን ክፍልፋዮች ሚዛንም ሚዛን መጠበቅ አስፈላጊ ይሆናል። አንድ ሰው አንድ ሰው ብቻ አይደለም፡፡ አንድ ሰው ውስጡ በሚገኙት የተለያዩ የማንነት ክፍሎች ምክንያት ብዙ ሰውም ነው ማለት ይቻላል፡፡

እነዚህ የተለያዩ የማንነት ክፍሎች የሚፈልጉትን እና የሚያስፈልጋቸውን ያህል ቦታ ከሰጠናቸው፣ ከሰማናቸው፣ ፍላጎታቸውን ካሟላንላቸው፣ አንዱ ከአንዱ ጋር በስምምነት እንዲኖር
መፍቀድ ከቻልን ትልቅ ስኬትም የስኬት ቁልፍም ነው፡፡ በአንፃሩ አንዱን ወደፊት አድርገን አንዱን ወደ ኋላ ከተውን፤ አንዱ ዘወትር እንዳሻው እንዲሆን ፈቅደን አንዱ ላይ በር ከዘጋን፤ የአንዱን ጥሪ አድምጠን ሌላውን ጆሮ ዳባ ልበስ ካልን ውስጣችን (አእምሯችን፣ መንፈሳችን ወዘተ) እነዚህ የማንነታችን ክፍሎች የሚራኮቱበት የጦር አውድማ ይሆናል፡፡ በዚህ ምክንያት ልዩ ልዩ ስነ ልቡናዊ ችግሮችም ይፀነሳሉ፤ ይወለዳሉም፡፡

ኤሪክ በርኔ የተባለ ሳይኮሎጂስት የሰው ልጅ ሰብዕና የሶስት ልዩ ልዩ ማንነቶች ጥምረት/ ቅንጅት ውጤት ይላል፡፡ የመጀመሪያው “ወላጅ (Parent)” ነው ይላል፡፡ ይህ ክፍል ሁልጊዜ የሚመዝን፣ የሚቆጣጠር፣ እንከን የለሽ ለመሆን ጥረት የሚያደርገው ጥንቁቁ የሰብዕናችን ክፍል ነው፡፡ የዚህ የሰብዕና ክፍል መሰረት ራስ ወዳድነት፣ ደህንነት (security) እና ለሚደርገው ማናቸውም ነገር በቂ ምክንያት (justification) መስጠት መቻል ነው፡፡ ሌላኛው የሰብዕናችን ክፍል “አዋቂ (Adult)” ይባላል፡፡ ይህ የሰብዕና ክፍል ምክንያታዊ፣ አመዛዛኝ እና ነገሮች ተግባራዊ ሊሆኑ የሚችሉበትን መንገድ የሚያወቅ ይሆናሉ ወይስ አይሆኑም የሚለውን ጨምሮ መቀየስ መረዳት የሚችለው ነው፡፡ የሚያደርገውን ማናቸውንም ነገር የሚያደርግበት ምክንያት የውስጥ እርካታ፣ የመማር እና የማወቅ ፅኑ ፍላጎት ነው፡፡ ሶስተኛውና የመጨረሻው የሰብዕናችን ክፍል “ልጅ (Child)” የሚል ስያሜ አለው፡፡ ይህ ክፍል በአንፃሩ የፈጠራ አቅሙ የላቀ፤ ሰፊ ምናብ ያለው፤ ማደግ፣ መበልፀግ፣ መጫወት፣ ማጥፋት ወዘተ ነፍሱ የሆነ ነው፡፡ የሚፈልገውና የሚያደርገው ነገር መሰረቱ ደስታ፣ እርካታና ጥፋት ነው።

እነዚህ ሶስት የሰብዕና ክፍሎች አንዳቸው ያለአንዳቸው እንዳሻቸው እንዲሆኑ ብንፈቅድላቸው በጎም በጎ ያልሆነም ውጤት ያስከትላሉ፡፡ አንዱ የሰብዕና ክፍል ብቻውን ፈላጭ ቆራጭ ሲሆን አሉታዊ ነገሮች ሕይወታችን ውስጥ ይበረክታሉ፤ ደስታ ይርቀናል፤ እረፍት ከአድማስ ባሻገር ያለ ሩቅ ሀገር ይሆንብናል፤ ስኬታማ እንደሆንን አይሰማንም፤ ስኬታማ ለመሆን የምናደርገው ትግልም በግጭት የታጀበ ይሆናል፡፡ የደስታ፣ እረፍት፣ ሰላም ወዘተ በጥቅሉ የስኬት ምንጭ እነዚህን ሶስት የሰብዕናችንን ክፍሎች አቻችሎ፣ አስማምቶ እና ሚዛን ጠብቆ ሕይወትን መምራት መቻል ነው። አንዱን ጥሎ ሌላውን ብቻ አንጠልጥሎ መኖር ተገቢም ገንቢም አይደለም፡፡

የሰው ልጅ ጥልቅ ተፈጥሮአዊ ፍላጎቱ ማደግ፣ አዎንታዊ ለውጥ ማምጣት እና እምቅ ችሎታውን አውጥቶ መጠቀም መቻል ነው፡፡ ይህንን ፍላጎቱን እያሟላ ለመኖር በእነዚህ ሶስት የሰብዕና ክፍሎች መካከል እርቅ፣ ስምምነት እና ሚዛናዊ ግንኙነት ሊኖር ይገባል፡፡ ቅርብ ጊዜ አንድ ትልቅ ፓርቲ ላፍቶ ሞል የመታደም እድሉ ገጥሞኝ ነበር፡፡ ዙሪያዬ ይገኙ የነበሩ ወጣቶች ጨዋታና ቡረቃ ሌላ ነው። ይዘፍናሉ፤ ይደንሳሉ፤ የራሳቸውን ግጥምና ዜማ እዛው ጭምር እየፈጠሩ
ምን አለፋችሁ በቃ ራሳቸውንም በአካባቢያቸው  የሚገኘውንም ታዳሚ ዘና ማድረግ ቻሉ፡፡ ምሽቱ ገፋ፣ ወደ ጉሮሮ የሚንቆረቆረው መጠጥ መጠኑ እየጨመረ ሲሄድ ግን ሁኔታዎች መልካቸውን ቀየሩ፡፡ ቅጥ ያጣ ዳንስና ልፊያ፤ የሌላውን መብት የሚጋፍ ድርጊት መፈፀም ተጀመረ፡፡ ያስደሰቱት ሰው ያዝንባቸው፣ ይታዘባቸው፣ ይናደድባቸው ገባ፡፡ ይህ እንግዲህ ሚዛንን መጠበቅ ያለመቻል ውጤት ነው፡፡

መዝናናት እና መደሰት አስፈላጊና እጅግ ጠቃሚ ነገሮች ነው፡፡ ሁሉም ሰው ማንነት ውስጥ መቦረቅ የሚፈልግ “ልጅ” ማንነት አለ፡፡ ይሁን እንጂ ይሄ ማንነት ሙሉ ለሙሉ ወንበሩን ያለ ኃይ ባይ ሲቆጣጠር ከሚለማው ይልቅ የሚጠፋው ያመዝናል፡፡ ይህ ሁኔታ እንዳይከሰት ታዲያ ሀይ ባዩ፣ ከልካዩ፣ ተቆጪው፣ ቆንጣጩ “ወላጅ” ማንነታችን አብሮን ሊኖር ይገባል። “ይበቃል፤ እንዴ! ተው አንጂ፣ ሰው እኮ እየረበሽክ ነው፣ ኋላ ችግር ውስጥ እንዳትገባ! ነግሬሀለሁ!” ወዘተ ሊል ይገባል፡፡ ይህ ብቻ ሳይሆን አመዛዛኙና አዋቂው ማንነታችንም እንዲሁ ምንጊዜም አብሮን ሊሆን ይገባል፡፡ “እየመሸ ነው ብንሄድ ሳይሻል አይቀርም፤ የጀመርካትን ጨርስና ጓደኞችህን ተሰናበት፤ ስትጨፍር ሌላውን ላለመርገጥ ተጠንቀቅ፤ መጠጡንም ቢሆን ከዚህ በላይ አትውሰድ፣ ረሳኸው እንዴ ነገ እኮ ስራ ገቢ ነህ ባለፈው ዓመት እንዲህ ስትጠጣና ስትጨፍር አድረህ የሆንከው ጉድ ትዝ ይልሀል” ወዘተ እያለ አዛዡን እና አማፂውን ማንነታችንን የሚያግባባ፤ ምክንያታዊ እርምጃ እንድንወስድ የሚያግዘን አዋቂ ማንነታችንን ያለ ልዩነት ሊጠነክር ይገባል።

ሶስቱም የማንነት ክፍሎች ድምፅ ኖሯቸው እንደ ዴሞክራሲያዊ ስርዐት  “check and balance” እየተደራረጉ ሲኖሩ ስኬታማ መሆን ይቻላል፤ ተፈጥሮአዊ እምቅ ችሎታን አውጥቶ ለመጠቀም የሚያስችል እድል ይፈጠራል፡፡ አንዱ አንዱን ወርሶ ዙሪያ ገባውን ሲያጥር፤ አንዱ ብቻውን አድራጊ ፈጣሪ ሲሆን ግን ውጤቱ ጥፋት፣ ደስታ አልባ መሆን፣ ለመግባባት መቸገር ወዘተ ነው፡፡ ስለዚህ እንደየሁኔታው ሶስቱንም የሰብዕና ክፍሎች ቦታ ሰጥቶ፣ አግባብቶና አቻችሎ፣ ሚዛን ጠብቆ፤ ጨዋታና
ጭፈራ አስፈላጊ የሆነበት ቦታ ተጫውቶና ጨፍሮ፣ ቁም ነገር የሚቀድምበት ቦታም እንዲሁ ቁም ነገረኛ ሆኖ፣ ለነገና ከነገ ወዲያም አስቦ፣ ተጠቦ እና ተጠንቅቆ እንደ ወላጅ፣ አዋቂና ልጅ መኖር ስኬትም ነው የስኬትም ቁልፍ ነው፡፡

የስብዕና ልህቀት
Join: @Human_Intelligence
Join: @Human_Intelligence ክፈት / አስተያየት ይስጡ

2022-09-12 08:02:27 በምክንያት አትታሰር

ለውድቀታችን ብዙ ምክንያቶችን መስጠት ለምደናል። ወደ ኃላ ለቀረንበት፤ የፈለግነውን ሳይሆን ያልፍለግነውን ለመሆናችን፤ምክንያቱን ብንጠይቅ፤ እጅግ ብዙ ነገሮችን ለመደርደር
እንችላለን። ግን ሁሌም ምክንያቶች በኖሩን ቁጥር፤ ውድቀታችንን በጸጋ ለመቀበል ዝግጁ ነን ማለት ነው ፤ እንደዛ ማለት ብቻም ሳይሆን ለወደፊቱ ውድቀታችንም ዝግጁ ያደርገናል::

ህልም ካለህ እና ህልምህ ለህይወትህ ትልቅ ትርጉም ካለው፤
ከባዶ ማንነት ወጥትህ፤ ትርጉም ያለው ማንነት እዲኖርህ
ከፈለግክ ምክንያት መስጠትህን አቁም። ሁላችንም ለውደቀታችን ማስተባበያ የሚሆን ብዙ ምክንያቶችን ማቅረብ
እንችላለን…..በገዛ ህይወታችን ሃላፊነት ስለሚጎድለን፤
እራሳችንን እንዳንለውጥ ምክንያቶቻችን አስረው ይይዙናል::
ስኬታማ ሰዎች ግን ለውድቀታቸው ምክንያትን መስጥት የማይወዱ ሰዎች ናቸው። ስኬታማ ስል ገንዘብን ወይም የሃብት ክምችትን ብቻ እንደ ስኬት መለኪያ ቆጥሬው አይደለም። ስኬት
በራሳችን መመዘኛ የሚለካ ነው።አንድ የሚያስማማን ነገር ግን
ስኬታማ ሰዎች፤ የመረጡትን ኑሮ መኖር የቻሉ ናቸው። ልባቸው የወደደውን፤ ለህይወታቸው ትርጉም የሚሰጠውን መንገድ የተከተሉ፤ ብርሃናቸው ከራሳቸው አልፎ ለሰው የሚያበሩ ሰዎች
ናቸው::

በዘልማድ ኑሮ ውስጥ ተዘፍቀን፤ ማህበረሰቡ ባወጣልን
መስፈርት፤ አካባቢያችን ባሰመረልን መስመር፤ ችሎታችንን
ገድበን እስከመቼ እንኖራለን? ህልሞቻችንን ሌሎች ማየት
ስለተሳናቸው ብቻ ቅዠት እየመሰለን፤ እውን የሚሆኑ ብዙ ህልሞችን እስከመቼ እናጨልማለን? አላማችንን እንደራሳችን አድርጎ የሚመለከትልን ሰው ስላጣን፤ አላማችንን በተስፋ መቁረጥ ጉድጓድ ውስጥ ቆፍረን ቀበርነው። ችሎታችንን ሰው እንዲነግረን ስንጠብቅ፤ አቅም እና ችሎንታችንን፤ እንደቅጠል ጠወለጉብን:: እራሳችንን የሚመስል ከሰው መሃል ፈልገን ስላጣን፤ ሰውን ለመምስል ሙግት ጀመርን። ሌሎችን መስለን ተራ ሆንን፤ ስራችን የሌላውን መስሎ ተራ ሆነ። መመሳሰል ህይወታችንን የሚያቀልን መሰለንና፤ እኛነታችንን እረስተን ተመሳሰልን፤ ያኔ ልዩነታችን ሞተ፤ ከልዩነታችን ጋር እኛነታችን አብሮ ሞተ፤ከኛነታችን ጋር ህልማች ሞተ። የገዛ ውበታችን ጠፋ ምክንያቱም
ውበት በልዩነት ውስጥ የሚንጸባረቅ ነበርና::

ስንቶቻችን የምንወደውን ስራ አየሰራን ነው? ትርጉም የሚሰጠን ኑሮ፤ ለመኖር ምክንያት የሚሆን እሴት ያለን ስንቶቻችን ነን? አብዛኛዎቻችን ችግራችንን ለምደነዋል፤ ውድቀታችንን ተቅብለነዋል፤ ስለምንኖረው ኑሮ ምንም አይነት ነገር የማድረግ አቅም የሌለን ይመስለናል፤ ህይወታችንን የሚለውጥ ሰው ወይም አጋጣሚ እስኪመጣ እንጠብቃለን፤ በዛ መሃል ውስጣችን ቀስ በቀስ ይሞታል።
ብዙዎች የሚያውቁት ጥቂቶች ግን የሚኖሩበት እውነታ ግን ይህ
ነው።ለህይወትህ ሃላፊነት ከወሰድክ እና  መሆን የምትፈልገውን ከወሰንክ በዚህ ምድር ላይ ካንተ በቀር ከጉዞህ የሚያስቀርህ ማንም የለም። እርግጥ ነው መንገድህ ሁሉ አልጋ በአልጋ አይሆንልህም፤ ብዙ ችግር ያጋጥመሃል ምክንያቱም የስኬት
መንገድ ቀላል ቢሆን ኖሮ ሁሉም ይሳካለት ነበር። ግን ከባድ
ነው…….መንገድህ ሊያቀልልህ የሚችለው አንድ ሚስጥር አለ
እሱም ህይውትህን ለመቀየር ምን ያህል ትፈልጋለህ?
ናፖሊዮን ሂል አንድ ሰው ስኬታማ እንዲሆን የሚያስችለውን
ሚስጢር እንዲህ ይናግረዋል “ሰዎች አሸናፊ እንዲሆኑ
ሊኖራቸው የሚገባ ባህሪ አለ እሱም ፤ የሚፈልጉትን ነገር
በእርግጠኝነት ማወቅ፤ መወሰን እና ውሳኒያቸውን በተግባር
ለማዋል የሚያስችላቸው ከፍተኛ ፍላጎት ማዳበር።” እኒዚህ
ሶስት ነገሮች አንድ ላይ ሲዋሃዱ ህይወታችንን ወደፈለግንበት
አቅጣጫ እንድንመራ የሚያስችለንን መሪ ጨበጥን ማለት ነው።

ብዙዎቻችን በህይወታችንየምንፈልገውን ነገር አናውቅም፤ብናውቅ እንኳን መወሰኑ ይከብደናል። ለምን?ለመለወጥ ስለምንፈራ? ዛሬ ያለንበትን ቦታ ስለለመድነውና መጪውን
ስለማናውቅ?ሌሎች አይሳካም አይሆንም ስላሉን? አቅማችንን
ማንም ነግሮን ስለማያውቅ? ወይስ ውድቀትን ፈርተን?ሁላችንም ምክንያቶች አሉን፤ እኒህ ምክንያቶች ደግሞ ባለንበት
ቦታ እንድንቀር የሚቸነክሩን ሚስማሮች ናቸው። ለውድቀትህምክንያት እስከሰጠህ ድረስ…ካሰብክበት አትደርስም ምክንያቱም ፤ የመለወጥ ፍርሃትህ ሌላ ምክንያት መፍጥር አያቆምምና።ከዚህ አለም ስትሄድ በምን መታወስ ትፈልጋለህ? ዳግም
በማታገኛት አንዴ በተሰጠችህ በዚህች አጭር ህይወት ምን ማድረግን ትመርጣለህ? መለወጥ የምትፈልገው ምንድን ነው?የምትፈልገውን እና የሚያስደስትህን ስራ መስራት?መልካምቤተሰብ መመስረት? መማር? ከሱስ መላቀቅ? የጀመርከውን
ስራ መጨረስ? ለምትወዳቸው ሰዎች መኖር? ወይስ ምን?
የራስህን ህልም መኖር ካቃተህ የሌላውን ሰው ህልም እውን
ለማድረግ ስትለፋ እንደምትኖር እመን፤ አይ የራሴን ህልም
ማሳካቱን እመርጣለው ካልክ ደግሞ፤ ሶስቱን ነገሮች አስታውስ፤
የምትፈልገውን ነገር እወቅ
ወስን
ለመለወጥ ፍላጎት ይኑርህ። ከምንም በላይ ምክንያት መስጠትህን አቁም።ሁሉም ስዎች ትልቅ እንዳይሆኑ እንቅፋት ሊሆኑባቸው የሚችሉ ብዙ ምክንያቶች አሏቸው። ልዩነቱ ደካሞች በምክንያት ታስረው፤ከአቅማቸው በታች ሲኖሩ፤ ጠንካሮች ግን ችግሮቻቸው እና እንቅፋቶቻቸውን የውድቀት ምክንያት ከማድረግ ይልቅ፤
እራሳቸውን ይበልጥ ያጠነክሩበታል………ከመንገዳቸው የሚያቆማቸው ምንም ነገር የለም፤ ማንም ከአላማቸው
አይገዝፍባቸውምና::ያንተስ አላማ ምን ያህል ግዙፍ ነው?
Credit to Biniyam Girmachew

@Human_Intelligence
@Human_Intelligence ክፈት / አስተያየት ይስጡ

2022-09-11 06:50:59 ክፈት / አስተያየት ይስጡ

2022-09-11 06:39:34 ቀና በል
ቴዲ አፍሮ



መስቀል ፋሲካው ኢድ እንቁጣጣሽ
አውዳመት አይሆን አንቺ ካልመጣሽ
ዘመን አድሰሽ በፍቅር ቀለም
ብቅ በይ ኢትዮጵያ ሁኚና መስከረም

ክፈት / አስተያየት ይስጡ

2022-09-05 22:30:49 #ይቻላል

በአንድም ይሁን በሌላ ምክንያት ዕለት ተዕለት በሚኖራችሁ ህይወት ውስጥ ሁሉም ነገር አስጠልቷችሁ ፤ ምንም ለማድረግ ወኔና ፍላጎቱ ጠፍቷችሁ መነሳሳት ከእናንት ርቆ ያውቃል? እንግዲያውስ ህይወትን በኃይልና በመነሳሳት መንፈስ እንደገና ለመጀመር እነኚህን ነጥቦች ይተግብሯቸው፡፡

1. የህይወትን ዓላማ ማወቅ፡- እያንዳንዳችን ወደዚህች ምድር የመጣነው ያለ ዓላማና ምንክንያት ስላልሆነ ለእኛ በህይወት መኖር ለራስና ለሌሎች የሚያበረክተው ጥቅም ስላለው በህይወት የመኖራችንን ዓላማ ጠንቅቀን ማወቅ ያስፈልጋል፡፡

2. ጊዜን በአግባቡ መጠቀም፡- ለሰው ልጅ በነፃ ከተሰጠው የተፈጥሮ ሃብት ውስጥ ጊዜ ነው፡፡ ማድረግ የምንፈልገውንና መሆን የምንመኘውን በጊዜ ቀመር ማስቀመጥ ወደ ምንፈልገው የዕድገት ደረጃ ይመራናል፡፡ ጊዜ ሰይፍ ነው ይቆርጣል ያቆስላል ፤ ጊዜ መድኃኒት ነው ከውድቀት ያነሳል፡፡ “ጊዜን ስሩበት እንጂ አይስራባችሁ!”

3. ተስፋ፡- ዛሬ በእጃችን መዳፍ ውስጥ ናት የስኬትንና የውድቀትን ካርድ ልንመዛባት እንችላለን፡፡ ዛሬ ባይሳካ ነገ ደግሞ ሌላ ቀን ነው ፤ ህይወት ሎተሪ ናትና ደጋግመን መሞከር ያስፈልጋል፡፡ የተሻለ ነገን ለማሰብ ተስፋ ትልቅ ስንቅ ነው፡፡

4. ውድቀትን አለመፍራት፡- ብዙዮች ጠንክረው ላመስራታቸውና ህይወትን በተሻለ መልኩ ላለመኖራቸው ትልቁ ምንክንያት ውድቀትን መፍራት ነው፡፡ ነገር ግን ሰዎች ወድቀው በተነሱ ቁጥር ጠንካራ መንፈስን እንደሚላበሱ ጥርጥር የለውም፡፡ ገና ለገና ባይሳካልኝና ብወድቅ እሳ ብሎ ከመጨነቅ ተፋልሞ ወድቆ መነሳት ይሻላል፡፡

5. በዕቅድ መመራት፡- ህይወት ዝብርቅር እንድትል ከሚያደርጉ ነገሮች ውስጥ አንዱ በዕቅድ አለመመራት ነው፡፡ በዕቅድ መመራታችን በህይወታችን ውስጥ ያሳካናቸውንና ያላሳካናቸውን ነገሮች እንድናውቅ ስለሚረዳን ምን ማድረግ እንዳለብን አቅጣጫ ያሳየናል፡፡

6. አወንታዊ አስተሳሰብ፡- በአሉታዊ አስተሳሰብ ጫና ውስጥ ያሉ ሰዎች የመስራትና የመነሳሳት ስሜታቸው ቀዝቃዛ ነው፡፡ ከብርሃን ይልቅ ጨለማው ቀድሞ ስለሚታያቸው ስልቹዎች ናቸው፡፡ መልካም ማሰብ ወደ መልካም ይመራል ድርጊት ከተጨመረበት፡፡

7. ፍላጎትን መቀነስ፡- መስራትና መሆን የምንፈልጋቸው ነገሮች በበዙ ቁጥር አንድ ነገር ላይ አእምሮአችንንና ጊዜአችንን አሳርፈን መስራት ስለማንችል በምኞት ብዛት ራዕይአችን፤ ጊዜአችንና ጉልበታቸን በከንቱ ይባክናል፡፡

8. ትዕግስት፡- የአንድን ነገር ውጤትና ለውጥ በቅጽበታዊ ጊዜ ውስጥ መፈለግ መነሳሳትን ይገድባል፡፡ በትዕግስት የሚጠባበቁና የሚጥሩ ከሆነ ቢዘገይ እንጂ መድረስ ያለባችሁ ቦታ ከመድረስ የሚያግዳችሁ የለም፡፡

9. ዛሬውኑ መጀመር፡- ስራዎቻችንንና ዕቅዶቻችንን ለማሳካት ከነገ ከመጀመር ይልቅ ከአሁኗ ደቂቃ መጀመር ትልቅ ጥቅም አለው፡፡ የነገን ለነገ በመተው የዛሬን በትንሽ በትንሹ መጀመር ወደ ትልቁ ደረጃ ይመራናል፡፡

10. ስራችንን በደስታ መጀመር፡- ውስጣዊ ስሜቶቻችንን ለስኬቶቻችን ትልቅ አስተዋጽኦ ስለሚኖራቸው የምንሰራውን ስራ መውደድ ይጠበቅብናል፡፡ የማንወደው ስራ ቢሆን እንኳን የምንወደውን ስራ እስክናገኝ የአሁኑን ስራችንን መውደድ አለብን፡፡

(በአንቶኒዮ ሙላቱ)
ZePsychology

@Human_Intelligence
@Human_Intelligence ክፈት / አስተያየት ይስጡ

2022-09-03 19:03:08 #የሕይወትህን_መሪ_አሳልፈህ_አትስጥ!

አንድ አሜሪካዊ ሰው ለንደን ውስጥ ወደሚገኝ ሬስቶራንት ገባ፤ እንደገባም ጥግ ላይ አንድ ህንዳዊ ተቀምጦ አየ።

እናም ወደ ባልኮኒው አመራና የኪስ ቦርሳውን በእጁ እንደ ያዘ፣ እንዲህ ብሎ ጮኸ
"አስተናጋጅ! እዚህ ሬስቶራንት ውስጥ ላሉ ተመጋቢዎች በሙሉ ምግብ ጋብዤያቸዋለሁ፤ እዛ ጥግ ካለው ጠቋራ ህንድ በስተቀር!"

ሆኖም ከመናደድ ይልቅ ህንዳዊው ድምጹን ከፍ አድርጎ፣ አሜሪካዊውን እየተመለከተ"አመሰግናለሁ" አለው።
ይህም ሰውዬውን አስቆጣው።

እናም በድጋሜ አሜሪካዊው የኪስ ቦርሳውን አወጣና ጮኸ "አስተናጋጅ፤ አሁን ለሁሉም ጠርሙስ ወይን እና ተጨማሪ ምግብ ጋብዣለሁ፤ እዛ ጥግ ካለው ጠቋራ ህንድ በስተቀር!"

እናም አስተናጋጁ ከሰውዬው ገንዘቡን ተቀብሎ ምግብ እና ወይኑን ለተስተናጋጆቹ ማቅረብ ጀመረ። አሁንም ህንዳዊው አልተናደደም፤ በድጋሜ በፈገግታ ተሞልቶ "አመሰግናለሁ" አለ፡፡

ይህም ይበልጥ አሜሪካዊውን አበሳጨው፤ እናም ባልኮኒው ላይ እንደተደገፈ ወደፊት አዘንብሎ አስተናጋጁን ጠየቀው
"ያ ሕንዳዊ ሰው ምንድን ነው ችግሩ? ከእርሱ በቀር ለሁሉም ሰው ምግብ እና መጠጥ ገዛሁ፤ ነገር ግን ከመናደድ ይልቅ _ እየሳቀ 'አመሰግናለሁ' ይለኛል፤ እብድ ነው?"

አስተናጋጁም በአሜሪካዊው ንግግር እየሳቀ እንዲህ አለው "አይ እብድ አይደለም ፤ እሱ የዚህ ሬስቶራንት ባለቤት ነው"

ብዙውን ጊዜ ህይወታችን ውስጥ ለሚያልፉ ሰዎች መልስ ስንሰጥ እንውላለን። እያንዳንዱ ንግግራቸውም ያቆስለናል። ድከሙ ሲለን እንጂ አብዛኞቹ የእኛ ምላሽ አያስፈልጋቸውም።

እነሆ_ምክር- የህይወትህን መሪ ከራስህ አሳልፈህ በፍጹም ለእነሱ አትስጣቸው፤ ፈጽሞ በእነሱ እና እነሱ በሚፈጥሩብህ ምላሽ አትመራ።

ምንጭ -በልኬት_ወደ_ስኬት መጽሐፍ

መልካም ምሽት

@Human_Intelligence
@Human_Intelligence ክፈት / አስተያየት ይስጡ

2022-09-02 19:56:36 ማንነት አስተሳሰብ ነው።

ጎሳ ይሁን ነገድ፣ ብሔርተኝነት ይሁን ዜግነት ላይ የተንጠለጠለ ማንነት ሰውነትን የዘነጋ ነው። ሰው በሰውነቱ፣ ድንበር ከመሰመሩ በፊት በልቶ ለመኖር እና ኑሮውን ለማሻሻል ዓቅሙ በፈቀደው ልክ በነጻነት ከቦታ ቦታ ሲንቀሳቀስ መኖሩ የሚታወቅ ነው። በጊዜ ሂደት ሰው እርስ በርስ እየተሰባሰበ የራሱን አካባቢና ክልል እየወሰነ መምጣቱ እንዲሁ ታሪክ ያወሳው ነው። ስብስቡ ከቤተሰብና ዘመድ አዝማድ ስብስብ ጀምሮ ወደ ጎሳ አድጓል።

በጊዜ ሂደት ከቤተሰብ ወደ ጎሳ፣ ከጎሳ ወደ ነገድ ያደገው ስብስብ ውሎ ሲያድር በፊውዳል ስርዓት ወደ ብሔረሰብ ተሸጋግሯል። የካፒታሊዝም ስርዓትም ስብስቡን ወደ ብሔር እንዳሳደገ ይነገራል። ዛሬ ላይ ሉላዊነት (ግሎባላይዜሽን) ኮስሞፖሊታን ማንነትን እየገነባ ነው። ኮስሞፖሊታኒዝም  ከብዙ ልምድና እሳቤዎች አንድ ላይ ቀልጦ የተዋሃደ ማንነት ነው።

በብዙ ያደጉ ሀገራት ያለው እሳቤ ኮስሞፖሊታኒዝም ነው። ኮስሞፖሊታኒዝም ውስጥ ያለው ገዢ እምነት ሰብዓዊነት ነው - ሰውነት።

ሰው የሚያስብ ፍጥረት ነው። ሰው ከሌሎች ፍጥረታት የሚለየው ማሰብ በመቻሉ ነው። አንድ ሰው ከሌላውም የሚለየው በሃሳብ ጥራቱ ነው።

ሃሳብ ደግሞ በየጊዜው ይለዋወጣል፣ ይሻሻላል፣ ይዳብራል፣ ያድጋል። የሰው ልጅ ከማህበራዊና ኤኮኖሚ ሁኔታዎች ለውጥ እና የቴክኖሎጂ እድገት ጋር ተያይዞ ራሱን የሚያደራጅበት ህብረትና የሚገልጽበት ማንነት እየተለያየ ሲመጣ የታየ ጉዳይ ነው።

ከወትሮው በደመቀ ህብርና መስተጋብር ኢኮኖሚ እና ፖለቲካ እንደ ድርና ማግ የዓለምን ፖለቲካ እየሸመኑት ነው። በእኛም ሀገር ኢኮኖሚያችን ከመሬት ሳይነሳ የሉላዊነት ተጽዕኖ ፖለቲካውን እየናጠው ነው።

ከዚህ አናናጥ ምን ዓይነት ቅቤ ይወጣ ይሆን? ነው ወይስ ወተቱ ሽፍታ ሆኖ ይቀር ይሆን?

ከሁሉም ማንነት ሰብዓዊነት ይበልጣል።

#ሰብዓዊነት

#Global_Citizen_Education

#GCED

Duce Luce Paca
@Human_Intelligence ክፈት / አስተያየት ይስጡ