قناة أَبي ماحي محمد اَلحبشي الْوَلّوي

ጥብቅ ማሳሰቢያ ለመጅሊስ!
~
ሰሞንኛውን የጉንችሬ ሙስሊም ተማሪዎች ላይ እየደረሰ ያለውን የመብት ረገጣ ተከትሎ አንዳንዶች መጅሊሱ በኒቃብ ጉዳይ ላይ ሙስተሐብ ነው፣ ዋጂብ ነው፣ ... በሚለው ላይ ፈትዋ እንዲያወጣ እየጠየቁ ነው። እንደማጠናከሪያም ኒቃብ ከልክለዋል ያሏቸውን የሙስሊም ሃገራት እያጣቀሱ ነው። ይሄ እጅግ ቆ^ሻ ^ሻ የሆነ አካሄድ ነው። ሲጀመር እከሌ አገር ተከልክሏል ብሎ ማጣቀስ ለኢስላም ጠሎች ድንጋይ ማቀበል እንጂ ቁም ነገር ሆኖ የሚጠቀስ አይደለም። እጅግ በርካታ ሙስሊም ያልሆኑ ሃገራት እንደማይከለክሉ እየታወቀ ይህንን እያጣቀሱ ከእህቶቻችን ጎን መቆም ሲገባ እንደ ቱኒዚያ ባሉ ሃገራት ፀረ ኢስላም የፖለቲካ ሃይሎች የሚፈጥሩትን ጫና እየጠቀሱ ለበዳዮች ድንጋይ ማቀበል ወይ እንቅ^ልፋምነት ነው፤ ካልሆነ ግን ብል ^ግና ነው።
ለማንኛውም መጅሊሱም ሆነ ሌላ አካል በዚህ ጉዳይ ላይ የሚጠበቅበት ከግፉኣን ጎን መቆም ብቻ ነው። ጉዳዩ የፈትዋ ጉዳይ አይደለም። ጉዳዩ የመብት ጉዳይ ነው። ያያያዝኳቸውን ፎቶዎች ተመልከቱ። የትምህርት ቤት ቅፅር ግቢ ውስጥ ነው ይህ እየሆነ ያለው። ይህንን እያየ ፊት መሸፈን ዋጂብ ነው ሱና የሚል አካል ካለ ሲበዛ ሙغፈል ነው።
ደግሞ ይታወቅ። ማንም ቢሆን ግለሰብም ይሁን ተቋም አስገዳጅ ፈትዋ ሊያወጣ አይችልም። ቡድናዊ ፍላጎትን የተከተለ፣ ጠላትን የሚያስደስት ፈትዋ በማውጣት በእህቶቻችን ህይወት ላይ ከመቀለድ ባለፈ ራሱን ነው የሚያቀለው። ፈፅሞ የመብት ጥያቄ እና የፈትዋ ርእሶችን ማደበላለቅ አይገባም። ችግሩን መፍታት ባትችሉ እንኳ አጉል ፈትዋ ከምታወጡ ጉዳዩን በዝምታ እለፉት። ኢንሻአላህ ዛሬ ወይም ነጋ መብቱን የሚያስከብር ትውልድ ይመጣል።
=
የቴሌግራም ቻናል፦
https://t.me/IbnuMunewor