Venue

2022-08-25 15:17:55 #አንዳንዴ 12
(አብዱልሀኪም ሰፋ)
:
አንዳንዴ ይቸግርሀል፣ ችጋራም ትሆናለህ። ለመጓጓዣ የሚሆን ገንዘብ ሁላ ታጣለህ። ያለችህን ለማብቃቃት ረጅም መንገድ በእግርህ ትጓዛለህ። የእግርህ ጠረን ይቀየራል። የምትጠራባቸውና የምትሄድባቸው ቦታዎች ጫማ ተወልቆ የማይገባበት ቦታ በሆነ ብለህ ትመኛለህ። #አንዳንዴ ስለ ሥነ ውበት በደንብ ታውቅና የምትዋብበትን ቁሳቁስ ታጣለህ። ደግሞ አንዳንዶች ያረጁ ፋሽኖች ብለው ረጅም ጊዜ ችግርህን የምትወጣባቸው ልብስና ጫማዎችህን ቀይራቸው ይሉሀል። ለምን አትዘንጥም፣ ለምን የሚያምር ነገር አትለብስም ብለው ይመክሩሀል። አንተ ግን የያዘህ ይዞህ እንጂ ከነሱ በላይ መዘነጥና መዋብን እንደምታውቅ አያውቁም። #አንዳንዴ ባዶ ሆድህን ሆነህ ከጠገቡ ሰዎች ይበልጥ ንቁ ሆነህ ትታያለህ። #አንዳንዴ ተስተናጋጆች ትዝ የማይሉት ስራውን በአግባቡ የማይሰራ እንዝህላል አስተናጋጅ ደስ ይልሀል። ግድ ሆኖብህ በተገኘህበት ምግብ ቤት ወይም ካፍቴሪያ እስከነጭራሹ ረስተውህ ምን ልታዘዝ ሳትባል ጉዳይህን ጨርሰህ መውጣት ትፈልጋለህ። ቸግሮሀላ ወንድሜዋ መሸማቀቅህ አይቀርም። እንደው ሩቅ ቦታ በመጓጓዣ ስትሄድ ግግም ብሎ የሚከፍልልህ፣ የሚያውቅህ ረዳት ባገኘሁ ብለህ ትመኛለህ። የሆነ የምትሄድበት ቦታ ግራ ግብት ሲልህ በምትጠቀመው መጓጓዣ ውስጥ እንዳለህ ዝናብ ሲዘንብ፣ መንገድ ሲዘጋጋ፣ የትራፊክ መጨናነቅ ሲኖር፣ ቀርፋፋ ሹፌር መኪናውን ሲነዳው ደስ ይልሀል። ሌሎች ለመድረስ ሲቻኮሉ አንተ ግን ለመድረስ የምትቸኩልበት ቦታ ስለሌለ መቆየቱ እና መርፈዱ ደስ ይልሀል። #አንዳንዴ እራስህን ሩቅ ቦታ እንዳለህ አድርገህ ሲጠሩህ መገኘት አትፈልግም። ሰው ጠልተህ አይደለም የምታወጣቸውን ወጪዎች ለመሸፈን በቂ የሆነ ነገር ስለሌለህ እንጂ! #አንዳንዴ አምላክህ ስስታም እየመሰለህ ልትጠይቀው እንኳ የለውም ይሆናል ብለህ ታስብለታለህ። ምርር ችግር ሲልህ ከአምላክህ ጋር እልህ ትያያዛለህ። የከለከለህን በማድረግ አምላክህን የቀጣኸው ይመስልሀል። #አንዳንዴ ትንሽም ቢሆን ወዝ ያለው ነገር ለማግኘት የመስጂድ ሰደቃ ይናፍቅሀል። ከሰላት ወቅቶች የበለጠ የሰደቃ ጊዜያት ሊታወሱህ ይችላሉ። እያለፍክበት ያለውን ውጣ ወረድ የትዳር አጋርህ ካልተረዳችህ ወይም እንድትረዳህ አድርገህ ካልነገርካት የጎደላትን ስትጠይቅህ ታስጠላሀለች። የሆነች ጨካኝና ምንም ላንተ እርህራሄ የሌላት ይመስልሀል። ወንድሜዋ አይቸግርህ እንጂ ሲቸግርህ ማንንም ትቀየማለህ፣ ትነጫነጫለህ፣ ሆድ ይብስሀል። ደግሞ #አንዳንዴ አንዳንድ ሰዎች ሞቅ ሲላቸው እንደሚያግዙህና የምትፈልገውን እንደሚያደርጉልህ ተስፋ ሰጥተው በምኞት አጓጉል በደስታ ይጥዱህና ችግርን የመቻል አቅምህ ጋር ያጣሉሀል። ያኔ ጭራሽ ሁሉም ነገር ይደበላለቅብሀል። ሰው ሰላም ማለት ያስጣላሀል፣ ሲደወልልህ ማንሳት መልሶ መደወል ይደብርሀል። እያየህ ባላየ ጨዋታ ትጫወታለህ። የሆነ #አንዳንዴ እንደኔ የከፋው ይኖር ይሆን ብለህ ሁላ ትጠራጠራለህ። ብቻ #አብሽሩ! በቀናቶች ውስጥ ያሉት ድርጊቶቻችን ይደጋገሙ ይሆናል እንጂ ቀን አይደገምም። ወንድሜዋ ለመቸገርም አቅም የሰጠህን ጌታህን አትራቀው። ሰዎችንማ አየናቸው እኮ በጌታህ ላይ ብቻ ተስፋ አድርግ። በደንብ ዝቅ ብለህ ሌሎችንም ተመልከት ምናልባት ያንተ ችግር ለኔ ባደረገው ብለው የሚመኙ ካንተ የባሰ የተቸገሩ ሰዎችን ታገኛለህ። #አንዳንዴ እይታህ የሌለህን ብቻ የሚያስታውሱህ ሰዎች ላይ ሲሆን ሁሉም ላንተ እዳና ችግር ነው። ዞር ዞር በል ያላየኸው የምትመከርበት ብዙ ሕይወት አለ። እንዲህ ሆነን አንቀርም ወንድሜዋ #አብሽሩ! #አንዳንዴ የሚገባንን ሊሰጠን ለእኛ የማይገባ የምንላቸው ፈተናዎች ይገጥሙናል። #አንዳንዴ…
:
@Venuee13
@Venuee13 ክፈት / አስተያየት ይስጡ

2022-08-24 18:01:42 #አንዳንዴ 11
(አብዱልሀኪም ሰፋ)
:
<< እወድሻለሁ! አፈቅርሻለሁ! ላጣሽ አልፈልግም! ካላንቺ መኖር አልችልም! ……>> እነዚህ ቃላት ተራ ሆነውብሽ አልተቸገርሽም? ምንም ስሜት አልሰጥ ብለውሽ ለምንድን ነው እንደዚህ የምሆነው ብለሽ እራስሽን ለመጠየቅ ትሞክሪና መልስ እያጣሽ ወይም እዚህ ግባ የማይባል መልስ ለራስሽ ትሰጪና ግራ ትጋብያለሽ። #አንዳንዴ ምንም ሳትጎጂ ብዙ የተጎዱና ውሸታም ሰዎችን ተመልክተሽ ስሜት ታጫለሽ። እንደውም አንዳንድ የምታውቅያቸው ሰዎችም ይሁኑ በተለያየ አጋጣሚ የታዘብሻቸው ሰዎች ወደነዋል አፍቅረነዋል ያሉትን ሰዉ ላለማጣት የሚሄዱበትን ርቀት፣ የሚያፈሱትን እንባ ስትመለከቺ፣ ሲያኮርፏቸው ሲደነግጡ ጊዜ ግራ ግብት ይልሽና << እነዚህ ሰዎች ያማቸዋል እንዴ! ምን እየሆኑ ነው? >> ወዘተረፈ ትያለሽ። #አንዳንዴ ሁኔታቸውን ተመልክተሽ << እንደው እኔም እንደነሱ መሆን በቻልኩና ባየሁት! >> እያለሽ ልትሳለቂ ሁላ ትችያለሽ። ደግሞ ሳልነግርሽ የሚታይና የሚጨበጥ በተግባር የሚገለፅ ነገር ብቻ እውነት እንደሆነ አምነሽ ትቀበያለሽ። አሁን ለምሳሌ እኔን በደንብ አውቀሽ ቀርበሺኝ እወድሻለሁ ብልሽ የእውነቴን እንደሆነ ልትቀበይ ትችያለሽ? እኔ ግን አይመስለኝም። ለምን እንደሆነ ታውቅያለሽ መውደዴን በተግባር እንድገልፅልሽ የሚያስችል ነገር ትፈልግያለሽ። #አንዳንዴ ግንኙነቶችን የምንረዳበት መንገድ አቀባበላችንን ይቀይረዋል። ያልታመኑ ሰዎች ፍቅርን አዋረዱት ማለት ፍቅር ክብር የለውም ማለት አይደለም። ስሚኝማ << እወድሻለሁ! አፈቅርሻለሁ! ላጣሽ አልፈልግም! ካላንቺ መኖር አልችልም! …>> የሚሉ ቃላቶች ስሜት ስላልሰጡሽ ምን የቀረብሽ ይመስልሻል? መልስሽ እኔንጃ ወይም ሌላ ሊሆን ይችላል እኔ አልነግርሽም። ግን አታስቢ የሚያስፈልግሽ አልቀረብሽም። ባይሆን ምን ያስፈራኛል መሰለሽ። ድንገት ይሄ ባህሪሽ የሆነ የተመታ ወይም ረቂቅ የውሸት ተግባሪ ላይ እንዳይጥልሽ። #አንዳንዴ ሰዎች የሚፈልጉትን ለማግኘት ኢንቨስት ያደርጋሉ። ምናልባት ቃላት ባይደልልሽ የተቀባቡ ተግባሮች እንዳይሸውዱሽ። ማንም እስካሁን የግሉ ስላላደረገሽ ጠንካራ ነሽ ማለት አይደለም። አጉል ማንም አይሸውደኝም ብለሽም ልብሽ እንዳያብጥ። #አንዳንዴ እራሳችንን በደንብ የጠበቅን የመሰለን ሰሞን ስስ እንሆናለን። ለማንኛውም << እወድሻለሁ! አፈቅርሻለሁ! ላጣሽ አልፈልግም! ካላንቺ መኖር አልችልም! …>> የሚሉ ቃላት አንቺ ስሜት ስላልሰጡሽ ውሸት ናቸው ማለት አይደለም። ትርጉም የሚሰጣቸው፣ የምርም ሀሴት የሚያደርጉ ሰዎች አሉ። የሚገርምሽ እንዳንቺ በሆንኩ ብለው የቀኑብሽ እንደሚኖሩ አልጠራጠርም። በስተመጨረሻ የሆነ ነገር ልበልሽ ከቃል በላይ ተግባር ለምን እንደምትመርጪ ታውቅያለሽ? ያው አታውቂም አይባልም ብዙ ምክንያትም ይኖርሻል ዋናው ግን መጎዳት አትፈልጊም! ስለዚህ እያንዳንዱ ውሳኔዎችሽ የተጠኑ ናቸው። ተሳሳትኩ? አለት ልብ ያለሽ ይመስላል ውስጥ ውስጡን ግን… ብቻ በዱዓሽ አስታውሺኝ እቴዋ! #አንዳንዴ…
:
@Venuee13
@Venuee13 ክፈት / አስተያየት ይስጡ

2022-08-24 07:31:49 @Venuee13 ክፈት / አስተያየት ይስጡ

2022-08-23 10:11:14 #አንዳንዴ 10
(አብዱልሀኪም ሰፋ)
:
#አንዳንዴ ፈተናዎችህ ከመብዛታቸው የተነሳ ሰው መሆንህን ትጠራጠርና የቤተ ሙከራ አይጥ የሆንክ ይመስልሀል። የሆኑ ሰዎች ካንተ የሚፈልጉት ነገር ሲኖር ይጠጉሀል። ካገኙ በኋላ ቀስ ብለው እየተንሸራተቱ ከናካቴው ይተውሀል። በቃ ምርር ብሎህ << ሰው በቃኝ! >> ብለህ እራስህን ለማስታመም ስትሞክር ደግሞ የሆኑ የሚገርሙ ሰዎች ወደ ሕይወትህ ይገባሉ። ይወዱሀል፣ ይናፍቁሀል፣ ያስቡልሀል። አንተ ግን ለነዚህ ሰዎች የሚገባቸውን ፍቅርና ክብር መስጠት ይከብድሀል። ተጠቅመው የጣሉህ ሰዎች እየታወሱህ ትፈራለህ። ፍቅር የሚሰጡህ ሲመጡ የራሳችሁ ጉዳይ የሚል አቀባበል ታሳያቸዋለህ፣ አብዝተው አይዞህ እያሉ ሲንከባከቡህ ምን ፈልገው ነው ብለህ ትጠራጠራለህ። ብቻ ምንም ነገራቸው አይዋጥልህም። #አንዳንዴ ለማይገባቸው ሰዎች ያለህን ሁሉ ትሰጣቸውና ለሚገባቸው ሰዎች የተሳሳተ አመለካከት ብቻ ይቀርሀል። #አንዳንዴ በትክክል ላንተ የሚጨነቁና የሚያስቡ ሰዎች ላይ ያኔ ባንተ ላይ ያሻቸውን የሰሩ ሰዎች ትሆናለህ። ደግሞ ያማል! እምነት እና ፍቅር የንግድ ፍቃድ አይደለም በቀላሉ አይታደስም። ፍቅር እና እምነትህን ስታጣ በቀላሉ ጉቦ ከፍለህ፣ ሰው ተዋውቀህ ወይም ጉዳይ ገዳይ ቀጥረህ ማሳደስ ወይም በቀላሉ አዲስ ፍቃድ ማውጣት አትችልም። እክል የገጠመው ፍቅር እና እምነት በጊዜ ውስጥ ነው የሚታደሰው። እድሳቱ የሚሳለጠው ደግሞ ይቅር ባይ እና በጅምላ የማይፈርድ ልብ ሲኖርህ ነው። የወደዱህን የምትወዳቸው፣ የሚያስቡልህን የምታምናቸው ወድያው ወይም በአንድ ጊዜ ሳይሆን በሒደት ነው የሚሆነው። ምክንያቱም ቁስልህ መድረቅ ያስፈልገዋልና። አለ አይደል ልቧ እስኪጠፋ የምትወድህን ፣ ከነ ንቀትህና ግዴለሽነትህ የሚንሰፈሰፉልህን፣ በንፁህ ልብ አለመቀበል እኮ ያናድዳል። አስበኸዋል ስትገፋቸው ሳይቀየሙህ እንዳትርቃቸው በይቅርታ የሚያልቅሱብህ ሰዎችን ውሸታም ብሎ ጨካኝ መሆን እንዴት እንደሚያስጠላ? #አንዳንዴ ድጋሚ መጎዳትን በመፍራት የሚቀርቡን ሰዎች ላይ ከጎዱን ሰዎች በላይ እንሆንባቸዋለን። ግን አይታወቀንም! አናስተውልም እንጂ በዳዮቻችንን ህያው አድርገን የምናቆያቸው ባህሪዎቻቸውን ወርሰን ነው። ቁስልህ አልደርቅ፣ ህመምህ አልሽር ያለህ ያቆሰሉህና ያሳመሙህ ሰዎችን ባህሪ ወርሰህ እንዳይሆን። እስቲ አስብበት። #አንዳንዴ…
:
@Venuee13
@Venuee13 ክፈት / አስተያየት ይስጡ

2022-08-22 12:38:09 #አንዳንዴ 9 (አብዱልሀኪም ሰፋ) : ሕይወት እንዴት ነው? አንቺ እንዴት ነሽ? #አንዳንዴ መመለስ ስላለብን ብቻ እንመልሳለን እንጂ የምር ያለንበትን ሁኔታ የሚገልፅ ገላጭ ነገር አናገኝም። ደግሞ ጠያቂዎች ያበሳጫሉ። እንደው ላይጠቅማቸው ልምድ ሆኖባቸው ብቻ ይጠይቃሉ። ግን እንዴት ነሽ? ሳቅሽ አላረጀም? ሁሌም አሮጌ ሳቅ መሳቅ ይሰለቻል አይደል። ከተኮሳተርሽም ስም ይወጣልሻል፣ ዝም ብትዪም አይቀርልሽም።… ክፈት / አስተያየት ይስጡ

2022-08-22 12:19:22 #አንዳንዴ 9
(አብዱልሀኪም ሰፋ)
:
ሕይወት እንዴት ነው? አንቺ እንዴት ነሽ? #አንዳንዴ መመለስ ስላለብን ብቻ እንመልሳለን እንጂ የምር ያለንበትን ሁኔታ የሚገልፅ ገላጭ ነገር አናገኝም። ደግሞ ጠያቂዎች ያበሳጫሉ። እንደው ላይጠቅማቸው ልምድ ሆኖባቸው ብቻ ይጠይቃሉ። ግን እንዴት ነሽ? ሳቅሽ አላረጀም? ሁሌም አሮጌ ሳቅ መሳቅ ይሰለቻል አይደል። ከተኮሳተርሽም ስም ይወጣልሻል፣ ዝም ብትዪም አይቀርልሽም። ስሚኝማ ተደብቀሽ የምትወጂው ልጅ ግን እንዴት ነው? #አንዳንዴ ለራስ ደስታ የሚሰጥ የሚመስል ነገር የሚጎዳ አይመስልም። እስቲ ንገሪኝ ሕይወት እንዴት ነው?
ስለኔ ልንገርሽ ያው በኔ ውስጥ አንቺን እንደምገልፅልሽ አይጠፋሽም መቼስ። ይኸውልሽ እልም ያልኩ አስመሳይ ሆኛለሁ። ከፍቶኝ እስቃለሁ፣ ሰው እየናፈቀኝ ከሰው እገለላለሁ፣ ማውራት እየፈለግኩ ምን ይሉኝ ይሁን እያልኩ ይሉኝታ ይይዘኛል። #አንዳንዴ የራሴ ነገር ግራ ግብት ሲለኝ ጤንነቴን እጠራጠራለሁ። አንቺ ግን እንዴት ነሽ? ማስመሰሉን በደንብ እየለመድሽ ነዋ! ያቺ ጓደኛሽ የት ደረሰች? ብቻ ተዪው። እኔ ምልሽ ሰው ማመን ላይ እንዴት ነሽ? ሁሉም አንድ አይነት እየሆኑብሽ ተቸገርሻ። #አንዳንዴ የሁሉም አስተሳሰብ ተመሳሳይ ሲሆን ሁሉንም በጅምላ መደፍጠጥ አለ። ግን ደስ አይልም! ለማንኛውም ማስመሰሉ ይቅርብሽ። የመቻል አቅምሽን ትንሽ አታድርጊው። ሁሌም ባሰብሽውና በተመኘሽው አይነት አትኖሪም። ትዕግስትሽን፣ ንዴትሽን፣ ፍቅርሽን፣ እንባሽን አታባክኛቸው። ግዴለሽም ሳቅሽ፣ ልብስሽ፣ አጉል ምንም አልሆንኩምሽ መዋሸት ይብቃቸው። #አንዳንዴ አንዳንድ ነገሮች በቃችሁ ካልተባሉ ድንበራቸውን ያልፋሉ። የሆነ ነገር ልንገርሽማ አንቺን ስመለከትሽ ከሳቅሽ ውስጥ የሲቃሽ ድምፅ ይሰማኛል፣ ለሁሉም በመድረስሽ ውስጥ ሁሉም ጋር አለመከበርሽ ይታወቀኛል፣ በይቅርታ በማለፍሽ ውስጥ ጭካኔሽ ይዘገንነኛል፣ በማልቀስሽ ውስጥ እልህሽ ያስፈራኛል፣ ባለመፈለግሽ ውስጥ ተስፋሽ ይገርመኛል፣ በማጣትሽ ውስጥ አለመፈለግሽ ግራ ያጋባኛል፣ ከሁሉም ከሁሉም ደህና ለመምሰል የምትሞክሪው ነገር ይደንቀኛልም ያስደነግጠኛልም። #አንዳንዴ በጣም ማስመሰልን ስትችዪበት ስለ እራስሽ ትዝ አይልሽም። ለማንኛውም እኔ እንደማይሽ የሚያይሽ አይጠፋም። ስድ አፅናኝ አይደለሁም የማይጠቅምሽን አይዞሽ ምናምን አልልሽም! የእፉዬ ገላ ጥንካሬሽን ወድያ በዪው እና እራሷን የምታከብር ሴት ሁኚ። ብቻ አጉል ደህና ነኝሽን መቀጠልም ማቆምም ትችያለሽ ግን አታስመስዪ! #አንዳንዴ…
:
@Venuee13
@Venuee13 ክፈት / አስተያየት ይስጡ

2022-08-22 12:05:39 የአላህ ሰላም እና እዝነት በሁላችንም ላይ ይሁን! ዝባዝንኬ ሳላበዛ ወደ ጉዳዩ ልግባ! በዚህ ቻናል ላይ ሁሌም ሊገኝ የሚችል(ተከታታይ መሆን አይጠበቅበትም) አንድ ቋሚ የሆነ ነገር ቢኖር የሚል ሀሳብ በእናንተው በኩል መጥቶ ነበር። እስከዛሬ ብዙ መርሀ ግብሮች በተከታታይ ቀርበው ነበር። ከነዚህ ውስጥ የተመረጡትን ወደ እናንተ ላድርስና በይበልጥ የመረጣችሁት በዚሁ ቻናል ካቆመበት የሚቀጥል ይሆናል። … ክፈት / አስተያየት ይስጡ

2022-08-22 08:44:10 @Venuee13 ክፈት / አስተያየት ይስጡ

2022-08-21 23:06:55 "ሰዐት እላፊ" ናፍቆት∞
(ነጃት ሀሰን)
:
<ስለነደዱ ፍጥረታት እያነበብኩ ነበር...በፍቅር ከዛም በናፍቆት ስለከሰሉ!
ይሄኛው ናፍቆት ያቅለበልባል፣ አያስረጋም... ያራውጣል... ያስመኛል ሩቁን...በሩሕ የከተመውን... በልብ የነገሰውን... እሱ የማይደረስበት ከፍታ ነው... ያ የማይወጡት ማማ ነው ከተመረጡት በስተቀር!!>

<<ልጂት በዘመን ንጉደት አብረሽ የምትበሪብኝ ነገር አለሽ...ጉዳዩ በቃል ስላሽከረከሩት አይደለም...ክታብ ስለሰደሩለት አይደለም...ሲኖሩት ነው!!>>እኔዋ።
:
@Venuee13
@Venuee13 ክፈት / አስተያየት ይስጡ

2022-08-21 19:44:01 ስለ ቬኑ ቻናል የሚስተካከሉ ነገሮች ካሉ በሚል ሀሳብ ጠይቄ ነበር። ሀሳቦቻችሁን ያካፈላችሁንም በዝምታ ያለፋችሁንም ሁላችሁንም እናመሰግናለን። በዋነኛነት ቢስተካከል ወይም ቢጨመር በሚል ከተነሱት ሀሳቦች ውስጥ 1 ቋሚ በየትኛውም ጊዜ ማግኘት የሚቻል የሆነ ፅሁፍ ወይም ዝግጅት ቢኖር(በየቀኑ መሆን አይጠበቅበትም) 2 የሚለቀቁ ፅሁፎች ይዘገያሉ። 3 ፅሁፎች በደንብ ግልፅ አይደሉም።(ያታግላሉ) 4 የድምፅ ስራዎች… ክፈት / አስተያየት ይስጡ