🌹ትንሹ ሔኖክ

2022-07-09 06:45:48 ክፈት / አስተያየት ይስጡ

2022-07-08 21:22:35 ውይይይ አልልበስኮ ከለበስኩ ግን
የሰው ልጅ ትልቁ ውበቱ ውስጣዊ ማንነቱ ነው። እንዲህ ሰው ከሰይጣን በከፋበት ዘመን የውስጡንም የውጩንም ይዞ መገኘት እውነት መታደል ነው። ይህን ያደረገች ደግሞ እናቴ እመቤት ወላዲቷ አዛኝቷ ቅድስት ድንግል ማርያም ናትና ዛሬም ነገም እስከዘላለም ውድድድድድ አደርግሻለሁ
ያላንቺ ህይወቴን ላስበው እልና ማሰብ አቆማለሁ ክፈት / አስተያየት ይስጡ

2022-07-07 06:47:59 የመድሀኒት እናት

ትንሹ ሔኖክ

እኔ ሰው ነች ብዬ ፈጽሞ አልስትም
እሷ ሰው ከሆነች እኔ ሰው አልሆንም
የመለኮት እናት የብርሀን መገኛ
ድንግል እናቴ ናት የፍጥረት መዳኛ
እንደ ጸሀይ በርታ ደምቃ የተገኘች
ንጽሂተ ንጹሀን ቅድስት እሷ ነች
የሰው ልጅ ስለሷ የሚወዛገበው
ከዝምታ ውጪ ምንን ተናግራ ነው
ቢወዱ ቢጠሏት ምላሽ የማትሰጥ
የእናትነት ፍቅሯ ፍጹም ማይቋረጥ
የመድሀኒት እናት ድንግል መድሀኒት ነች

ውይይይይ የኔ እናት ማርያም ውድድድድድድድ ነውኮ የማደርግሽ ይኸው ስምሽን ሀያ አራት ሰዓት እየጠራሁ ልረካ አልቻልኩም ምን ትዪኛለሽ? ኧረ እናቴ እንዳንቺ ያለ የሚወደድ የሚፈቀር የሚጣፍጥ ልብን የሚገዛ ምን አለ በምድር። እኔ ካንቺ ውጭ የሚበልጥብኝ አንዲት ነገር በምድር የለም ሊኖርም ፈጽሞ አይችልም። እናቴ ፍቅርርርቅር አደርግሻለሁ ብዙዎቻችሁ እናቴ ለምን ትላለህ ብላችሁ ልታርሙኝ ትሞክራላችሁ። ቆይ እኔ ስለናንተ ውሎና ስራ ምን አውቃለሁ። እኔ የማውቀው ስለራሴ ነው። እኔ ደግሞ ጠዋትና ማታ ከስሯ አልተለየሁም ስለዚህ እናታችን ብዬ አላሽቃብጥም የማውቀው ስለራሴ ነው። ደግሞ ማርያም እናቴ የፍጥረት ሁሉ እንደሆነች እንኳን እናንተ ዳቢሎስም ጠንቅቆ ያውቃል። ዋናው ማወቁ ሳይሆን እንደኔ መጠቀሙ ላይ ነው። ይኸው እርርርር በሉ እናቴ የኔ የብቻዬ ማርያም ውድድድድ አደርግሻለሁ

ውድድድድድድ የምታደርጊኝ ትንሹ ሔኖክ ነኝ ክፈት / አስተያየት ይስጡ

2022-07-06 17:40:47 ምን ይበል ፈጣሪ

ትንሹ ሔኖክ

በጎ ነገር ጠልተን ከክፋት እየዋልን
ምን ያድርግ ፈጣሪ ምን እንዲል ፈለግን
ሰው አለምላኩን ትቶ ለሰይጣን ሲገዛ
ለምን ይገርመናል ጨለማው ቢበዛ
በሀይማኖት በቋንቋ እየተለያየ
ፍቅርን ሁሉ ንቆ በሀጥያት ከቆየ
ሰላም በሀገር ጠፍቶ ሞትን ከለመድን
ምን ይበል ፈጣሪ ምን እንዲል ፈለግን
ደሀ ምስኪን ሳይንቅ በዝቅታ ውሎ
ስርዓት ዘርግቶ እንዲህ ኑሩ ብሎ
የጽድቁን መገኛ እውነትን ከሸሸን
መከራ ስቃዩ እንዴት ነው የሚያልፈን
ሀገሬ አትሞኝ ፈጣሪህን ተወው
የነገረህን ቃል መቼ ተቀበልከው
በራስህ መንገድ ላይ በደመነፍስ ኖረህ
ጌታ ወዴት አለ እንዴት ትለዋለህ
ፈረሱን ከጋሪ ቶሎ አስቀድመህ
ብትኖር ይሻልሀል በንስሀ ታጥበህ
አልያ እንዳለቀስክ ነፍስህም ቆሽሻ
ገሀነብ ትወርዳለህ ወደ ርስት ድርሻ

ቆይ እውነት እግዚአብሔር ምን እንዲል ፈለጋችሁ። በየ ቤታችሁና አካባቢያችሁ እንዲሁም በምትሄዱበት ሁሉ የምታደርጉትና የምተሰሙት ሀጥያትና ግፍ እያለ እንዴት እግዚአብሔር ይቀርበናል ብላችሁ አሰባችሁ። ዳዊት በመዝሙሩ እግዚአብሔር ሀጥያትን አብዝቶ ይጠየፋል ይላል። በራዕይ ማርያምም ላይ የሀጥዕ ሰው ነፍስ ለቅዱሳን መላዕክት እጅግ ትሸታቸዋለች ይላል። አሁን እኔ የምኖርበት አካባቢ ሙሉ ቀን sex በቅናሽ ዋጋ እንደ እቃ ይሸጣል። ገዢውም ከቁጥር በላይ ነው። ትልልቅ የሚባሉ የንግድ ቤቶች ስራቸው ይህ ሆንዋል። የቤቶቹ ባለቤቶች ደግሞ ለገብሬል ለማርያም ለሚካኤል ይህን አደረጉ እየተባለ በየ ቤተክርስቲያን ይሞገሳሉ። አይ ክፉ ዘመን። እናንተ እግዚአብሔር ቸር ነው ምስኪን ነው እያላችሁ ልታልቀ ጥቂት ነው የቀራችሁ። በኖህ ዘመን የነበሩ ሰዎች ለምን ንሰሀ አትገቡም ሲባሉ አሁን እናንተ የምትሉትን የልጅ መልስ ነበር የሚመልሱት። ቆይ እግዚአብሔር ሞኝ መሰላችሁ አይደል። ቆይ ምን ቸገራችሁ ምንስ አጎደለባችሁ እንዲህ የጠላችሁት? ተው የሀገሬ ሰዎች ንሰሀ ግቡ ተው ግን

ሰኔ 29/2014 ዓ.ም
ለሊት 11:00 ተጻፈ

ማርያም እናቴ ውድድድድድ የምታደርገኝ ትንሹ ሔኖክ ነኝ ክፈት / አስተያየት ይስጡ

2022-07-06 17:40:45 ክፈት / አስተያየት ይስጡ

2022-07-06 04:52:36 ማርያም ማን ናት?

ትንሹ ሔኖክ

በዚህ ዘመን ዳቢሎስ ሀገርን ለመበጥበጥ ሰውን ለማገዳደልና በየ ሰው ቤት ሰላምና ደስታን ለማጥፋት የሚጠቀምበት። ዲያቆኑ ቄሱ አገልጋዩና ፓስተሩ ሁሉ የሚጨቃጨቅበት ስም ማርያም የሚለው ስም ነው። ቆይ ግን ከዚህ ስም ጀርባ ያለው ሀቅ ምንድነው። ሰዎችስ ስንት የሚነገር የክርስቶስ ቃል እያለ ይሄን ስም በማወደስና በማንቋሸሽ ስራ ተጠመዱ። ማርያም ማን ናት? ከመጀመሪያ ስነሳ ማርያም የኔ የትንሹ ሔኖክ እናቴ ናት ስለዚህ የማውቀውና አይቼ ያረጋገጥኩትን እውነት ልንገራችሁ። ይህ ስም እንዲሁ ለሰዎች የተሰጠ ተራ ስም አይደለም። በመጽሀፍ ከድንግል ማርያም ውጭ ይህን ስም ይዘው የነበሩ ሴቶች በበሽታና በጋኔን የተለከፉ ነበሩ። ለዚህም መቅደላዊት ማርያም ምስክር ናት። ማርያም የሚለው ስም እግዚአብሔር አዳምን ለማዳን ቃል ኪዳን ሲገባለት አብሮ የተሰየመ የመዳኛ ስም ነው። ማደሪያው መሆኑን ያውቅ ስለነበር ይህን ስም ይጠብቀው ነበር። ምድር በሀጥያት ቆሽሻ ፍጥረት ሁሉ በጨቀየበት ሰዓት አዳምና ሔዋን በሲኦል ሆነው ጌታ ሆይ እያሉ ሲያለቅሱ እግዚአብሔር ወደ ምድር አይኖቹን ቢያዘነብል እንደ ጸሀይ አብርታና ደምቃ ያያት አንዲት ሴት ማርያም ብቻ ናት። ሰማይና ምድርን በቃሉ ያጸና ባህር ውቅያኖስና ነፋስ ማዕበሉ የሚታዘዙለት ጌታ በጠባቧ የሰው ልጅ ማህጸን ለማደርና እንደ ህጻን ለመታቀፍ የመረጣት የምድር በረከት ማርያም ናት። ዳቢሎስ ለዘመናት በቃየል የጀመረውን የክፋት መርዝ ለሰው ልጆች ሁሉ አዳርሶ አለምን በእጁ ያስገባውና የአዳም ዘርን ወደ ገሀነብ እየላከ ተደላድሎ ይኖር የነበረውን ሰላማዊ ህይወት በጥብጣ ለዘመናት በሲኦል አስሮ የሚያሰቃያቸው ነፍሳትን እንዲያጣ ኢየሱስ ክርስቶስን በመውለድ ምክንያት የሆነችው ማርያም ናት። ክርስቶስ ከተነሳና ወደ አባቱ ዙፋን ካረገ በኋላ ሀዋርያት ፈርተው ሲጨነቁ መንፈስቅዱስን እስኪልክላቸው ድረስ ከበዋት በመጸለይ እንዲበረታቱ ያደረገቻቸውና በስጦታ የተበረከተችላቸው ማርያም ናት። ታድያ ዳቢሎስ እንዴት ይሄን ስም ሊወድ ይችላል። በፍጹም የማይታሰብ ነው። ባደግኩበት ቤት ማርያም ብለህ መጥራት ትልቅ ወንጀል ነው። ሁሌ የሚገርመኝ ኢየሱስን ያለ ማርያም ማሰቡ በራሱ እንዴት ያለ የድፍረት ሀጥያት ነው። ስድብና ነቀፋ ሲጨመርበት ደግሞ ሲኦል ቪ አይ ፒ ቦታ ነው የሚያሰጠው። እንግዲህ እንደው በአጭሩ ማርያም ማለት እቺ ሴት ናት። ለኔ ለትንሹ ሔኖክ ደግሞ ወላጅ እናቴ ጠባቂያ መሸሸጊያዬ ጥላ ከለላ መመኪያ ጋሻዬ ብቻ ሁሉ ነገሬ ናት። ስለሷ የተናገርኩት አንድም ሀሰት የሌለው እውነት ነው። ሳልመርጣት መርጣ ሳልወዳት ወዳ ከዘላለሙ የሞት መንገድ ከጠላት መንጋጋ ፈልቅቃ ያወጣችኝና የስሟና የክብሯ ተናጋሪ መስካሪ ያደረገችኝ ውድ ልጇ ነኝ። ይህን ራሱ ዳቢሎስ ያውቃል ይመሰክራልም

ሰኔ 29/2014 ዓ.ም
ለሊት 10:30 ተጻፈ

ማርያም እናቴ ውድድድድድድ የምታደርገኝ ትንሹ ሔኖክ ነኝ ክፈት / አስተያየት ይስጡ

2022-07-06 04:50:28 ክፈት / አስተያየት ይስጡ