Sheger Press️️

<< ዱላ በዝቶብናል >> - ጠ/ሚ ዐብይ አህመድ

ጠ/ሚ ዐብይ አህመድ << እኛ እየደረሰብን ያለው ዱላ ብዙ ነው >> ሲሉ ተናግረዋል።

ጠቅላይ ሚኒስትሩ ይህን የተናገሩት በአዲስ አበባ ከተማ < አዋሬ አካባቢ በ1523.3 ሜትር ካሬ ላይ የተገነባውን ተጨማሪ የአነስተኛ ወጪ ቤቶች ግንባታ > በመረቁበት ወቅት ነው።

ጠ/ሚንስትሩ መንግስታቸው ላይ በርካታ ጫና እየደረሰበት ስለመሆኑ ባመላከቱበት በዚህ መልዕክታቸው፤ ጫናው ግን ከስራ እንደማያግዳቸው አፅዕኖት ሰጥተው አሰገንዝበዋል።

<< ይህን ሁሉ ዱላ ተቋቁመን በነፃነት፤ እንደከዚህ ቀደም መሪዎች ተደብቀን አይደለም፤ በነፃነት እየዞርን እንድንሰራ ያደረገን የእናንተ ፀሎት ነው >> ያሉት ጠቅላይ ሚኒስትሩ << ይሄ ይቀጥላል፤ የሚቆም ነገር የለም፤ እንሰራለን >> ሲሉ አረጋግጠዋል።

አክለውም ከዚህ ቀደም በተለያዩ ንግግሮቻቸው እንደሚሉት ሁሉ << ኢትዮጵያን እንቀይራለን፤ ኢትዮጵያን እናበለፅጋለን >> ሲሉ ተደምጠዋል።

በእርሳቸው የሚመራው መንግስት የሚያከናውነውን ተግባር በተመለከተ በሰጡት አስተያየት < ሕዝቡ በምልዓት እየተረዳቸው አለመሆኑን > አመልክተዋል። ጠቅላይ ሚኒስትር ዐብይ << ሕዝቦቿ አንዳንዶች ዛሬ፤ አንዳንዶቹ ነገ፤ አንዳንዶች ከነገ ወዲያ ይረዱ ይሆናል >> በማለት << እኛ [ግን] አናቋርጥም ስራችንን >> ሲሉ ተናግረዋል።

በዛሬው መርሐ ግብር የተመረቁት ሁለቱ ባለ 11 ወለል ህንፃዎች በሶስት ወራት ጊዜ ተገንብተው የተጠናቀቁ መሆናቸውን የጠ/ሚ ጽ/ቤት መረጃ ያመላክታል።

@sheger_press
@sheger_press