2023-04-15 08:28:30
ምኞቴ
እውነተኛና ልብ አንጠልጣይ የፍቅር ታሪክ በመልካም ልቦች የ ቴሌግራም ገፅ ተዘጋጅቶ የቀረበ
▬▬▬❁ክፍል አስራ አራት▬▬▬
ብታኮርፍም ልትንሽ ሰዓታቶች እንደሆነ ስላወቀ ስልኩን ለኤዲ አቀበላት፡፡ አንብቢዉና
የባልሽን ጉድ ተመልከቺ ይመስላል አሰጣጡ፡፡ ኤዲም ስልኩን ተቀበለችውና የላኪዉን
አድራሻ ስታይ እማማ በለጡ ይላል፡፡ "የኔ ፍቅር እማማ ደግሞ ምን ብለዉ ልከዉልህ
ነዉ?" ብላ ጠየቀችዉ፡፡
"ኤዲዬ ስልኩ እጂሽ ላይ አይደል? አንብቢዉ" አላት
..."ቢኒ ለእማዬ ነግሬያታለሁኝ ኤዲ ፍቃደኛ ትሁን እንጂ ..."ኤዲ ፊቷ እየተቀየረ ነበር፡፡
ቀጥ ብላ ቢኒያምን ተመለከተችዉ ትኩር ብላ አየችዉ፡፡ ቢኒያም የኤዲን የቁጣ አይኖች
መቋቋም አልቻለምና ጎንበስ አለ፡፡ኤዲ እንደገና ወደ መልዕክቱ ትኩረቷን አደረገች፡፡
ማንበብ ቀጠለች... "...አንተ እንድታገባኝ ፍቃደኛ እንደምትሆን ነግራኛለች፡፡ ግን ደግሞ
እሷ ራሷ እማዬ ለኤዲ እነግራታለሁኝ ብላለች፡፡ ቢኒ ፕሊስ እማዬ ለኤዲ ከመንገሯ በፊት
አንተ ቀድመህ ንገራት፡፡" ይላል መልዕክቱ፡፡
ፊቲ ሁለት ልብ ሁናለች፡፡ ደስተኛም ግን ደግሞ የብቸኝነት ስሜት የተሰማት ባዶ እንደሆነች
አድርጋ እራሷን አሰበች፡፡ ከዉስጧ ደስታ ይበልጥ ንዴቷ ፊቷ ላይ ገንፈሎ ወጣና "ቢኒ
እኔን ሳትነግረኝ ከረዲ ጋር ጀምረህ ነበራ?" ብላ ጠየቀችዉ፡፡ "የኔ ፍቅር እኔ ላንተ ድብቅ ነኝ
ማለት ነዉ?" ኤዲ ምን እንደምትናገር ሁሉ አቅቷታል፡፡ እምባ እየተናነቃት የምታወራዉ ሁሉ
ይቆራረጣል፡፡ቢኒ የዚህን ያህል ትቆጣለች፤ እንደዚህ ትሆናለች ብሎ አላሰበም ነበር...
..."እንደሱኮ አይደለም ኤዲዬ..."እያለ ወደሷ ጠጋ አለ
..."አትጠጋኝ! ደግሞ ምንም ነገር አትንገረኝ!" አለችዉ፡፡ በሂወቱ ኤዲ እንዲህ ስታመር
አይቷት አያዉቅም፡፡ ዛሬ በጣም ተለይታበታለች፡፡ ለማባባል እንኳ በሚያስቸግር ሁኔታ፡፡
ኤዲን እንዲህ እንድትሆን ያደረጋት ሁለተኛ ማግባቱ አይደለም፡፡ ይሄንን ደግሞ እራሷ
ፈቅዳለታለች፡፡ እሷዉ ሴት መርጣ ልትድረዉም ተዘጋጅታ ጨርሳ ነበር፡፡ ነገር ግን... ገና
ሳያገባ እንዲህ ሚደብቃት፤ ለሱ እየለፋችለት፤ ሁሉንም ነገር ለሱ እየሆነችለት እሱ ግን
ልቧን መስበሩ በጣም አዘነችበት፡፡
...ቢኒ ምን እንደሚያወራ አፉ ተያያዘበት፡፡ ተንተባተበ፡፡ ጥፋተኛ እንደሆነ አዉቆታል፡፡ ኤዲ
ጎንበስ ብላ ነበር ቀና ብላ ቢኒያምን ስትመለከተዉ እሱም የመለማመጥ አይነት አንገቱን
ሰብሮ አይኖቹን አቁለጨለጨ፡፡
..."ቢኒ ... እኔ እንደፈቀድኩና መጋባት እንደምትችሉ ፃፍላት" አለችዉ፡፡
..."ኤዲዬ መጀመሪያ ስለነበረዉ ነገር ላንቺ ልንገርሽ"
..."የኔ ፍቅር በፈጣሪ!? አሁን ምንም ነገር ለመስማት ዝግጁ አይደለሁም!"
..."እይዉልሽ ማሬ...." ብሎ ወሬ ሲጀምር ኤዲ ከተቀመጠችበት ተነሳችና ወደ ዉጭ
ወጣች፡፡ ከመዉጣቷ እማማ በለጡን ዉጭ ላይ አገኘቻቸዉ፡፡ ሰላምታ ቀድማ
አልሰጠቻቸዉም፡፡ እማማ በለጡም ኤዲን ሲያይዋት "ደህና ነሽ ኤዲ" አሏት፡፡ ኤዲም
ለሰላምታቸዉ መልስ ሰጠችና ከማንም ጋር ምንም ማዉራት ስላልፈለገች ተመልሳ ወደ
ቤት ልትገባ ስትል "ኤዲ ስፈልግሽ ነበር...ስራ አለሽ እንዴ?" አሏት፡፡
..."አይ ስራ የለኝም፡፡ ለምን ፈለጉኝ እማማ" አለቻቸዉ ፊቷን ሳታዞር በቆመችበት፡፡
..."የሆነ የምነግርሽ ነበረኝ" አሉ እማማ በለጡ፡፡
✎ ክፍል አስራ አምስት ከ 100 Like በኋላ ይቀጥላል ቶሎ እንዲቀጥል አንብበው ሲጨርሱ #ሼር ማድረግ አይርሱ።
┄┄┉┉✽» ✿ »✽┉┉┄┄
𝙟𝙤𝙞𝙣 𝙪𝙨 : @melkam_lboch11
2.6K views 🅉ᴇʀᴜ αʙᴇʟ , 05:28