Ethiopian Artificial Intelligence Institute

2022-09-01 08:16:56

ክፈት / አስተያየት ይስጡ

2022-08-27 11:55:04 ጉግል ያበለፀገውን አነጋጋሪ ቻትቦት ተጠቃሚዎች እንዲሞክሩት ግብዣ አቀረበ፡፡

#LaMDA (Language Model for Dialogue Applications) የተባለውን የውይይት መለዋወጫ ሮቦት (ቻትቦት) ፍላጎቱ ያላቸው ተጠቃሚዎች እንዲሞክሩት እድል ማመቻቸቱን ጉግል አስታወቀ፡፡

በዚህም ቻትቦቱ በይፋ ጥቅም ላይ ከመዋሉ አስቀድሞ በአሜሪካ ብቻ የሚገኙ ውስን ተጠቃሚዎች እንዲሞክሩት ኩባንያው የምዝገባ ጥሪ አስተላልፏል፡፡

በዚህ መልኩ የውይይት መለዋወጫ ሮቦቱን ጥቅም ላይ ከሚያውሉ ግለሰቦች የሚሰበሰበውን ግብረ መልስ በመጠቀም መተግበሪያውን ለማሻሻል እና አስፈላጊ እርምቶችን ለማድረግ ማቀዱን ኩባንያው ገልጿል፡፡

LaMDA የሰዎች ንግግር እና ታሪኮች ላይ መሠረት አድርጎ የሰለጠነ በመሆኑ ለሚጠየቀው ጥያቄ ሰፋ ያሉ ማብራሪያዎችን ማቅረብ እንደሚችል ተነግሮለታል፡፡

ይህም የቻትቦቱን ምላሾች ሳቢ፣ ዓውድ ተኮርና እውቀትን መሠረት ያደረጉ እንዲሆኑ ያስችላቸዋል ተብሏል፡፡

በቅርቡ ከኩባንያው የተሰናበተ ብሌክ ሌሞይን የተባለ ባለሞያ ይህ የውይይት መለዋወጫ ሮቦት ልክ እንደ ሰው ስሜቶችን የተላበሰ እንደሆነ አስተያየቱን ሰጥቷል፡፡

ሆኖም ጉግል እና በርካታ የአርቲፊሻል ኢንተለጀንስ ምሁራን አስተያየቱን ውድቅ በማድረግ ቴክኖሎጂው በባለሞያው በተገለጸው የሰው ልጅ ባሕርያትን የመላበስ ደረጃ እንዳልደረሰ አመላክተዋል፡፡ ክፈት / አስተያየት ይስጡ

2022-08-23 08:48:50 የኡጋንዳ የልዑካን ቡድን አርቲፊሻል ኢንተለጀንስ ኢንስቲትዩትን ጎበኘ

የኡጋንዳ የውጭ ጉዳይ ሚኒስትር ዴኤታ ኦኬሎ ኦሪየም እንዲሁም የሀገሪቱ የምድር ኃይል ዋና አዛዥና የፕሬዚዳንት ዩዌሪ ሙሴቬኒ የልዩ ዘመቻ ከፍተኛ አማካሪ ሌተናል ጀነራል ሙሆዚ ኪኑሩጋባን ጨምሮ ሌሎች የደህንነትና ወታደራዊ አመራሮች በኢትዮጵያ አርቲፊሻል ኢንተለጀንስ ኢንስቲትዩት ጉብኝት አካሂደዋል፡፡

ለልዑካን ቡድኑ የኢንስቲትዩቱ ዋና ዳይሬክተር ኢንጅነር ወርቁ ጋቸና እና ከፍተኛ ኃላፊዎች አቀባበል አድርገዋል፡፡

ቡድኑ በነበረው ቆይታ በአርቲፊሻል ኢንተለጀንስ ዘርፍ ኢንስቲትዩቱ እያካሄደ ስለሚገኘው ዘርፈ ብዙ ክንውኖች በዋና ዳይሬክተሩ አማካኝነት ገለጻ ተደርጎለታል፡፡ ክፈት / አስተያየት ይስጡ

2022-08-20 15:48:28 በስራና ክህሎት ሚኒስቴር እና አርቲፊሻል ኢንተለጀንስ ኢንስቲትዩት መካከል የተቀናጀ የሙያዊ ብቃት ምዘናና ማረጋገጫ ሰርተፊኬት ሲስተም ፕሮጀክት ስራን አስመልክቶ የስምምነት ፊርማ ተካሄደ፡፡ ክፈት / አስተያየት ይስጡ

2022-08-19 19:47:52 አርቲፊሻል ኢንተለጀንስ ኢንስቲትዩት በጎብኚዎች አንደበት ክፈት / አስተያየት ይስጡ

2022-08-12 08:39:49 ውቅያኖስ ጠላቂው ሮቦት

በስታንፎርድ ዩኒቨርሲቲ የተሰራው ኦሽን ዋን ኬ የሚል መጠሪያ የተሰጠው ሰው መሰል ሮቦት የሰጠሙ የመርከብ ፍርስራሽ እና ሌሎች አካላትን ለማሰስ ጥቅም ላይ እየዋለ ይገኛል፡፡

ሮቦቱ አምስት መቶ ሜትር ድረስ በመጥለቅ በውሃ አካላቱ ግርጌ ላይ የሚገኙ በሰዎች ተደራሽ ለመሆን እጅግ አዳጋች የሆኑ የሰጠሙ ቁሶችን ሁኔታ ለመቃኘት እያገለገለ ነው፡፡

የሮቦቱ የዕይታ አድማስ በ3ዲ የተዋቀረ እና ባለሙሉ ቀለም ምስሎችን ያላንዳች ችግር ማስተላለፍ የሚችል ስለመሆኑም ሲ.ኤን.ኤን አስነብቧል፡፡

በውሃ አካላቱ ወለል ላይ ሆነው ሮቦቱን የሚቆጣጠሩ ሰዎች ሮቦቱ የሚነካውን እያንዳንዱን ቁስ እና የውሀውን ግፊት ሳይቀር እራሳቸው ውሃ ውስጥ ያሉ እስኪመስላቸው ድረስ በሮቦቱ መቆጣጠሪያ ሥርዓት አማካኝነት እንደሚደርሳቸው ተመላክቷል፡፡

ከመስከረም ጀምሮ በነበረው የሮቦቱ ቆይታ በተለያየ ጊዜ የሰጠሙ መርከቦች እና አውሮፕላኖችን ለመቃኘት እንዳገለገለ ተገልጿል፡፡

ኦሽን ዋን ኬ ለሰው ልጆች እጅግ አደገኛ የሆኑ ጥልቅ የውሃ ውስጥ ፍለጋዎች በሮቦቶች የሚከወኑበትን አዲስ መንገድ እንድናይ የሚረዳ የመጪው ጊዜ ተስፋ እንደሚሆን ይጠበቃል፡፡ ክፈት / አስተያየት ይስጡ

2022-08-10 08:17:06 የእንስሳትን ቋንቋ በአርቲፊሻል ኢንተለጀንስ አማካኝነት ለመረዳት ምርምሮች እየተካሄዱ ነው፡፡

እንደ አውሮፓውያኑ የዘመን ቀመር በ2017 ምስረታውን ያደረገው Earth Species Project የተባለ ተቋም አርቲፊሻል ኢንተለጀንስን በመጠቀም የእንስሳትን ዓለም የተግባቦት ምስጢር ለመፍታት ጥረት ላይ ነው፡፡

የተቋሙ ፕሬዚዳንት አዛ ራስኪን ከዘጋርዲያን ጋር በነበራቸው ቆይታ ማሽን ለርንኒግን በመጠቀም የእንስሳትን የመግባቢያ ሥርዓቶች በመፍታት ውጤቱን ማንኛውም ሰው እንዲጠቀምበት ተደራሽ የማድረግ እቅድ እንዳላቸው ገልፀዋል፡፡

እስከ ቅርብ ጊዜ ድረስ መሰል ጥረቶች ጥንቃቄን በሚሻው እንስሶቹን በመከታተል እና በመመልከት ላይ የተመሠረቱ ነበሩ፡፡

ሆኖም እንስሳቱን በቅርብ መከታተል በሚችሉ አነፍናፊዎች (ሴንሰር) አማካኝነት የሚሰበሰበውን ግዙፍ ዳታ ለመተንተን ማሽን ለርኒንግን የመጠቀም ዝንባሌ ከቅርብ ጊዜ ወዲህ በከፍተኛ ሁኔታ መጨመሩ ተመላክቷል፡፡

ለዚህም ምክንያቱ በቅርቡ በማሽን ለርኒንግ ዘርፍ የታዩ እጅግ አመርቂ ለውጦች መኖራቸው መሆኑን ተቋሙ ይገልጻል፡፡

መቀመጫውን በካሊፎርኒያ አድርጎ የሚንቀሳቀሰው ይህ ተቋም የሰው ያልሆኑ ቋንቋዎችን መረዳት የሰው ልጅ በምድር ሥነ-ምህዳር ላይ የሚያሳርፈውን ተፅእኖ ለመቀየር ያግዛል ብሎ ያምናል፡፡ ክፈት / አስተያየት ይስጡ

2022-08-09 10:50:58 በሕዋ ቀዶ ጥገና ለመከወን በዝግጅት ላይ ያለው ሮቦት

ሚራ የሚል መጠሪያ የተሰጠው ሮቦት በአውሮፓውያኑ 2024 በዓለም አቀፉ የጠፈር ምርምር ጣቢያ በመገኘት ከሰው ልጅ አካል ጋር በሚመሳሰል ሕብረ ሕዋስ ላይ የቀዶ ጥገና ሙከራ ለማድረግ በዝግጅት ላይ መሆኑ ተነገረ፡፡

በኔብራስካ ዩኒቨርሲቲ እየበለፀገ የሚገኘው የዚህ ሮቦት ዋና ዓላማ ያለማንም እርዳታ ቀላል የሚባሉ ቀዶ ጥገናዎችን መከወን እንደሆነ ዴይሊ ሜይል አስነብቧል፡፡

በዚህም ወደፊት ወደ ማርስ በሚደረጉ ረዥም ጉዞዎች የጠፈር ባለሞያዎች ቀላል የቀዶ ጥገና ቢያስፈለጋቸው ወይም በአደጋ ጊዜ ወደሰውነታቸው የገቡ ስለቶችን ለማውጣት ሮቦቱ መፍትሔ ሊሆን እንደሚችል ተመራማሪዎቹ ያስረዳሉ፡፡

ዘንግ መሰሉ MIRA (miniaturized in vivo robotic assistant) ሮቦት አንድ ኪሎግራም የሚጠጋ ክብደት ሲኖረው፤ በዘንጉ መጨረሻ ቁሶችን ለመጨበጥ እና ለመቁረጥ የሚያገለግሉ ሁለት ጫፎች አሉት፡፡

በምርምር ሂደቱ ከፍተኛ ፍላጎት ያሳየው የአሜሪካው የጠፈር ምርምር ተቋም ናሳ ሂደቱን ለማገዝ መቶ ሺህ የአሜሪካ ዶላር ለዩኒቨርሲቲው መለገሱ በዘገባው ተመላክቷል፡፡ ክፈት / አስተያየት ይስጡ

2022-08-09 08:43:04 የአልትራሳውንድ መሣሪያን ለመተካት ያለመው ፈጠራ

የማሳቹሴትስ ቴክኖሎጂ ኢንስቲትዩት ተመራማሪዎች በታማሚዎች ሰውነት ላይ በቀላሉ የሚለጠፍ እና የሰውነትን የውስጥ አካላት ምስል በጥራት ማሳየት የሚችል መሣሪያ ማበልፀጋቸው ተነገረ፡፡

ፈጠራው በጤና ተቋማት የሚገኘውን የአልትራሳውንድ መመርመሪያ መሣሪያ የፖስታ ቴምብር በሚያክል ተለጣፊ ቁስ በመተካት የታማሚዎችን ልብ፣ ሳምባ እና ሌሎች ውስጣዊ አካላትን አሁናዊ ምስል በተሻለ ጥራት ለመመልከት እንደሚያስችል ተገልጿል፡፡

በኢንስቲትዩቱ ድረ-ገጽ በወጣው መረጃ መሠረት ይህ ቆዳ ላይ የሚለጠፍ ቁስ የአልትራሳውንድ መሣሪያዎች ስራቸውን በሚከውኑበት መንገድ አገልግሎት የሚሰጥ ሲሆን ለአርባ ስምንት ሰዓት ያለማቋረጥ ምስሎችን ማቅረብ እንደሚችል ተመላክቷል፡፡

መሣሪያው በበጎ ፈቃደኞች ላይ በተደረገ ሙከራ የግለሰቦቹን ዋና ዋና የደም ቧንቧዎች፣ ልብ፣ ሳንባ እና ሌሎች ውስጣዊ የሰውነት አካላትን አሁናዊ ምስል ጥራት ባለው መልኩ ማቅረብ መቻሉ ተገልጿል፡፡

አሁን ላይ ባለው የተመራማሪዎቹ ንድፍ ከመሣሪያው የተንፀባረቁ የድምፅ ሞገዶችን ለመተርጎም ከሌላ መሣሪያ ጋር ማገናኘት ያስፈልጋል፡፡ ሆኖም ፈጠራውን ገመድ አልባ በማድረግ ለማንኛውም ሰው ተደራሽ ይደረጋል ተብሏል፡፡ ክፈት / አስተያየት ይስጡ

2022-07-11 14:40:09 የዓለም ጤና ድርጅት I-DAIR ከተባለ የቴክኖሎጂ ተቋም ጋር የመግባቢያ ሰነድ ተፈራረመ፡፡

ድርጅቱ በአርቲፊሻል ኢንተለጀንስ እና ዲጂታል የጤና ሥርዓቶች ዙሪያ የሚደረጉ ምርምሮችን አስመልክቶ International Digital Health and AI Research Collaborative (I-DAIR) ከተባለ ተቋም ጋር በትብብር ለመስራት የሚያስችለውን ስምምነት አድርጓል፡፡

ትብብሩ በአርቲፊሻል ኢንተለጀንስ እና ዲጂታል የጤና ሥርዓቶች ዙሪያ የሚደረጉ ዓለም አቀፍ ምርምሮች አካታች፣ ኃላፊነት የሚሰማቸው እና ውጤታማ እንዲሆኑ የማስቻል ዓላማን የሰነቀ ነው፡፡

በስምምነቱ መሠረት ሁለቱ ተቋማት የዲጂታል አብዮት አበርክቶዎችን በመጠቀም አጣዳፊ የሆኑ የጤና ተግዳሮቶችን ለመፍታት እንደሚሰሩ ተመላክቷል፡፡

በዚህም ዲጂታል የጤና ሥርዓቶች እና አርቲፊሻል ኢንተለጀንስን አስመልክቶ በሚደረጉ ምርምሮች፣ በማበልፀግ ሂደቶች እና ዘርፉን ማስተዳደርን በተመለከቱ ጉዳዮች የዝቅተኛ እና መካከለኛ ገቢ ሀገራት ተሳትፎ አፅንኦት እንደሚሰጥበት ተገልጿል፡፡

በሂደቱም በእነዚህ ሀገራት ለሚገኙ ወጣት ተመራማሪዎች እና ሥራ ፈጣሪዎች ልዩ ትኩረት እንደሚደረግ የዓለም ጤና ድርጅት ይፋ ያደረገው መረጃ ያመላክታል፡፡

I-DAIR መቀመጫውን ስዊዘርላንድ በማድረግ በዓለም ዙሪያ የሚስተዋሉ የግለሰብ እና የሕብረተሰብ የጤና ተግዳሮቶችን ለመቅረፍ በዲጂታል ቴክኖሎጂዎች ላይ በሚደረጉ የትብብር የምርምር እና ልማት ሥራዎች ላይ የሚሰራ ተቋም ነው፡፡ ክፈት / አስተያየት ይስጡ