2023-05-22 14:26:57
ሥርዓተ ማኅሌት ዘግንቦት ማርያም (ደብረ ምጥማቅ)
የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ "ሥርዓተ ነግሥ"
ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል።
@EOTCmahlet
@EOTCmahlet
መልክዐ ሥላሴ
ሰላም ለኲልያቲክሙ እለ ዕሩያን በአካል: ዓለመክሙ ሥላሴ አመ ሐወጸ በሣሕል: እምኔክሙ አሐዱ እግዚአብሔር ቃል: ተፈጸመ ተስፋ አበው በማርያም ድንግል: ወበቀራንዮ ተተክለ መድኃኒት መስቀል።
@EOTCmahlet
@EOTCmahlet
ዚቅ
ወሀለወት አሐቲ ድንግል ብርህት ከመ ፀሐይ: እንተ ታስተርኢ እምአርዕስተ አድባር: ወትትመረጎዝ በትእምርተ መስቀል።
@EOTCmahlet
@EOTCmahlet
ነግሥ
ሰላም ለልሣንከ መዝሙረ ቅዳሴ ዘነበልባል: ወለድምፀ ቃልከ ሐዋዝ ቀርነ መንግሥቱ ለቃል: ሞገሰ ክብሩ ሚካኤል ለተላፊኖስ ባዕል: አልቦ ዘይትማሰለከ በልማደ ምሕረት ወሣሕል: እንበለ ባሕቲታ እኅትከ ማርያም_ድንግል።
@EOTCmahlet
ዚቅ
መላእክት በልሳነ እሳት ይሴብሑኪ: መላእክት በአክናፈ ብርሃን ይኬልሉኪ: ማርያም እምነ ወእሙ ለእግዚእነ: መላእክት በቀለመ ወርቅ ይጽሕፉ ውዳሴኪ: እስከ ዳግም ምጽአቱ ለበኲርኪ።
@EOTCmahlet
@EOTCmahlet
ዘጣዕሙ
ሰላም ለዝክረ ስምኪ ዘመንክር ጣዕሙ: ለወልድኪ አምሳለ ደሙ: መሠረተ ህይወት ማርያም ወጥንተ መድኃኒት ዘእምቀዲሙ: ኪያኪ ሠናይተ ዘፈጠረ ለቤዛ ዓለሙ: እግዚአብሔር ይትባረክ ወይትአኮት ስሙ።
@EOTCmahlet
@EOTCmahlet
ዚቅ
እግዚአብሔር ውእቱ ብርሃንኪ ለዓለም: ወመሠረትኪ ለትውልደ ትውልድ: ኢየኀልቅ ብዝኃ ሰላምኪ: ወነገሥት ይትቀነዩ ለኪ: ያመጽኡ አምኃኪ እምርኁቅ ብሔር።
@EOTCmahlet
@EOTCmahlet
መልክአ ማርያም
ሰላም ሰላም ለዝክረ ስምኪ ሐዋዝ: እምነ ከልበኔ ወቊስጥ ወእምነ ሰንበልት ምዑዝ: ማርያም ድንግል ለባሲተ ዓቢይ ትዕዛዝ: ይስቅየኒ ለለጽባሑ ወይነ ፍቅርኪ አዚዝ: ከመ ይሰቅዮ ውኂዝ ለሠናይ አርዝ።
@EOTCmahlet
@EOTCmahlet
ዚቅ
በአልባሰ ወርቅ ዑጽፍት ወኁብርት: እኅትየ መርዓት ርግብየ ሠናይት: ርቱዕ አፍቅሮትኪ እምወይን: መዓዛ ዕፍረትኪ እምኲሉ አፈው: እትፌሣሕ ወእትኃሠይ ብኪ: ናፍቅር አጥባትኪ እምወይን: ኲለንታኪ ሠናይት እንተ እምኀቤየ: አልብኪ ነውር ወኢምንትኒ ላዕሌኪ: ፃዒ እምሊባኖስ እኅትየ መርዓት።
@EOTCmahlet
@EOTCmahlet
ወረብ
"በአልባሰ ወርቅ"/፪/ ዑጽፍት ወኁብርት/፪/
እኅትየ መርዓት ርግብየ ሠናይት እኅትየ/፪/
@EOTCmahlet
@EOTCmahlet
መልክዐ ማርያም
ሰላም ለገጽኪ ዘጥቀ ይልሂ: እምሥነ ከዋክብት ወወርኅ ወእምሥነ ፀሐይ መብርሒ: ማርያም ድንግል ፍንዋትየ ሠርሂ: በመዓልት ወበሌሊት ኢይርከበኒ ጸናሂ: መሥገርተ አበሳ ዘይጠፍር ወግብ ይድሂ።
@EOTCmahlet
@EOTCmahlet
ዚቅ
ከበበ ገፃ ከመ ወርኅ: ወአዕይንቲሃ ከመ ኮከበ ጽባሕ: ወቆማ ከመ በቀልት ለማርያም ድንግል: ወላህያ ከመ ጽጌረዳ: ከመ ፍህም ቀይሕ ከናፍሪሃ: እስመ ወለደት ለነ መና ኅቡዓ: ዘውእቱ ህብስተ ህይወት: መፍትሔ ሕማማት።
@EOTCmahlet
@EOTCmahlet
ወረብ
ከበበ ገፃ ከመ ወርኅ ወአዕይንቲሃ ከመ ኮከበ ጽባሕ/፪/
ወቆማ ከመ በቀልት ለማርያም ድንግል/፪/
@EOTCmahlet
@EOTCmahlet
መልክዐ ማርያም
ሰላም ለጒርኤኪ ሠናይ እምወይን: በከመ ይቤ ሰሎሞን: ማርያም_ድንግል ለባሲተ ዓቢይ ብርሃን: ክድንኒ ገርዜነ ጸጋ ኢያዕጽበኒ ዕርቃን: ዘኢአነምዎ ጠቢባን በኪን።
@EOTCmahlet
ዚቅ
በከመ ይቤ ሰሎሞን በእንተ ማርያም: ንዑ ንትፈጋዕ ወኢይኅልፈነ ጽጌ ደመና መስቀል ዘዮም አብርሃ በስነ ማርያም: ጴጥሮስኒ ሰመያ እመ ብርሃን: ጳውሎስኒ ይቤላ ደብተራ ግዕዛን: አጽገዩ ሕዝበ ወመሐይምናን: በቤተ መርዓ ተመልዑ ክርስቲያን።
@EOTCmahlet
@eotcmahlet
ወረብ
በከመ ይቤ "ሰሎሞን"/፪/ በእንተ ማርያም/፪/
ንዑ ንትፈጋዕ ወኢይኅልፈነ "ጽጌ"/፪/ ደመና አብርሃ በስነ ማርያም/፪/
@EOTCmahlet
@EOTCmahlet
መልክዐ ማርያም
ሰላም ለመልክዕኪ ዘተሠርገወ አሚረ: ዘያበርህ ወትረ: ፍቅርትየ አንቲ እንተ ታበድሪ ፍቅረ: አርእይኒ ገፀ ዚአኪ ማርያም ምዕረ: ዘኢይሰምዖ ካልዕ እንግርኪ ነገረ።
@EOTCmahlet
@EOTCmahlet
ዚቅ
ትበርህ እምኮከበ ጽባሕ: ወታስተርኢ እምአርእስተ አድባር: አዳም ወሠናይት ጽዕዱት: ወብርህት ከመ ፀሐይ።
@EOTCmahlet
@EOTCmahlet
ወረብ
ትበርህ እምኮከበ ጽባሕ ወታስተርኢ እምአርዕስተ አድባር/፪/
አዳም ወሠናይት ጽዕዱት ወብርህት ከመ ፀሐይ ብርህት/፪/
@EOTCmahlet
@EOTCmahlet
መልክዐ ማርያም
በዝንቱ ቃለ ማኅሌት ወበዝንቱ ይባቤ: ለዘይስዕለኪ ብእሲ ጊዜ ረከቦ ምንዳቤ: ብጽሒ ፍጡነ ትሰጠዊዮ ዘይቤ: ማርያም ዕንቊየ ክርስቲሎቤ ወምዕዝተ ምግባር እምከርቤ: ዘጸገየ ማሕጸንኪ አፈወ ነባቤ።
@EOTCmahlet
@EOTCmahlet
ዚቅ
ኢይትአጸው አናቅጽኪ: ክቡራት ዕንቊ መሠረትኪ ሠናይት ሰላማዊት እንተ ናፈቅራ በጽድቅ: መዓዛ አፉሃ ከመ ኮል።
@EOTCmahlet
@EOTCmahlet
ወረብ
ኢይትአጸው አናቅጽኪ ክቡራት ዕንቊ መሠረትኪ/፪/
ሠናይት ሰላማዊት "እንተ ናፈቅራ"/፪/ በጽድቅ/፪/
@EOTCmahlet
@EOTCmahlet
ማኅሌተ ጽጌ
ኦ ሰላመ ሰጣዊት እንተ ትሔውጺ እምርኁቅ: ወትትረአዪ ለኲሉ በደብረ ምጥማቅ: ተፈሥሒ ድንግል ዘገዳመ ጽጌ ማዕነቅ: እስመ ተሰምዓ በምድርነ ቃለ ተአምርኪ ጽድቅ: ለአድኅኖ ኃጥዕ ዘይበቊዕ እምብሩር ወወርቅ።
@EOTCmahlet
@EOTCmahlet
ዚቅ
እንተ ታስተርኢ እምአርእስተ አድባር ርኁቅ: ጻድቃን ኪያሃ አብደሩ እምወርቅ: ሀገረ ክርስቶስ ሐዳስ ንድቅ: ወበውስቴታ የሐጽር ጽድቅ።
@EOTCmahlet
@EOTCmahlet
ምልጣን
ዓይ ይእቲ ዛቲ እንተ ታስተርኢ እምርኁቅ ከመ ማኅቶት: ብርህት ከመ ፀሐይ: ሙሴኒ ርእያ ሀገር ቅድስት: ዕዝራኒ ተናገራ: ዳዊት ዘመራ።
@EOTCmahlet
@EOTCmahlet
አመላለስ
ዕዝራኒ ተናገራ/፪/
ተናገራ ዳዊት ዘመራ ተናገራ ዘመራ ዳዊት/፪/
@EOTCmahlet
@EOTCmahlet
እስመ ለዓለም
ዓይ ይእቲ ዛቲ እንተ ትሔውጽ ከመ ጎህ: አዳም ከመ ወርኅ: ሠናይት ከመ ሥርዓት: ብርህት ከመ ፀሐይ: እምሊባኖስ ትወጽእ መርዓት: እምነ ጽዮን አግዓዚት: ታቦተ ፍሥሃ ምስሌሃ: ወአሕዛብኒ ቅድመ ገፃ: ወትረ ተሃሉ ምስሌነ።
@EOTCmahlet
@EOTCmahlet
@EOTCmahlet
@EOTCmahlet
# Join & share #
10.6K views11:26
ያ
