Authority for Civil Society Organization (ACSO)

በፌደራል ደረጃ የተዘጋጀው የመንግስትና የሲቪል ማኅበረሰብ ድርጅቶች የጋራ ጉባዔ በመካሄድ ላይ ይገኛል፡፡
***********************************************************************
የሲቪል ማኅበረሰብ ድጅቶች ባለስልጣን ከሲቪል ማ ኅበረሰብ ድርጅቶች ምክር ቤት እና ከሲቪል ማኅበረሰብ ድርጅቶች ፎረም ጋር በመተባበር በፌደራል ደረጃ የመንግስትና የሲቪል ማህበረሰብ ድርጅቶች የጋራ ጉባዔ በማካሄድ ላይ ይገኛል፡፡
በጋራ ጉባዔው ላይ ከፍተኛ የመንግስት ኃላፊዎችና የሲቪል ማህበረሰብ ድርጅቶች ተወካዮች ተሳተፊ ሆነዋል፡፡
የፍትህ ሚንስቴር ሚኒስትር ደኤታ አቶ ፍቃዱ ጸጋ ባደረጉት የመክፈቻ ንግግር በሀገራችን ያለው ሀብት ውስን በመሆኑ የሲቪል ማኅበረሰብ ድርጅቶች በዚህ ረገድ የማይተካ ሚና እንዳላቸው በመገንዘብ አገልግሎታቸው የተሳለጠ እንዲሆን በክልል ደረጃ የሲቪል ማህበረሰብ ድርጅቶች የጋራ መድረክ ተመስርቶ ላለፉት ዓመታት የማህበረሰቡን ተጠቃሚነት ከማጎልበት አንጻር ሲያሳልጥ መቆየቱ አንስተዋል፡፡
አክለውም መድረኩ ይህንን ትብብር ወደላቀ ደረጃ የሚያደርስ፣ በውስን የሰው ሃይል እና የፋይናንስ አቅም ያለውን አስተባብሮ የሚያሰራ ፣ያለውን ውስን ሀብት በተናጠል ከመስራት ይልቅ ለጋራ ዓላማ በተገናዘበ መንገድ በትብብር ለመስራት ትልቅ ሚና እንዳለው ገልጸው በተለይም የሲቪል ማህበረሰብ ድርጅቶች ውስጥ የዜጎችን ጥቅም ለማረጋገጥ ከፌደራል መንግስት ተቋማት ጋር በመተባበር በመስራት የማይተካ ሚናችሁን እንደምትወጡ እና ከዚህ መድረክ ምስረታ በኋላ ወቅታዊ ግንኙነቶችን በማድረግ የዜጎችን ተጠቃሚነት ወደላቀ ደረጃ እንደምታደርሱ እምነቴ ነው ሲሉ ተናግረዋል፡፡

ተቋሙ የ2015 በጀት ዓመት የ6 ወራት እቅድ አፈጻጸም እና የቀጣይ 6 ወራት የተከለሰ እቅድን ለባለድርሻ አካላት አቅርቦ ውይይት ተደርጎበታል፡፡
በመድረኩ የፌደራል ባለድርሻ አካላት፣የተለያዩ የሲቪል ማኅበረሰብ ድርጅቶች ተወካዬች እና የተቋሙ የማኔጅመንት አባላት ተገኝተዋል፡፡
በመድረኩ የመክፈቻ ንግግር ያደረጉት የፍትህ ሚኒስቴር ሚኒስትር ዴኤታ አቶ ዓለምአንተ አግደው እንደገለጹት መንግስት ሁለንተናዊ ብልፅግናን ለማረጋገጥ ከፍተኛ ጥረት እያደረገ መሆኑ በማንሳት ለትርፍ ያልተቋቋሙና ለፖለቲካ ያልወገኑ የሲቪል ማህበረሰብ ድርጅቶች በአገራዊ የልማት እንቅስቃሴ እና በዴሞክራሲ ስርዓት ግንባታ አይነተኛ ሚና ያላቸው መሆኑ ስለሚታመን ላለፉት ዓመታት የህግ እና ተቋማዊ ሪፎርም ሲካሄድ ቆይቷል ብለዋል፡፡
የሲቪል ማኅበረሰብ ድርጅቶች ከጊዜ ወደ ጊዜ የተሻለ አቅም እየገነቡ እና መልካም አስተዋፅኦ እያደረጉ መሆኑን በሚያደርጓቸው እንቅስቀሴዎች መገንዘብ ይቻላል ያሉት ሚኒስትር ዴኤታው ሲማዶች በአገራዊ ወቅታዊ ጉዳይ በጦርነትና ድርቅ ለተጎዱ አካባቢዎችና የህብረተሰብ ክፍሎች በገንዘብ በዐይነት እያደረጉ ያሉት ድጋፍ አንድ ለህዝብ ተጠቃሚነት ከቆመ ዘርፍ የሚጠበቅና ምስጋና የሚቸረው ጉዳይ ነው ሆኖም ሲማዶች በወቅታዊ ጉዳይም ሆነ ሀብረተሰቡን ተጠቃሚ በማድረግ ረገድ እያደረጓቸው ያሉት አስተዋፅኦዎች መንግስት ከፈጠረው ምቹ ሁኔታ እና ከአገርና ህዝብ ፍላጎት አንጻር ሲታይ አሁንም ብዙ የሚቀረው እና መሻሻል የሚጠበቅበት ነው ሲሉ መልዕክታቸውን አስተላልፈዋል፡፡

የሲቪል ማህበረሰብ ድርጅቶች በወቅታዊ ሃገራዊ ጉዳይ ላይ ውይይት አደረጉ፡፡
***********************************************************************
አቶ ተስፋዬ በልጅጌ የመንግስት ዋና ተጠሪ ሚኒስትር በመክፈቻ ንግግራቸው እንዳሉት የዛሬው መድረክ በሃገር አቀፍ ደረጃ ከሙሁራን ጋር የሚደረገው ውይይት አካል መሆኑን አንስተው የሲቪል ማህበረሰብ ድርጅቶችም በሃገረ መንግስት ግንባታው ላይ የበኩላቸውን ሚና ሊወጡ ይገባል ሲሉ ተናግረዋል፡፡
አክለውም ድርጅቶች የዲሞክራሲ ባህል እንዲዳብር፣የሰላም እና የተቋማት ግንባታ ላይ ማገዝ አለባቸው ሲሉ መልዕክታቸውን አስተላልፈዋል፡፡
ዶ/ር ፍጹም አሰፋ የፕላን እና ልማት ሚኒስቴር ሚኒስትር በሃገር ግንባታ የሙሁራን ሚና በሚል ርዕስ መነሻ ጽሑፍ አቅርበው ውይይት ተደርጎበታል፡፡