ABDII SABAA — Telegrami kanal

ODUU:

Oromiyaatti Galmeen Barattootaa Haggaya 26 eegala - BBO

Naannoo Oromiyaatti galmeen bara barnootaa 2018 Hagayya 26 hanga Qaammee 5, 2017 gaggeeffama jedhe Biiroon Barnootaa Naannichaa.

Qophii karooraa bara barnootaa 2018 ilaalchiisee Sadarkaa Hogganaa itti aanaa Biirootti Gorsaan Biiroo Barnootaa Oromiyaa Obbo Efireem Tasammaa himan.

Naannichatti qulqullina barnootaa mirkanneessuuf dameewwan hedduun hojjetamaa turuu yaadachiisuun, bara 2018’f qophiin barbaachiisu taasifamaa jira jedhan.

Haaluma kanaan galmeen barattootaa Hagayya 26 hanga Qaammee 5, 2017tti kan geggeeffamu ta’uu kaasaniiru.

Bara barnootaa kanatti barattoota miiliyoona 13 ol simachuun barsiisuuf karoorfamuus obbo Efireem himaniiru.

Wayita amma hojiileen meeshaalee barnootaaf barbaachiisan mijjeessuu, haaroomsa manneen barnootaa fi kanneen biroo hojjetamaa jiru jedhan.

Kitaabiilee dabalatee meeshaalee barnootaaf barbaachisaan hojiin guutuu hojjetamaa jira jedhan.

Biirichi hanqinaalee kitaabiilee mudachaa turan marsaa marsaan furuuf hojjetaa akka jirus dubbatan.

Tooftaalee baruu fi barsisuurratti jijjiirama fiduuf sadarkaa biyyaalessaa fi naannootti leenjiin dandeettii barsiisootaa cimsuuf gargaaru kennnamaa jiraachuus kaasaniiru.

Akka naannoo Oromiyaattis dandeettii dubbisuu fi barreessuu barattootaa guddisuuf barsiisoota kutaa 3-5 barsiisan kuma 54 oliif leenjiin marsaa marsaan kennamaa jira jedhan.

Hagayya 23, 2017 irraa eegalee barsiisoonni hundi manneen barnootaatti argamuun haaloota kan mijeessan ta’uus eeraniiru.

Barnoonni akka Naannoo Oromiyaatti Fulbaana 5, 2018 kan eeegalu ta’uus Obbo Efireem akeekaniiru.

Maatiin, hawaasni fi qooda fudhattoonni barattoota umuriin isaani barnootaaf gahee gara mana baruumsaatti akka ergan fi barataan kamuu mana baruumsarraa hafuu akka hin qabne dhaamaniiru.

SABA GUDDAA WAAN TAANEEF MIIDIYAA GUDDAATU NUUF MALA!

MIIDIYAA @ABDII_SABAA

ODUU:

Poolisiin Federaalaa Qaamotii ‘Miidiyaa Hawaasaan Biyya Jeequuf Duulan” Jedherratti Tarkaanfii Akka Fudhatu Ibse

Poolisiin Federaalaa miidiyaa hawaasaa fayyadamuun qaamolee biyyattii giddu - gala jeequmsaa gochuuf duulan irratti duula sakatta’iinsaa akka gaggeessuu fi tarkaanfiis akka fudhatu ibse.

Ibsa isaan, hojii qaamota jeequmsa fi badii uumuuf yaalan mara, seeraaf dhiyeessuu cimsee akka itti fufu akeeke.

“Sakatta’iinsi bal'aan, qaamota farra nageenyaarratti xiyyeeffata jedhame, magaalaa Finfinnee fi naannawaa isheetti, kana malees karra seensaa magaalatti mara irratti ni gaggeeffamas” jedheera.

Poolisiin Federaallaa kan kana beeksise, marii karoora nageenya wal gahiiwwan idila addunyaa fi kan Aardii Afriikaa Finfinneetti gaggeeffamuuf jedhaman eegsisuuf taasisfame irrattidha.

SABA GUDDAA WAAN TAANEEF MIIDIYAA GUDDAATU NUUF MALA!

MIIDIYAA @ABDII_SABAA

ODUU ISPOORTII:

Morkiin xumuraa Waancaa Kilaboota Addunyaa har'a Cheelsii fi PSG gidduutti gaggeeffama.

Taphni xumuraa Waancaa Kilaboota Addunyaa har'a injifataa waancaa Koonfiransi Liigii Awurooppaa bara kanaa Cheelsii fi Injifataa waancaa Shaampiyoonsi liigii Awurooppaa bara kanaa PSG gidduutti taphatamu hawwiin eegama.

Taphni xumuraa kun har'a halkan sa'aatii 4:00 eegalee kan taphatamu yoo ta'u, tapha kana irratti Pireezidaantiin Ameerikaa Doonaald Tiraampi Istaadiyeemitti argamuun ni daawwatuun eegama.

Tapha xumuraa waancaa kilaboota addunyaa yeroo jalqabaaf kilaboota Ingiliizii fi Faransaayi gidduutti taphatamu kun xiyyeeffannoo olaanaa argateera.

Dorgommiin waancaa kilaboota Addunyaa Kun bara kana kilaboota 32 hirmaachisuun yeroo jalqabaaf bara kana qopheessummaa Ameerikaan gaggeeffame kun har'a xumura argata.

SABA GUDDAA WAAN TAANEEF MIIDIYAA GUDDAATU NUUF MALA!

MIIDIYAA @ABDII_SABAA

#Waamicha
#Yuunivarsitii_Jimmaa

Barattoota idilee digrii jalgabaa fi digrii 2 faaf 3 faa Yuunivarsitii Jimmaa hundaaf Galmeen keessan bara barnootaa 2017A.L.I. gaafa Fulbaana 20-21, 2017A.L.I. kan gaggeessamuu waan ta'eef reejistiraara kolleejjii ykn instiitiyuutii
keessatti barattanitti qaamaan argamtani galmee akka raawwattan cimsinee beeksisna.

Yaadachiisa:

Galmeen iyyattoota sagantaa eebbaan boodaa (digirii 2ªf 3) kan gaggeessamu gabxiin qormaata NGAT erga gadhiifamee booda akkaataa beeksisa bahuun ta'a.

Galmeen barattoota sagantaa Remedial kan gaggeessamu sagantaa barattoota digirii jalgabaa haaraa bara 2017A.L.I. yunivarsiitichatti ramadaman wajjin waan ta'eef beeksisni kun isaan hin ilaallatu.

SABA GUDDAA WAAN TAANEEF MIIDIYAA GUDDAATU NUUF MALA!

MIIDIYAA @ABDII_SABAA