15:53

2022-04-04 22:29:00 #ታካችነት_ኃይልህን_አሳልፈህ_የምትሰጠው_ጠላትህ_ነው


"ታካች ሰው። አንበሳ በሜዳ ነው ሲባል በመንገዱ ላይ እሞታለሁ ይላል።" (መጽሐፈ ምሳሌ 22:13)

የሆነ ሰው አእምሮህን በመጠቀም ከካንሰር ጭምር መፈወስ እንደምትችል ቢነግርህ፤ ታምነዋለህ ወይስ ትስቅበታለህ?

አእምሮ ሃይል አለው!!!

በጭንቀት፣ በስጋት ውስጥ ከቶ ከሰውነት ተራ እስክትወጣ ድረስ ያከሳሃል…

በተስፋ እና በሃሴትም ሞልቶ ህይወትህን ያበራልሃል።

የምትችላቸው እና የማትችላቸው ነገሮች ያሉት አእምሮህ ውስጥ ብቻ ነው።

በቀጣዮቹ ሃያ አራት ሰዓታት ውስጥ የምትችለውን ሁሉ አድርገህ አስር ሺ ብር ይዘህ ና ብልህ ‘አልችልም - ገንዘቡን ከየት ማምጣት እንዳለብኝ ምንም ሃሳቡ የለኝም’ ትለኛለህ።

ሆኖም በሳንቲሞች የተሞላ ካልሲ በእጄ ይዤ “አስር ሺ ብር ካላመጣህ፣ በዚህ እመታሃለሁ” ብዬ ባስፈራራህ እና መንገድ ለመንገድ ባሯሩጥህ፣ አማራጮችን ማሰብ ትጀምራለህ -

ምናልባትም ትበደራለህ፣

ምናልባትም ከቤትህ እቃ አውጥተህ ትሸጣለህ ወይም ለእርዳታ ትጣራለህ።

ሁሌም ቢሆን አእምሯችን አማራጮች አሉት፤ እኛ እንዳላየ ሆነን ማለፍን እንመርጣለን፣ ሃላፊነቶችን እንሸሻለን እንጂ ተአምረኛው አእምሯችንን በትክክል ከተጠቀምንበት ለእድገት የሚጠቅሙንን ነገሮች ሁሉ ለማቅረብ ዝግጁ ነው።

ከታካችነት ወጥታችሁ አእምሯችሁን ልትጠቀሙበት ዝግጁ ናችሁ?

#ከተአምረኛው_አእምሮህ መጽሐፍ የተቀነጨበ።

@Human_Intelligence ክፈት / አስተያየት ይስጡ

2022-03-02 09:36:08 1888 ክፈት / አስተያየት ይስጡ

2022-02-04 19:11:58 “አንድ ሰው ለመንገደኛ ሰው ከአካልህ አንዱን (ለምሳሌ እጅህን) አንስቶ ቢሰጠው ትበሳጫለህ። ሆኖም የአንተን አእምሮ ለመጣው ለሄደው ሁሉ ትሰጣለህ፤ ብዙ ሰው አንተን ያጠቃሃል፤ በዚህም ትበጠበጣለህ፤ ትቸገራለህ… ይህስ አያሳፍርህም?”
#ኤፒክቴተስ

ሳናስበውም ቢሆን አካላችንን እንጠብቀዋለን። ሰዎች እንዲነኩንም ሆነ እጃችንን ይዘው እንዲያሽከረክሩን አንፈቅድላቸውም። ሆኖም ወደ አእምሯችን ስንመጣ ቁጥጥራችን ይላላል። በፍቃደኝነትም ለፌስቡክ፣ ለቴሌቪዥን ወይም ለሌሎች ሰዎች ለሚያስቡት፣ ለሚናገሩት፣ ለሚያደርጉት ነገር አሳልፈን ሰጥተነዋል። ስራ ልንሰራ ተቀምጠን ጥቂት እንኳ ሳንቆይ ራሳችንን ኢንተርኔት ላይ እናገኘዋለን። ከቤተሰብ ጋር እንቀመጣለን፤ በደቂቃዎችም ስልካችንን ፍለጋ እጃችንን እንሰዳለን። ሰላም በተሞላበት መናፈሻ እንቀመጣለን ሆኖም ወደ ውስጣችን ከመመልከት ይልቅ አላፊ አግዳሚውን እየገላመጥን እንዳኛለን።

በእኛ ላይ ምን ችግር እንዳለ ሁሉ አናውቅም። በድርጊታችን ውስጥ ምን ያህል ብክነት እንዳለ አናስተውልም፤ ምን ያህል ደካማ እንደሆንን፣ ምን ያህል ራሳችንን እንደምንረብሽ አናስተውልም። ከዚህ የባሰው ደግሞ ማንም እንዲህ እንድንሆን ያላስገደደን መሆኑ ነው፤ ሁሉንም ችግር የፈጠርነው በራሳችን እጅ ነው።

ለስቶይኮች ይህ አይሰራም። ዓለም የእኛን ሰውነት መቆጣጠር እንደምትችል ያውቃሉ- ወደ እስር ቤት ልንጣል እንችላለን ወይም አገር ሰላም ብለን በወጣንበት ዶፍ ዝናብ ሊወርድብን ይችላል። በዚህ ሁሉ ውስጥ ግን በእኛ ቁጥጥር ስር የሚገኘው አእምሯችን ነው። ልንጠብቀውም የተገባ ነው። በአእምሮህ ላይ ቁጥጥርን ማድረግህ ከሁሉም የላቀ ሃብት ነው።

@lifein1553 ክፈት / አስተያየት ይስጡ

2022-02-03 20:40:09 Kassmasse is back! ክፈት / አስተያየት ይስጡ

2022-01-30 10:56:07 ሁሌ ደስተኛ መሆነ ከፈለክ ከተፈጥሮ ህግ ጋር አትጣላ። — ኤርሚያስ አመልጋ

@lifein1553 ክፈት / አስተያየት ይስጡ

2022-01-30 10:53:04 #ቅምሻ


አንድ ካምፓኒ ሰራተኛቸው አመታዊ የጉዞ ፕሮግራም አዘጋጅቶ ወደ አዞ እርባታ ቦታ ወሰዳቸው፡፡ ጉዟቸውን እንደቀጠሉ አንድ በአዞዎች የተሞላ ሀይቅ ጋር ሲደርሱ የካምፓኒው ባለቤት አንድ ሀሳብ አቀረቡ....

"እዚህ ሀይቅ ውስጥ ገብቶ ከአዞዎቹ ተርፎ የወጣ ሰው አምስት ሚልየን ብር ይሸለማል ... ምናልባት በአዞዎቹ ተበልቶ ከሞተ ደግመሞ ለቤተሰቦቹ ሁለት ሚልየን ብር እንደሚሰጥ ቃል እገባለው" አለ...

ለረዥም ሰአት ደፍሮ ሀይቁ ውስጥ የገባሰው አልታየም በመሀል ሳይታሰብ አንድ ሰው ወደ ሀይቁ ዘሎ ገባ ከዚያም ሰውየው ከሀይቁ ለመውጣት ያለ የሌለ ሀይሉን ተጠቅሞ ተወራጨ በመጨረሻም እድለኛ ሆኖ ከሀይቆ ወጣ
እንደወጣም ትንፋሹ እየተቆራረጠ...

"ማማነነው የገገፈተረኝ ?" ብሎ ጠየቀ
ሁሉም ወደሚስቱ ጠቆሙት ከዚያን ጊዜ ጀምሮ ዝነኛው
" ከስኬታማ ወንድ ጀርባ አንድ ሴት አለች" የሚለው አባባል ተፈጠረ

መልካም ቀን

@lifein1553 ክፈት / አስተያየት ይስጡ

2022-01-13 22:31:20 #ትንሽ_ብቻ

ሮበርት በአንድ የአሜሪካ ከተማ የሚኖር ከባድ የአእምሮ ህመም ያለበት ሰው ነው። ስራ አይሰራም፤ ከቤት አይወጣም ከመጠን ባለፈ ሁኔታ ሬዲዮ እያዳመጠ ነው የሚውለው። አንዲት የማህበራዊ ድጋፍ ተማሪ ቤቱ ሄዳ አይታው ሪፖርት እንድትፅፍ በአስተማሪዋ ትታዘዛለች።

አይታው ስትመለስ አስተማሪዋ "ሮበርት እንዴት ነው?" ብላ ትጠይቃለች።
ተማሪዋም "በጣም የሚገርም ችሎታ ያለው ሰው ነው።" ብላ ትመልሳለች።
"የምን ችሎታ?!"
"ሬዲዮ የማዳመጥ ችሎታ። እንደሱ በትእግስት ማዳመጥ የሚችል ሰው የለም።"....

ከቀናት በኋላ ተማሪዋ አንድ የሬዲዮ ጣቢያ ሄዳ "የሚተላለፉቱን ዝግጅቶችና ማስታወቂያዎች በነፃ የሚመዘግብ ሰው ትፈልጋላችሁ?" ብላ ስትጠይቅ የጣቢያው ባለቤቶች ተስማሙ። ሮበርት ያለ ክፍያ በጣቢያው የሚተላለፉትን ዝግጅቶች እና ማስተወቂያዎች መመዝገብ ጀመረ። ሮበርት ጥንቅቅ አድርጎ ነው የሚመዘግበው። የሬዲዮ ጣቢያው ባለቤቶች ተደስተው ደሞዝ ይከፍሉት ጀመረ። ሮበርት የመጀመሪያ ደሞዙን ሲያገኝ ለማህበራዊ ድጋፍ ተማሪዋ "ለብዙ አመታት ከቤት ውጭ ምግብ በልቼ አላውቅም። ዛሬ ሀብታም ሆኛለሁ። ውጭ ነው የምበላው ደግሞ ብቻየን አልሄድም። እባክሽ ምሳ ልጋብዝሽ።" አላትና ሬስቶራንት ሄዱ።

ምሳ እየበሉ "በህይወቴ ትልቅ ለውጥ ነው ያመጣሽልኝ። አሁን ስራ አለኝ፣ ደሞዝ አለኝ፣ የማገኛቸው ሰዎች አሉ።" አላት።

እሷም "ኧረ እኔ ምን አደረኩልህ?" አለችው....

እይታችንን ትንሽ ብንለውጥ (ትንሽ ብቻ) ቢያንስ በአንድ ሰው ህይወት ላይ ትልቅ ለውጥ ማምጣት እንችላለን።

ያለ አእምሮ ጤና፤ ጤና የለም!
ከዶ/ር ዮናስ ላቀው
@lifein1553 ክፈት / አስተያየት ይስጡ

2022-01-07 21:18:22 ግሩም አባባሎች

"ያለምክንያት የሚወድህን አምላክ እያሰብክ ያለምክንያት የሚጠሉህን ሰዎች እርሳቸው።"

"እያንዳንዱ ቀን ትንሽ ህይወት ነው ከእያንዳንዱ ህይወት ቀን ጀርባ አዲስ ህይወት አለ፣እያንዳንዱ ጠዋት ትንሽ ወጣት እያንዳንዱ የሌለት እንቅልፍ ትንሽ መሞት ነው።"
አርተር ሾፐን ሀወር


"ፍቅርን ማያዉቁ ሰዎች ፍቅር እዉር ነዉ ይላሉ፤ እኔ እላለሁ አይን ያለዉ ብቸኛ ነገር ፍቅር ብቻ ነዉ፤ ከፍቅር ዉጭ ሁሉንም ነገር እዉር ነዉ።"
ኦሾ

"የተሳሳቱ ሰዎች ሃይማኖትን በተሳሳተ መንገድ ይጠቀማሉ ፡፡ በዚህ ምክንያት ሃይማኖት ለላቀ ተጋድሎ እና ለከፋ መከፋፈል አስተዋጽኦ ያደርጋል ፡፡"
ዳላይ ላማ

"ዛሬን ለሰይጣን ነገን ደግሞ ለእግዚአብሔር አትስጡ።"
ቅዱስ ጎሮጎርዮስ

"ጥሩ ምላስ ስውር ማህተብ ያላት የዘመኑ ሰርተፊኬት ናት"

"መስታወቱን መስበር ከፊቱ የቆመውን እውነት አይቀይረውም"

" ጨዋ ሰው በሌሎች ሰዎች መጎሳቆል ላይ የራሱን ምቾት አይገነባም እርሱ የሌሎችን ሰዎች ምቾት ለማደላደል የራሱን ምቾት ይረሳልና "
አቡነ ሺኖዳ

"ህይወትህ ቀላል እንዲሆንልህ አትፀልይ፡፡ ጥንካሬ እንድታገኝ ፀልይ እንጂ፡፡ በአቅም ልትሰራው የምትችለውን ነገር ለማግኘት አትፀልይ፡፡ ልትሰራው ካሰብከው ነገር ጋር የሚመጣጠን ሀይልን እንድታገኝ ፀልይ፡፡ከዚያ አስደናቂው ነገር 'የሰራህው ስራ' ሳይሆን 'አንተ' ትሆናለህ፡፡"
ፊሊፕ ብረክስ

."በዓመቱ ውስጥ ምንም ሊከናወን የማይችልበት ቀን ሁለት ቀናት ብቻ ናቸው ፡፡ አንደኛው ትናንት ሌላኛው ደግሞ ነገ ይባላል ፡፡ ዛሬ ለመውደድ ፣ ለማደግ እና ከሁሉም በላይ ለመኖር ትክክለኛው ቀን ዛሬ ነው።"
ዳላይ ላማ

የስብዕና ልህቀት
@lifein1553 ክፈት / አስተያየት ይስጡ

2022-01-07 20:40:26 Mykey shewa X Winta

@lifein1553 ክፈት / አስተያየት ይስጡ