የኛ ግጥም ና ታሪክ

2022-09-08 19:54:30 "ቢጫ ሞት"
ኤልያስ ሽታኹን
~ ~ ~ ~ ~
ቢጫ አበባ ቆርጠን አደይ ቀነጠስን
ለወረት ገላችን ተስፋ ነሠነሥን....

እንዲያው ይመስል በዓል
የውሸት ከነዓን
ሀሰት ወለደ ነዌ
የውሸት ነነዌ
ለሀሰት ወጋችን ለውሸት ማዕረግ
ስንት አደይ ስንት በግ?

እኛ
የማይጠብቀንን ወቅት እየጠበቅን
ተስፋን ሰበብ አርግን ስንቱን አረገፍን?
ጥያቄ?
ከስሩ ገንደሰን
ከግንዱ ቀንጠሰን ለኛ ተስፋ ያልነው
ለአደዩ ምንድነው?

ሞት:: ክፈት / አስተያየት ይስጡ

2022-09-07 22:54:06 https://www.tiktok.com/@seido2011/video/7140138792110787846?_r=1&u_code=e1f46j7c7i1djf&preview_pb=0&language=en&_d=e1f46aj27bg66f&share_item_id=7140138792110787846&source=h5_m×tamp=1662580205&user_id=7092893864441136133&sec_user_id=MS4wLjABAAAA6QXQV_-pnEyp9sIHEuxKe_3Zbh66DGoml45GxgYAeoew96w__rG8epNOkKjv7lry&utm_source=more&utm_campaign=client_share&utm_medium=android&share_iid=7092893751316383493&share_link_id=35b2218f-5de0-46e7-9e15-73fedf9be4fc&share_app_id=1233&ugbiz_name=Main ክፈት / አስተያየት ይስጡ

2022-09-05 18:59:16 "የማይወዱን ሰዎች ግን ምን አጠፉ?"
ኤልያስ ሽታኹን
(እዚህ እና እዚያ)
~ ~ ~ ~

አለመወደድ ምንድነው?

ሰላም እንደማትወድኝ የነገረችኝ እህቷ ናት:: ልብ በሉልኝ 14 አመቴ ነው::
"አትወድህም" አልችኝ::
አለመውደድ ምንድነው?

እውነት ለማዉራት ነገሩ በቅጡ ሳይገባኝ ማቃጠር ጀመርኩ እወደድ እንድሆን::
"ከዛስ" ብባል መልስ የለኝም::
ብቻ መጠላትን አለፈልግኩትም:: እንዲሁ::

"አትወድህም?" ድምፅ ይከተልኛል::
አለመወደድ ምንድነው?

-ጎረቤታችን እናትህን "አትወዳትም"

-እህቴ ቦይ ፍሬንዷ ተለያት
ለምን?
"አይወዳትም"

-ክበብ ውስጥ በጏደኛህ ስለምትቀናበት
"አይወድህም"

-የአባትህ ልጆች አንተን "አይወዱህም"

ምንድነው "አለመወደድ?"

በአንድ ወቅት
ሀገር ሆላንድ የምትኖር ቆንጆ ልጅ አውቅ ነበር::

ምቾት ወይም ደስታ ውስጥ ነበርኩ::

"ባልና ሚስት እንሁን" በቅንፍ ይቀመጥልኝ::
ተባባልን
ሆንን::
አመት ሊሞላን ወር ሲቀረን ተለያየን::
ለምን?
"ፍቅሬ አለቀ" አለችኝ
ለምንኳት-

ፍቅሯን ፈልጌ?

ወይስ ማጣት ፈርቼ?

ቆንጆ ስለሆነች?

ሌላ መያዝ ደክሞኝ?

እንጃ ብቻ ለምንኳት::

ወራት ደጅ ጠናሁ::

ቢከብዳት እኔ አልኩላት::

"አትወጅኝም" በድምፅ ጠየቅኳት::
በቴክስት "አዎ ፍቅር የለኝም" አልችኝ::
ለህሊናዬ ነገርኩት "አትወደኝም" ዘገነነኝ::
አንዲት ሴት እኔ እንደማልወዳት ሲሰማት እንደዚህ ነው? የምትሆነው?
ብርድ ብርድ? አይነት
ወንድ ሸንቶ ሲጨርስ የሰውነት መርገፍገፍ? አይነት
(ሴቶች እንደሚሰማቸው አላጣራሁም)
እንባ የለሽ ሀዘን? አይነት
መውጫ ያጣ እልህ እቃ ስበር ስበር? አይነት

ብቻ "አልወድህምን" ደጋገምኩት::
ታመምኩት::
ሰክኜ አየሁት::
ያለወደዱን ሰዎች ምንድነው ጥፋታቸው?
እንደወደዱ ማስመሰል እንጂ አለመውደድ ጥፋት አልመሰልኝም::
ምክክር ከራሴ
ጥፋቱ እንድወደድ ገፄን ቀይሬ ፀጋዬ ደልዬ ጭብጨባ መግዛቴ እንጂ::

በአንዳንዶች አልወደድም::

አለመወደድ ምንድነው?

ከኔ ጋር መቃረን?

ስለኔ ክፉ ማሰብ?

መንገዴ ላይ መሰናክል መመኘት?

ህልውናዬን አለመቀበል?

የምኖርበትን መስመር አለመቀበል?

ስህተቴን ብቻ ነጥሎ ማየት?

ቅናት ያመጣው መታወር?

ምንድነው አለመወደድ? ክፈት / አስተያየት ይስጡ

2022-09-02 15:37:16 እናቴ

የህይወት መሠረቴ
የምን ጊዜም ቤቴ
ሲከፋሽ አልወድም ስተክዢ አዎ
አለውልሽ ሁሌም ገና እጦርሻለው
ሲርበኝ አብልተሽ ሲጠማኝ አጠጥተሽ
ሲያመኝ አስታምመሽ
ዘጠኝ ወር በሆድሽ ይዘሺኝ
እግሬ እስኪራመድ በጀርባሽ አዝለሺኝ
ሁሌም ተንከባክበሽ
አጫውተሽ አዝናንተሽ
አይዞሽ አለውልሽ
ልጄ ትይኛለሽ
እናቴ እናቴ የእኔ ውዷ እናቴ
መቼም አልተውሽም እስከለተ ሞቴ

ገጣሚ: ዮርዳኖስ ዘውዱ
ለማንኛውም አስተያየት

@Pswyb ክፈት / አስተያየት ይስጡ

2022-08-25 17:44:22 "ሶምሶማ ጦርነት"
ኤልያስ ሽታኹን
~ ~ ~ ~ ~

ፕሮፌሰር ጌታቸው ኃይሌ ከነጮች ጋር እየተማረ ቁጭ ብለው እየተጨዋወቱ ሳለ "በልጅነቴ ጫማ አላውቅም ነበር" ሲላቸው ነጮቹ ደነገጡ::

"ረጅሙን የትምህርት ዘመኔን በባዶ እግር ነው ያሳለፍኩት" አለ ::
ምን ቢሉት ጥሩ ነው "ለምን አትፅፈውም? ይሄ እኮ የሚደንቅ ነው ለብዙ ሰው::"
ለነርሱ የደነቃቸው ክስተት ለጌታቸው ኃይሌ ሀገር ግን የተለመደ ህይወት ነበር::

ለብዙ የሚደንቀው ነገር ለኛ ኑሮ መሆኑ ስላቅ ነው:: በዓመት ሦስቴ የምናከብረው ብቸኛ ብዓል ነው ውጊያ::

ለምንሰማው ከደከመን እዳው ላይ ላሉት ዳፋው ዳይ ለወደቁት ምንኛ ስቃይ ይሆን?

ዛሬም ተስፋ አለን እንባባል ይሆናል:: ግን ዋሾ ነን:: እንደሀገር ሁለት ስሜት አለቀቀንም
ያልወጣልን ብሶት እና
የማንወጣው እልህ::

እንደህዝብ ቁጡ እና ሆደ ባሻ ሆነናል::
ታክሲ ውስጥ ብሶት
ኪዎስክ ውስጥ ጠርሙስ መስበር ቱግ ባይ::
ሳንነካ ሁሉም የሚያጠቃን የሚመስለን
ሁሉም የሚንቀን የሚመስለን
ሳንጠየቅ ገና የይሆናል መልስ የምናዘጋጅ ደንባሮች ሆነናል::

እንደህዝብ ተቀያይመናል::
እንደግለሰብ ተጠላልተናል::

በየሶሻል ሚዲያው ላይ ያሉት ነገሮች ድምፃቸው ቤተስኪያን ደጅ ከሚጮህ የመዝሙር ሞንታርቦ በላይ ይሰማል:: (ለሁለት ደቂቃ Tiktokህን ስክሮል አርገህ ሞክረው::) ሁሉም እየጮኸ ነው::
-ዳንሱ በጩኸት
-ስብከቱ በጩኸት
-ሞቲቬሽኑ በጩኸት
-ምክሩ በጩኸት

እልህ+ብሶት = ( )

እንደሀገር ልጅነቴ በሀገሬ ቅያሜ ካለኝ ቆየሁ:: ተኳርፍናል::

በየቦታው ሄጄ ያየሁት ህዝብ የራሱ ብሶት የራሱን እልህ ሳይ ያስፈራል እላለሁ::

"....አስርጪብኝ የምነት ቀንጃ
ለስጋቴ አጣማጅ አቻ
ለጭንቀቴ መቀንቻ ....."
እንዳለ ጸጋዬ

እኛስ
አይደክምም ወይ እያስታመሙ መግደል?
አይደክምም ወይ እየገረፉ ማባበል?
አይደክምም ወይ እየሳቁ ምስጋት?
አይደክምም ወይ እያረፉ መዋጋት?
አይደክምም ወይ?
አይደክምም?
አይደክምም? ክፈት / አስተያየት ይስጡ

2022-08-20 14:26:35 ክፈት / አስተያየት ይስጡ

2022-08-19 18:38:14 https://vm.tiktok.com/ZMNnAFCgQ/ ክፈት / አስተያየት ይስጡ

2022-08-13 11:15:29 የኛ ግጥም ና ታሪክ pinned «-ልብ ልብ' ይባል!!! በፀሎት ብርከካ ልባችን ሲረካ አንድ ብቻ በፆም በሁዳዴ ይመጣ ይሆን ገዴ? አቻ ላቻ ከጥምቀት ፀበሉ ተመላለስ ሲሉ እማር ብዬ እኔ አንድም ከመንፈስ በነጠላ ስጓዝ ያለኝም እብስ ብርከካ ስግደቴ ባዶ ልቤ ተሰዶ ሀሳብ ተንዶ እስከመቼ ንቀት እስከመች ልጅነት ሽልማት ስነጠቅ ትገባኝ ይሆን ህይወት? እንባ ከሳቹ ትርጉመ ልል ልብ ያላወራው ቃል ይቀላል ከምበታተን በደመነፍሴ ሰብስቤ…» ክፈት / አስተያየት ይስጡ

2022-08-13 11:15:17 -ልብ ልብ' ይባል!!!


በፀሎት ብርከካ
ልባችን ሲረካ
አንድ ብቻ
በፆም በሁዳዴ
ይመጣ ይሆን ገዴ?
አቻ ላቻ
ከጥምቀት ፀበሉ
ተመላለስ ሲሉ
እማር ብዬ እኔ አንድም ከመንፈስ
በነጠላ ስጓዝ ያለኝም እብስ
ብርከካ ስግደቴ ባዶ
ልቤ ተሰዶ
ሀሳብ ተንዶ
እስከመቼ ንቀት እስከመች ልጅነት
ሽልማት ስነጠቅ ትገባኝ ይሆን ህይወት?
እንባ ከሳቹ ትርጉመ ልል
ልብ ያላወራው ቃል ይቀላል
ከምበታተን በደመነፍሴ
ሰብስቤ ልቋጥር ሁሉን ለነፍሴ
በችርቻሮ ነገር ከሚረክስ
ልብ ተሰብስቦ ጥሞና ይዳሰስ

ማህሌት ገ/ሚካኤል
@Nizan5 ክፈት / አስተያየት ይስጡ

2022-08-01 21:49:25 ርዕስ-እንደየ ሀዘኑ...
አንዳንዴ እንባ ብቻ አይበቃም
ቁስለት ለማሳበቅ
መጮህ ብቻ አይበቃም
ምሬትን ለመልቀቅ
አዎ ያስለቅሳል
ያመኑት ሲሰለብ
የያዙት ሲበተን
ያሰሉት ሲጠፋ
የልብን ማዋየት ይሆናል ጉንጭ አልፋ
አዎ ያስጮኸዋል
በስህተት ተሳስቶ
አንዴ ልቡን ከፍቶ
አለልኝ እያለ ሲጠብቅ ከጎኑ
አሉ የሚባሉት እንደ ጉም ሲበኑ
አንድ የእንባ ጠብታ መቶ ቃልን ታውጣ?
ወይስ አንድ ጩኸት ሺህ ቃላትን ይትፋ?
ይቅር እንደ ስቃይ ይቅር እንደ ህመሙ
አንድ ሁለት ሲበዛ የበሰለ ሁሉ እንዳይቀር ማረሩ
አዎ አይኖች ይሰናዱ
ጉሮሮዎች ይንቁ
ሚጠፋ ከሆነ ሚቀል እንደ ቀላል
ሁሉም አካል ይጋል
የሚመጣው የታል ??
ስማስነው ኖሬ
የዛሬን በዛሬ
ሊያስተምረኝ ኖሯል የትዕግስትን ፍሬ
እስኪ በደንብ ይብሰል ሳይጠግ ከሚመጣ
እንዲያ ሲሆን ነዋ ጉዳት ሚረታ
ስብራት ሚጠገን
የልብም አይን ያያል ሚያጓጓ ነገን
.
.
.

ገጣሚ ማህሌት ገ/ሚካኤል
@Nizan5 ክፈት / አስተያየት ይስጡ