2022-07-06 21:50:28
#አፍላ ፍቅር
ፀሃፊ ካሊድ(kalido ye umi)
Part ➊
ካኪ.. ካኪ.. መስገጃ አንድ አንድ ብር እ ካኪ. ነው
አቦ አታዝገኝ ባክህ
ሶፊ.... ብዬ ንግግሬን ሳልጨርስ
ዛሬ እንዴት አባትህ ልትሸጥ ነው ዝናቡም አላቆመ። አለችኝ በቀኝ እጇ የያዘችውን የቡና መቁያ ከብረትምጣዱ ላይ የተዘሩትን በከፊል ወደ ቀይነት እንደመለወጥ ያሉትን ቡናዎች ወደ ቀኝ ወደ ግራ ወደ ፊት መልሳ ወደኋላ እየሳበቻቸው በጭሱ ሳይቀር ቤቱን እያናወጠችው ያለችው ከልቤ የምወዳት እናቴ፡ ቤቱን በሚያውድ የእጣን መአዛ ማፈኑንም አልዘነጋች።
በግራ እጇ አባዬ በፍጥነት ቡናውን ጠጥቶ ለተርሃዊ ወደ መስጂድ እንዲወጣ በማሰብ የካርቶን ብጣሽ በእጇ አኑራ በደከመ ጉልበቷ እሳቱን ማራገብም ይዛለች
ታላቋ እህቴ "ሶፊ" ግን ዛሬ ያለወትሮዋ አንገቷን ወደ መሬት አቀርቅራለች አባዬ ከጀርባው የተንጋለለውን ወፍራም ትራስ ተደግፎ በእጁ በያዛት ተስቢህ አላህን ያወሳል
የእህቴ "ሶፊ" ዝምታ ግን ያልተለመደ ስለሆነብኝ
ሶፊሻዬ ብዬ ጀርባዋን ብዛት ባላቸው ለመስገጃነት በሚያገለግሉት ካኪዎች መታ አደረኳት። ለትንኮሳዬ ምላሽ ይሆናል ብዬ ያሰብኩት እንደሁሌውም በእቅፏ ውስጥ ገብቼ ምንጣፉ ላይ በሳቅ እያንፈራፈረችኝ ትላፋኛለች የሚል ቢሆንም የጠበኩት ሳይሆን ቀርቶ በምትኩ አንዳች ጥፊ አናወጠኝ
የጥፊው ከነጎድጎድ የማይተናነስ ድምፅ ከገባሁበት የትዝታ መርከብ ያለ አንዳች እርጋታ አወጣኝ ከትውስታው እንደመባነን እያልኩ፡
ሶፊ... ሶፊ.. ከዛ ምሽት ጀምሮ የት ገባች?
ስል እራሴን ጠየኩ እነሆ የዘንድሮው እረመዳን እሷን ካየሁ ድፍን አስር አመት ሞላ። ኡፍ...... ስል ግርምታ በተሞላበት ሁኔታ በረዥሙ ከተነፈስኩ በኋላ
ሶፊ.. አልኩ በሰመመንና በሲቃ በታጀበ ድምፅ አይኖቼን በአንድ አቅጣጫ ላይ ተክዬ።
ለክፋቱ ከአፌ የወጣቸው ቃል ወደ እማዬ ጆሮ ሰተት ብላ ገባች
ምን አልክ?
እማዬ ነበረች ጠያቂዋ፡
ለምን እንደሆነ ግልጽ ብለው ነገራቶች ባይታዩኝም በሶፊ ዙሪያ አንዳች ነገር በእማዬና በአባዬ በኩል ሚስጥር ሆኖ እንዳልቀረ ይሰማኛል፡ ብዙውን ጊዜ ከአባዬ በተለየ መልኩ ስለእህቴ ሶፊ መሰወር ምክንያት ጥያቄ ቢጤ ሳነሳ እማዬን ማንገሽገሹ አይቀሬ ነው።
እኔም እማዬ ትጓዳለች በሚል ነገሩን በቸልታ አልፎ ሶፊን ለመርሳት ከመሞከር ይልቅ ጥያቄዬን በውስጤ እያብላላሁና እያመላለስኩ መቆየቱን አማራጫ ሳላረግ የቀረው አይመስለኝም።
ለአሆኗ ከእማዬ ለመጣችው ጥያቄ ዝምታን መረጥኩ፡ እማዬም ነገሩ ሳይገባት ቀርቶ አይደለም ጥያቄ ያነሳቸው ብቻ የተፈዘረውን ዝምታ ተንተርሳ ከባድ በሆነ ግልምጫ ከእግሬ እሰከ ፀጉሬ ጫፍ ከተመለከተችኝ በኋላ የሳሎኑን በር ከፍታ ወደ ውጭ ወጣች።
በዚህች አስርት አመታት ውስጥ የአባቴ መሞት፣ በፊት የነበርንበት መኖሪያችን በልማት ምክንያት ፈርሶ ተቀያሪ የጋራ መኖሪያ ቤት ከከተማ ውጭ ማግኘታችን
ከሶፊ መሰወር በኋላ በህይወታችን አዲስ ከተከሰቱ ነገራቶች ውስጥ ዋንኛዎቹ ናቸው ፡
ግን በእነዚህ ጥቂት ለማለት በሚከብዱ አመታት ውስጥ ወደ ቀድሞ ሰፈራችን ሶፊ እኛን ፍለጋ መታ ቢሆንስ? ስል አሁንም ዞሬ ለእራሴ ጥያቄን ፈጠርኩ፡ብቻ ውጥንቅጡ የወጣ መላቅጡን ያጣ ለመፍታት አስቸጋሪ የሆነ የተጠላለፈ ነገር አለ።
hanann
አቡኪ "አትገባም"?
ከጎኔ ያስቀመጥኳትን ስልክ አንስቼ የተቀበለችውን መልህክት አየሁኝ
ሀናን ናት
ሀናን በቅርቡ.....
Part 2 ይቀጥላል ....
ሶፊ ማናትስ የትናትስ?????
1.1K views♡—ⓐ——ⓕ——ⓡ——ⓐ——ⓓ—♡, 18:50