2022-07-14 20:00:52
በራስ መንገድ
ተከታታይ ልብወለድ
ምዕራፍ=2
ክፍል=19
ነፃነት ዋቲሮ
ምሽቱ ነግቶ ከተኛሁበት ስነቃ አልጋ ላይ የነበርኩት እኔ ብቻ ነበርኩ ሁሌ ከእነሱ ጋር ብተኛ የወጣልኝ ሰነፍ ነበር የምሆነው ብዬ እራሴን እየታዘብኩ ከአልጋዬ ወረድኩ እማዬ ቁርስ እየሰራች ነበር አባዬም እየወጣ ነበር "" ተነሳሽ የኔ ቆንጆ ደህና ዋይልኝ "" ብሎ ግንባሬን ስሞኝ ሄደ "" የእኔ ትንሽዬ ልጅ ለምን ተነሳሽ ተኚ ብርድ ይመታሻል "" አለችኝ "" አይ ቡና አፍልቼ አግዝሻለሁ "" አልኳት "" አይሆንም ግቢና ተኚ ብርዱ ላንቺ ጥሩ አይሆንም "" አለችኝ እኔም እሺ ብዬ ተመልሼ ተኛሁ "" ሰላም ሰላም ለዚህ ቤት "" አለች መቅዲ ነበረች "" መጣሽ የኔ ልጅ "" አለቻት እማዬ "" ሰላም ነው እቴቴ ፀጋስ? "" አለች መቼም የኔ ነገር አይሆንላትም "" ተኝታለች "" አለች "" እስከአሁን! ፈተና ጨርሻለሁ ብላ ነዋ? ""ብላ ወደ እኔ መጣች የለበስኩትን አንሶላ ከላዬ ላይ በአንዴ ብድግ አድርጋ "" ተነሺ እንጂ! "" አለችኝ "" እንዴ ለምን? "" አልኳት ብርድልብሱን መልሼ እየለበስኩ "" ለምን ትላለች እንዴ ትላንት ምን ብዬሽ ነበር?""
አለችኝ "" እሱማ አዎ ግን እኮ ሰአቱ ገና ነው "" አልኳት "" ገና ነው? ሰአቱን አይተሽዋል? "" አለችኝ ስልኳን ወደ እኔ አዙራ አራት ሰአት ሆኗል "" ውይ እኔ እኮ ደመና ሲሆን ሰአቱ ገና ነው ብዬ እኮ ነው "" አልኳት በድንጋጤ ከአልጋዬ ላይ እየወረድኩ "" በቃ ለባብሺ እኔ እቴቴን አናግራታለሁ "" አለችኝ "" መቅዲ! "" አልኳት እሷም እርምጃዋን ገታ አድርጋ ወደ እኔ ዞረች "" አምሮብሻል "" አልኳት "" አመሰግናለሁ የኔ ቆንጆ "" ብላኝ ሄደች እኔም በልቤ እግዚአር ይከተልሽ ብዬ ልብሴ መለባበሴን ቀጠልኩ
"" ፀጋዬ እቴቴ እኮ ተስማማች! "" አለችኝ ፊቷ በደስታ አብርቶ "" እኔ አላምንም! ወይኔ "" ብዬ በደስታ አቀፍኳት "" እና ምን ትጠብቂያለሽ አለባብሻት እንጂ "" አለችኝ እሺ ብዬ ሄድኩኝ "" እማ ይሄን ብትለብሺ በጣም ያምራል "" እያልኩ የምመርጥላትን ልብሶች በሙሉ አሻፈረኝ እያለችኝ በልመና አለበስኳት እውነት ለመናገር እማዬን ችግር አጎሳቁላሏት እንጂ በእድሜ ገና ናት በዛ ላይ ቆንጅዬ
"" አሁን እኔ እንደ ሀያ አመት ወጣት እንደዚህ ለብሼ ልውጣ አንቺን አድርሼ "" አለችኝ "" አረ እቴቴ በጣም ነው የሚያምርብሽ "" አለቻት መቅዲ ስንወጣ በር ላይ መኪና ቆሟል "" ጭራሽ መኪናም ይዘሽ ነው የመጣሽው ሀብታም..."" አላስጨረሰችኝም "" አፍሽን ዝጊ ስታናድድ "" ብላ እማዬን አስገብታ እሷም መኪና ውስጥ ገባች "" ጊቢ እንጂ እንደ ዮፍታ በሩን ከፍቼ እስካስገባሽ እየጠበቅሽ ባልሆነ "" አለችኝ አሽሙር መሆኑ ነው እየሳቅኩ ገባሁ የሚያምር ሆቴል ይዛን ገብታ ጋበዘችን እስካስአትውጡ አትውጡ ያስብላል ከግብዣው በኋላ እማዬን ለምነናት ፎቶ ቤት ሄድን ለትውስታ የሚሆኑ ፎቶዎችን በዛ አድርገን ተነስተን ወደ ቤት ተመለስን
እኔ እና መቅዲ ተያይዘን በዛው ቸርች ሄድን እሁድ አገልግሎት የእኛ ስለሆነ ከወትሮ በተለየ ሳምንቱን ሙሉ የመዝሙር ጥናታችንን እናደርጋለን አቤል ከእኛ ጋር አንድ ኳየር ባይሆንም ቸርች ሲመጣ የውስጡ ሰላም ስለሚበዛለት አይቀርም አሁን ደግሞ በጣም ደስ የሚያሰኘው እና ሁሌ ሳስበው ነብሴ ሀሴት የምታደርግበት ነገር ቢኖር የቲና ጌታን መቀበል እንዲሁም ቸርች አዘውትራ መምጣቷ ነው ከኳየር መልስ ናቲ እና መቅዲ እየተነጋሩ ነው እኔም ደግሞ ከአቤል እና ከቲና ጋር እያወራሁ ነበር በመሀል ለአቤል ተደወለለት እና ተሰናብቶን ሄደ "" ፀጋ! "" አለችኝ ቲና ነበረች ልቤ ሲቀደድ እየታወቀኝ ነበር "" አቤት ቲና "" አልኳት ጌታን በመቀበሏጓደኛሞች በማህበረሰቡ በበፊት ጓደኞቿ እየደረሰባት ያለውን ተፅዕኖ ነገረችኝ "" አንቺ እና መቅዲ በጣም የምታስቀኑ ናችሁ እኔ ደግሞ አሁን በዚህ ሰአት ማንም ከጎኔ የለም ጓደኛችሁ መሆን እችላለሁ? "" አለችኝ "" አይእንጂ ተሳስተሻል ጓደኛሞች ሳንሆን እህትማማች ነን እኔ እና መቅዲ ጋር ጓደኛ የሚባል ነገር አይሰራም እህት እንጂ ስለዚህ አንቺም ብትሆኚ እህታችን እንጂ ጓደኛችን ልትሆኚ አትችይም "" አልኳተለቀቀ በጣም አመሰግናለሁ "" ብላ አቀፈችኝ
ከአንድ ወር በኋላ ውጤት ተለቀቀ ሁላችንም በጠዋቱ በጠዋቱ ተደዋውለን ለማየት ወደ ትምህርት ቤት ሄድን....ይቀጥላል
ለእኔ ሕይወት ክርስቶስ ነው
➥ @CHRIST_TUBE
➥ @CHRISTFAMILY
#share #share #share #share
2.4K viewsNetsi, 17:00