የሕይወት ምክር (PSYCHOLOGY)

2022-04-01 15:27:00 አንድ ሰው በቀላሉ ገነትን ወደ ሲኦል መቀየር ይችላል


ከጥቂት ዓመታት በፊት የሚገርም ነገር ተፈጥሮ ነበር የሆኑ ጥንዶች ወደ እኔ መጡ እግዚአብሔር ታላቅ ውበት እንደሰጣቸው ግልጽ ነው በሕይወት እንደነሱ የሚያምሩ ጥንዶች አላየሁም የቅዳሴውን ሥነ ሥርአት ካጠናቀቅን በኋላ ሊያነጋግሩን ፈለጉ ‹‹አንዳንድ ችግሮች ገጥመውን ነው ››አለኝ


እኔም ሰማኋቸው ነገሩ እንዲህ ነበር ባለትዳሮቹ የተጋቡት በፍቅር ነው ለዓመታትም በመቻቻል ሰላማዊ ሕይወትን ይኖሩ ነበር በቤተሰባቸው የነበረው ድባብ ገነት ነውን ያስብል ነበር ከዚያም በቅርቡ በእያንዳንዱ ጥቃቅን መጣላት ጀመሩ በቤታቸውም ውስጥ የነበረው ሰላም ደፈረሰ የከፋው ነገር ግን ትንሽ የ6ዓመት ወንድ ልጅ በመኖሩ ነው አስቀድሞም ወደኔ የመምጣታቸው ምስጢር እርሱ ነበረ ልጁ ከአያቶቹ ጋር ብቻ መሆን እንደሚፈልግና እራሱን ከነሱ እንዳገለለ ሊያናግራቸውም እንኳን እንደማይፈልግ ነገሩኝ ፡፡

‹‹የሚፈልገውን ሁሉ እንገዛለታለን እርሱ ግን ሁል ጊዜ ዝም ይላል መጫወቻ፤ልብስ ከረሜላ ስንገዛለት ከፊታችን ወስዶ አጨማዶ ይጥለዋል ከዚያም እኛን ብቻችንን ጥሎን ወደ አያቶቹ ይሄዳል፡፡ በጣም ጤነኛ ነው ሌላም ምንም ችግር የለበትም ግን ከኛ ጋር አንዳች ነገር ማድረግ አይፈልግም ምን ማድረግ እንዳለብን አናውቅም ይህ ሁሉ የሆነው ለምንድነው?>> እኔም ልጃቸው እንዲህ ያሉ ወላጆችን እንደማይፈልግ ግልጽ ነው ደጋግሞ እናት እና አባቱን ፈለገ ግን ሊያገኛቸው አልቻለም ፡፡
‹‹የወላጆቻችሁ ምርቃት ስለነበራችሁ ደስተኞች ነበራችሁ በጥምረታችሁም አንዳች ተቃውሞ አልነበራችሁም በተቃራኒው ጋብቻችሁን እንኳን ያሰናዱት እናንተ ከመተያየታቸችሁ በፊት ነበር የቤተሰባችሁም ቡራኬስለነበራችሁ በፍቅር ተጣምራችሁ በሕብረታቸውም ውስጥ ሰላም ነበር ቤታችሁም እንደ ገነት ነበር አሁን ግን በኃሳባችሁ ምክንያት ሁሉም ነገር ተበላሽቷል እስከ ቅርብ ጊዜ ድረስ አንዳችሁ ለሌላችሁ በቂ ነበራችሁ ሌላም አትመኙም አሁን ግን አንተ ወደ ሌሎች ሴቶች በዝሙት በመመልከት ልብህን አሳልፈህ ትሰጣቸዋለህ ሚስትህም ወደ ሌሎች ወንዶች በዝሙት በመመልከት ልቧን አሳልፋ ትሰጣቸዋለች አሁን ያለው ሕብረታችሁ በሥጋ ብቻ ነው እንጂ አዕምሮአችሁ በተለያየ አቅጣጫ እየባከነ ነው ፡፡


ከጋብቻ ቃል ኪዳናችሁ ወሰን ውጪ ስላልወጣችሁ እግዚአብሔር ይመስገን ልጃችሁ ይህ ሁሉ ይሰማዋል እናም እንዲህ ያሉ ወላጆችን አይፈልግም ምክንያቱም እርስ በእርሳችሁ መራራቃችሁ ብቻ ሳይሆን እራሳችሁን ከሱ በማግለላችሁ ጭምር ነው እናንተ እራሳችሁ በገዛ ኃሳባችሁ በቤታችሁ ውስጥ ሲኦልን ፈጠራችሁ እናት እና አባት እያሉን በቁማቸው እነሱን ማጣት እጅግ ያማል ወደ እርስ በእርሳችሁ ተመለሱ እንደ ቀድሞአችሁም ሁኑ ከዚያም ሁሉም ነገር ይስተካከላል፡፡
አባ ታድዮስ ዘሰርቢያ
አልዓዛር

https://t.me/alazarsayehiwotmiker

https://t.me/alazarsayehiwotmiker ክፈት / አስተያየት ይስጡ

2022-03-22 10:56:14

ክፈት / አስተያየት ይስጡ

2022-03-19 11:18:32 በትልቅ ማሰብ(ማለም)

ትልቅ መሆን እንደምትችል ታምናለክ ትልቅ ደረጃ ላይ እንደምትደርስ አንተ ብዙ የመሥራት አቅም ውስጥህ እንዳለ ታውቃለህ አቅምህን ሳታውቀው ከቀረህ አዎ ትልቅ ማሰብ ላልሠራው ለምን አስባለው ለምንስ እጨነቃለው እንድትል ሊደርግህ ይችላል ነገር ግን ሁሉም ሰው ሲፈጠር ከልዩ ስጦታ ጋር ነው አንተ ይህን አላወቅኸውም ማለት ነገሩ የለም ማለት አይደለም ትልቅ ሕልም ሲኖርህ የምትሠራው በትልቁ ይሆናል እርካታህም ትልቅ ነው ለብዙኃንም የሚተርፍ ሥራ መሥራት ትችላለህ ይህም ማለት ራስህን ቤተሰብህን ሀገርህን ብሎም ዓለምን ትቀይራለህ ማለት ነው ማን እንደሆንክ በደንብ ስትረዳና ሕልምህን ከልብህ ስታምነው ይሆንልሃል የስኬት አሠራሩ አንዲህ ነው ታዲያ እንዲህ ከሆነ ለምን በትንሹ ታስባለህ? ትልቅ ማግኘት ስትችል ለምን አቅምህን ትገድበዋለህ? አስብበት “ ስትዘል ለሰማይ ዝለል “ እንዲባል በትልቁ ተመኝ ይህ ኃሳብ ሲነሳ አንድ ወዳጄ እንዲህ ብሎኝ ነበር “ምንም ሳይኖረኝ በትልቁ ባስብ ምን ይጠቅመኛል? ገንዘብ የለኝ ዘመድ የለኝ ደህና ሥራ የለኝ ዝም ብዬ ሕልም ባተልቅ ምን እጠቀማለው?” አለኝ እኔም “ሲኖርህ ከሆነ የምታልመው መቼም አትለወጥም ሕልም የሚያስፈልገው እኮ ለሌለው ሰው ነው በዓለም ላይ በጣም ትልቅ ደረጃ የደረሱ ሰዎች ሲጀምሩ ምን ነበራቸው? ምንም አልነበራቸውም የደሀ ልጆች ነበሩ ግን ትልቅ ሕልም ነበራቸው ሕልማቸው ደግሞ አርነት አውጥቷቸዋል አሁን እንዴት እንደምታሳካው ማወቅ አይጠበቅብህም ሕልምህ ራሱ መንገዱን ይጠቁምሃል አንተ ብቻ ዝም ብለህ አንሰላስለው ጠዋትም ማታም አስበው እመነው ጀምረው፡፡

በትንሹ ጀምር

ጅማሮህ ትንሽ ቢሆንም ፍጻሜህ ግን ታላቅ ይሆናል ይላል መጽሐፍ ቅዱስ በትንሹ መጀመር ሥራህን በአቅምህ እንድትጀምርና ያለ ጫና ወደኸውና ገብቶህ እንድትሠራው ያደርጋል ትልቁ ተራራ የሚወጣው ከትንሽ አቀበት ነው ትልቅ ቁጥር መጀመሪያው 1 ቁጥር ነው ከትንሽ መጀመር የማትችል ከሆነ የምኞት ብቻ ሰው ነህ ማለት ነው ትልቅ ደረጃ ላይ በአንድ ጊዜ ለመድረስ ማሰብህ ምንም ነገር እንዳትጀምር ነው የሚደርግህ ደረጃ ወይም መሰላል ትወጣ እንደሆነ የምትጀምረው ከታች አንድ ብለህ ነው አይደል? ሥራና ገንዘብም እንዲሁ ነው ከትንሹ ሥራ ጀምር በትንሽ ገንዘብ ተነሳ የ 1 ብርን ዋጋ ስትረዳ ነው ሚሊየን ብርን የምታመጣው ነገ ዛሬ ሳትል ባለህ ነገር አሁን ጀምር፡፡

አሁን ጀምር

ነገ ነገን ይወልዳልና ሥራን ለመጀመር ነገ አትበል አሁን ጀምር አሁን አድርገው ነገ ለነገ ገጠመኝ ተውለት የድካምና የመዛል ስሜት ሲሰማህ እንኳን ነገ እሠራዋለው ዛሬ ልረፍ አትበል ይልቁን ዛሬ ሠርቼ ነገ አርፋለው በል ምንም ነገር ለመጀመር አታወላውል ይበልጡኑ ሕልምህን ለማሳካት በምታደርገው ጉዞ እስካመንክበት ድረስ በቁርጠኝነት አሁን ጀምር ጸሎት ለመጀመር ቀጠሮ የሚይዙ ሰዎች አያደርጉትም ጸሎት አሁን የሚደረግና የሚጀመር ነገር ነው በይበልጥ መንፈሳዊ ተግባራትን ለማድረግ ነገ አትበል ነገ ምን እንደምትሆን ኑር ወይም ሙት አታውቅም እርሱን የሚያውቀው ፈጣሪ ብቻ ነው የአንተ ድርሻ ዛሬን መጠቀም ነው አሁን ተነስ አሁን ጀምር ፡፡


በትልቅ አስብ…………በትንሹ ጀምር………….. አሁን አድርገው

አልዓዛር ሱፋ
https://t.me/alazaryehiwotmiker
https://t.me/alazaryehiwotmiker
https://t.me/alazaryehiwotmiker ክፈት / አስተያየት ይስጡ

2022-03-16 15:03:35 ኃያሉ ኃሳብ
ሕይወታችን በውስጣችን በምናሳድጋቸው ኃሳቦች ይወሰናል፡፡ ኃሳባችን ሰላማዊ የተረጋጋ የዋህ እና ደግ ከሆኑ ሕይወታችንም ይህን ይመለከታል ፡፡ በአንጻሩ ትኩረታችን በሕይወታችን ውስጥ ስላሉ ሁኔታዎች ከሆነ ሰላም እና መረጋጋት ወደሚያሳጣ የኃሳብ አዙሪት ውስጥ እንገባለን ፡፡


ክፉም ደጉም ነገር ሁሉ የሚመጣው ከኃሳባችን ነው ምክንያቱም ኃሳቦቻችን እውነት ይሆናሉ እነዚህ ኃሳቦቻችን በሌሎች ላይ ከፍተኛ ተጽዕኖ አላቸው ፍጥረት ሁሉ የመለኮታዊ ኃሳብ በዓለም በጊዜ እና በቦታ የመገለጥ ውጤት ነው፡፡

እኛ የሰው ልጆች የተፈጠርነው በእግዚአብሔር አምሳል ነው ይህም እጅግ ታላቅ ስጦታ ሆኖ ሳለ አንረዳውም የእግዚአብሔር ኃይል እና ሕይወት በውስጣችን ቢኖርም አናስተውለውም ፡፡ እኛ እጅግ መልካም ወይም ክፉ ልንሆን እንችላለን ይህም የሚወሰነው በውስጣችን በምንዘራው ኃሳቦች እና ምኞቶች ነው ፡፡


ኃሳቦቻችን ሰላማዊ የተረጋጋ እና መልካም ወደሆነው ያዘነበሉ ሲሆን በእኛ ላይ በጎ ተጽዕኖ ይፈጥራሉ ይህ ደግሞ በዙሪያችን ባሉ ሰዎች በአገራችንም ጭምር ላይ ሰላምን ያንጸባርቃል ይህ በምድር ላይ ብቻ ሳይሆን በጠፈር ላይ የሚሠራ እውነታ ነው፡፡ እኛ በአምላካችን መስክ ስንሠማራ ስምምነትን እንፈጥራለን በሁሉም ቦታ ሰላም እና ጸጥታ ይሠራጫል፡፡

ነገር ግን በውስጣችን የምንዘራው መጥፎ ኃሳቦችን ከሆነና ውስጣችን በክፋት ከተሞላ በዙሪያችን ሁሉ የምናጸባርቀው ክፉውን ይሆናል፡፡ መጥፎ ኃሳቦች በውስጣችን ያለውን ሰላም እና ጸጥታ ያፈርሳል ፡፡ስለዚህም በጣም መልካም ወይም በጣም ክፉ መሆን የምንችል ከሆነ በእርግጥ መልካሙን መምረጥ የተሻለ ነው፡፡


ሁሌም ቢሆን ስህተታችን ከራሳችን አስቀድመን ሌሎችን መለወጥ መሞከራችን ነው ሁሉም ሰው እራሱን ለመቀየር ቢጀምር ሰላም በዙሪያችን ይሰፍናል ቅዱስ ዮሐንስ አፈወርቅ እንዲህ ሲል አስተምሮ ነበር እራሱን የማይጎዳውን ሰው ማንም ሊጎዳው አይችልም ዲያቢሎስም ጭምር


ስለዚህ የወደፊት ሕይወታችንን የምንነድፈው አርክቴክቶች እኛ ብቻ ነን ሕይወታችንን የምንነድፈው አርክቴክቶች እራሳችን ብቻ ነን፡፡

የሰው ልጅ በኃሳቡ የሥነ ፍጥረትን ተፈጥሮአዊ አሠራር ያፈርሳል ለምሳሌ በኖህ ዘመን የነበሩ ሰዎች በጎርፍ ያለቁት በክፉ ኃሳባቸው እና ዓላማቸው ምክንያት ነው ዛሬም ቢሆን ይህ በእኛ ዘንድ እውነት ነው ኃሳባችን ክፉ ነው ስለዚህ መልካም ፍሬን አናፈራም ሁላችንም መለወጥ አለብን፡፡

አልዓዛር ሱፋ መጋቢት 2014ዓ.ም
https://t.me/alazarsayehiwotmiker ክፈት / አስተያየት ይስጡ

2022-03-10 16:50:05 ይህን የምታደርግ ከሆነ ከማንም ጋር መኖር ትችላለሕ


ወንድሜ የሰዎችን ፍላጎት መረዳት ያስፈልግሃል በአንድ ሀገር በተደረገ ጥናት ከ 500 የሥልክ ጥሪዎች ውስጥ 3990 ጊዜ የተጠቀሰ ቃል ቢኖር ''እኔ'' የሚለው ቃል ነው ሰው እኔ ሳይል ውሎ አያድርም ለዚህም ነው ሰዎች ፎቶ ሲያዩ በቅድሚያ የራሳቸውን ፎቶ በቅድሚያ የሚያዩት


ሰዎችን ባላቸው ነገር እንዳላቸው ጸጋ አክብረህ ስትይዛቸው እጃቸውን ከፍ አድርገው ሳይቀር ኪሳችን ውስጥ ግባ ይሉኃል ያምኑሃል ቅድሚያ ይሰጡሃል ''ንግግራችሁ በጨው የተቀመመ ይሁን…’’ የሚለው ቃልም የዚህን ጽንሰ ኃሳብ ይጋራል እኔነት በውስጥ ታምቆ ያለ መግነጢሳዊ እምቅ ኃይል ነው እሱን መነካካት ስትጀምር ወዳጆችህ ሁሉ በአንዴ ጠላት ይሆኑብሃል


ለሰው እኔነቱን ነጥቀህ አንተነትህን ልታሸክመው እንደምትፈልግ ካሰበ ጉረኛ ራስ ወዳድ አካባጅ …ወዘተ ብሎ ከጀርባህ የኃሜት በር ይከፍታል ከእድገትህ ውድቀትህን መመኘት ይጀምራል ስለዚህ አንተነትህን ከእሱነቱ ጋር አስማምተህ ሒድ
ብዙ ሰዎች ከሚያከብሯቸውና ከሚናፍቋቸው ሰዎች ፍቅር የሚይዛቸው በዚሁ ነው


ሰዎች የተፈጠሩበትን ትልቅነት በሌላ ሰዎች ፊት ጎልቶ ሲያዩት ደስታ ይፈጥርላቸዎል ለሰው የተፈጠረበትን ታላቅነቱን ከማየት በላይ ደግሞ ደስታ ሚፈጥርለት ነገር የለም ስለዚህ አንተም ይህን ተረድተህ እርሱነቱን ተቀበልለት አክብርለት ውደድለት

አልዓዛር መጋቢት 1/2014 ዓ.ም
https://t.me/alazarsayehiwotmiker
https://t.me/alazarsayehiwotmiker
https://t.me/alazarsayehiwotmiker ክፈት / አስተያየት ይስጡ

2022-03-08 13:30:55

ክፈት / አስተያየት ይስጡ

2022-03-08 13:29:47

ክፈት / አስተያየት ይስጡ

2022-03-07 13:35:51 አዎንታዊ የማሰብ ሒደት OSITIVE THINKING
አዎንታዊ ኃሳብ ማለት የማትፈልገውን ትተህ የምትፈልገውን ማሰብ ነው

ለምሳሌ ሁሌ ስለኪሳራህ የምታስብ ከሆነ ወደ አንተ የሚመጣው ያው ኪሳራ ነው የበለጠ ኪሳራ ትሰበስባለህ ስለ ኪሳራ በማሰብ ከኪሳራ አይወጣም ስለዚህ መሥራት ስለምትፈልገው ሥራ እና ማግኘት ስለምትፈልገው ትርፍ ብቻ አስብ

በፍቅር እንድትኖር ስለ ፍቅር ብቻ አስብ
ለምሳሌ ሰው ሁሉ ደግ እና መልካም ነው ብለህ በልብህ ላይ ከሳልክ ሁሌም ወደ አንተ የሚመጣው መልካም አሳቢ ሰው ነው ለፍቅርኛህ ወይም ለሚስትህ ሁሌም መልካም ሴት እንደሆነች መልካም ነገሯን በማሰብ አንቺ ለኔ በጣም ጥሩ ሰው ነሽ በላት ያኔ ፍቅራችሁ ይደራል

በጠዋት ከእንቅልፍህ ስትነሳ አመስግን የተሰጠህ ላይ የምታተኩር ከሆነ የበለጠ ይጨመርልሃል ላለው ይጨመርለታል ነው የሚለው ይህ ማለት ሁሌ ያለው አንደሆነ የሚሰማውና እንዳለው የሚያምን ነው ይህ የበለጠ ይጨመርለታል

ስለ ነገ ስታስብ በጣም ደስ የሚል ቀን እንደሚመጣ አስብ የመጨረሻው ዘመን ደረሰ እያልክ የመጨረሻው ዘመን ሰውን አትሁን አንተን ወደዚህ ምድር ያመጣህ ጽድቅ እያሠራህ ሕልምህን እንድታሳካ በውስጥህ ባለው ጸጋህ ራስህን እንድትመራ እንጂ ዘመኑን እንድትቆጥር አይደለም መጨረሻም ዘመን ላይ ሁን መጀመሪያ ዘመን ላንተ ሁለቱም ያው ነው ኃላፊነትህን ብቻ አስብ ዘመኑን ለዘመኑ ተወው

መልካም ቀን ይሁንላችሁ
አልዓዛር የካቲት/2014 ዓ.ም ክፈት / አስተያየት ይስጡ

2022-03-03 01:42:39 ሰዎች በጣም ሊያሳዝኑሕና ልብሕን ሊሰብሩ የሚችሉት

1,በልብሕ ትልቅ ቦታ እና አክብሮት ሰጥተሀቸው ወርደው ሲገኙብሕ ነው እነዚሕን ሰዎች አትጥላቸው ነገር ግን በተደጋጋሚ ካደረጉት ያልተገነዛዘባችሁት ነገር አለ ራቃቸው ።

2,በዛን ሰሞን ስሜትሕ እና አዕምሮሕ አልተረጋጋም ስስ ሆነሕ ነበር ሰላም ወደሚሰማሕ ቦታ ሒድና በቅድሚያ ራስሕን አረጋጋ ስለ ራስሕ ለማሳመን ለመናገር አትሞክር የበለጠ ትጎዳለሕ መልካም መልካም ነገሮችን ብቻ አስብ ክፉ ኃሳቦችን ተቃወም።

3,ለሚጠሉሕ ወይም ለሚቀኑብሕ ሰዎች ተመቻችተሕ ተገኝተሀል ማለት ነው ራስሕን ጠብቅ ያንተ ወደሆኑትና ሰላም ወደሚሰጡሕ ሒድ ።

4,የሰውን ደካማነት ረስተሀል ለመፍረድ አትቸኩል አንተም እኔም በጣም ደካሞች ነን ስለዚሕ ቆይ ለምን ? እያልክ ሰውን አትመዝን ለምን?ላልከው ነገር መልስ አታገኝም ከሰው ምንም አትጠብቅ ፈራጅ እንዳትሆን ከዚሕ ጥያቄ ውጣ ።

5,አንተ እግዚአብሔርን ምን ያሕል እንደምታሳዝነው ሊያስረዳሕ ይሆናልና ይቅር በለኝ ብለሕ ንስሃ ግባ ።

6,ሰዎች ስለ አንተ የሚያወሩት 70 ወይም 80% ስለ አንተ ማንነት ሳያውቁ በመሰላቸው ነው ነገር ግን እነሱ ምንም ቢሉ አትገረም ንቀሕ ስቀሕ እለፈው አትናደድ ።

7,የምትቀናበት የምትጠላው ሰው ሲናገር ስላልጣመሕ ወይም ለመቃወም ስለምትፈልግ ይሆን? እንዲሕ ሲሆን ውስጥሕ እየተበላ እየተሸረሸረ ያልቃል ከዚሕ ፈጥነሕ ውጣ ሰውዬውን አዝለሕ ተራራ እየወጣሕ እንደሆነ አስበው ዓላማሕን እንዳያሰናክልብሕ ተወው ።

8,በቃ ከሆነ ምንም አዲስ ነገር የለውም ይሕ በሁሉም ሰው ሕይወት የሚፈጠር ነው ብለሕ እለፈው ።

መልካም ደስ የሚል ቀን ይሁንልን

አልዓዛር
https://t.me/alazaryehiwotmiker
https://t.me/alazaryehiwotmiker
https://t.me/alazaryehiwotmiker ክፈት / አስተያየት ይስጡ

2022-02-17 13:48:23

ክፈት / አስተያየት ይስጡ