2022-06-11 10:16:14
#የምፈልገውን_እስካገኝ_ድረስ_ነው
:
:
:
ቀን ቀንን ተክቶ ጊዜ ጊዜን ሽሮ፤
ሀዘንም በደስታ ዞሮ ተቀይሮ፤
ያለቀሰ ሲስቅ የከፋው ሲፅናና፤
የተንገዳገደው ሦር ሰዶ ሲፀና፤
የታጩት ሲያገቡ አፍቃሪው ሲፈቀር፤
የኔ ህልም ብቻ ቅዠት ሆኖ ሲቀር፤
ዛሬስ የውነት ከፋኝ፤
ቅጡ ዳሩ ጠፋኝ።
:
:
የማላውቀው ስሜት ውስጤ ተለኩሷል፤
ከትናንቱ ዛሬ ነበልባሉ ብሷል፤
ያላየውሽ እንደው ይንራል ግለቱ፤
አንቺን አለማየት ጭድ ነው ለእሳቱ፤
የሚገርመው ነገር ያ ትግታግ ነበልባል፤
ያወጋን ለት ደርሶ ህመሙም ይረግባል።
እያልኩኝ ስነግርሽ የልቤን ውስጥ ስሜት፤
«የምትፈልገውን እስከምታገኝ ነው» ትያለሽ አንቺ ሴት።
:
:
ሆድ ብሶኝ ተክዤ ቀኑን ሙሉ ከፍቶኝ፤
ከቀኔ ጋር አብሮ ጥርሴም ጭምር ከድቶኝ፤
ሚያስቅ ሳያስቀኝ ተጭኖኝ ድባቴ፤
ገና ከሩቅ ሳይሽ እንደኮረኮሩት ፈግጌያለው ስንቴ።
የደስታዬ አልፋ የሳቄም ሆሜጋ፤
መሀልት ሆነ ሌሊት ሲመሽም ሲነጋ፤
አንቺው ነሽ እያልኩኝ ዘውትር ብመላለስ፤
«የምትፈልገውን እስከምታገኝ ነው» የሚል ነው ያንቺ መልስ።
:
:
መልክሽ ላይ ቅርፅሽ ላይ ወይም ስብህናሽ ላይ ያልተመረኮዘ፥
ሳይታሰብ በድንገት ውስጤ የተረገዘ፤
እራሴን ለራሴ ያረገኝ ሌላ ሰው፤
ነቅዬ ማልነቅለው ጥሼ ማልበጥሰው፤
በኔ ላይ ተሹሞ እንዳሻው ሚያሮጠኝ፤
ዱካ ና ዳናሽን ሰርክ የሚያስረግጠኝ፤
አንድ ታምር አለ ብዬ ባወራሽም፤
«የምትፈልገውን እስከምታገኝ ነው» ማለቱን አልተውሽም።
:
:
ሳይበግረኝ ከቶ ወበቅ እና አመዳይ፤
ላለማደር ብዬ ዓይኖችሽን ሳላይ፤
ንፁ ፍቅር ይዞኝ ፅናት የተቸረ፤
እያንገዳገደ እያንደረደረ፤
ወዳንቺ ሲያመጣኝ አይተሻል ታውቂያለሽ፤
«የምትፈልገውን እስከምታገኝ ነው» መልሰሽ ትያለሽ።
:
:
እውነት ነው አንቺ ሴት ብልሀትሽ ይደንቃል፤
የኔን ስሜት ጠልቆ እንዳንቺ ማን ያውቃል።
ከቶ አልተሸወድሽም አንቺ ጥበብ ሙዳይ፤
ተገንዝበሺዋል ያንድ ልቤን ጉዳይ።
:
:
ምንም አልተሳሳትሽ ቅንጣት የለው እንከን፤
አዎ ትክክል ነሽ! እንዲያ ምማስነው እንዲያ ምብከነከን፤
ይሄን ሁሉ ጊዜ የተመላለስኩት እግሬ እስከሚነቃ፤
ለምን እንወሻሽ «የምፈልገውን እስካገኝ ነው በቃ»።
:
:
አዎ!! ከነቃሽ ምን ቀረኝ በይ ስሚው እውነቱን፤
እንዲያ ያረገኝን የኔን ፍላጎቱን።
:
:
እኔ ምፈልገው
:
:
:
እኔ ምፈልገው
:
:
፡
የዘውትር መሻቴ
:
:
:
እንድትሆኚልኝ ነው ውዷ ባለቤቴ።
#ሄኖክ_ብርሃኑ
@pick_model
@pick_model
197 viewsØžåñ, 07:16