Neway Challenge Academy-Official Account

2022-09-14 15:30:11 ክፈት / አስተያየት ይስጡ

2022-09-13 08:45:47 ለተከበራችሁ የአጸደ ህጻናት የተማሪዎች ወላጆች በሙሉ
የ2015 ዓ.ም የትምህርት ዘመን መስከረም   09/2015 ዓ.ም እንደሚጀምር የተረጋገጠ ሲሆን ትምህርት ከመጀመሩ በፊት ከረብዑ - አርብ መስከረም 04 እስከ 06/2015 ከጠዋቱ 2፡30 እስከ 6፡30 ድረስ ከዚህ በፊት ስታስመዘግቡ በተገለፀላችሁ መሠረት እንዲሁም በሚማሩበት ቅጥር ግቢ በመገኘት ለመምህራኖች  የልጆቻችሁን የመማሪያ ቁሳቁሶችን እንድታስረክቡ ልናሳውቃችሁ እንወዳለን።
ትምህርት ቤቱ ክፈት / አስተያየት ይስጡ

2022-09-01 16:08:27 የተከበራችሁ ወላጆች
እንኳን ለ2ዐ15 ዓ.ም የትምህርት ዘመን በሠላም አደረሳችሁ፡፡
ት/ቤታችን የ2ዐ15 ዓ.ም ትምህርት ዘመንን ለማስጀመር ሙሉ ዝግጅቱን አጠናቅቆ ተማሪዎቹን ለመቀበል በጉጉት እየተጠባበቀ ይገኛል፡፡
የ2ዐ15 ዓ.ም ትምህርት የሚጀምረው ሰኞ መስከረም ዐ9/ዐ1/2ዐ15 ዓ.ም መሆኑን እንገልፃለን፡፡ መፅሀፍን በተመለከተም በቀጣይ መረጃዎችን በዚሁ የቴሌግራም እና ፌስቡክ ቻናሎቻችን የምናሣውቃችሁ ይሆናል፡፡
ወላጆች እና ተማሪዎችም ለተሻለ የትምህርት ዘመን ትግበራ በጋራ እንድታቅዱ እና እንድትወያዩ እንዲሁም ተገቢውን ሙሉ ዝግጅት እንድታደርጉ ከወዲሁ  እናሳስባለን፡፡
ከሠላምታ ጋር
ት/ቤቱ ክፈት / አስተያየት ይስጡ

2022-07-29 14:06:56 የተከበራችሁ ወላጆች
የተማሪዎች ምዝገባን ለማጠናቀቅ 4 ቀናት ብቻ ስለሚቀሩ እስከ አሁን ልጆቻችሁን ያላስመዘገባችሁ ወላጆች በቀሩት ቀናት ውስጥ እንድታስመዘግቡ እናሳስባለን።
ከተሰጡት ቀናት ውጪ ዘግይቶ የሚመጣን የምዝገባ ጥያቄ ቦታው ለአዲስ ተማሪዎች ስለሚሰጥ አናስተናግድም።
በወቅቱ ልጆቻችሁን ያስመዘገባችሁ ወላጆችን ከልብ እናመሰግናለን።
ነዋይ ቻሌንጅ አካዳሚ! ክፈት / አስተያየት ይስጡ

2022-07-28 09:46:56 ለውድ የ8ኛ ክፍል የከተማ አቀፍ ክልላዊ ፈተና ተፈታኝ ተማሪዎች እና ወላጆች
በትምህርት ቤታችን ከ200 ተማሪዎች በላይ የ8 ክፍል የከተማ አቀፍ ክልላዊ ፈተናን መውሰዳቸው የሚታወቅ ሲሆን በውጤቱም ከ90% በላይ ያመጡ ተማሪዎቾ ቁጥር 55 ሲሆን ሌሎቹም አመርቂ የሚባል ውጤት በማምጣት ወደ 9 ክፍል በጥሩ ውጤት ተዛውረዋል። እንዲህ አይነት አመርቂ ውጤት እንዲመጣ አስተዋጽኦ የነበራቸውን ወላጆች ፤ መምህራን እንዲሁም መላው የትምህርት አስተዳደር አካላትን ከልብ ልናመሰግን እንወዳለን። ወላጆች እንዲሁም ተማሪዎች በቁጥር 1 እና ቁጥር 2 ትምህርት ቤት በመምጣት ከማስታወቂያ ሰሌዳ ላይ ውጤታችሁን መመልከት የምትችሉ መሆኑን ልናሳውቃችሁ እንወዳለን። ከዚህ በተጨማሪም የተማሪዎች ምዝገባ እስከ ሀምሌ 26 ድረስ መሆኑን አውቃችሁ ከወዲሁ እንድትመዘገቡም ጭምር እናሳስባለን።
ትምህርት ቤቱ! ክፈት / አስተያየት ይስጡ

2022-07-25 13:11:53 ለውድ ወላጆች
እንደሚታወቀው የነባር ተማሪዎችን ምዝገባ በ06/11/2014 ዓ.ም መጀመራችን ይታወቃል። በዚህ መሰረትም በተሰጠው የግዜ ሰሌዳ ልጆቻችሁን ያስመዘገባችሁ ወላጆች ከልብ ልናመሰግን እንወዳለን። ነገር ግን አሁን ያለን ቦታ ውስን በመሆኑ ወላጆች ለምዝገባ የተሰጠው የግዜ ገደብ ከመጠናቀቁ በፊት ልጆቻችሁን እንድታስመዘግቡ እናሳስባለን።
ትምህርት ቤቱ! ክፈት / አስተያየት ይስጡ

2022-07-15 16:38:20 ለውድ የአዲስና ነባር የጀማሪ አጸደ ህጻናት ወላጆች
እንደሚታወቀው የአዲስና ነባር የጀማሪ አጸደ ህጻናት ተማሪዎችን ምዝገባ በ06/11/2014 ዓ.ም መጀመራችን ይታወቃል። በዚህ መሰረትም በተሰጠው የ ግዜ ሰሌዳ ልጆቻችሁን ያስመዘገባችሁ ወላጆች ከልብ ልናመሰግን እንወዳለን። ነገር ግን አሁን ያለን ቦታ ውስን በመሆኑ የአዲስና ነባር የጀማሪ አጸደ ህጻናት ወላጆች ለምዝገባ የቀረው ግዜ 1 ቀን ብቻ ስለሆነ ልጆቻችሁን እንድታስመዘግቡ እናሳስባለን።
ትምህርት ቤቱ! ክፈት / አስተያየት ይስጡ

2022-07-08 12:00:18 የተከበራችሁ ወላጆች
እንደምታውቁት የሁለተኛውን መንፈቅ አመት ትምህርት በተሳካ ሁኔታ ለማጠናቀቅ ችለናል። ለዚህ ሁሉ ስኬት አስተዋጽኦ የነበራችሁን የአስተዳደር ሠራተኞች፣ መምህራን፣ ወላጆች እና የትምህርት ቤት ማህበረሰቡን በአጠቃላይ ልናመሰግን እንወዳለን። በዚህ መሰረትም ሐምሌ 03, 2014 ዓ.ም አጠቃላይ የትምህርት አመቱ መዝጊያ ስነ-ስርዓት በቁጥር ሁለት መሰብሰቢያ አዳራሽ ስለሚከናወን ከወዲሁ ሁኔታችሁን አመቻችታችሁ እንድትገኙልን ጥሪ እናቀርባለን። ከሚኖረው አጠር ያለ ፕሮግራም በኋላ የልጆቻችሁን የትምህርት ውጤት (ሠርተፍኬት) መውሰድ ትችላላችሁ!
ከሠላምታ ጋር
ነዋይ ቻሌንጅ አካዳሚ ክፈት / አስተያየት ይስጡ

2022-07-04 11:08:34 ነዋይ ቻሌንጅ አካዳሚ
ቀን፡ 28/10/2014 ዓ.ም
የተከበራችሁ ወላጆች
ት/ቤታችን ለ2ዐ15 ዓ.ም የትምህርት ዘመን ምንም አይነት የአገልግሎት ክፍያ ጭማሪ አለማድረጉን በደስታ ይገልፃል፡፡
እባክዎ የ2ዐ15 ዓ.ም ምዝገባን በተመለከተ ቀጣዮቹን ማስታወሻ እና ማሳሰቢያዎች አንብበው ተግባራዊ ያድርጉ፡፡
- ከሐምሌ ዐ6-26/2ዐ14 ዓ.ም የነባር ተማሪዎች ምዝገባ
- ከሐምሌ ዐ6-ዐ7/2ዐ14 ዓ.ም የነባር ተማሪዎች ቤተሰብ የሆኑ የጀማሪ አፀደ ህፃናት አመልካች ተማሪዎች ምዝገባ
- ከሐምሌ ዐ8-ዐ9/2ዐ14 ዓ.ም
የአዲስ የጀማሪ አፀደ ህፃናት ተማሪዎች ምዝገባ በሚኖረው ክፍት ቦታ
ከእነዚህ ቀናት ውጪ ምዝገባ የማናካሄድ መሆናችንን እየገለፅን ከጀማሪ አፀደ ህፃናት ውጪ አዲስ ተማሪዎችን ዘወትር ቅዳሜ ከሐምሌ ዐ9/2ዐ14 ዓ.ም ጀምሮ የመግቢያ ፈተና በመፈተን ሊኖሩ በሚችሉ ክፍት ቦታዎች የምንመዘግብ መሆኑን እንገልፃለን፡፡ ሆኖም ቦታ በሌላቸው የክፍል ደረጃዎች ወይም በሞላባቸው ክፍሎች የማንመዘግብ መሆኑን ከወዲሁ እናሣውቃለን፡፡
ሌሎች መረጃዎችን በት/ቤቱ ትክክለኛ የቴሌግራም እና ፌስቡክ አድራሻዎች እንዲሁም ከማስታወቂያ ሠሌዳ ላይ እንድታነቡ እናሣስባለን፡፡
Neway Challenge Academy-Official Account
ት/ቤቱ! ክፈት / አስተያየት ይስጡ

2022-07-01 17:34:44 ለወድ የመዋዕለ ህጻናት ተመራቂ ተማሪዎች እና ወላጆች
ልጆቻችሁ ጠንክረው ተምረው ለዚህ የምረቃ በአል ስለደረሱላችሁ የተሰማንን ደስታ ከወዲሁ ለመግለጽ እንወዳለን። በመቀጠልም የምርቃት ስነ ስርአቱ የሚከናወነው ለቁጥር 1 የመዋለ ህጻናት ተማሪዎች ቅዳሜ ሰኔ 25 በቁጥር ሁለት የስብሰባ አዳራሽ ሲሆን ለቁጥር 2 ተማሪዎች ደግሞ እሁድ ሰኔ 26 በቁጥር ሁለት አዳራሽ ይሆናል። የተመራቂ ወላጆች እባካችሁ በሰአቱ ወደ ስብሰባ አዳራሹ ከልጆቻችሁ ጋር የመግቢያ ካርዳችሁን ይዛችሁ እንድትገኙልን በአክብሮት እንጠይቃለን!
ትምህርት ቤቱ! ክፈት / አስተያየት ይስጡ