ኢስላማዊ እውቀት ለሁሉም

2022-07-03 22:07:59 ከጀናዛ ማጠቢያ ክፍል ቁ•4

ለአይምሮ ባለቤቶች ተግሳፅ ይሆን ዘንድ በታሪክ ውስጥ ትልቅ አስተምህሮት አለ።

አባታቸውን እንዳጥብላቸው ሁለት ልጆች ወደ ቤቴ መጡ። የሀር ጨርቅ በእጃቸው ይዘዋል " በዚህ አባታችንን ከፍነው " በማለት ሊያቀብሉኝ እጃቸውን ዘረጉ። ርህራሄ በተሞላበት አገላለፅ ሀር ጨርቅን መልበስ ለወንድ ልጅ ክልክል መሆኑን ነግሬያቸው አብሬያቸው ለመሄድ ተነሳሁ። የተንጣለለና የተዋበ ግቢ ደረስን። አንድ ክፍል ላይ ተኝቶ ወደሚገኘው የአባታቸው ጀናዛ በርቀት ጠቆሙኝ ወደ ውስጥ እንድገባም በትህትና ጋበዙኝ ። ኑ አብረን እንጠበው አልኳቸው ፈቃደኛ አልሆኑም ትተውኝ ሄዱ በአግራሞት ዐይን ተመለከትኳቸሁና ወደ ክፍሉ አመራሁ ። የለበሰውን ጨርቅ ገለፅኩት ። ............. ከእግሩ እስከራሱ በጉንዳኖች ተወሯል አንድም ጉንዳን መሬት ላይ አይታይም። ወደ አልጋው ተመለከትኩ አልጋ ላይም የሚታይ ጉንዳን የለም ሁሉም የጀናዛው ሰውነት ላይ ነው ያረፋት። ግማሽ ጥቁር ግማሽ ቀይ ጉንዳኖች ነበሩ ።
በፎጣ አበስኳቸው ከአካሉ ላይ ሊርቁ አልቻሉም ይወገዱ ዘንድ በማሰብ ጋዝ አርከፈከፍኩባቸው ቁጥራቸው ግን ይበልጥ ጨመረ ጉንዳኖቹን ለማስወገድ የተለያየ መንገድን ተጠቀምኩ ሆኖም ግን ከአቅሜ በላይ ሆነ በዚህ ጀናዛ ላይ አላህ እንደተቆጣ ተረዳሁ። ስለሰውየው ታሪክ ቅርብ ዘመዱን ጠየቅሁ
『በህይወት ሳለ ወላጅ እናቱን ይደበድብ ነበር በጅራፍም ይገርፋታል።』 በማለት መለሰልኝ

ለወላጆቻችሁ ክብር የሌላችሁ ልጆች ሆይ ስሙ
ዘጠኝ ወር አርግዛ የወለደችህን እናትህን የምትሳደብ
እናንተ ትተኙ ዘንድ እነርሱ እንቅልፍ አጥተው አሳድገዋችሁ የምታመናጭቁ ሰዎች ተመከሩበት ይህን አይነትን አሟሟት ነው የምትፈልጉት ?!!!!!!!!!!

ለወዳጅ ዘመድዎ ሼርና ፎርዋርድ በማድረግ ያዳርሱ

https://t.me/+U6AwiK9R8YBHk_tX ክፈት / አስተያየት ይስጡ

2022-07-03 22:03:28 ፨ መንገድ የምታቋርጥ ጉንዳን አትርገጥ፣
፨ ጥሬ የምትለቅም ወፍ አታስደንግጥ፣

፨ ዉሃ የሚጠጣ ዉሻ አታባርር፣
፨ ርቦት የሚግጥ እንሠሣ አታስደንብር፣

፨ ተመቻችታ የተኛች ድመት አትቀስቅስ፣
፨ የሸረሪት መኖርያን አታፍርስ፡፡
ይላል ኢስላም፡፡
ሱብሓነከ ረቢ!
እየኖርነው ነው ግን? ክፈት / አስተያየት ይስጡ

2022-07-02 22:44:55 ነብየላህ ኢብራሂም ክፈት / አስተያየት ይስጡ

2022-07-02 21:39:00 ከጀናዛ ማጠቢያ ክፍል ቁ•3

የወጣቱን ጀናዛ ሳጥብ ባጋጠመኝ አስደንጋጭ ክስተት ምክንያት ወደራሴ ለመመለስ ረጅም ጊዜ ፈጅቶብኛል ። ጀናዛን ባየሁ ቁጥር መደንገጥና መሸበር ጀምሬያለሁ። ከስድስት አመት በፊት የተፈጠረ ታሪክ ነው።
ኑ ተከተሉኝ ታሪኩን ላውጋችሁ ለሚገሰፅ ሰው ትምህርት ነውና።
ወደ ጀናዛ ማጠቢያው ስፍራ ገባሁ በማጠቢያ እንጨት ላይ ተንጋሎ የተኛ ረጅም ቀይ ሩሑ ስትወጣ መልኩ ቢጫ የሆነ ሰው ይታየኛል። አብዱረህማን የተባለ ሊያግዘኝ ፈቃደኛ የሆነ ወጣት ከጎኔ አለ። ሲድርና ካፋርን አዘጋጀን ። የሞቀ ውሀ በባልዲ ቀዳን ። አብዱረህማን ሲመጣ ከኔ ዘግይቶ ስለነበር እንደመጣ ሽንት ቤት ገባ ጀናዛውን አላየውም ነበር።
" ይህ ሰው አፍሪካዊ ይመስላል የምን ሀገር ሰው ነው?" በማለት ጠየቀኝ።
ከደቂቃ በፊት ወደተመለከትኩት ጀናዛ ፊቴን አዞርኩ ሰውነቱ እንደፂሙ ጠቁሯል። ደነገጥን እንደምንም ነፍሳችንን ተቆጣጥረን ማጠብ እንዳለብን ተነጋገርን። ...... አጥበን ልክ እንደጨረስን በህይወቴ አይቻቸው የማላውቃቸው ትላትሎች ከሰውነቱ መውጣት ጀመሩ አካሉ በትላትሎች ተሸፈነ። ድንጋጤያችን ጨመረ ውስጣችን ተሸበረ በፍጥነት ከፍነን ለቀብር አዘጋጀነውና ከክፍል ወጣን።
ይዘውት ከመጡት ሰዎች መካከል አንዱን ነጠል አድርገን
" ከመሞቱ በፊት ምን አይነት ሰው ነበር?" በማለት ጠየቅነው
አላህ የከለከለውን ድንበር የሚጥስ ሰው እንደነበር ነገረን
【ኢናሊላሂ ወኢና ኢለይሂ ራጂኡን】 ክፈት / አስተያየት ይስጡ

2022-07-02 21:20:54 ቻናላችንን በመቀላቀል ቤተሰብ ይሁኑ ባረከላፊኩም ክፈት / አስተያየት ይስጡ

2022-06-30 22:08:44 በቀላል ስራ እጅግ በጣም ብዙ ምንዳ

عن أوس بن أوس الثقفي قال: سمعت رسول الله صلى الله عليه وسلم يقول : «من غسل يوم الجمعة واغتسل ، ثم بكر وابتكر ، ومشى ولم يركب ، ودنا من الإمام ، فاستمع ولم يلغ ، كان له بكل خطوة عمل سنة ، أجر صيامها وقيامها » رواه وأبو داود وغيره وصححه الألباني

አውስ ኢብኑ አውስ አስ–ሠቀፍይ (ረዲየሏሁ ዐንሁ) ረሱልን (ሶለሏሁ ዐለይሂ ወሰለም) እንዲህ ሲሉ ሰምቻቸዋለሁ ይላሉ:-
«የጁሙአ ቀን እራሱን እና የቀረ ሙሉ ሰውነቱን የታጠበ ቀድሞም በወቅቶ (ወደመስጅድ የሄድና) የመጀመሪያውንም ኹጥባ ያገኘ (ምንም) ነገር ሳይጋልብ በግሩም የሄደ ወደ ኢማሙ የቀረበ ኹጥባም ያዳመጠ ያላወራ (ወደ ጁሙዐ ሲሄድ) በተራመድው እርምጃ ልክ የአንድ አመት ስራ የፆሟና የለይል ሶላቷ ምንዳ ይኖረዋል »
[አቡ ዳውድ እና ሌሎችም አውርተውታል] [አልባኒ ሶሒሕ ነው ብለዋል]

በሐድሱ ላይ የጁመዐ ቀን እንድንፈፅመው የታዘዝናቸው ነገሮች አምስት ናቸው። እነርሱም

1, ከራሳችን ጋር ሙሉ ሸዋር መውሰድ
2, ወደ መስጅድ ቀደም ብሎ መሄድ ኢማሙ ኹጥባ ሲጀምር እኛ እዛው መገኘት አለብን ምክኒያቱም የመጀመሪያ ውን ኹጥባ ማዳመጥ እንዳለብን ስለተጠቀሰ
3, ወደ መስጅድ ሲሄዱ እንስሳም ሆነ መኪና ወይንም ሌሎችን የመጓጓዧ አይነቶች ሳይጠቀሙ በእግር ወደ ጁሙዓ መሄድ
4, ወደ ኢማሙ መቅረብ ( ብዙ ሰዎች ወደ ጁሙዐ ከሄዱ በሇላ ከመስጅድ በረንዳ ላይ ወይንም ወደ መጨረሻ አከባቢ በመቀመጥ ያወራሉ እሄን ማድረግ እንድህ ያለ ትልቅ ምንዳን ስለሚያሳልፍብን ጥንቃቄ ልና ደርግ ይገባናል)
5, ወሬም ሆነ ሌሎች ውድቅ የሆኑ ኹጥባ ከማዳመጥ ቢዚ ሊያደርጉን የሚችሉ ተግባሮችን ሳይፈፅሙ ኹጥባ ማዳመጥ

እነዚህን አምስት ተግባር የጁሙዐ ቀን በትክክል የፈፀመ ሰው በተራመደው በእያንዳንዱ እርምጃ በአንድ አመት ቀኑን በፆም ሌቱን በሶላት አሳልፎ የሚገኘውን ምንዳ ያስገኛል

ይህ የአላህ እዝነት ነው እንጅ አንድ አመት ሙሉ አንድም ቀን ሳያቋርጡ ቀኑን በፆም ሌቱን በሶላት ማሳለፍ ይከብዳል በታሪክም ማንም ቢሆን አድርጎት አያውቅም ግን ተግባሩ ከባድ ቢሆንም አዛኙ ጌታችን በቀላል ስራ የዚህን ከባድ ስራ አጅሩን የምናገኝበት መንገድ አምቻቸልን

እንደውኩ በአንድ ጁሙዐ የአንድ አመት ሌቱን በሶላት ቀኑን በፆም ያሳለፈ ምንዳ ነው የምታገኙት ቢባል ለራሱ እጅግ ብዙና ገራሚ ነበር ግንሳ ከቤታችን ተነስተን መስጅድ እስከምንደርስ ድረስ በተራመድነው እያንዳዱ እርምጃ አመቱን ሙሉ ቀኑን በፆም ሌቱን በሶላት ያሳለፈውን ምንዳ ነው የምና ገኘው። ሱብሓነሏህ!!

ወንድሜ እሰበው:- ከቤትህ ጁሙዐ እስተምትሰግድበት መስጅድ ድረስ ያለው ርቀት 500 እርምጃ የሚያስኬድ ቢሆን በውስጡ ምንም ሀጢአት ሳይኖርበት ሌቱ ሶላት ቀኑ ፆም ተፆሞ የሚገኘውን የ 500 አመት አጅር ታገኛለህ ማለት ነው። በወር የ 2000 አመት አጅር ታገኛለህ ማለት ነው።
እኔ እዚህ ላይ የጠቀስኩት ቁጥር እንደምሳሌ ነው እንጅ ርቀቱ ከዚህም በላይ ከጨመረ ይጨምራል

ማሳሰቢያ: የሐዲሱን አንዳድ ቃሎች ሲፈስሩ ዑለሞች የተወሰነ ተለያይተዋል እኔ እዚህ ላይ ስተረጎም የተጠቀምኩት ሸይኽ ሙሐመድ ዒሊ አደም አል ኢትዮጲይ (ረሒመሁሏህ) ዘኺረቱል ዑቅባ ላይ እሄን ሐዲሥ ሲያብራሩ ከእያንዳዱ ልዩነት በሗላ እርሳቸው የመረጡትን ነው የተጠቀምኩት

እድሚያችን አጭር ቢሆንም በቀላል ተግባር የብዙ አመት አጅር እንድናገኝ ያምቻቸልን አላህ ምስጋና ይገባው

ወንድማችሁ/ ኢብኑ ሙሐመድዘይን
(ሸዋል 5/1443 ሂ)
​•┈┈•┈┈•⊰✿◇✿⊱•┈┈•┈┈•
t.me/IbnuMuhammedzeyn ክፈት / አስተያየት ይስጡ

2022-06-30 21:53:47 ከጀናዛ ማጠቢያ ክፍል ቁ • 2

ቀኑ ጁሙአ ከአስር ሰላት በኋላ ነበር አንዲት እናት ከቤተሰቧ ጋር ሆና የልጇን ጀናዛ ይዛ ወደ ማጠቢያው ስፍራ መጣች። ጀናዛዋን እንዳጥብላት ጠየቀችኝ በማጠቢያ አልጋ ላይ ቀስ ብለን አስተኛናት። ልብሷን አውልቄ አውራዋን ሸፍኜ ማጠብ ጀመርኩ ውዱእ አደረኩላትና ትጥበት ለመጀመር ውሀ አቀረብኩ።
በፍጥነት የጀናዛዋ የሰውነት ቅርፅ መቀያየር ጀመረ አካሏ ተገለባበጠ። በድንጋጤ ውስጤ ተረበሸ ወደ እናቷ ሄጄ ከመሞቷ በፊት ምን ስትሰራ እንደነበር ጠየኳት
ከሰአታት በፊት ሙዚቃ እየሰማች
በመደነስ ላይ እንደነበረች ነገረችኝ

አላህም ስትደንስ በነበረበት ሁኔታ ሰውነቷን ገለበጠው።

ከሞት የበለጠ ምን መካሪ አለ አላህ መጨረሻችንን ያሳምርልን ክፈት / አስተያየት ይስጡ

2022-06-30 21:24:38 ውጫችንን ለማሳመርና ለማስተካከል እንደምንጥረው ውስጣችንንም ለማስተካከል እንጣር የውስጥ መበላሸት መጨረሻን(ኻቲማን) ያበላሻል።

ሸይኽ ኢብኑ ዑሠይሚን እንድህ ይላሉ:-

«ብዙው ሰው በሙስሊሞች፣በዑለሞችና በኸይር ባለቤቶች ላይ ቀልቡ በምቀኝነት የተሞላ ሆኖ ሳለ ከላይ በሚታይ ስራ እንዳይሳሳት ይጓጓል(ይጥራል)።
እንድህ አይነቱ ሰው –በአላህ እንጠበቃለን– በመጥፎ ኻቲማ ይጨረስለታል።ምክኒያቱም ቀልብ ውስጧ ቆሻሻ ከሆነች እርሷ ባልተቤቷን እሩቅ ስፍራ ትጥላለች።»
[መጅሙዑ አል ፈታዋ ወረሳኢል (5/138)]

‏ قال الشَّيخ ابن عثيمين - رحمه الله - :
"كثير من النَّاس يحرص ألاَّ يخطئ في العمل الظَّاهر، وقلبه مليء بالحقد على المسلمين وعلمائهم وعلى أهل الخير، وهذا يختم له بسوء الخاتمة والعياذ بالله، لأنَّ القلب إذا كان فيه سريرة خبيثة، فإنَّها تهوي بصاحبه في مكان سحيق".
‏ المصدر: [مجموع الفتاوى والرَّسائل (238/5)]

ኢብኑ ሙሐመድዘይን
​•┈┈•┈┈•⊰✿◇✿⊱•┈┈•┈┈•
t.me/IbnuMuhammedzeyn ክፈት / አስተያየት ይስጡ

2022-06-29 21:15:38 ከጀናዛ ማጠቢያ ክፍል ቁ.1

ከለሊቱ ስምንት ሰአት አካባቢ የቤቴ በር በሀይል ተንኳኳ ። ከእንቅልፌ ባንኜ ተነሳሁ ። በቀስታ ወደ በሩ ተጠጋሁና ከፈትኩ ። በር ላይ አንድ ወጣት ቆሟል አጎቱ ነበር የሞቱት። ቶሎ መቀበር እንዳለበት ሀኪም ስለነገራቸው ተያይዘን ወደ ቤት አመራን።
........ጀናዛውን ማጠብ ጀመርኩ በመሀል ግን የሚያስደነግጥ ሁኔታ ተፈጠረ የሰውነት ከለሩ መቀያየር ጀመረ። ፊቱ ጠቆረ አካሉ ከሰለ ። እንደምንም አጥበን ጨረስን። ወደመቃብር ስፍራም ይዘነው ሄድን ። የተቆፈረው ቀብር ውስጥ ገባሁ መሬቱን ጠራረኩና አፀዳሁት የለህዱንም ስፋት ሞከርኩት። ወደ ውስጥ ጀናዛውን አስገባነው ምድር ሰውነቱን እንደነካው ከመሬት ስር ትልቅ ትል ወጣና ሰውነቱ ላይ ተለጠፈ አስወገድኩት ሆኖም ግን ሌላ ከመጀመርያው የተለቀ እባብ የመሰለ ትል ሰውነቱ ላይ ተጠመጠመ ። ነገሩ ከአቅማችን በላይ ሆነና ትተነው ከቀብር ወጣን ።
ሰላትን ወቅቱን ጠብቆ እንደማይሰግድ ከአንድ ዘመዱ ተነገረኝ ።

ሙሰልሰል ስትመለከቱ ሰላት የሚያመልጣችሁ፣
ኳስ እየተጫወታችሁ ሰላት የሚያልፋችሁ ሰዎች ሆይ !!! ስሙ
ይህን አይነት አሟሟት ነው የምትሹት? !
በአላህ እምላለሁ ባጠፋሀቸው ጊዜያት የምትቆጭበት ቀን ይመጣል ።
ዱንያን ለቀህ ከመውጣትህ በፊት ለኸይር ነገር ተቻኮል ክፈት / አስተያየት ይስጡ

2022-06-29 21:15:26 ኢስላማዊ እውቀት ለሁሉም pinned «BREAKING: የዙልሒጃ ወር ጨረቃ በሳዑዲ ዓረቢያ በመታየቷ ምክንያት ነገ ሐሙስ ሰኔ 23 የዙል ሒጃ የመጀመሪያ ቀን መሆኑ ተረጋግጧል። በዚህም መሰረት የዐረፋ ቀን አርብ : አርብ ሐምሌ 1 , 8 July 2022 ዒደል አድሀ : ቅዳሜ ሐምሌ 2 , 9 July 2022» ክፈት / አስተያየት ይስጡ