2022-09-26 06:00:34
Gaaf tokko gara ganama sa'a lama taha. Abbaan koo gara biyyoota Lixaatti'Gunsmoke' kan jedhamu jaallata ture. Gara ciisichakoo dhufe. Inni taatoo fiilmichaa utubaa tahe Maat Diiloon of sehe. Qawwee harkatti qabateera. Akkas na jedhe.... ''akka magaala kanaa baatun barbaada.''
Fireediin akka jedhutti, ''xiqqoo dadhabsiisaa'' ture. Garuu qawwicha harka isaa irraa fuudhuun gara kutaa ciisicha isaatti galchee achitti gadi isa qabe.
Yeroo ganama ka'u garuu Naataan deemeera. Kun mallattoo dhibee Alzemirsi biraa yoo tahu duras akkasuma taheera.
Al takka takka uffata isaa guutuu uffachuu dagachuun akkasumatti baha. Kophee isaa garuu ni kaawwata ture. Waan kun kalaqa Fireediin bu'aa jalqabaa ittiin argateef isa kakaase.
Kanaafuu kophee abbaakoon argadhe. Soolee isaa kuteen banaa godhe. Keessa isaatti dabarsa aannisaa [circuit board] hojjechuun sagalee guddistuu humna meegaaherzii 90 qabu, maayikiraafoonii, networkii shuboo qabu waliin kophee isaa keessa kaa'e,'' jedhe Fireediin.
Sana ammoo laaptoopiikoo waliin walan qunnamsiise. Kun kaartaan guugil yookaan kaartaan Appil osoo hin dhufiin duradha. Sana ammoo karaa TomTom, miidiyaa Gaarmin walan qunnamsiise.
''Abbaanko callisema deema, Yeroo kana laappitooppiikoo irraa tuquun, 'hey abbaa, eessa jirta? Karaa sagalee guddistuu kophee isaa keessaan seenuun dhagahama. Innis akkas jedha, Fireed, bakkan jiru hin beeku!''
Fireed sana booda GPS fayyadamuun barbaadee bakka inni jiruu isa fida ture. Kana yeroo saddet ol hojjechuu hime.
Fireedii Fiiger ijoollummaa isaatti
Ibsa waa'ee suuraa,
Fireedii Fiiger ijoollummaa isaatti
Yeroo fayyaan Naataan akka malee gadu bu'aa deemu maatiin isaa akka bakka kunuunsaa ogeesotaan kennamu galu barbaadan. Fireediin garuu ni dide.
Kana irra abbaa isaa fudhachuun gara wal gahii biizinesii isaa deemuu jalqabe. '' Inni ana hin gatne, anis isa hin gatu,'' jedhe Fireediin.
Yeroo maamiloota isaa bira adeemu ammoo Naataaniin konkolaataa isaa keessa taa'umsa duubaa irratti dhiisuun, raadiyoo baneefii, qilleensa kan galchitu banee cufee deema.
Guyyaa tokko wal gahii irran ture. Karaa foddaan ala ilaale.... ooh waaqakoo, abbaankoo foddaa duubaa gadi qabuun yaabbatee baheera,'' jedhe Fireediin. Baay'ee naheen ture. Garuu ' Hey, deemuun qaba,'' jedhe.
Fireediin wal gahicha irraa fiigee bahuun abbaa isaa bakka dhaabbii konkolaataa cinaasa jiru taa'ee argate.
''Naataan yeroo umurii 81'n, Amajji 2014 du'u, Fireediin ammoo dargaggeessa ganna 24 ture.
'' Dhugumaan nan gadde,'' jedhe Fireediin. ''Sababni isaa ammoo waan ani godhu hunduu abbaakoo gammachiisuuf ture.''
Fireediin kophee ittiin bakka namni jiru argatan [shoe tracker] ofii kalaqe sana doolaara miliyoona 2.2'n gurgure. Naataan 7konkolaataa Foordi 1993 piik aappi taate fi bidiruu qurxummii ittiin kiyyeessuf argaartu qabachuu barbaada ture. Amma Fireediin kana bituufii danda'a. Garuu maal godha, ni barfate.
''Sun dhugumaan ijakoo bane, irraan baradhes, maallaqni homaayyuu miti meeshaa malee. Osoo asii hin deemiin humnakoon hundaan waan hundumaa hojjedhee adunyaa kana mijattuu gochuun barbaada,'' jedhe Fireediin.
''Abbaakoo yoon ilaalu, inni sooressa miti. Garuu jireenya nama baay'ee irratti jijjiirama guddaa fideera. Anis akkasuma nama argadhe biratti waan akkasii gochuufi waanin qabuun garaaruun barbaada.''
Fireedii Fiigers
MADDA SUURAA,FREDDIE FIGGERS
Sadarkaa kanatti, Fireediin meeshaa cimaa gara biraa tokko kalqeera.
402 views03:00