Tofik Bahiru

2022-07-12 11:49:56 ስኬታማ ትዳር በሦስት መሰረታዊ ነጥቦች ላይ የተገነባ ነው: ‐
በፍቅር፣ በአክብሮት እና በመቻቻል።
⚀ ፍቅር ያጓደለ አክብሮትን አያጓድል።
⚀ አክብሮትን ያጓደለ መቻቻልን አያጓድል።
ቢያንስ ህይወት በአንጻራዊነት ይቀጥላል። ይህ መርህ ተግባራዊ ከሆነ ፍቺ ይቀንሳል። የትዳር መበታተን ይገታል። በተረፈው ሙሉ ህይወትን ዱንያ ላይ አትፈልግ። የተሟላ ህይወት ያለው ጀነት ውስጥ ብቻ ነው!»

https://t.me/fiqshafiyamh ክፈት / አስተያየት ይስጡ

2022-07-12 10:36:38 አሁንም ሳይረፍድ በዱንያ የመስገጃ ቦታዎን፣ የአኺራ የጀነት ቤትዎን ይግዙ!
እጅግ በጣም ጥቂት ቀናት ብቻ ቀርተውናል። 7.5 ሚሊየን ገደማ ብቻ ሰብስበናል። ሁላችንም በዓቅማችን ርብርብ ካላደረግን በስተቀር ቀሪውን 4 ሚሊየን ከየትም አናመጣም። ወዳጆቼ ሃምሳ ሎሚ ለአንድ ሰው ሸክሙ ለሃምሳ ሰው ጌጥ ነው ይባል የለ?!…
የአንተን፣ የአንቺን፣ የኔን፣ የሁላችንን ጥረት የሚጠይቅ እርከን ላይ ደርሰናልና ጥረታችሁን አሳዩን!
ባረከላሁ ፊኩም! ክፈት / አስተያየት ይስጡ

2022-07-11 19:23:13 ተክቢራ በአይ‐ያም አት‐ተሽሪቅ
===================
«በአይ‐ያም አት‐ተሽሪቅ ቀናት (ከዒዱል‐አድሓ እለት ቀጥለው ባሉት ሦስት ቀናት) የሚደረገው ተክቢራ የግድ ከፈርድ ሶላት በኋላ መሆን አይጠበቅበትም። [በመርሳት ወይም በሌላ ምክንያት] ቢተወውም በተመቸው ጊዜ ሊያደርገው ይችላል።»

ኢማም ነወዊይ "ሚንሃጅ" በተሰኘው መፅሀፋቸው ላይ እንዲህ ብለዋል: ‐ «በአይ‐ያም አት‐ተሽሪቅ ቀናት ሶላት ቀዷእ ሲያወጣ፣ መደበኛ ሱና ሶላቶችን ሲጨርስ፣ ማንኛውም ዓይነት ሱና ሲሰግድ አስከትሎ ተክቢራ ማድረግ ይወደዳል የሚለው [የኢማም ሻፊዒይ] ሀሳብ እጅግ የተሻለ (አዝሀር) የሆነው ሃሳብ ነው።»

ኢማም ኢብኑ ሐጀር አል‐ሀይሰሚይ "ቱሕፋ" በተሰኘው ኪታባቸው ላይ እንዳሰፈሩት: ‐ «ለምሳሌ: ‐ ከዱሓ ሶላት፣ ከዒድ ሶላት እና ከመሳሰሉት ሶላቶች በኋላ፣ ልቅ ከሆኑ ሱና ሶላቶች በኋላ፣ እንደውም ከጀናዛ ሶላት በኋላ ሳይቀር ተክቢራ ይደረጋል። ምክንያቱም ተክቢራ የጊዜው ዓርማ ነው።»

"ሙኽተሶሩ ባፈድል" በበኩሏ እንዲህ ትላለች: ‐
«ከሐጀኛ ውጪ ያለ ሰው ሁሉ ከፈርድም ሆነ ከሱና ሶላት በኋላ ተክቢራ ያደርጋል። ሶላቱ ትኩስም ይሁን ቀዷእ ወይም የጀናዛ ሶላት ምንም ልዩነት የለም። ተክቢራውን ከረሳ ሲያስታውስ ያድርገው።»

የዒድ ተክቢራ በህብረት ብቻ የሚደረግ የሚመስላቸውም ሰዎች ይኖራሉ። ነገርግን ስህተት ነው። ተክቢራው በግልም በጀመዓም እንደሚደረግ ይታወስ።
:
ዒድ ይደጋግመን። በጤናና በሰላም አመት ከአመት ያድርሰን ያድርሳችሁ።
ዒድ ሙባረክ!
https://t.me/fiqshafiyamh ክፈት / አስተያየት ይስጡ

2022-07-11 18:52:10 በመድረሳችን ውስጥ ካሳደግናቸው ተወዳጅ ተማሪዎቻችን መሀል አንዱ ነው። በሀገር ውስጥ ባችለሩን ጨርሶ አሁን ላይ በሎንዶን በትምህርት ላይ ይገኛል። ለጋ ወጣት ነው። በትምህርት ላይ ነውና ፉሉስ አልነበረውም። ነገርግን ከኪስ ገንዘቡ አጠረቃቅሞ በእናቱና በአባቱ ስም ሁለት ካሬ ገዝቷል። ዱዓ አድርጉለት!
:
አላህ ይቀበለው። በልጅነት ከቤቱ ያወጣውን ስደት በስኬት አገባዶ ለሀገሩ ያብቃው። የዱንያም ሆነ የአኺራ ጉዳዩን አላህ ያስተጋብርለት። ለቤተሰቡ የሚተርፍ፣ ወላጆቹን እና ወንድሞቹን የሚደግፍ ብርቱ ያድርገው። ኪሱን ሙሉ፣ እጁን ሰፊ፣ ዐቅሉን የሰላ፣ ቀልቡን ረቂቅ፣ እድሜውን ረዥም፣ ጤናውን ቋሚ ያድርገው። ከምኞቱ በላይ ያውለው!
አሚን! ክፈት / አስተያየት ይስጡ

2022-07-11 18:52:07 ታላቁ ሱፊ ሙሐመድ አል‐ሙርተዒሽ እንዲህ ይላሉ: ‐

«ንፅህናቸውን ተጠንቅቄ እጅግ በርካታ ሐጅ አድርጌያለሁ። ነገርግን ዘግይቼም ቢሆን ሐጆቼ በሙሉ ታይታ የተቀላቀለባቸው ድፍርስ ሐጆች መሆናቸውን አረጋገጥኩ። ይኸውም አንድ ቀን እናቴ በእንስራ ውሃ ቀድቼ እንዳመጣላት የጠየቀችኝ ቀን ነበር። መታዘዝ እጅግ በጣም ከበደኝ። በዚህ መነሻ ሐጅ ስሄድ ነፍሴ የታዘዘችኝ ለስሜቷ የሚሆን ጥቅም ስላገኘችበት እንደሆነ አወቅሁ። ሐጆቼ በሙሉ የነፍስያ ጣጣ የተደባለቀባቸው ድፍርስ ሥራዎች መሆናቸው ተገለጠልኝ። ምክንያቱም ነፍሴ በቁጥጥር ውስጥ ብትሆን ስንት ሐጅ ስታደርግ በሸሪዐው ጥብቅ ግዴታ የሆነውን የእናቴን ትእዛዝ መጠበቅ አይከብዳትም ነበር።»
:
ማስታወሻነቱ: ‐
❶ ደጋግመህ ሐጅ ለማድረግ ለምትናፍቀው ወንድሜ ገንዘብ ካለህና ለሐጅ የምትጓጓው አላህ እንዲወድህ ከሆነ ገንዘብህን የሚሹ በርካታ ጉዳዮች አሉና አትኩሮትህን ስጣቸው!

❷ ገንዘብ አዘጋጅተህ የዘንድሮ ሐጅ ሳይሳካልህ ለቀረኸው ወንድሜ/እህቴ ለአላህ ከነበረ የተዘጋጀኸው አላህ ነው መሄድህንም ያላሳካውና ለምን እንደሆነ ጠይቀው። አጠገብህ ከሐጅህ በላይ የሚጠቅሙህ መልካም ሥራዎች ስላሉ እነርሱን እንድታይ ሊሆን ይችላልና "ኢስተፍቲ ቀልበክ!"

❸ ሐጅ ለተወፈቅከው ወንድሜ/እህቴ ለአላህ ብለህ ሐጅ እንዳረክ ራስህን መመርመር ከፈለግህ ሀገር ቤት ጎራ ስትል ለሐጅ ከ300ሺህ ብር በላይ ስታወጣ ያልተቃወመችህን ነፍስህን ፈትናት። በዙርያህ ላሉ ኸይር ሥራዎችም ፍቃዷን ከቸረች በእርግጥም ነፍስህ ተገርታለችና ደስ ይበልህ። ለመናኛ ብር ከሰሰተች ግን ሐጅህንም ጠርጥር። ሐጅ ያደረግከው ለአላህ ሳይሆን ለርሷ ሳይሆን አይቀርም። ለዚያ ነው አበጀህ ብላ የታዘዘችህ!
https://t.me/fiqshafiyamh ክፈት / አስተያየት ይስጡ

2022-07-11 15:41:45 ዛሬ አያም ተሽሪቅ ሁለተኛው ቀን ነው። እርዳችንን ያልፈፀምን እስከ ነገ መግሪብ ድረስ እድሉ አለን። ኡድሒያ አስቤዛ አይደለም። ዒባዳ ነው። ስጋው ለመብላት ሳይሆን መስዋዒት በማድረግ ወደ አላህ ለመቅረብ እንነይት።
:
«ሱና ዐለል ዐይን» — የነፍስ ወከፍ ሱና ነው የሚሉ ዐሊሞች አሉ። በአንድ ቤት ውስጥ ከአንድ በላይ ዓቅም ያላቸው ሰዎች ካሉ እያንዳንዳቸው በተናጠል ማረድ አለባቸው ማለታቸው ነው። ስለዚህ ድሆችን ማገዝ ያስችለን ዘንድ በርከት አድርገን እንረድ። «ኡድሒያ ደሙ መሬት ከመውደቁ በፊት አላህ ዘንድ ነው የሚያርፈው።»…
:
በዒድ መደሰት የዲን ዓርማ ነው። ተደሰቱ! በመንዙማው ወዝወዝ በሉ። የነሺዳውን ድምፅ ጨመር አድርጉ። ልጆቻችሁን አዝናኑ። ቤታችሁን በልዩ ድባብ አድምቁት።…
:
ከማንኛውም ሶላት በኋላ ተክቢራ ይቀጥላል። እስከ ነገ ዐስር ድረስ። ከነገው ዐስር በኋላም ተክቢራው ተደርጎ ይጠናቀቃል።…
ዒዱኩም ሙባረክ!
https://t.me/fiqshafiyamh ክፈት / አስተያየት ይስጡ

2022-07-08 19:59:44 በጊቱ «በዚህ ዒድ ስለ ምግብ ከመጠየቃችሁ በፊት ቤተሰብ እና ወዳጆቻችሁን ጠይቁ!» ባለችን መሰረት
እንኳን አደረሳችሁ! አመት አመት ከምትወዱት ሳይለያችሁ በፍቅር፣ በሰላም፣ በዐፊያ፣ በበረካ ያድርሳችሁ!
عيد سعيد، كل عام وأنتم بخير وعافية ክፈት / አስተያየት ይስጡ

2022-07-08 17:31:53 ያ ረቢ! ያ ኢላሂ!…
ቀልቤ ጠበበብኝ። ሃሳቤ ተወዛገበ። ጉዳዬ ተበተነብኝ። አንተ ሚስጥሬንም ሆነ ገሀዴን ታውቃለህ።
አንተ ብቻ! እኔን መጥቀም እና መጉዳት ትችላለህ። ጭንቀቴን መገላገል፣ ችግሬን ማቃለል ትችላለህ።
ያ ረቢ!…
ቀልቤን አስፋልኝ። ችግሬን አቅልልልኝ። ጉዳዬን አግራልኝ። ፍጻሜዬን አሳምርልኝ። አሚን!
http://t.me/fiqshafiyamh ክፈት / አስተያየት ይስጡ

2022-07-08 15:19:49 አላህ ሆይ!
ሐጀኞችን በዐረፋ ሜዳ ላይ እንደሰበሰብከው የሙስሊሞችን ቀልብና ሃሳብም በሐቅ ላይ ሰብስበው። ሰልፋቸውንም አንድ አድርገው!
https://t.me/fiqshafiyamh ክፈት / አስተያየት ይስጡ