2022-08-17 03:06:29
በስብዕና ጡብ ኢትዮጵያን መገንባት
የዓባይ፡ልጅ እስሌማን ዓባይ
ከጥንታዊት ቻይና እውነተኛ ታሪክ ውስጥ ተገንብቶ የሚገኝ ..፤ ለመላው አለምም በትልቅ አስተምህሮነቱ ሲወሳ በርካታ መቶ ዓመታት የተሻገረውን አንድ ታሪክ ላውሳላችሁ።
የጥንቶቹ ቻይናውያን ወረሪን ለመመከትና ሰላማዊ ህይወት እንዲኖራቸው በማሰብ ታላቁን የቻይና ግንብ እውን ያደርጉ ዘንድ ምክንያት ሆኗቸዋል ይላል የታሪኩ ጅማሮ። ታላቁን ግንብም በብዙ ሀብት ገነቡ። ከከፍታው የተነሳም የትኛውም ጠላት ሊሻገረው አይችልም በማለት እምነት አሳደሩ..። 21,000 ኪ.ሜ. ርዝመት፣ 30 ጫማ ስፋትና 50 ጫማ ከፍታ .... ታላቁ የቻይና ግንብ በርግጥም የማይበገር ኃያል ነበር። ነገር ግን...
ግንቡ እውን በሆነ የመጀመሪያው ክፍለ ዘመን ነበር እንደወትሮው ሁሉ በጠላት ይወረሩና ጥቃት ያስተናግዱ የጀመረው። ሶስት ጊዜም የጠላት ወረራ ሲከታተልባት ግንቡ አልታደጋትም...። ያንን ያክል ግዙፍ ግንብ አልፎ ጠላት መሻገር የቻለው እንዴት ይሆን? የጥንቷ ቻይና ትልቅ አገራዊና አሳሳቢ አጀንዳ ሆነ።
በያንዳንዱ ወረራ ግዙፉ የጠላት እግረኛ ሀይል ታላቁን ግንብ መደርመስም ሆነ መንጠላጠል አላስፈለገውም...፡፡ እንዲሁ ሰተት ብሎ ነበር በበሮቹ እያደረገ የሚገባው፡፡ እንዴት ለሚለው ነገሩ ቀላል ነበር..። ለግንቡ ጥበቃዎች ጉቦ ይሰጣሉ፡፤ ከዚያ ነገሩ ሁሉ ያበቃለታል። የሃያሉ ግንብ ሁሉም በሮች ለጠላት ተከፈቱ... እነዚያ ጠባቂዎች ሀገራቸውንና ብሄራዊ ስብእናቸውን በሰባራ ሳንቲም ይሸጡ ስለነበር...። የሀገራቸውን ክብር ጠላት በገንዘብ ሸተው... በተቆለፉ በሮች በኩልም በቀላሉ በመግባት ሀገሪቱን ለወረራ ዳረገ።
ቻይናውያን ጠላትን ለማስቆም ግንቡን እንጂ በግንቡ ወሳኝ በሮች ላይ የቆሙ ጠባቂ/ወታደሮችን ዘንግተዋቸው ነበር፤ የግንቡን ጠባቂ ቻይናዊያን ስብእና መገንባቱ ተረስቷል።
"የመልካም ሰው ጥሩ ቃል ደረጃው እንደ ማሰሪያው ነው" ይባላል።
ታላቁ ግንብ የሀገሪቱን ዘላቂ የብርታትና የመንፈስ ጥንካሬ ምልክትነቱ ጥርጥር ባይኖረውም ነገር ግን ቻይናውያን ኋላ ላይ የተማሩት ቢኖር ወራሪን ለመገደብ ከረጂሙ ግንብ በበለጠ ጠንካራ ስብእና የተላበሰ ማህበረሰብ ነው የሚለውን ነበር። በዚህም የሰውን ባህሪ መገንባት ላይ ማተኮር ።
አንድ የትውፊታዊ ታሪክ ምሁር፡- “የአንድን ሀገር ስልጣኔ ማፈራረስ ከፈልግክ መንገዶች ሶስት ናቸው" ይላል። እነሱም
1. ቤተሰብን ማፍረስ
2. የትምህርት ስርአቱን ማፍረስ
3. መልካም ምሳሌና የአርኣያ ሰዎችን ስብእና ማጠልሸት
ቤተሰብን ለማፍረስ እናት ሚናዋን እንዳትወጣ አድርጋት፡፡ “የቤት እመቤት” በመባሏ እንድታፍር አድርጋት፡፡
የትምህርት ስርኣቱን ለማፍረስ አስተማሪው ላይ አነጣጥር፡፡ ህብረተሰቡ ጋር ያለውን ቦታ አሳጣው፡፡ ተማሪዎቹ ይንቁት ዘንድ ደረጃውን አውርደው፡፡
አርአያዎችን ለማፍረስ ምሁራን/መምህራን ላይ አነጣጥር፡፡ እነሱን አንቋሻቸው፡፡ ዋጋ አሳጣቸው፡፡ ማንነታቸውን ሰዎች እንዲጠራጠሩ አድርግ፡፡ ያኔ ሰዎች አይሰሟቸውም፡፡ አርአያም አያደርጓቸውም፡፡ ታዲያ፣ አስተዋይ እናት ከጠፋች፤ ከልቡ የሚያስተምር መምህር ከጠፋ እና አርአያ ሰዎች ዋጋ ሲያጡ፤ ማነው ትውልዱን በመልካም ስነ-ምግባር የሚያንፀው? ሀገርስ እንዴት ነው የምትገነባው?
Esleman abay
#charactereducation #BuildEthiopiaTogether
2.9K views00:06
E
